一樂冰室

營業中

休息中

今日（14-12-2024 Sat），同老公整啲後食晏，由於都仍要整喇，所以唔落荃灣喇，決定食呢間，坐低睇menu，發現今日嘅午餐唔吸引，於是散叫，老公要咗：2. 跟餐嘅熱杏霜好耐冇飲，所以叫呢個，唔落糖，都已經夠甜，味道幾濃，OK。4分1. $59.00嘅日式蒲燒鰻魚飯老公食晒，我只食一舊仔鰻魚，正常腍同甜。老公就話啲飯硬。3. $57.00嘅咕嚕雞球飯睇到幾多料，炸得外脆，但雞肉唔多，汁偏酸唔緊要，但好膩；飯嘅軟硬適中。3.8分4. 中湯食食吓，另一個女店員行過時話呢喥兩碗湯。之後就到，我哋唔理咩事，照飲啦，睇到有菜乾同紅蘿蔔，飲落，唔鹹，紅蘿蔔嘅味道偏多。3分呢篇食評嘅味道分唔計鰻魚飯。服務：老公叫人落單，個女店員問我哋係咪落單。真攪笑，唔係落單做咩叫你落單？落完後，老公話係咁多，佢問唔飲嘢？我答係，佢嘅態度好似好不滿我哋只嗌一杯嘢飲。落完單佢就幾將張單掉落張枱喥。2.5分抵食係2.8分上次食評係2024年9月3日刊登嘅呢篇： https://www.openrice.com/zh/hongkong/review/%E5%85%B6%E5%AF%A6%E4%B8%89%E6%96

今日(23-8-2024 Fri)同老公放假,瞓晏咗,食個brunch先,去邊喥食?由於要執嘢,老公話唔去得遠,咁呢喥似樣啲嘅就係呢間,於是走嚟,嚟到時都冇乜人,搵張卡位坐低後睇menu,決定要:3 - 4.  跟餐嘅熱奶茶同熱檸水熱奶茶唔算好熱,奶味多啲唔澀,可接受嘅.2.5分1. $52.00嘅全日早餐我揀蒜香雞扒,有炒滑蛋,火腿,腸仔,丹麥酥同茄汁豆丹麥酥,茄汁豆,火腿正常冇問題;蒜香雞扒煎得脆,內裡juicy,味道都冇乜問題;炒滑蛋係真係好嫩滑;但腸仔竟然係好腍.3.33分$42.00嘅香煎豬扒,雪菜雞絲通豬扒同通粉都正常冇問題;而雪菜雞絲就有啲辣味,個人唔係咁鍾意.3分環境:冷氣開得夠大.抵食係2.7分上次食評係2024年4月22日刊登嘅呢篇:https://www.openrice.com/zh/hongkong/review/%E6%9C%89%E6%B2%99%E8%8C%B6%E7%89%9B%E8%82%89%E9%A3%9F-e5428002

✨星期日通常都係出街食，今日去左屋企樓下間冰室食早餐，同屋企人都叫左沙爹牛通、熱檸茶。🍜✨一份叫了太陽蛋🍳、牛油厚多士、腸仔；另一份叫左炒蛋、方包🥪、腸仔。太陽蛋煎得幾靚，炒蛋份量都幾多。✨朝早10點幾唔算多人，坐得都幾舒服，整體都ok，上餐都算快。

前日（1-9-2024 Sun）朝同老公食完早餐至去買餸，原本去大快活，但眼見冇位，於是嚟呢間，嚟到都冇乜位要搭枱，但職員話我哋知重有一張枱唔使搭枱，去到，係一張工人位，是但啦，由於我哋食咗30-8-2024（Fri）晚買，食剩3件嘅班蘭瑞士卷，所以都唔太餓，老公睇完menu話要$33.00嘅鹹牛肉蛋治，飲熱奶茶。我就要$35.00嘅千島醬吉列魚柳包，都係要熱奶茶。熱奶茶先到係必然，茶味都係唔太濃，唔澀但滑嘅。2.8分之後鹹牛肉蛋治到嚟，睇見鹹牛肉唔多，炒蛋幾嫩滑，食落，方包鬆軟，味道正常好味，唔錯。5分然後我嘅千島醬吉列魚柳包到嚟，呢個醬料份量啱啱好，成個包都好正常冇問題，只係吉列魚柳好少少硬。4.8分抵食係2.5分上次食評係2024年8月23日刊登嘅呢篇:https://www.openrice.com/zh/hongkong/review/ok-e5640681

昨晚勁大雨就落樓下餐廳食小菜，一坐底8:10PM就叫了： 翠玉瓜腰果炒牛柳粒+ 鹹蛋馬蹄蒸肉餅，牛柳粒好快就送到，但肉餅等了半小時都未有要不停吹，飯已經凍哂，從未食過腰果煮餸完全係淋嘅， 啲肉餅又勁難食冇味， 好大陣豬肉騷味，一句講哂難食🤮，又貴

前日（20-4-2024 Sat）朝同老公食早餐，食邊間？我哋求其去呢間食，入到去都仍有位，坐低後睇menu，見到有自選早餐，我$42.00嘅蒜香雞扒沙茶牛肉通粉飲熱檸水，老公要$36.00沙爹牛肉腸仔公仔麵，都係熱檸水。冇耐，一杯熱檸水到嚟，然後就係我嘅蒜香雞扒沙茶牛肉通粉。先食沙茶牛肉， 牛肉好嫩滑沙茶醬感覺比沙嗲溫和 冇咁辣幾好食;蒜香雞扒係煎脆過，不過浸咗喺湯喥所以冇咁脆，味道亦啱啱好，好味;通粉口感正常，但份量少，食完晒之後啲湯都可以飲，係幾溫和幾好味。5分熱檸水就正常冇問題。4分老公嘅嘢食就等得幾耐至到齊，而我睇返menu，其實佢嗰個唔係沙爹牛肉都係沙茶牛肉，咁我都食下一舊，果然都係沙茶牛肉，而腸仔就唔係廚師牌嗰隻鹹嘅腸仔，反而呢個冇咁鹹，但味道有少少怪，而口感亦都係腍啲，但老公竟然話鍾意食呢隻腸仔。抵食係2.7分上次食評係2024年3月13日刊登嘅呢篇:https://www.openrice.com/zh/hongkong/review/%E8%A6%81%E5%87%BA%E5%8A%B5%E8%87%AA%E6%95%91-e5349230

噚晚（12-3-2024 Tue）因為我要去醫院探亞叔，老公唔去，咁佢就負責煮今日嘅飯盒，咁晚飯我就買返屋企食啦，食咩呢？麥當勞?我記起早前呢間派咗現金劵，冇理由之前幫趁咗咁多次，依家有優惠唔用，所以決定叫呢喥嘅外賣。我返到屋企先睇coupon連menu揀定，就要$72.00香煎西檸軟雞同$56.00嘅經典楊州炒飯，外賣每個加$2.00，就$130.00，可以用劵減$10.00，即係$120.00。落單後我話一陣自取，佢就叫我預15分鐘後有。咁我差唔多時間去攞喇，去到俾咗錢等多陣就整好。拎到返屋企，兩盒都熱，我哋開動喇。經典楊州炒飯，材料有蔥，蛋，火腿同叉燒，冇炒得過火，飯粒分明，鹹淡適中，冇期望嘅叉燒竟然好啲驚喜，係甜甜地，又唔太柴。而香煎西檸軟雞呢?見到好深色，食落炸皮仍脆，西檸汁味道嘅酸甜度係偏少少酸，但可以嘅，不過我覺得密密食嘅好食啲(食評係2023年12月31日刊登嘅呢篇:https://www.openrice.com/zh/hongkong/review/%E5%A5%BD%E5%91%B3%E5%85%A9%E9%A4%B8%E9%A3%AF-e5215736)，可能佢

乾炒牛河好足料，牛肉大大塊都有好幾舊，成個牛河唔會太油，有啲燶邊，但略嫌有啲濕唔夠乾身。調味適中，整體味道ok!奶茶紅豆冰好好飲👍🏻 碎冰上，奶茶本身都好飲，紅豆唔會太甜

25-2-2024(Sun)朝,去完教會嘅老公返嚟同我食早餐,佢去搵位坐低先,我去到睇完menu,就決定要:2. 熱檸水留到最後食完嘢至飲,我篤檸檬都唔係篤得好犀利,但都澀,飲剩半杯飲唔落.1分1. $44.00嘅歐陸扒餐我揀蒜香雞扒,配固有嘅火腿,腸仔,茄汁豆,炒滑蛋同丹麥酥.蒜香雞扒味道唔濃,冇煎脆過;腸仔唔係普通雞肉腸,唔太鹹,不過味道有啲奇;炒滑蛋係滑;火腿同茄汁豆係來貨,正常冇問題;丹麥酥烘得好脆,但好甜,不過都唔關佢事,來貨本身係咁.3.42分3. $56.00嘅辛辣麵餐老公揀香煎豬扒配固有嘅火腿,炒滑蛋同丹麥酥.同老公share豬扒,睇見件豬扒好薄,大約8毫米厚吧,由於已經浸咗喺辛辣湯喥,所以一食就已經係辣,口感冇問題,就係咁.至於麵,老公冇任何comment,佢只係話塗太多牛油喺佢嘅丹麥酥,佢食之前都刮走啲.豬扒: 1.5分4. 加$3.00嘅凍奶茶少甜呢杯係老公嘅,我試飲吓先,味道好淡.老公飲完後,我睇見大半杯都係冰粒.不過都好,因為最後我哋自己斟水時,啲水好熱,可以加呢啲冰.1分服務:原本我係叫$52.00嘅全日早餐,落單時,店員指住歐陸扒餐叫我叫呢個,唔使咁貴.啊

雞翼冇左半邊⋯廚房上菜前唔睇下食物就出枱？定係冚住咗當個客傻仔懵吓懵吓食咗就算？明白新年期間會多客但係都要盡反做廚房嘅責任！餐由試業到今日都已兩個月啦！食物質素和味道越嚟越差！請有關人仕了解下！條邨係冇乜餐廳～但係邨民可以落去荃灣囉！本來話有下午茶不過改為3點～突然間見人多就取消今日冇下午茶咩餐廳嚟架！撳住搶⋯咁做生意下次都唔幫襯！😡😡😡

食物質素好普通，份量完全唔夠！樣樣都勁細碟！最離譜係啲價錢！簡直係笑話！完全唔係屋邨價！貴過哂市區啲茶記總括嚟講，食物好一般，份量不足，價錢唔合理，唔會再幫襯！！

石圍角開咗啲間新嘅茶餐廳， 都係要試下， 睇下啲嘢o唔ok。 食物方面質素一般， 冇咩特別， 正常早餐一份，收$42。 但係絕對要留意嘅喺， 服務態度， 同埋你自己係唔係趕時間。 如果早上食完， 要趕住搭車返工嘅人， 真係要認真諗一諗。 點解呢？... 因為你入到去， 雖然冇咩人(可能我較早)， 大約只係幾枱左右。 但係所有服務員都唔會睬你， 冇人會幫你寫嘢， 叫極都唔睬。 佢哋會叫你搵第二個寫， 第二個又唔望你唔睬你， 總之冇人會理你， 態度差到一個點。 感覺就好似， 你食就食，唔食就走， 完全冇所謂。 個個都企喺度hea， 成間舖頭個個都一樣。 簡單嚟講， 成間舖頭都係超慢超hea 。如果你真係完全唔介意， 完全唔趕時間。 即係好等得， 好受得氣，就可以試一試。

公司附近新開餐廳，看餐版有乾炒牛河，正合我意，便坐低一試。每日午餐都有6款特價，連餐飲54至50大元。今天想吃的款式只能散叫。打開餐版卻比肉絲炒麵吸引了。無他，和乾炒河粉一樣是手工菜，不能急，要用心才能好吃。下單後不到四分鐘就上枱，一看就知水準以下。炒麵火喉遠遠不夠，麵身腍身，沒有絲毫脆的感覺。肉絲和冬菇絲份量倒是足夠，油份也不少，吃到尾不敢清碟呢。可能因為正值午市時間，單太多要清單，廚房不能花太多時間在每道菜吧？坐位很寬闊亦很光猛，環境倒是不錯的。

2-1-2024（Tue）爸爸回魂夜，由於佢返嚟嘅時間係好早，所以我哋set up晒嘢後就要離開迴避，咁我，老公同亞姨，一齊去食晚飯。食邊間?大快活定麥當勞?老公話呢間，咁就嚟啦。可能係平日夜晚，唔使等位，我哋被安排坐卡位，睇完menu後，今次我亞姨要焗飯，分別要咗$58.00嘅鮮茄焗厚切豬扒飯同$61.00嘅鮮茄焗野菜牛脷飯，老公要$52.00嘅全日早餐，揀吉列魚柳，飲熱好立克。當然，熱好立克好快到，呢啲正常啩。然後老公嘅全日早餐到嚟，睇見件吉列魚柳炸燶咗。呢個餐重有腸仔，火腿，炒蛋，茄汁豆同丹麥酥，但依家睇返冇茄汁豆，係漏俾定用咗青瓜同留茄片代替?而我睇見丹麥酥上塗咗牛油，我就完全冇食過呢份餐，老公就話正常冇問題。而焗飯呢？兩個同一時間到，我撩起我嘅焗牛脷飯睇，牛脷有兩件，味道濃郁，芝士份量啱啱好，令個飯幾好味;不過真係飯多餸少。我都冇亞姨嘅厚切豬扒，所以呢篇食評嘅味道分只計我嗰份。上次食評係2024年1月2日刊登嘅呢篇: https://www.openrice.com/zh/hongkong/r-%E4%B8%80%E6%A8%82%E5%86%B0%E5%AE%A4-%E8%

26-12-2023（Tue）晚，我，老公同亞姨太忙唔煮飯出街食，我建議試新開嘅呢間。嚟到時冇位，有客人散開企唔知係咪等位，老公就行去攞位，店員指話出面排隊。老公就企喺門口等，我話唔知其他等緊嘅係咪等位，佢哋又冇排隊繩或俾飛。之後有其他客等，店員就俾飛。等多陣就有位，睇完menu，老公要平日$98.00，星期六及假日$108.00嘅枝竹羊腩煲，飲熱菜蜜。亞姨要$78.00嘅W2，蒲燒鰻魚拼蒜蓉汁漢堡扒意大利粉，要熱檸水。我要$55.00燴蒜香雞扒飯，飲熱奶茶。等咗一陣，我嘅熱奶茶到嚟，飲吓先，好淡冇茶味。1分然後燴蒜香雞扒飯到嚟，超快。見到嘅似係黑椒汁，食落，果然係，好彩唔係太辣，接受到;雞扒有煎脆嘅但冇乜蒜蓉味，可能被黑椒汁蓋過喇。4分而原來我冇為意汁係可以揀，落單時店員亦冇問。之後熱檸水同熱菜蜜都到嚟，我冇問佢哋覺得點。蒲燒鰻魚拼蒜蓉汁漢堡扒意大利粉，不過冇意粉轉咗做飯，亞姨俾啲蒲燒鰻魚我食，我覺得正常好甜，其他冇試到。4分之後老公嘅枝竹馬蹄半腩煲到嚟，都幾大煲，但見到有好多筍，我試吓先。羊腩一啲夠腍一啲唔夠，但冇羶味;其他都Ok。5分不過漏咗飯同例湯，要提佢哋，其實有兩枱都係咁。