影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
今日放學同朋友嚟咗旺角食午餐。經朋友推介，我哋嚟咗位於通菜街嗰頭嘅一生懸麵。餐廳主打拉麵、沾麵同各款日本小食。餐廳亦都好貼心，大家可以自由選擇麵條硬度。雞白湯拉麵 $95雞白湯好濃郁！雞味好濃，而且好creamy，拉麵都好掛湯。正常硬度嘅麵條質感啱啱好，帶少少彈牙。配料方面，會有兩件叉燒同兩片雞胸肉。叉燒同雞胸經由慢煮嘅方法烹調，食落較嫩口，兩者都係輕輕用黑胡椒做調味。另外，仲有一隻糖心蛋，糖心蛋非常流心，整得好好，充滿甜醬油味。牡蠣沾汁麵 $138另外，朋友試咗個今期期間限定嘅沾麵，換咗蠔嚟做主題。配料一樣非常豐富，有慢煮叉燒、慢煮雞叉燒、燒洋蔥、炙燒廣島蠔、炙燒豚肉同半熟蛋。廣島蠔好新鮮，介乎半生熟狀態，食到淡淡嘅海水味。炙燒豚肉肥瘦相近，表面輕輕燒過，食落香好多。章魚燒 $29章魚燒即叫即整，表面有紫菜、沙律醬、木魚絲。章魚燒外皮香脆，內裡軟淋淋，好正宗。唐揚雞粒 $35唐揚雞粒一樣新鮮即炸，熱辣辣，好大件，配有沙律醬可以點。炸雞外皮香脆，內裏雞肉嫩滑，多汁。
繼續閱讀
今次去一生懸麵試咗佢哋嘅海老沾麵，真係好味，值得俾4.5分！好多嘢都可以由客人自己揀，例如係面嘅軟硬咁，真係好似日本嗰啲拉麵店。❥ 海老沾麵海老沾麵嘅麵條彈牙，沾醬濃厚，每一啖都能感受到鮮甜。佢嘅香味亦好突出，搭配上特製的醬汁，真係好開胃。值得一提嘅係，份量啱啱好，食完唔會覺得太重，但又能令人滿足。而且，佢哋嘅配料都相當豐富，海鮮新鮮，口感一流，令人忍唔住想食多碗。整體嚟講，海老沾麵不單止味道出色，仲有獨特的風味，值得一試！
繼續閱讀
呢間位於旺角既拉麵店係好出名，成日經過都見到好多人排隊，今日就特登約同事lunch黎試下先，我12點去到岩岩開門，唔夠2分鐘入面已經坐滿左人，呢度既服務超好，成個裝修都比較日式既舒適風，令人覺得好relax，仲有限定拉麵同咪好多人推薦既餃子🥟同炸雞🍗我地試完都得好正，超推薦🌟醬油味雞湯拉麵我叫左個期間限定既拉麵套餐，入面有一大塊既豚肉同一舊雞胸肉，d豚肉係切到好薄身🍜一咬就爛，2就肉都係超嫩口，仲有溫泉蛋，d拉麵分量係岩岩好，仲可以揀拉麵既硬度，以醬油為湯底，鹹香鹹香比較清爽🌟雞白湯拉麵個湯底真係好濃郁，成個湯底都係奶白色既，好creammy好濃既雞湯味，肉眼就可見有2大塊好大塊既豚肉同咪雞胸，d全部都整到好嫩口，一邊食拉麵🍜一邊飲咁濃郁既雞白湯真係好正，超真材實料🌟章魚燒一份有成5粒，岩岩燒完係熱辣辣好好食，點咪d醬汁，超香口，一啖一個🌟燒餃子每隻餃子都煎到雙面都係金黃色既🥟食落去係好香脆，入面仲要包滿料，好juicy，外脆內軟，真係好正🌟烏龍茶
繼續閱讀
《一生懸麵》塩味雞🐓湯拉麵🍜📍旺角通菜街73號地舖香味 (2.5/5)因為塩本身冇味，論香味，不嬲塩拉麵都比較蝕底d。雞油嘅香味淡淡然，唔係太明顯，而個雞湯本身嘅香味都有不過得少少。湯 (3.5/5)我覺得算係我鍾意嘅淡麗風，鹹度中偏淡。呢個湯反而唔係鹹鮮味同雞味行先，一來就係鮮甜味，雞味緊隨。整體都係好飲，算係有記憶點嘅一款湯。麵條 (4.5/5)中細麵，小曲，高加水。以高加水麵來講都算稱職，滑溜又爽滑。因為個湯本身偏清淡，麵嘅味道係清楚食得到。特別想讚一讚，呢款麵由頭食到尾，都冇嘅鹼水味，就算有都係僅僅的一丁點。如果你討厭鹼水味嘅話，你一定喜歡呢款麵。配料 (3/5)雞湯麵，配料嘅主角當然係雞叉燒啦。慢煮雞胸，算滑但唔算嫩，口感反而偏爽。可惜肉味相當的淡，我不斷說服自己呢塊係雞肉咁去食，認真麻麻。再來豬叉燒。睇肉嘅紋理似係豬肩肉，都係慢煮，偏瘦但因為慢煮關係，口感都尚算軟熟。肉味都係偏淡，冇豬肉應有嘅甘香。筍乾方面，有好有壞。味道係唔錯，不過有條有渣有條冇渣，質素參差左d。溏心蛋係好值得重點一提。生熟度一流之餘，個塩味係神奇地入左個黃，而個蛋白反而係jj較淡身。因為個黃夠晒蛋香又夠味，配個淡口嘅蛋白去食，個反差令我留下非常深深印象。可惜嘅係，叉燒部分有d失色，隻蛋更好食都唔能夠單天保至尊。整體 - 小推薦 👍越來越多店做塩味雞湯麵，有d店嘅質素比呢間店明顯優勝。但基於呢碗麵論性價比係唔錯，而個塩雞湯本身幾好味，麵好食，同隻蛋神奇地好食，所以絕對有一試嘅價值，因些小推一下。
繼續閱讀
今日見多面滿座，行去通菜街逛一逛，發現一生懸面麵難得排果廿幾人，立即上前霸返個位！好好彩，原來有醬油味雞湯、鹽味雞湯 ，立即兩個都試，兼加麵加叉燒，果然冇令人失望，最欣賞係加麵等你食到一半近尾才上枱，整體禮貌又衛生，食完又唔會口渴。不過價錢唔算平，舖頭入邊空間唔算大。
繼續閱讀