一町目茶室 (一門町市場)

營業中

休息中

近排一到週末就落大雨，所以一切戶外活動都做唔到，無得行山，無得踩單車，最佳節目就喺同老婆平平哋睇早場。呢個星期六又嚟到「荃新天地二期」睇戲，睇完剛好11:30am左右，喺地下層打個轉睇下有咩餐廳啱食，初頭以為呢間「一町目茶室」喺食日本嘢，其實喺間茶記，餐牌貼晒喺門口，睇落啱食喎，所以，就選咗喺度食午餐。內部裝修其實感覺都有少少日系，一室以鮮紅色為主調，配以淺木色系嘅傢俬，感覺幾舒肢。由於我哋嚟得早，就算得兩個人都可以揀坐入門口左邊嘅4人卡位，故此，坐得更寫意。但隨飯市開始，就越嚟越多客人。如果唔睇餐牌，唔拉開側邊擺餐具嘅櫃桶，淨喺睇店名同裝修，真喺以為佢買日本菜，哈哈。喺門口已經研究過佢嘅餐牌，有咩食先入去，所以，入到去即刻二維碼落單，不過，都影番啲餐牌俾大家參考。法式龍蝦湯蝦球烏冬 $76老婆一向都偏愛烏冬，加上呢個配白肉，更加啱晒佢口味，簡直喺不二之選。雖然嚟到個烏冬比餐牌相片有好大落差，賣相做得有啲hea，唔喺咁靚仔，不過，味道方面絕對稱得上高水準，因為第一個龍蝦湯味道真喺好濃郁，蝦鮮味突出；第二就喺啲蝦球睇見都知高質素，又大隻，色澤新鮮，入口鮮甜，非常爽彈；第三就喺個烏冬煮得咬

這家餐廳轉型為茶餐廳後，多了很多客人幫襯。午市套餐由$56至$65不等、常餐$58起（沙嗲牛麵、雪菜肉絲麵、牛柳粒羅宋湯通粉、叉燒通粉粉 + 櫻花蝦炒蛋）今天，我倆試試他們的常餐雪菜肉絲麵。雪菜是新鮮的，味道甜甜酸酸，肉絲很新鮮嫩滑，帶點辣，算是有水準之作；櫻花蝦炒蛋多士，多士烘得剛剛好，雞蛋是炒滑蛋，不錯！這家餐廳開業時是走日式風格，有以日式咖喱、拉麵烏冬等菜式為主，價錢是中低檔，客人不多，反而轉型為茶餐廳後，稍微調低了價錢，更見吸引。

嗰日好想食常餐飲熱奶茶，雪菜肉絲米雖然唔係好出色，但都可以接受。而我最期待係炒蛋多士配熱奶茶，可惜杯奶茶勁多奶冇茶味，飲咗兩三啖都係頂唔順，問侍應杯奶茶太多奶可否加返啲茶，佢去問收銀個男人，跟住返返嚟話唔可以。。。。。。。。。。。。。。。。。。。。。。。。。。。。。。俾錢嗰陣我先生同收銀個男人講聲杯奶茶太多奶，佢回應一句: ”重手咗呀?!”。。。。。。。。。。。。。。。。。。。。。。。。。。。。。。

睇圖就知，唔想再講，小佢都嘥氣完全貨不對辦，相信影到好似好靚，仲以為係佢哋嘅招牌菜，但係嚟到成pat 螢光汁，一啲都唔開胃，啲汁完全冇蝦味，啲蝦都係白烚，完全冇味！啲汁仲要係杰 tart tart, 食咗兩啖已經放棄咗！ 真心難食！奶茶，多士，都還可以，但係真係唔建議叫黑松露炒蛋， 黑松露醬太多又冇乜黑松露味，得個鹹字！總結， 如果呢個餐係大排檔$36我覺得還可以！但係茶仔收我8兜嘢仲要質素咁差，我真係唔得囉！

住附近，經過好多次，今次一條友就諗住試下呢間，掃QR code落單但係個app又無相睇，餐牌又無相睇，叫咗個午餐，甜酸醬豬扒腸飯，心諗應該唔會伏得去邊，但係黎到，啲飯嘅份量係好夠嘅，但難食⋯⋯啲豬排勁乾，啲飯又勁乾，乾到好似放咗係雪櫃一晚咁樣，乾到唔知點食，成餐飯食得好辛苦，係唔係啲師傅因為要整炒飯所以就將所有飯都煮到咁乾身？但係唔係個個都叫炒飯食嘛，唉早知食番譚仔，豬排都算，煮飯落多啲水係咪真係咁難？

叫了一個常餐和一個焗飯，賣相還不錯。常餐的主食叫了羅宋湯牛柳粒米粉，配常餐一貫有的火腿炒蛋和牛油多士。牛柳粒又硬又柴又駭口，非常非常難吃。米粉煮得有點過軟，沒有彈牙的口感。幸好炒蛋做得還好，手機下單的時候可以要求比較生，炒蛋很厚滑很好吃。火腿也煎得剛剛好，可以說火腿和蛋已經是整餐飯裏最好吃的東西了。牛油多士切得很厚身，但是明明沒有放很久已經變硬，一點也不脆。海鮮焗飯驟眼看很像還不錯，味道也正常，可惜沒多少海鮮。全場總共就沒多少枱客人，竟然也可以做得這麼沒有心機、缺乏水準。總括而言，價錢比茶記貴，但食物質素比茶記差。

睇完戲9點幾，唔多餐廳選擇，見佢未last order 就試吓～入門口侍應都有介紹下招牌菜 ，晚市之選$88 有個細餐湯 細沙律同餐飲 我覺得都ok~餐湯 個碗就hea d，本身就咁睇無咩意欲想試，但飲落我覺得比平常一般既好飲d，最後我有飲哂～炒飯我覺得係有誠意👍🏻 眼見都唔少蝦～餐飲無咩特別～ 焗飯ok~ 我覺得無期望黎講係有驚喜，感覺野食唔係hea先～ 覺得可以一試，咁當然未去到勁好食啦 但對得住個價錢其他店員都有禮貌👍🏻值得寫下食評支持下～加油💪🏻

@icchomechaya unique fusion of chinese and japanese cuisine 一町目茶室 日系特色中華料理 🥪 一町目夾心三文治 HKD$29午餐肉 蕃茄 生菜 層次豐富 價錢親民🍜 輕量版泡菜湯自家製叉燒烏冬 HKD$48 泡菜湯酸辣惹味 叉燒軟腍 烏冬煙韌掛湯 ☕️ 即磨鮮奶咖啡 下午茶+ HKD$0🍋 凍檸檬茶 下午茶 + HKD$4📍 @citywalkhk荃灣楊屋道18號荃新天地2地下一門町市場 🇭🇰

荃灣友又出沒試新野，今次去左荃新天地2期，個到新開左日本風嘅食街叫一門町市場，宜條街係12月先開，入左都有好多間餐廳小店，又有d 小檔玩以前細個d抽波波，去唔到黑門 🇯🇵都有個一門町頂住先，行左個圈都有幾間想試，先試左宜間叫 一町目。茶室，其實最主要係俾佢個脆脆麵吸引左🥰🥰地獄雞柳蝦仁炒麵$76個汁唔算辣，不過有火喉，好惹味，仲要唔算貴，讚👍日式咖哩滑蛋飯配低溫慢煮牛舌厚切$82牛舌好淋唔羶，好好食，有成3舊，又厚又大舊，超足料，勁推😋😋七味炸雞$33唔會炸到好乾，唔似出面個d 得舊粉飲品跟餐加錢阿華田奶蓋好濃奶蓋，但又唔會搞到成杯得個奶味，啱哂我宜d 小朋友口味🥤士多啤梨奶蓋果味野最怕就係假甜味，宜杯冇假士多啤梨味，幾fresh🍓

一町目茶室今次介紹喺荃新天地2地下一門町市場內一間叫「一町目茶室」，一門町市場籌備多年，終於喺上年12月16號正式開幕，掃完「青蛙仔」未夠飽，見到呢間menu好吸引，一於入去食個下午茶先！一坐低店員會遞上兩杯清水及前菜小食兩碟辣味大豆芽，呢間餐廳算大，超方便輪椅人士入去食野！1.日式咖哩滑蛋吉列豬扒飯$66+抹茶紅豆芝士奶蓋$20（原價$40）（10/10）呢個吉列豬扒飯個日式咖哩係甜甜地，豬扒係薄切，炸粉唔厚，炸得好脆，豬扒已經切咗條，一共有5條，滑蛋好滑，飯就食得出係日本米，其他配菜有合掌瓜、8分1舊粟米、紅蘿蔔、西蘭花等！抹茶紅豆芝士奶蓋：原價$40，跟套餐半價，芝士奶蓋超多，抹茶味算濃，杯底勁多紅豆，好似飲緊紅豆沙咁，超好飲！2.日式咖哩滑蛋唐揚炸雞飯$66+凍黑糖仙草奶茶$15（原價$30）（9/10）呢個滑蛋炸雞飯個日式咖哩係甜甜地，4舊有少少咸嘅炸雞，炸得好脆，滑蛋又好滑，飯就8食得出係日本米，其他配菜有合掌瓜、8分1舊粟米、紅蘿蔔、西蘭花等！凍黑糖仙草奶茶：原價$30，跟套餐半價，奶味重，仙草超多超大舊，都算好飲！3.明太子手羽（兩件）$33（8/10）雞翼炸得好脆，仲

無意中同朋友行行下街，發現荃新2樓下竟然有呢個新食街，話說呢期少少手緊，都想搵d平食。 呢家餐廳向最出面，見佢飯麵都有d，見到有人叫個炒麵好似幾唔錯就入咗去。叫咗個地獄雞柳蝦仁炒麵，炒麵底好脆，d汁唔會太多，所以食到最後都仍然食到有脆嘅。配料嘅雞柳同蝦都算多。為咗個麵底覺得可以再encore。另外叫咗個咖哩滑蛋飯配低溫慢煮牛舌，牛舌都幾大舊，炆得幾淋嘅，蛋都夠滑。飯係用珍珠米幾有誠意，但飯量實在太多。 加上咖哩汁唔夠多嚟撈飯，少可惜。

【港日fusion。特色茶室】荃灣是香港其中一個人口密集的社區，也是雲集美食的地區。 這是一家是港日fusion的茶室位於一門町食街裡，餐廳走紅白日本風格，其中一條扶手電梯下去就會第一眼看到的。價格很親民，菜式融入了日系餐點元素。❈ 九州豚骨濃湯手打烏冬配和風汁燒雞扒 HK$78 湯底是豚骨濃湯，配上彈牙烏冬十分融和。燒雞扒很香有肉汁，如果可以分開上會更加分。晚餐之選附送餐湯、沙律、飲品。值得一提是蕃茄湯帶點微酸很醒胃。❈ 咖喱滑蛋低溫慢煮牛舌厚切 HK$82 （+熱阿華田 HK$12)咖喱滑蛋應該是餐廳招牌之一。 3大塊牛舌份量很足。咖哩是日式口味， 味道香濃而不辛辣。牛舌偏軟有厚度，帶來軟嫩口感。❈ 明太子醬手羽 HK$34雞翼是單骨的，方便進食。淋了明太子醬在雞翼上，夠滋味。❈ 七味炸雞 HK$33一口雞粒很酥脆，且不油膩，很適合做餐前小食和朋友一起分享。

❤️《荃灣新地標美食街》— 一町目茶室 (一門町市場）平時去開荃新天地1期覓食嘅我哋，最近知道荃新天地2期開咗個日本風格嘅美食街，所以朝聖一下睇吓有啲咩嘢食先！🤩「一門町市場」於12月16號喺荃灣荃新天地2期地下正式開幕，入面有十多間大大小小嘅食肆同埋娛樂商店，又可以玩又可以食😎仲有好多打卡位😍好多舖頭都比較少見，支持下！行咗一圈，最後我哋揀咗一間叫「一町目·茶室」。見menu既款式幾吸引，所以一於試吓🫶🏻🥘🍜芝士奶蓋雜錦咖喱烏冬 ($68)一上枱賣相已經好靚，紫紫白白💜🤍味道方面，滿滿奶蓋同咖喱味，而且烏冬嘅份量亦唔少，味道估唔到咁夾，性價比高💖推介！🥩晚市之選 (附送餐湯、沙律及飲品）山葵黑椒肉眼牛扒飯 ($108)大大塊既肉眼牛扒，配埋一啲蔬菜，大大份既餐絕對唔膩😎🍖七味炸雞 ($33)炸得剛剛好，而且份量以呢個價錢都有好多件👍🏻🥟炸豚肉餃子 ($28)個皮唔會太厚，而且入面既餡又多又多汁😋🍫 阿華田可可奶蓋 ($40)好濃厚嘅奶蓋，上面落咗幾粒棉花糖，賣相變得有色彩✨☻味道：8/10☻環境：8/10☻服務：8/10☻價錢：8.5/10☻回頭率：80%☻人均消費：$100📍一門町市

久違冇去荃新天地二期了今日諗住shopping🙈發現開左一條籌備兩年走日本風格既美食街係2023年12月16正式開幕夠晒新鮮滾熱辣有十多間新食店及商店 見到一間環境清幽好多卡位既 一町目茶室✨中華海鮮炒麵$79呢個價錢有個脆麵同海鮮食簡直值回票價😙炒麵既精華絕對麵要夠脆海鮮又多又新鮮✨咖喱滑蛋吉列海老拼魚柳$78一丁目嘅招牌就係咖喱滑蛋蛋炒得夠滑溜 咖喱味唔算太重海老比較特別 就係佢會用多士炸魚柳都係超級大件 係兩個人嘅份量✨明太子醬手羽$33其實就係單骨雞翼再配上明太子醬 夠晒和味😌✨豚肉餃子$28超級超級脆身同香口餡料又豐富✨芒椰甘露奶蓋（餐飲+$20）芒果味好特出 重點唔會太甜✨抹茶紅豆芝士奶蓋（餐飲+$20）抹茶同紅豆真係Perfect match芝士奶蓋亦冇得輸🙈

聽講荃灣有個新景點，叫「一門町市場」，係喺荃灣荃新天地二期地下，係一條籌備了近兩年既日本風格美食街🇯🇵場內進駐十多間大大小小既餐飲及娛樂商店, 有各類不同風味既美食及有趣既用餐體驗😁今日就去咗其中一間「一町目。茶室」試吓先，呢間餐廳好似「出前一丁」既包裝❤️喺平民美食既基礎上融合日系餐點既特色，別出心裁🥰 首先叫咗一個🦀軟殼蟹蟹籽蟹肉炒飯每口炒飯都可以食到啖啖肉既蟹肉同埋配菜，軟殼蟹熱辣辣脆卜卜，炒飯嘅米炒得分明🍜之後蠢蠢欲動想食吓烏冬，原來假日都有dinner set~ 有湯有沙律，一定夠飽🍜黑蒜油豚骨濃湯自家製叉燒手打烏冬湯底由黑蒜油、黑胡椒、豚骨濃湯和秘製味噌熬成，蒜味十足帶微辣，係出前一丁嘅味道☺️之後仲叫咗個小食🤍炸流心芝士年糕脹卜卜嘅年糕，外脆內軟，仲有年糕黏住黏住嘅感覺，好正啊💚抹茶紅豆芝士奶蓋：本身仲以為係抹茶牛奶，原來係抹茶沙冰，好濃郁嘅味道，成件事好配合，好滿足同埋凍檸茶