一碗小麵

營業中

休息中

小編從大陸翻黎香港做野，其實真係好掛念大陸美食既味道，但係香港都幾難搵到好味既大陸美食。依間店入面既員工大多數都係講普通話，賣既係好正宗既大陸美食，例如口水雞，豆腐花麵線，香辣牛肉麵等等。小編所點係武漢熱乾麵，你地唔好睇碗麵無咩肉係個麵頭。但真係超級好好好好味道！以香濃既芝麻醬汁去拌麵，每一啖都有芝麻既香味。配埋酸酸地既炸菜食好開胃。小編提醒一定要加佢地既辣椒醬，唔係普通車仔麵既辣椒油咁膚淺，好香好麻辣！大家一定要去試試！如果大食既人，可以加底！

一心打算去吃熱干麵，可惜晚上8：00多已經賣完，所以點了香辣牛肉麵和碗豆雜醬麵(乾撈)。兩碗麵的賣相很好香辣牛肉麵叫了中辣，辣度只是一般不太辣，牛肉算好吃很入味。碗豆雜醬麵我點了乾撈，但碗底還剩有一點湯汁，不過還可接受。麵質有彈性，雜醬份量多完全足夠食整碗麵，只是醬本身偏鹹如果可以淡一點就更好。這間麵店的份量偏多，我們想要少麵但侍應說他們的麵是一個個煮的，不能少麵。我最終也吃剩了一點，個人認為這點比較浪費

今晚約了朋友去元朗火鍋，未出發前，知道可能晚一點才吃飯，便在附近吃點東西。至尊全牛麵$50，內有牛腩、牛舌、牛肚、牛筋。牛腩、牛舌、牛筋都已經炆得很腍，牛肚就爽口彈牙，湯底都算可以，如果再濃一點會更好。

招牌香辣牛肉麵叫左小辣，但食落一啲都唔辣。麵條係拉麵，麵既份量都算多，煮既時間啱啱好，麵質滑、易入口，唔錯牛肉份量都唔少，起碼有八舊，有啲帶肥膏、有啲就全瘦。牛肉有牛味，但肉質較韌。因為湯底有辣油，菜浸落湯到會變油左，哩到有少少扣分。整體黎講都幾好味，雖然驚喜唔大，但味道唔差。性價比都算高，其他地方好難食到咁足料既麵，牛肉有咁多舊值得一試炸醬麵係唔辣既。麵底都係拉麵，炸醬份量依然好多，超大方既小店呀！由於拉麵質感滑、掛醬力強，撈匀後十分惹味炸醬冇單獨食，所以佢肥肉多定用瘦肉就唔知，整體味道唔差、啱啱好！扣分位係食到最後，碗底會有一浸油如果可以少油啲就更好啦！熱乾麵叫左小辣，都係唔辣既。麵底同上面兩碗唔同，係粗身既麵條。食落有咬口，係我中意既麵質麵既份量其實真係好多，但我都清曬有花生粒同榨菜做配料，花生粒鹹香脆口，榨菜我不嬲唔好，試左一小塊，好鹹~麵用左大量麻醬去拌，每條麵條都拌得均匀，食落漿口，奇怪既係食完成碗都唔會覺得太漏。同炸醬麵一樣食到底會見到一層油，好heavy其實我想試哩間係因為熱乾麵，雖然味道唔差，但三個麵入面，熱乾麵味道反而排第三><牛肉麵>炸醬麵

湯底香濃好味，小麵很好吃，軟硬適中，有不同辣度給客人選擇，非常細心。牛腩不算太嫩，但每都很大塊。蒜泥白肉的豬皮有毛，不太敢吃，感覺不太衛生，應該要燒過才煮。麵是好吃的，但肉就沒有太好吃。還有記得like Facebook ，兩碗麵加蒜泥白肉，折了$109很扺食。

一碗小麵牛腩＆豬手＆肥腸＆炸醬＆碗豆 & 麵星期六要返工真係件好辛苦嘅事，所以放工要獎勵自己搵好嘢食。行咗差唔多半個鐘，見到個招牌好特別而令我行入去。我就揀咗一碗小麵（小麵）BB辣（因為唔知有幾辣）來到時嚇到我一驚，居然唔係小麵，如果正常麵會有幾多麵😏整碗麵都係紅色嘅，未食已經感覺好辣，跟住就小啖咁慢慢嘗試，原來係唔辣嘅，就即刻加辣椒油。等我下次食叫中辣先😏😋整體來說成碗麵係好食嘅，餸都有好多，麵就更多，最後我都食唔曬😜好喜歡食佢哋嘅碗豆同炸醬😋😋

一碗小面，一間小店，店內只有十多個位子，牆上都貼著辣椒、胡椒等海報......看似很火辣辣的樣子...幸好，還可以有得選擇不辣、BB辣、小辣等程度！招牌香辣牛腩麵，要了BB辣，味道還可以，雖然湯底很紅，但其實只是小小辣！麵條掛湯力高，條條分明，牛腩亦腍身，不用過份咀嚼！有少量香蔥，如果這個香辣味道加入芫茜作配菜，應該更惹味！至尊全牛麵，有齊牛腩、牛筋、牛肚、牛吞，非常豐富！湯底與香辣牛腩麵無異，辣感有層次，整體也很不錯！涼拌青瓜醬汁不錯，帶點甜又帶點辣，略嫌青瓜不夠脆身，如放入雪櫃雪涼待用，效果應更佳！口水雞反而覺得很一般，雞件雪涼，但雞肉比較硬實，不夠滑溜，醬汁味道上亦較單調，惹味感欠奉。總括來說也不錯了，下次可以再試試其他菜色。

呢間小麵我之前都食過幾次，由於我本身都幾中意食辣野，又好中意小麵隻麵，所以都會試下唔同既小麵。加上我早排去左重慶，食左幾間正道既重慶小麵，對比返其實呢間個味都算唔錯，雖然價錢係貴好多，不過香港咩都貴架啦…今次叫左三碗麵，但其他兩碗都唔記得影相，淨係影左一碗小麵嗰碗…今次同呀爸加男朋友去食，男朋友因為唔舒服叫左微辣既涼麵，我叫左小辣豆花麵，呀爸叫左地道辣一碗小麵。本身我都驚會好辣，但其實小辣都真係唔係好辣，譚x小辣好似重辣，之後我就叫左店員加辣。經過重慶既訓練後，我覺得大辣或者地道辣其實都ok。如果一般食開譚x小辣既可以叫中辣，我覺得地道辣都唔夠譚x大辣。不過叫完覺得唔夠辣都可以叫店員加辣，佢地都好樂意幫手。我三碗都有食，本人鍾意熱麵多過涼拌麵，加上我唔鍾意太多餸，所以我覺得豆花麵>一碗小麵>>涼麵而且一碗小麵個價貴太多啦，我覺得唔抵食，叫其他平啲既麵好似重好，如果你係為左個麵黎食。不過個豬手係炆得唔錯，好淋好入味。好多餸，啲餸重多過麵，我呀爸話愈食愈辣，但唔夠某啲辣油勁既潮州粉麵鋪辣。利申:佢平時食潮州粉麵係落兩湯匙辣油整體黎講，我覺得呢間小麵算幾出色，而且款式

叫外賣，叫左碗紅燒牛肉紅薯粉，土豆絲同埋口水雞。最正係紅燒牛肉紅薯粉個湯分開上，但平時叫開小辣就覺得佢地個麻辣小辣完全唔辣，牛肉都算足料同淋，另外仲有幾條菜添。雖然打開個盒土豆絲得半盒，但都幾夠食，另外醋同辣味調得適中。不過覺得里間鋪頭唔太可靠，叫外賣好多嘢漏左，叫3樣嘢都可以漏左個口水雞，跟住明明叫左走芡茜，個土豆絲就變少左芡茜。對唔食芡茜嘅人黎講，最怕就係睇唔到無夾走，唔覺意食到一丁塊，有d無奈。

以前很喜歡這家小面館，很有印象牆上桌上都有介紹從內地來的香料及辣椒，感覺是正宗的。偶爾想吃辣、又想快手吃完就會來。一碗小面、全牛面都很不錯，豐富。今次來想吃豬手，點了招牌豬手面挑的是小面，小辣。小面就是拉面，彈牙有咬口，時間拿捏得宜。豬手一如以往軟滑入味，自覺補充骨膠原中！哈哈但失望的是湯底的味道跟以前不同了。麻辛辣的香氣比往時失色不少，而且略嫌油膩。不禁再看一下餐牌 是我點餐出了錯 還是有東西變了呢。然後就發現現在標明使用豬骨湯底，可能兩者碰在一起令香辣感變弱變混濁了吧。或者不嗜辣的人會更喜歡呢，畢竟人人口味各異。我就可能不來了........

咁啱黎到一碗小麵，梗係嗌返一碗小麵啦，係招牌推介。唔太食得辣，但川菜點可能唔辣呢？嗌左走辣，但依然有少少辣，少少麻，但又好惹味喎。無死咸死辣，唔會辣到跳舞😂一碗小麵好多配料，有碗豆、炸醬肉碎、豬腸、牛腩筋、一舊豬手等。湯非常香濃，唔太咸，但相對油膩，所以唔敢飲太多。浸過湯既麵都非常好食，集香辣麻於一身，而且麵質煙煙韌韌。不過全部配料都唔算精彩，普普通通。想試下川湯，食下辣，都ok既~地方狹小，只適合兩、三個朋友一齊黎。

前排係紅磡，天氣好熱然後最慘嘅係周圍好多人，想食個飯都冇位😢😢😢 最後係朋友介紹下去試依間道地小店。入到去，大部份食客都説客家話同普通話，令我地更加感興趣😻😻因為我地唔太肚餓，又見到佢有得加底，所以就叫左一個嚟share食啦😂😂😂我地叫左佢搭配嘅一碗小麵($55)，有牛腩，豬手，肥腸，炸醬，豌豆。雖然加左底但其實佢都唔大碗，可能因為叫一碗小麵🤣🤣🤣 整體幾好味，好喜歡炸醬入面啲肉粒！ 55蚊小小貴雖然。。。

天氣開始熱，開始已經唔多想食飯，今日突然間想食啲涼拌，究竟紅磡有冇得食哩啲野？結果比我搵到呢間小店鋪，睇到門口個Menu話有勾魂涼麵，正正就係我想食嘅涼麵啦，即刻入去座低，店舖細細的，座位唔係話好多，朋友就嗌咗蕃茄炒蛋麵，麻辣牛肉同埋紅油抄手🤗🤗🤗好期待呀！第一次嚟呢間鋪頭第一次嗌嘢食，問多幾句，但個侍應姐姐好似好唔耐煩咁🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️我期待左好耐嘅涼麵到啦，好可惜唔係我想要嗰種麵底，同埋個涼麵一啲都唔涼既，暖暖地嘅，好失望喔，不過佢啲汁係不錯的，我哋其實唔係好食得辣，嗌咗中辣，但係一啲都唔辣喎😱😱😱😱反而個麻辣牛肉好有驚喜，麻辣牛肉原來係牛展部位，啲牛肉整得好入味，切得好薄身，雖然都唔係好夠辣，但係我欣賞哩碟菜，至於個紅油抄手有啲失望囉🤦🏻‍♀️🤦🏻‍♀️🤦🏻‍♀️因為啲抄手勁大粒，其實係咪只係辣既水餃嚟㗎？

同男朋友咁岩經過 諗住試下啲小店就行佐入去 入面無人 得我地2個嗌佐一個牛腩米線麻辣bb辣一個肥腸小麵麻辣小辣一擺底 我地聞到好香🤤好似出前一丁豬骨味我地飲啖湯 一飲落口 乜味都無 係油加水諗住撈下個底會好d 完全唔掂之後叫個店員加番d鹽同可以落多d辣同麻點知拎到番黎無變過🤮要自己落豉油同辣椒油先食到落去男朋友個小麵仲一pat pat 毫無口感☹️好伏 好失望 食譚仔好過👎🏻👎🏻👎🏻👎🏻👎🏻👎🏻

紅磡丶黃埔區嘅食店實在太多，快餐店丶小店丶大型連鎖餐廳，各式各樣嘅食店都有齊。今次選擇咗一間小店，吃了一碗簡單的湯麵作午餐。來到小店是下午2時多，但此小店沒有下午茶餐。但見這個時間在沒有下午茶餐下，還有食客，應該有其獨特之處，所以決定一試。見到餐牌上只有幾款麵，一款是類似大雜燴，但我的胃口不大，所以只叫了牛肚麵(因身體不適，只可以吃走辣)，但此小店是推介辣食！吃辣的人應該來此小店一試！麵來到的時候，賣相十分吸引，湯底十分濃厚，忍不住先吃了一口牛肚，十分爽口彈牙再嚐一口湯底，濃郁但恰到好處，加上湯底加了花椒，獨特嘅香味令整碗湯麵加分不少，幼麵吸收了美味湯底，令我吃不停口，此小店是encore之選！唯獨少少不足是牛肚份量比較少⋯⋯題外話，加入WeChat ，有九折！九折後，埋單＄33！