一粥麵

營業中

休息中

琴晚叫咗個滑雞臘腸煲仔飯簡單食，又唔使等太耐臘腸係好多肥肉😆本人就麻麻哋鍾意不過呢個價錢又冇得揀雞唔鞋口 不過都唔係特別好食煲仔飯有飯焦 係我最鍾意豉油係重老抽味60幾蚊有嘢飲都冇乜要求

二人晚餐，平民化價錢冬天要食火鍋，最就近最方便嘅餐廳鮮牛肉雜錦粥底鍋牛肉嫩滑，火鍋香濃，粥底綿綿加配咗+ $11有肥牛及果茶+ $15有牛肉片飲飽食夠二人共$116。

今日心血來潮，揀左間唔太make嘅店試吓，起到碟楊州炒飯，啱啱炒起，熱辣辣咁送上嚟。飯仔粒粒分明，味道真係唔錯，菜同蝦仁都鮮𠱁𠱁㗎。嗰個冰鎮凍奶茶呢，涼快爽口，正喎！雖然同街邊茶記嘅風味有少少出入，但都算過到癮。一邊食邊欣賞環境，頂住肚餓嚟嘅我，覺得呢餐大滿足。至於隔籬嗰碟皮蛋瘦肉粥，真係有驚喜。粥滑溜溜，皮蛋瘦肉分量都好慷慨，仲有腸粉，外皮鬆軟夾香芝麻，真係得滯！嗰隻牛腩撈麵，咬落去牛腩嘟嘟滑，蘿蔔又吸晒汁水，鮮味逼人，算係食到實在啲。平民價格但味道高級，我推介大家都試吓，間中走離高貴，嘆吓地道小食，都係一種幸福㗎嘛！👍💖🍴

又係打邊爐🍲 點解一年四季都要打邊爐？因為抵食囉！一粥麵前排推出粥底火鍋，我哋未試過粥底，原來沒有鴛鴦鍋底，味道都唔錯噃！今次試咗椰子雞豚肉同埋鮮牛肉雜錦粥底火鍋兩款，一人一鍋，份量都唔少喎，椰子雞嗰款主要係嫩滑雞肉，拼豚肉片，菜底、雪耳等，仲有幾條椰絲，將椰絲早啲放入粥底裏便煲一陣，咁個粥底零舍香有少少椰子味嘅香甜，雞肉六一陣就食得，好嫩滑。至於牛肉火鍋，配料鮮牛肉、仲有雞肉魚片，肉丸，樣樣有齊，絕對滿足打邊爐嘅樂趣！滾完D肉，再飲啖綿滑靚粥晾下個胃，係好充實啊！ 椰子雞豚肉鍋$79鮮牛肉雜錦鍋$75街坊價，份量足，味道好，性價比

食完今次，真係要嚟個大讚！我揀嘅是肥牛炒麵，個麵啱啱好，唔軟爛得嚟又有啖咬頭，肥牛嘅份量都相當慷慨，夠哂火候，咸香中又帶點微微甜味，簡直係口口都滿足到我嘅味蕾 👅。轉個頭我又試咗個叉燒飯，叉燒腍滑無比，帶點炭香，飯粒分明之餘，每啖飯都包裹住叉燒嘅甘香，仲有係個皮蛋瘦肉粥，滑溜溜嘅口感，粥底夠爽，皮蛋又打咗個好巧嘅配搭，瘦肉都好嘟嘟好，整體嚟講，我啖啖都開心嚟嘅！🥢你話點滴？我仲未同你講埋佢哋嘅糖不甩同埋腸粉噃！糖不甩滑到出位，甜度啱啱好，每啖都係幸福嘅滋味；至於腸粉呢，真係講到我流晒口水，皮薄餡足，一滑到底，仲有啲熱熱地出爐嘅香味，真係叫人食咗仲想再食！😋總括黎講呢，呢家店提供嘅港式午餐真係物超所值，每樣嘢都保持得幾好嘅水準，下次要同朋友哋再嚟掃街，實會再考慮落腳呢度啦！

是日午餐今日嚟到一粥麵，主要係貪佢有位坐心，見到個餐牌心大心細，既想食煲仔飯，又想食炒公仔麵，最後揀咗呢個優惠套餐牛筋牛肉麵，配熱奶茶，原因係佢夠平，$38而且牛筋亦係買飛佛，再今早食完個厚餐肉治，午餐食少啲，平衡下估唔到咁簡單嘅餐，居然要等超過10分鐘先至有得食，牛筋牛肉都好腍，麵夠爽，但個湯好鹹，飲咗兩啖，放棄！如果改為清湯，或者放少啲鹽，效果應該好好多，亦可能唔會浪費個湯。熱奶茶，始終都係用啡糖好飲啲，亦始終用筷子攪會勻稱啲。話時話，呢個屋邨商場似迷宮，尤其是要去屋邨嘅大廈平台時，真係唔知點樣搵路入。

打工仔要返工前買到早餐都不是一件容易的事，好彩屋企樓下附近有一間一粥麵，每次都可以買份早餐返公司食，開始一天辛勞的工作😝😝😝每次去到一粥麵，其實他的早餐都非常多元化的，有時候我會叫一份雞扒腸仔，加杯熱奶茶就已經好豐富！❤️❤️❤️有時我會選擇叫佢嘅櫻花蝦腸粉，或者牛肉蔥花腸粉，簡簡單單的一份早餐，但係又幾好食，大家可以試吓😄😄😄至於環境方面，尚德這間一粥麵，餐廳範圍都偏大的，都不用等位都可以搵到位置👍🏻

天氣凍，食番個保仔飯同粥暖下身先皮蛋瘦肉粥好棉，好好食，皮蛋加埋都有一隻，份量都幾多，加左$配油條，油條就稍為太油，但唔硬食，脆口嘅跟餐仲有炒麵，炒麵就一般，唔係特別好食不過粥加炒麵份量超多，食左碗粥加1/3份麵已經好飽好飽煲仔飯蛋黃好深色唔係好想食，臘腸幾香，有飯焦，都ok嘅

今日產檢完時間尚早，仲有時間食個靚靚早餐，反到黎尚德商場見到一粥麵的早餐直到11時正，食物款式滿多又有健康食物原先想食吉烈豬扒餐，但可能臨近11點所以已經沽清，也有其他款式選擇超值滋味早餐蜜糖雞扒炒麵配健康白烚雞蛋連熱好立克 $27雞扒肉質鮮嫩也很Juicy，配上甜甜的蜜糖醬汁炒麵份量滿多，炒得乾身仲有九菜蘿蔔很有味道一隻普通烚蛋 如果可以配多士更加好熱好立克每次都未溶解灑在杯底，要留意下味道 賣相 衞生 服務 抵食 推介

對於香港這個愈來愈荒謬既城市，實在無力感非常，今日確實無咩胃口，所以去左將軍澳呢間一粥麵買牛腩麵外賣，價錢$38一碗，諗住吃少少野振奮一下心情，點知這碗牛腩麵確實大為失望，牛腩超級un，硬到完全咬唔到，咬到牙較都軟埋，最後倒了

今朝返工未食早餐，忙裡偷閒出去食，去左公司附近一粥麵，因為報紙有劵平$3。去到已經10:58分，原來現在啲新式食物menu係電視，就來夠鐘會倒數，過左鐘就睇唔到，變左午餐。講返食物，呢間裝修後未食過，叫左雞扒、腸、炒蛋鮮牛肉通粉，仲有多士同熱奶茶，份量大到唔洗食晏，味道ok, 炒蛋滑、牛肉淋、麵包脆、雞扒無肥膏，整體感覺良好。不過等左15分鐘都未出到食物，係慢啲囉。

快餐店港式下午茶可謂快速精選，由於時間緊迫，未必有時間可以入餐廳慢慢等慢慢食，故此快餐店可解決呢啲肚餓問題。見一粥麵呢個雞翼麵餐做緊特價，所以試下，平時一碗麵加野飲都差不多$30，而家包埋雞翼都係$32，抵。雞翼熱熱的有少少蜜糖係面，味道都幾好。而雲吞麵就唔好要求太高，好過食銀針粉之類，雲吞雖然散散地，但啲蝦都夠爽口，麵雖然無正宗雲吞麵檔好，但都過得去，唔會痴埋一舊，佢仲有的韮黃係啲湯到，雖然湯底好一般，但都有啲似雲吞麵湯。

ぁ 鬧得熱哄哄嘅商場 ぁ去左上哂新聞既尚德廣場食野，等左五分鐘先有位，買飯條隆一直冇停過， 呢間一粥一向都以以上年紀既人為多，過半嘅人，都係白髮長者居多ぁ忙忙忙ぁ水吧，廚房嘅人做到無停手，等左十分鐘，炒粉到啦十分足料，有叉燒，急凍蝦， 菜芯梗，火腿片，蛋ぁstandard快餐廳炒飯ぁ雖然唔係好夠鑊氣不過飯非常干身ぁ自助醬料ぁ才上有啲自助辣椒醬，辣椒醬配炒飯。ぁ沒有水送ぁ食完好口乾如果餐廳有杯水送埋就好啦。

新出嘅粥底火鍋有海鮮：帆立貝鮮蝦 同埋 花雕雞揀餐飲有呢個荔枝紅茶，整到好似台式飲品嘅杯咁，以為會幾正啦點知？！甜到喊，入面茶底正常，不過荔枝都係罐頭頭嘢唔特別推介本身配料已經有好多，粥底配冬菇，粟米，生菜，烏冬，雲吞，油炸鬼，南瓜，鯇魚，豬潤，同埋一碟花雕雞 本身唔知有咁多料，所以追加咗多碟雲吞豬潤一如以往好粉嫩，雲吞同粥底唔係好夾，而且叫多碟有啲多餘，所以都唔推薦粥底其實唔濃有啲稀，但係落咗花雕酒之後都幾香花雕雞肉好嫩滑，淥一淥好快熟，而且彈牙有咬口，都幾推介

每逢消夜，諗唔到有咩食，都會去一粥麵食消夜套餐。＄30個雲吞麵或柴魚花生粥加一個小食，有腸粉，鯪魚球等等，超級抵！今次我仲加＄3要多隻雞全翼，完全係晚飯嘅份，消夜八點半開始，所以有時候我都會等晏啲先黎食消夜套餐。