一粥麵 (置富第一城‧樂薈)

營業中

休息中

食材新鮮，便宜。這家是愛人帶去了好多次，去年最喜歡來這家幫襯，吃了搭88去中環方便。這家主理上餐快，便宜，食材新鮮，廚位人手多。不用等。很多老食客幫襯。重新裝修後，店面靚麗很多

一粥麵強勢推出全新粥底火鍋系列，包括新登場嘅椰子雞豚肉➕鮮牛肉雜錦2️⃣款口味，兩款限定暖心鍋物性價比極高。🍲椰子雞豚肉粥底火鍋以鮮嫩雞肉及清甜椰子入饌，加上爽口彈牙嘅豬頸肉，以及滋補嘅雪耳及香甜嘅紅棗，啖啖粥都充滿椰子香氣，每一口都係幸福嘅味道。🍲鮮牛肉雜錦粥底火鍋牛肉控就要試下呢款，鮮牛肉牛味香濃，口感香嫩，再加上嫩滑嘅雞肉、鮮美嘅鯰魚片、彈牙嘅魚蛋魚片，一餐火鍋就🉑以盡情享受多樣化嘅美味。

中午食得太飽，晚黑同男朋友都冇咩喂口，想食d清淡嘅野，跟住就去左一粥麵，見到佢新出左個粥底火鍋，一款係雞一款係魚。我地揀左花雕雞個個set，一set入面有一碟雞，雞好重花雕酒味，跟住有一小碟肥牛，一碟生菜，一碟油條，有d花生蔥花菜譜可以配粥食。個set係一人份，我地先食晒d雞同牛肉，最後食d粥，超鮮甜，個粥底煮完雞同牛之後。清淡之選，油條放入個粥度煮下再食都好好味😋食左下d花生，真係好香，好脆，配粥一流。感覺尼一set自己一個食完都好飽了。

今日晏晝趕時間要半個鐘食好嘢，求其衝咗入一粥麵度食嘢。午餐佢一向都幾多人，勁多叔叔嫂嫂(我自己都算係)，話曬佢粥粉麵飯咩都有d，應該幾啱佢哋心水。叫咗個魚蛋魚角河，同一個牛腩河，加多個炸两同糖水咋咋。d河正常，咁又唔會拎嚟同d專食潮州粉嗰d比，起碼唔會煮到碎濕濕痴曬口，而餸都比足料，炸两如果唔咁濕會好d，出面塊粉皮正常，不過不失。我反而覺得佢d糖水幾好，又夠大兜，記憶中係呢間同佢觀塘麗港城分店食過都好食嘅，間唔中嚟食下粥或者粉麵都ok嘅。

最近天氣開始轉冷🍂🍃，依加去一粥麵食返個鰻魚排骨 / 滑雞煲仔飯🍲成個人都即刻暖立立😛估唔到快餐店都可以食到咁高質煲仔飯，煲仔飯入面既金黃色飯焦非常脆口，採用頂級茉莉香米，以飯粒較爽身有嚼勁，師傅將秘製蒲燒醬汁一層層地掃上鰻魚，令佢呈現金黃色澤，口感既豐富又有益！🔸鰻魚新口味同傳統煲仔飯都好match，提供不同款式選擇 (排骨 / 滑雞)🔸有手機點餐服務，叫定去到舖頭就拎得🔸午市晚市都有得食

本人今晚八點光顧此間分店，首先，一進入分店排隊買嘢食，因為是堂食關係，剛好對住安心出行的二維碼，由拿手機出來到掃完安心出行二維碼，整條龍都沒有郁過，而且打飛的是一個水吧的女經理，而且人龍愈排愈長，此其一。因為我今晚只叫了一碗雲吞麵和一碟齋腸，當顧客落單後收銀員會將一個有數字顯示的電子感應器交給顧客放在座位上，以方便職員知道顧客坐在那裡，但係今晚的送餐姐姐出現一個哭笑不得的問題，就係佢推著餐車在大堂送餐，但係竟然搵唔到個客坐係邊之餘，最好笑的是個餐係2號，結果佢捧住個餐係個大堂大嗌2號坐係邊度？還大聲叫搵唔到，咁我即時諗到第一個問題係咁個收銀員俾個感應器有咩意思先？點解人地大快活同樣咁做，可以送餐咁快咁準確？跟住嚟緊個問題更加令我怒火中燒，因為我等了很久都沒有到來但係其他遲過我的都巳送到，於是我一怒之下，拿著收據和感應器到水吧找經理要求退錢，那個女經理才回答我仍然是送餐阿姐搵唔到我，我便即時鬧那個經理咁俾個感應器個客有咩用？跟住見到個水吧女經理自己做埋送餐，咁請啲阿姐返嚟托呀？跟住又見過阿姐送餐，但係最令我又再怒火中燒的是跟住啲餐好似跑馬咁快，其次是佢每送一枱客，佢都要問個客人漏左咩餐？

今日探朋友行去第一城，咁就同佢落咗呢一間一粥麵度食下午茶餐， 咁我就叫左碗雲吞麵再加凍奶茶， 咁食落碗雲吞麵其實就正正常常 不過雲吞都有啲肥豬肉， 但點都好其實呢一個雲吞麵， 個價錢真係算係十分取勝， 都叫幾優惠，再加埋杯嘢飲，今時今日都好難搵到咁嘅價錢嘅而且又要坐得舒服， 順帶一提呢一間 餐廳啲服務員都幾有禮貌， 尤其是執枱啲阿姐 ， 不過希望啲阿姐可以提點其他食客戴番個口罩先出嚟攞嘢，因為都見到有啲食客 冇戴口罩就出去攞嘢食。 點都好 ，行開呢頭嘅朋友可以試下。

前(16-10-2020 Fri)日放假同同事唱完K後要走,我同女同事IL屋企冇晚飯食,咁就同佢行嚟第一城食,佢話想食麵,我知道有呢間,因為我喺21-4-2017嚟過(嗰個食評: https://www.openrice.com/zh/hongkong/review/%E6%97%A9%E9%A3%9Flunch-e2771183)我哋就嚟啦,睇完menu,佢都係唔食麵改食一餸飯,我哋要同樣$45.00嘅蟲草花鱆魚雞粒,要熱檸水同栗米斑塊,要熱奶茶.買完只要搵個位坐低得就得,因為改咗用食物呼叫器,好快嘢食到嚟.蟲草花鱆魚雞粒係薄薄一層,食落,好鹹,好似食唔到鱆魚,麻麻.味道:2分栗米斑塊就正常冇咁鹹.味道:4分熱檸水有啲澀.味道:1分服務:送餐同收嘢嘅姐姐都唔錯,好有禮貌.抵食係2.8分

疫情關係 今朝買咗碗「手打肉丸粥」外賣返屋企食 盛為$35再送一條油炸鬼入面嘅手打肉丸數量大約都有6-7粒 比想像中抵食但碗粥嘅質感略嫌佢太水了😢 杰少少同綿少少會更好 同埋食完成碗粥同條油炸鬼之後會感覺到好口渴🤢 睇黎落咗唔少味精呢🤢

之前去過這店飲特飲覺得好飲，所以今日去另一間分店又見到炒飯加這杯不用四十元都好平就叫了一個作午餐，鮮蝦褔建炒飯飲凍蘋果綠茶價錢三十七元，等不用十分鐘就可取，來到見到炒飯份量都好多，食落去醬汁味道剛好，而且仲有不少材料，冬菇都幾香，蝦都不少幾大隻，但是味道就比較少，飯的份量都有二大碗一定夠食，但中間有些飯是未熟，有點失望，飲品味都不錯但偏甜，可能多點冰再溶令到淡身少少會更好。最後仲有些吃不完拿了回家吃，待應都好好地比了個外賣碗給我。

等我Ben爺來介紹一下 什麼是好的炸雞髀， 炸雞髀有分生炸雞髀 和翻炸雞髀， 一般食店 為了方便快速， 有機會用己熟的雞髀， 例如白切雞雞髀 反炸， 這樣出來的雞髀 因為已經是熟的關係再返炸只是鋪上一層金黃色罷了， 雞髀的外面和內面溫差非常大 欠缺 肉汁， 肉質死實， 非常難吃。好的雞髀是生炸的， 雞髀放進油裏面之前是全生的， 要耐心的把他炸熟， 但是 出來的效果是 肉質鮮嫩肉汁豐盈， 裏面的雞肉應該是白色。 今次 在一粥麵品嚐的下午茶餐 正正就是這一種雞髀!炸雞髀加紅豆冰才25元! 雞髀竟然是生炸的， 外表金黃， 切開後你可以見到裏面的肉汁是不斷流出， 肉質鮮嫩， 雞皮脆口， 真正做到外脆內軟， 而且裏面還是熱辣辣的! Ben爺極度推薦這個下午茶餐!

星期六早上十點左右黎到都唔難搵位可能放假大家都訓晏d啦～由於好肚餓既關係咩都想食不過蘿白糕已經sold out🤔🤔糯米雞又得返一個 咁就決定叫其他，咩都食d，感覺都滿足d🤗🤗要左鮮牛肉通粉配 炒蛋餐肉炸魚柳+多士一塊+ 熱咖啡$39好似好多野咁，但我輕鬆地全部食晒～🤤🤤🤤🤤餓起上黎就係咁，食好簡單既野，已經好滿足！牛肉通最好食牛肉好林，晨早流流，我實在懶得咬🤫湯又唔會好咸，落少少胡椒粉同d通粉一齊食，正呀另外魚柳都幾大塊～滿足～佢地杯咖啡都唔錯唔洗落糖啦幾香飲完即刻醒晒✨

天氣咁熱，最好的節目，莫過於去老友屋企，嘆住冷氣打牌。佢住喺沙田第一城，屋苑內有多嘢食，平貴都有。我和其中一個朋友約埋一齊去，大家都未食早餐，便一起去一粥麵，實行早餐和午餐一齊吃。呢度間一粥麵比起其他區的分店都要大，座位又多，空間感極高，冷氣又夠。我買咗個福建炒飯加熱奶茶 $43。朋友就買皮蛋瘦肉粥加炒麵$36。個飯好大碟，材料又多，味道都唔錯。朋友的皮蛋瘦肉粥煲得綿綿滑滑，朋友好欣賞。至於佢碟炒麵的水準都OK。顏色均勻，麵質也不差，至低限度唔會似像筋。大家食飽之後，就上去老友屋企作戰。

這天要食自己，一粒蝸牛都係食快餐比較方便，呢幾日涼涼地，自然想食碗熱辣辣野，所以就去了食一粥麵。下午6點半，店內人不多，見到餐l牌有一碗粥加一碟腸粉37蚊的特價餐，就點了一碗艇仔粥同齋腸粉(當日牛肉腸粉停售=.=)，再加腐乳通菜。食物即點即做，新鮮熱辣。艇仔粥有魚片、魷魚、豬皮等材料，加上炸花生，算是足料。粥底比較杰身但不會重味精過鹹。齋腸粉只配豉油，也算是滑，但稍為有點"痴埋一舊"和不夠爽。 通菜灼得翠綠，且非常嫩，配腐乳鹹香十足，這簡單的一餐還可用了一張報紙剪的4蚊優惠券，算是相當的經濟且豐富了。

本人住的地方可以選擇兩間分店幫襯，揀呢間因為位多些，不用等，可惜幫襯咁多次也只換來笑話。我從來不責怪新人手腳慢，我公司新人多的是，她們慢，偶爾錯作為食客是會原諒的。不過，那班元老似乎沒有體量之心，不停叫咪說東說西，我眼見客人的餐很久出唔到，客人詢問，只換來等下啦。我明白打錯飛係會令出餐有問題，不過作為服務性行業，除非客人冇理大駡，否則唯有客氣地說句對不起，氣氛可以緩和！其實我幫襯咁多次，未見過呢間出餐員工有笑容，會客氣，亦見到食客周時一肚氣。我並贊成員工不好就抄，反而咁大個集團，應該檢討一下陪訓方面，呢間分店只有分店經理最有心機，今天的收盆姐姐也非常有禮貌，值得一讚。不過一間店的風氣往往會被多數人壓倒少數人，希望集團留意，否則連那少數好的員工也被污染成那班壞分子！其實相比隔一條村的那間分店，員工上上下下也有禮貌，與客人融洽相處，她們停下來時的談話也是關心及平和，集團應諗諗兩間店為什麼有咁大分別？