一粥麵 (麗港城商場)

營業中

休息中

今日諗住平平地食個晚餐，叫果兩樣野估唔到幾好食，埋單先百一蚊😚。上海排骨菜飯，果三塊豬扒好好食，肥瘦適中又唔會太油膩，仲好入味。個菜飯有好多菜，另外肉碎四季豆都好好食，不過係啲油多左啲。之後係西芹炒青衣魚塊。呢個魚唔錯有啲食斑球既feel，食到魚鮮味，都有成6,7舊。炒西芹幾清，油唔算多感覺健康啲。 套餐仲有湯同埋茶，抵食😋之前起度食過粥同麵都嘛嘛地，有次食雲吞麵，個湯鹼水味重到係苦嫁，但估唔到飯類係幾ok.下次叫餸食飯都會黎再encore😍，感覺比其他茶記無咁油膩

星期日食個快lunch 到家樓下食墨魚丸魚片頭撈粗餐有三樣野 一碟麵上面有4舊魚片頭同2粒墨魚丸 一碗熱湯底 同一杯餐飲可能預你食個陣會浸d野食落熱湯到 所以碟上所有食物都係凍既個人覺得唔係咁好 因為就算俾你浸落熱湯到 食物都只係外表變暖 但裡面仍然係凍既...再者 浸得多碗湯都好快唔熱 如果呢點可以改善下就好了！

以前都有食過呢度既下午茶，但由於只鐘意食佢既豬排包，所以食食下都無咩新配搭，令我有一段時間無幫襯。今日機緣巧合之下又行過呢度睇下下午茶。可能你都有食過佢下午茶既豬排包，除左豬排包配飲品，又可以配下其他野，但偏偏"其他野"對我又唔吸引。雖然唔知係咪已經出左好耐，但今日竟然見到有新配搭豬排包配喳咋。豬排包配喳咋 $24其實飲品對於我嚟講可有可無，因為我係諗住外賣，而屋企有大量飲品，反而喳咋就吸引到我。$24豬排包配糖水今時今日都算係幾經濟又飽肚既下午茶。包都算熱，豬排唔縮水，醬夠多，菜幾條，都已經唔錯。喳咋材料足，甜道控制都幾好，又帶少少椰香。抵食，好食，飽肚，下午茶目標已達成。快餐店好多時都普普通通又唔算平，但今次呢個性價比一流。

前排食得太多嘢，怕腸胃負荷唔到，所以今日趁住無朋友眾會就食粥清下腸胃先！及第粥 $33 連炸兩粥底煮到又綿又滑，而個及第粥料好足，分別有豬心、豬肝和豬粉腸等。最中意食呢度既豬肝，新鮮之餘又煮到啱啱好，正！油條剛炸起不久，仲係好脆！嫌一條油條唔多喉，再叫多左碟小食炸兩腸，過下口癮！炸兩腸 $18剛炸起既油條再包上腸粉皮，外軟內脆，口感一流。本身諗住清下腸胃，點知最後都抵擋唔住炸兩既誘惑！不過，我覺得價錢都算是略貴～

今晚要食外賣， 所以就去咗一粥麵度叫咗個鳳爪排骨煲仔飯。一打開個盒份量勁少，跟住仲要冇落豉油，價錢又要40幾蚊，勁5抵食。不過好在佢食落味道都唔算話太差，但係就無咗嗰種煲仔飯嘅風味。

今日見下晝唔太肚餓, 就決定正係食少少野,結果就簡左呢個脆皮熱狗餐作為一個下午茶, 呢隻熱狗都係一個唔錯既選擇,首先隻脆皮腸真係夠晒脆, 而且仲要夠晒熱, 真係幾好食至於D青瓜同蕃茄就冇乜特別咁啦,另外呢隻熱狗D汁亦都有D酸MeiMei既感覺, 幾開胃

呢個豬排包既茶餐可以配合唔同既食物，加埋成為一個茶餐，而今次我就簡左個火腿通粉。先講個豬排包，味道就唔錯但係塊豬排略為細塊左d,而個火腿通就幾好，火腿亦都算多，湯底亦都清清地，作為一個茶餐都算幾抵食啦。

中午太飽易飯氣攻心， 吃點簡單清淡好了。 來到公司附近的一粥麵，以快餐店形式落單取餐， 其實連作及裝修都有參考大字頭的快餐店，一粥麵食物種類有埋粥麵， 也有常餐及飯， 是海皇加大家樂的混合。蔥花炸兩一條油條過， 擠上甜醬花生醬， 豉油另上。 碟子都用長的來盛這完整炸兩，賣相一流。 內脆不油膩， 包了腸粉皮又滑， 加了豉油就更畫龍點睛，蔥花嚴少了些。 套餐配牛肉河粉， 改了做雲吞麵， 湯其實是味精湯， 麵沒什麼皂水味， 有5粒雲吞， 蝦及豬肉比例1比1， 難得是沒有 加添肥豬肉混水摸魚，雖然沒有大地魚湯， 雲吞包得也沒有輕盈的金魚尾， 以32元已是心滿意足， 加9元有凍飲，今餐41元

昨晚已經開始口喉痛，今早起身頭昏昏，量了體溫有點發燒，打電話回公司請了病假，吃了一粒成藥繼續睡。約11點多起身看醫生，醫生說我有點感冒和喉嚨發炎，要喝多點水和吃得清淡一點。生病可食的東西選擇不多，唯有到附近大家樂旗下的一粥麵，看看有什麼適合我吃。12點的人流還不算多，我看着牆上的餐牌想了好一會兒，最後選了一碗生滾魚腩粥 $31，可是只吃粥好像很"掛"，所以加了一碟齋腸粉 $9。付款後拿了號碼，等了10幾分鐘，外賣盒便包妥送上。打開外賣盒，熱騰騰的香氣撲出，軟綿綿的粥底，鯇魚腩的份量算多，肉質軟滑，沒有腥味，但略為多骨，咸度適中。外賣腸粉有獨立小包的甜豉油、麻醬和甜醬。齌腸粉本身沒有味道，質感尚算滑溜，加入醬汁增添惹味感，在清淡中帶有一點甜。整體清清淡淡的感覺，很適合我這個病人。

獨個兒用膳時，冰不時光顧一粥麵，貪其價格相宜，服務態度良好有禮。十月上旬某weekday，冰上瑜伽課前，先到藍田麗港城的一粥麵吃個下午茶，作為當日晚餐。當日，冰是被類似下圖的宣傅照片吸引，點了一客蝦多士配皮蛋瘦肉粥。(圖片擷取自一粥麵Facebook Fan Page)蝦多士實物如下：味道不怎麼樣，尚算新鮮炸起，鬆脆的，只是和宣傳照片相差太遠。另，若店方改用一隻小碟盛載蝦多士，感覺會少一點孤寂吧。粥的質素還可以，份量還算可以，問題是內裡沒有皮蛋，只有瘦肉及一些幼幼的腸－－好明顯是廚師出錯哦。

大家樂啲專點，今日食咗個茶餐-雞翼( 幾好，唔怕幹 )，火腿通( 無味道 )，檸茶平時都有食雲吞麵，水餃麵，牛腩麵，奶茶，唔錯 味道正中啲粥就普通，無人地啲生滾粥咁好味。

食過幾次... 都很好. . . $20 牛肉腸早餐 . .那天唔想飲野, 所以配通粉. . .1個人食...超飽. . .牛肉腸好味. . .通粉無咩特別. . . 魚柳早餐... 魚柳炸得好味. . . 試過有啲大家樂分店很厚粉又唔脆似炸完放了很久. . 但呢間 ok.. . 魚肉粥. . .好清, 好好味, 魚肉都有好多嚿..比想像中多.. . . 晚餐 $30 牛坑腩雲吞撈麵. . .牛腩同雲舌都好好味. . 因為新開, 繁忙時間零捨多人. . .住係附近...個個都走黎試新野. . .但失望既係粥麵店...無油炸鬼食. . .

日前去了麗港城食午飯，見到原先烚下烚下的店舖已經結業並進行裝修，才知道是一粥麵將會座鎮麗港城，終於我再去麗港城食午飯時，原來該店剛剛開業，便入去食了。本身屬大家樂集團旗下，故此大家樂的食品亦有供應，但當然我要試下這裏的粥麵了！當日食了一個皮蛋瘦肉粥（$18）配叉燒腸粉（另加$8），腸粉是即叫即拉的，但配上的醬油卻是有點鹹！反而皮蛋瘦肉粥材料豐富，又熱又好食！當然無可能要求有好好食的快餐，但質素卻是可以接受的。