一糖 (屏山)

營業中

休息中

今日約咗一班老友敘舊，半年冇見，食完飯就喺附近搵個地方食埋糖水，揀咗喺西鐵站隔離嘅一糖，地點非常方便，喺西鐵站行5分鐘就到，放便大家搭車。呢度有戶外同戶內嘅地方，就算帶埋寵物，要呼吸嘅都冇有怕，門口仲有一大個停車場，揸車搭車一樣方便！這裏有過百款甜品，幾十蚊就有交易！Oreo窩夫，窩夫香脆，有成三大件，窩夫加埋雪糕食非常邪惡！榴槤奶凍，金枕頭肉非常香濃，奶凍有淡淡的椰汁香！而且做得非常滑！蜂蜜白桃梳打，蜂蜜另上，甜度自己控制，而且非常夠氣，十分解渴！抹茶椰汁紅豆冰，抺茶味香濃，紅豆起沙，加上雪糕球，抹茶控必試！除了甜品外，還有雞翼尖，腸粉小食等提供，想搵嘢咬下都冇問題😌

住係天水圍無理由唔識隱世甜品舖一糖不過雖然話就話隱世，但其實由天水圍西鐵站行過去都只係5分鐘路程，好方便🤪平日既夜晚加上我地早黎到唔算太多人，位與位之間空間感十足，好啱成大班朋友食完飯一齊黎吹水而且佢呢度既甜品全部都好吸睛🤩，如果可以既話真係想食哂佢地落肚🤤🤤.1️⃣焦糖布丁牛奶冰 （$65）牛奶整成的綿綿冰既淡香中和咗焦糖布丁同糖漿既甜品，配搭新穎得黎又幾夾🙈2️⃣綠茶心太軟配雪糕（$50）鐘意佢既綠茶心太軟係會有淡淡既回甘，同時唔會過苦，加上綠茶同紅豆不嬲都係最佳拍擋，食落完全冇違和感🤪3️⃣黑糖珍珠奶茶窩夫（$60）一開始既時候同行友人係咁話呢個個名似伏，係咁阻止我叫，好彩我有堅持，事實證明打卡同好味係可以並存架！😤窩夫除咗配有黑糖珍珠外，仲配咗一杯奶蓋搽上去一路食一路感受到窩夫既脆、珍珠既煙韌同奶蓋既奶香，食完勁想encore🤤4️⃣Oreo士多啤梨奶昔 （$35）Orea味比士多啤梨味重，飲落唔算太傑身5️⃣其他小食除咗甜品之外，呢度仲可以叫其他小食黎醫下肚，我地叫咗魚蛋、燒賣同腸仔盛惠每樣8蚊魚蛋同燒賣我地加咗咖哩都幾辣🙈

這麼遠那麼近 西鐵站旁就是了店主還提供大量車位免費泊車🅿️食糖水都唔洗擔驚受怕被抄牌啦.🔸黑糖珍珠奶茶窩夫🧇外脆內軟既窩夫夾著煙煙韌韌既麻薯口感十足配埋店家調製既台式奶茶醬同珍珠估唔到呢個配搭又幾match.🔸芒果乳酸冰🍧益力多味既綿綿冰搭配新鮮芒果酸酸甜甜透心涼.🔸法式焦糖燉蛋🍮上層是烤得外脆既焦糖下層既燉蛋又香又滑經典中既經典.🔸榴槤玉露🍨大大舊由新鮮榴槤肉打成既榴槤蓉配上口感滑順既西米露食落好creamy 岩曬榴槤控.🔸蒜香香辣雞翼尖雞翼尖滷得入味非常香香辣辣 食得好過癮.🔸小食拼盤食糖水點可以冇街頭小食腸仔、陳皮魚旦、燒賣樣樣有🍢連腸粉都滑捋捋 配埋混醬 大滿足喲.💡提提大家一糖逢星期一休息 千祈唔好盲舂舂摸門釘呀😉

又到Happy Friday嘅時間，星期五同老公出去元朗食完飯後，想食糖水，搵到呢間喺天水圍站隔離嘅一糖。呢間糖水舖交通非常方便，一出西鐵站行幾分鐘就到，揸車都好方便，可以免費泊車。一入到舖頭，就傳來一陣香噴噴嘅窩夫味。呢度有好多唔同口味嘅窩夫選擇，我同老公叫咗一個芒果窩夫，配芒果味雪糕。等咗一陣好快就有得食啦，窩夫係脆嘅，即叫即整，唔會林晒。配埋芒果咁食，非常之夾。我哋仲一人叫咗一杯飲品，老公叫咗一個活乳酸梳打，梳打係用玻璃樽裝，賣相非常吸引，味道都唔錯，唔會太甜。我就叫咗一杯芒果汁，都係新鮮打出嚟嘅，味道唔錯，唔會太甜。總括而言，今餐糖水非常滿足，價錢又唔算貴。

早兩星期媽咪整親韌帶 要戒口好多野都唔食得包括佢最中意嘅甜品 今日佢覆診完終於可以解放 第一時間帶佢食甜品 哩間甜品店留意左佢好耐 最近見到好多foodies狂推 所以就帶媽咪嚟試下😋 哩間甜品店交通方便 由於係村口所以都有幾多泊車位 而且鄰近天水圍西鐵站 係E3出口行大約兩至三分鐘👍🏽 重點係影相一流 店舖旁邊有副壁畫 好可惜我地夜晚先到影得唔好所以無影相😟朱古力心太軟鮮雜果配雪糕 $50 ☆★★★★心太軟都算叫做必食 外脆內軟中間流心係基本但做齊好食都幾考工夫 正正佢地就係做到 中間朱古力唔只流心直程爆漿🤩🤩 個流心多到可以點埋雜果一齊食 配埋曲奇雪糕一流桃膠椰皇墩蛋白（凍/熱） $56 ☆☆★★★可謂女人養顏恩物 其實我自己第一次食 聞落有陣椰青水味😂但係食落又有香濃燉蛋味 表面的桃膠剛剛好唔會太硬唔會軟到一Pat pat 口感爽口 摑入面嘅椰皇肉😋😋舔舔脷蜂蜜白桃梳打 $32 ☆★★★★打卡搬嘅擺盤😝 杯內本身已有白桃醬同冰 附上蜂蜜同梳打水 加埋一齊酸酸甜甜 飲落更加可以中和甜品中嘅甜膩感👍🏽👍🏽👍🏽 perfect match紫薯窩夫 （沖繩直送）$58 ★★★★★★★★爆

通常都諗唔起天水圍有啲咩好嘅甜品店，但係今日就比我發現咗一間原來喺呢度開咗幾年嘅糖水舖！佢嘅位置有啲難搵喺屏山上璋圍地下，一般揸車嘅朋友都好方便去到。(⁎⁍̴̛ᴗ⁍̴̛⁎)呢度出邊有幅好大嘅壁畫，畫得好靚呀。同朋友叫咗好多碗糖水，呢度中式西式一應俱全！去食糖水之前梗係試吓呢度嘅小食，有咖喱燒賣、魚蛋、腸仔，另外仲有腸粉同埋雞翼尖添，全部都係我最愛！最鍾意食佢嘅腸粉同埋雞翼尖，腸粉好滑好好味，滑到阿媽都唔認得，加咗啲醬油更加好食，確係令人欲罷不能。雞翼尖雖然帶點蒜香同辣，但係不減我食慾，瘋狂咁食又煮得好腍，啲骨又好易啃，正正子。甜品方面叫咗個綠茶牛奶冰、榴槤王子、鮮雜果蛋撻配生薑茶定食、百利甜酒朱古力窩夫同紫薯芋圓添！全部上枱嘅時間，甜品賣相都好靚，綠茶牛奶冰有紅豆同埋糯米糍贈送，加埋綠茶醬倒落啲冰度，即時為我解暑。另外窩夫焗得好軟熟，裏面仲有糯米糍煙韌嘅口感，再加埋朱古力醬同曲奇雪糕，味道甜而不膩，有質感，太好吃了。紫薯芋圓係熱的，唔係太甜，紫薯好有口感，飲落去好補身呀，感覺有啲似番薯糖水呢！總括而言呢個絕對係宵夜嘅好地方包你食到肥，仲開到凌晨添，住天水圍屯門嘅朋友可以留意。

繼之前因胃部空間有限而未能盡興而歸後，今次專程相約大食女同事一起嘗盡款式繁多的甜品😆為了可盡嘗不同款式的甜品，我倆打算甜品當正餐，特意餓著肚子前來😆大家面對餐牌上琳琅滿目的甜品均引發了選擇困難症，經擾攘一輪後，最終揀選了：蜂蜜茉莉花茶杯子是隔熱的，茉莉花茶是以茶包混合茉莉花調製，而蜂蜜則是另上，甜度可因人而異，味道清香；唯獨茉莉花浮於茶面，以致飲用時要避免吃掉茉莉花😆鮮雜果蛋撻配紅棗茶定食整體有日式感覺❤️而紅棗茶的杯子也是隔熱的，味道不會太甜，感覺清潤；餐牌上標明是蛋撻，但原來是芝士撻，對愛好芝士的我倆感到驚喜😍芝士撻是熱辣辣，而且有很香濃的流心芝士，邪惡得很😈雜果有哈密瓜、西瓜、香蕉及芒果，生果新鮮清甜，可中和芝士撻的膩感，這定食配搭真的不錯👍🏻蘋果肉桂窩夫窩夫的尺寸有如手掌般大小，份量十足，而且是新鮮熱辣即製，外脆內軟，配同雪糕、粟米片及蘋果片同吃，味道酸酸地，一冷一熱的，口感豐富😋榴槤心太軟心太軟亦是新鮮熱辣即製，當切開心太軟的外層時，內裏的榴槤醬傾倒而出，香氣四溢😍榴槤的味道相比另一甜品「榴槤皇子」還更香濃，榴槤愛好者必點❤️還好此甜品配同鮮果和雪糕同吃，可以中和膩感👍🏻榴槤皇子

呢日去左天水圍探朋友，食完晚飯之後當然就直落食甜品啦，佢帶左我去天水圍站附近既糖水店，呢間鋪頭真係要地膽先識去，雖然佢好近地鐵站，不過就要喺唔起眼既小路到行過去。佢入面既環境唔錯，亦都有幾多選擇。我地點左好多甜品，首先係啲養生啲既甜品，呢個桃膠椰皇燉蛋白好滋潤，女仔食就perfect，而且唔會太甜，正！另外焦糖燉蛋都唔錯，面頭烤到脆一脆，底下係濃郁既燉蛋。咁熱既天氣食呢個鮮雜果西瓜盅雪芭就岩哂，好消暑。最正既係呢個即製抹茶麻薯窩夫，外脆內煙韌又有好香抺茶味！仲叫多兩杯野飲，好飽啊！

好耐都冇食甜品啦！所以我同男朋友今日去咗天水圍呢一間一糖食甜品。距離天水圍站都只不過係3分鐘嘅路程。嚟到一糖既門口，我就俾間鋪出面嗰幅超大嘅壁畫吸引住左！上面有佢哋嘅店名，好有設計感同埋特色，啱晒各位鍾意打卡嘅朋友仔拍照留念。你可以選擇坐室外或者室內，無論你係一個人食定一大班朋友一齊去食，都坐得落。咁我哋今日就揀咗坐入邊。我哋因為夜晚冇食到晚飯，所以叫咗啲小食填下肚先，有魚蛋，燒賣，腸仔，蒜香雞翼尖。魚蛋中分彈牙，燒賣都唔錯。最中意既係雞翼尖同腸仔。腸仔唔似出面食到個啲死咸，雞翼就非常腍，好入味！食到有啲口渴，我地一人叫左一杯乳酸梳打，梳打水同乳酸喺分開，要自己將梳打水倒落杯度，非常有gimmick！食完咸野喺時侯要食甜野啦！我地叫咗一個桃膠椰皇燉蛋白同一個梳乎厘紫薯。個桃膠椰皇燉蛋白超滑！食完都覺得自己皮膚滑咗好多哈哈！梳乎厘紫薯上面個層蛋白好香好軟，好似舊雲咁。下面個層喺紫薯蓉，好香紫薯味，紫薯控必點！最後我哋叫咗杯蜂蜜玫瑰茶，食完凍嘢，飲返杯暖嘢暖下胃。叫咗咁多嘢食，連未食晚飯嘅我哋都食飽咗，埋單都只係$251，十分抵！下次會再嚟！

今日去咗天水圍探朋友，睇吓朋友個初生BB，好可愛，探完之後都費事阻住人哋啦，就睇吓附近有咩食啦。見到呢間評價幾高嘅糖水舖，又喺附近，就同老婆一齊行過去，其實佢嘅位置就係天水圍西鐵站樓下，雖然佢好似喺村入邊咁，但其實係天水圍站大概三四分鐘嘅路程已經行到，所以實質其實都好方便，如果揸車人士嘅話更加方便添，側邊有啲路可以泊車。其實我今日都冇乜食過嘢，所以都有啲肚餓，除咗糖水之外，我第一時間先嗌咗一個腸粉魚蛋燒賣，老婆話想試吓啲雞翼尖，所以我叫咗一份雞翼尖。啲魚蛋同燒賣可以揀咖喱汁，我哋亦都加咗咖喱汁，都辣辣地嘅。然後腸粉d醬勁多，所以都好好味。之後每人叫咗一杯飲品，因為啲雞翼尖都辣辣地嘅，老婆就要左芒果汁，我就要左荔枝梳打。本身我好怕個荔枝梳打會好甜，但係原來佢係糖水分開上嘅，自己可以調校自己喜歡嘅甜度，呢個好值得一讚。之後見到隔離枱食個窩夫同埋心太軟都好似好吸引，真係好少糖水舖有咁多款式嘅嘢食食，基本上你諗得出嘅甜品都有，所以我哋要嗌左一份窩夫同埋心太軟。窩夫係包埋一球雪糕嘅，然後窩夫入邊有麻薯，成個組合超級夾。只要個心太軟可以再熱多少少，咁佢個流心會再突出一啲。點知我老婆仲話未夠飽，想試

今日同朋友特登過去天水圍食糖水，呢間甜品店賣點係出面有一幅好大O既塗鴉牆，成為ig打卡勝地，至於食物方面就上網睇過d食評亦唔差，價錢亦唔貴，所以同朋友都唔介意特登搭車入o黎試一試!!!! 而且甜品店位置O係西鐵站旁邊，行幾分鐘就到，都幾容易搵到….由於我同朋友都唔想一次點哂D甜品，怕食得太甜，所以我地都點O左D腸粉同魚蛋食下…意想唔到O既係連小食都整得唔錯，腸粉夠滑，魚蛋入味，最吸引係D醬料多!!!!!  至於甜品方面，我地試O左生磨芝麻窩夫配薄荷朱古力雪糕，食落好香芝麻味，窩夫即點即整，所以外層夠脆口，好美味，另外，朋友點O左朱古力心太軟，呢款係必點推介，除O左即點即做，令到個心太軟可以做到外脆內軟之外，一切開D朱古力係湧出O黎，睇見好治療，可惜O既係冇拍低video…..值得一提係d朱古力唔係好甜，o岩哂我口味!!!!! 雖然食完咁多o野，但我同朋友係熱愛榴槤o既忠實fans，見到隔離檯點o左個榴槤皇子，我地又忍唔住點，呢個真係冇後悔點O左…..好重榴槤味之餘，仲好滑口，仲要有埋榴槤肉，真係一啖放完入口，完全唔捨得吞!!!!!! 大家不妨一試….

自從天水圍開咗一糖，終於唔洗落元朗都有甜品食🤪🤪特別係近期呢種時不時落雨嘅日子，出去食嘢更加注重就唔就腳。記得初開業嘅時候只有室內廖廖幾枱座位，依家擴充到室外車場範圍，輪候時間大大刪減；加上有瓦遮頭同風扇，唔洗等位又唔怕熱同淋雨。甜品種類多到成本相簿咁厚，中式、西式、特飲、時令水果、綿綿冰，基本上你諗到嘅都有。私心推薦椰皇燉蛋白❣️蛋白椰汁各佔一半，比純燉奶入口輕盈不膩，甜度適中、唔死甜；加上啖啖桃膠，滋潤又養顏，啱哂女仔飲～椰殼上嘅椰子肉一刮就甩，真係可以食哂啲果肉🤟🏻日式芭菲雖然無日本正宗嘅多料，但雪糕、脆米、紅豆、忌廉同啫喱幾種不同口感層次嘅食材同樣帶嚟充分滿足✨抹茶味偏淡香不甘澀，抹茶控可能會覺得唔夠濃郁。心太軟有多種口味選擇，身為酒鬼當然係揀Bailey’s🙉但食落無咩酒味。心太軟即叫即製，火候恰到好處外脆內軟，配上面頭帶淡奶油香嘅輕忌廉，感覺比起配雪糕更合適；選用咗偏濃嘅苦甜朱古力，食落唔會太甜漏。窩夫中規中矩，可能擺碟耐咗嘅關係，上枱微溫、唔夠香脆；除咗加入砂糖煮過嘅蘋果粒，仲有幾片爽脆嘅蘋果薄片同粟米片提升口感，都算幾有心思。

門口好有特色，門面嘅牆刻咗「一糖」兩字，旁邊仲有塗鴉牆，可以任影相，呢個位簡直係呃like位！入到去，好寬敞嘅環境，感覺好warm,第一時間睇餐牌嗌甜品啦！好多款甜品選擇，樣樣都想食。首先，我同我個friend嗌咗一份生磨芝麻窩夫配薄荷朱古力雪糕，再叫多一份朱古力心太軟配芒果雪糕益力多沙冰，杯沙冰好可愛，入面有支雪咗造冰嘅益力多，仲有好多粒啫喱，一邊啜沙冰，一邊咬啫喱，雙重口感！西瓜汁清甜，消暑由解渴，夏日健康之選終於嚟咗兩份甜品，甜品賣相擺得好靚，生磨芝麻窩夫有四塊，其中上面兩塊鋪滿烤溶咗嘅棉花糖，咬落塊窩夫好煙韌，口感好似有啲似食緊麻糬咁，加上鬆脆嘅表面，正呀！而朱古力心太軟一切落去個外皮好脆，切開啲朱古力溶醬漏出嚟，好豐富喎！食落又唔會太甜，加上伴碟嘅生果，可以點落去朱古力醬度食，一款甜品，有兩種食法，夠特別！呢兩款甜品可以自選雪糕，薄荷朱古力雪糕唔太甜，芒果雪糕有驚喜，好香，好有鮮芒果味，果然無揀錯！估唔到嚟到天水圍屏山有咁好食嘅甜品，下次再嚟食過！

那間甜品店舖我又再次去食甜品！店舖需然唔係好大！坐落都幾舒服！四周圍都好寧靜！唔錯休閒的地方！店舖位於天水圍西鐵站落車行幾分鐘就到達！。甜品方面:梳乎里紫薯賣相非常吸引！好軟內滑味道都唔錯！食入口又有口感！紫薯方面食到入口又唔會好甜十分之軟綿綿！真係好正！。石板街窩夫(曲奇雪糕)！賣相真係好靚睇到都想食！😋😋😋！窩夫外脆內軟好有口感！味道唔錯！窩夫凍咗食一樣軟绵绵真係唔錯！。桃膠椰皇燉蛋白！非常唔錯又滋潤皮膚作用！1味道恰恰好！食入口感覺十分幼滑！同時熱同埋凍食一都好味！。朱古力心太軟、綠茶心太軟！外軟內滑味道又唔錯！食入口甜度恰恰好！朱古力味好香濃、綠茶味道好重！真係唔錯！。鮮雜果蛋撻配紅棗茶定食！這個套餐都唔錯！芝士撻味道好香濃芝士味道！食入口好滑口！紅棗茶味道唔錯！薑茶味道好重薑味十分之濃味！。至於價錢方面一般大眾化價錢！

這次與朋友幾個來吃甜品休息一會兒，去到的時間已經坐滿了一半人了，餐廳冷氣充很涼快😆。看看餐牌再選擇甜品吧，我們人多可以吃多幾款甜品感覺不錯😋。食甜品雖然邪惡，但幾個人吃又不用吃太多，又可以吃多款很開心耶🤩🤩。💥桃膠椰皇燉蛋白(凍/熱) HKD$56，這個很養顏的甜品😆，吃過一次覺得不錯所以再點來吃吃。味道不會太甜，靜靜喜歡吃熱的版本，因為味道更香又熱辣辣呢😋。💥梳乎里紫薯 HKD$49，這個甜品賣相不錯而且很飽肚🤭，面頭是梳乎里，而底下暗藏紫薯。甜度適中剛好，紫薯挻滑身的口感🥰。💥綠茶心太軟配綠茶雪糕 | 朱古力心太軟配朱古力雪糕 HKD$50，心太軟這個經典甜品很喜歡吃，最喜歡看到切開後的流效果🤩。吃完甜品之後再吃點水果來中和一下甜味挻不錯吧。另外點了鮮雜果配蛋撻定食配飲品和石板街窩夫配曲奇雪糕，這兩個甜品味道和賣相也不錯耶😆，與朋友分享來吃最好不過呢😝。