一肥貓古祖味蛋糕 (已結業)

安排失當又混亂 辛苦排左40分鐘 換嚟嘅係因為前面拎晒籌後面冇得拎咁最初就應該一早派籌 唔使人排隊啦 咁而家派完籌 後邊排咗咁耐隊嗰啲人又無得買 仲要佢個態度又唔好 真係幾好食都無用！

排左個幾鐘 3⃣️種味道都買左 原味平凡 肉鬆不是很香 芝士味略為好一點都有少少芝士味 或者是我期望太高 但只此一次 不會再試 而態度方面非常差 如果大家有去過元朗店知道佢鋪面係玻璃可以直接睇到佢哋工作嘅情況 而我只是站在玻璃旁邊觀看 她詢問我有什麼可以幫到你 我便跟她說我朋友在排隊 她回覆我 我企喺度望住佢 佢只會越做越慢同有壓力喎 我都沒有催促過她 駛唔駛咁吖 睇下都唔得咩

之前經過冇機會食，今次再入元朗，就決定排隊都要食！見到蛋糕出爐，店員分蛋糕嘅時候真係好感動，終於有得食啦。今次排到我嘅時候，剛巧係我最想食嘅原味蛋糕，返到屋企切開之後依然鬆軟，蛋味超濃👍🏼

甘岩落開元朗，經過一肥貓見就黎有我想食既芝士味岀爐，又無乜人排隊，就走左去排埋一份。鋪頭只買三款口味，原味，芝士，肉鬆。原味食過，唔係我杯茶。如果鍾意食清蛋糕，好香蛋味既，就會好鍾意原味。其實黎過幾次，但每次都爆多人，排一頭半個鐘實走唔甩，仲要分分鐘今輪買唔到要等下輪，真係咪搞我。所以今次見得十個人到，排一輪都買到蛋糕，即刻去排隊。芝士味$65都可以再切八件，其實都唔算太貴有兩層芝士，咸咸地幾好味。好似細細舊，但食完一舊都幾飽肚如果唔係排太耐隊都值得買黎食既

兩點半去打算排三點出爐，客氣詢問老闆娘幾時派籌，回應係一面唔耐煩「未阿！隔離排隊等！」 好.. 望一望店面既標示 要出爐前10-15分先派，咁只好乖乖同朋友去派隊啦。派到3點3都仲未有人派籌，於是好奇去店面問問 「請問大概幾時派籌？」帶住口罩既老闆忙住包裝 老闆娘又燥底開聲 「切緊喇！」 我見到，我係想問仲有幾耐「就得喇！你有有冇排隊嫁？！」轉身番去排隊，無法同冇禮貌既人溝通 我知你地好食 都唔要求有服務業既好客，但係禮貌都咁難咩？ 原以為20分買到 結果用一個鐘，唔明佢貼出爐時間既意義係咩。蛋糕係好食 但冇下次。

難得到元朗一趟，一定要去高人氣店舖一試。以為無人排隊，原來為免防礙其他店舖做生意，人籠要到轉角位開始排，去到已經有廿幾人排緊隊。好好彩，肉鬆味可以唔洗排隊不消十分鐘就可以拎住香噴噴蛋糕返屋企。本來應該由原味開始試，但我本來又極喜愛食肉鬆，所以又邊會介意肉鬆味貴啲？說真肉鬆口味都唔錯，咸咸甜甜咁蛋糕夠軟熟，肉鬆口感好又夠香。蛋糕真係好有蛋香，沿路搭車拎住返屋企都一路聞得到香味。值得推薦，排隊買都抵。

沒一個固定時間出爐🤦🏻‍♂️🤦🏻‍♂️🤦🏻‍♂️日日時間都唔同有原味蛋糕、芝士味蛋糕、肉鬆味蛋糕🍰各款口味的蛋糕的出爐時間不同，每次只供應20件蛋糕，想食就要喺門口睇吓貼的出爐時間啦，沒有電話預訂服務。要即場食，冷左就冇咁好食架啦新鮮出爐的蛋糕蛋味香濃，黎遠都聞到陣陣香味，件件都脹卜卜，口感綿密鬆軟。大大個蛋糕。分量絕對夠3-4人食，小朋友好喜歡見佢地人手做，親力親為，值得一試👍🏻👍🏻👍🏻

我買的是原味，鬆軟有蛋香，令我想起小時候冰室的紙包蛋糕，但口感更結實。與我的台灣朋友一同分享，他表示是童年的味道很正宗，而且不會太甜更合適現代人講求健康的需求。如果要買其他口味要等緣份到，因為未必碰上出爐時間，每次出爐有20份，而每人可買兩份，即分分鐘排11果位都買唔到。大大件才$55價錢合理，但如果下下要等一個小時以上，不值得等，熱潮過去後不用再花時間等，我必會再買。另外個人比較喜歡九龍城的豪華蛋糕，更鬆軟

吃了肉鬆味，好好味啊！等了30分鐘，但值得等待！我覺得一份已經可以四個人食，下次一定要試試芝士味同原味！I tried the flossy pork one today! It was soooo good! I waited for 30 minutes in line, but it’s worth the wait. I think the portion can feed 4 people. Got to try the cheesy one and the plain one next time!

排左半個鐘拎籌，再等半個鐘好多客人都投訴點解安排得咁差有人話排長隊做廣告其實可以俾錢派籌，指定時間拎當然消費者有權唔買既味道真係一般，可能我太大期望。唔會排多次

‼️元朗又一間人氣古祖味蛋糕店喇‼️鋪頭開1點，上個星期六12:30去到已經排晒龍，最後等左成個幾鐘先等到依兩舊蛋糕。一肥貓賣點係每天新鮮做新鮮出爐，每個鐘頭都keep住新鮮蛋糕出爐，製造過程以全人手拌勻蛋漿，令到每底蛋糕都做到鬆軟效果。即刻報告食評先。原味($55)&芝士味($65)蛋糕都幾大個，價錢可以接受。蛋糕用湖北土雞蛋製造，唔知係咪期望太高呢，聞落的確蛋味好香，但食落反而蛋味未算太出眾，不過都比一般蛋糕重蛋味既，而質感方面的確幾鬆軟，口感蓬鬆。不過幾抵讚係蛋糕可以放雪櫃，食足三日，真係三日個蛋糕都keep到一樣咁鬆軟，放入焗爐焗幾分鐘仲係keep到新鮮出爐個下既水準，無變質。另外我個人係鐘意芝士味多啲，雖然唔係拉絲個種，係擺左兩層澳洲芝士係蛋糕中間，好有咸香，覺得幾配個蛋糕，比起原味係兩種味道，口感層次再多一點。不過總結無想像中咁好食🤭因爲蛋味未夠 ，排一個鐘未必再會，排15-30分鐘都會考慮下既🤣🤣如果人潮散去會encore! -另外有一樣野真係要改善，就係店鋪運作，有點亂同效率低，由派籌、切蛋糕、入盒、放刀叉都係同一個人，但又會見到其他人係鋪面企住無咩事做😅蛋糕出哂爐，仲要等

因為收到風芝士味出爐時間，立馬去排隊，買咗呢個近來人氣爆燈嘅台灣古早味枕頭蛋糕～.人龍的確誇張，網絡和羊群心理真係有威力！.到差不多出爐時，職員就會派籌，每次出爐蛋糕有限，好幸運地係最後一籌芝士，排後面嘅只能等原味或肉鬆了～.喜歡佢嘅成份夠天然，唔落任何防腐劑、膨脤劑、色素或香精，味道清淡，無負擔～.味道：唔太甜，屬偏淡口味，所以好明顯會食到芝士嘅鹹味～甜度如果用最淡-A+、中間-B+、最甜-C+去形容，佢係A+嘅甜度～蛋糕亦無因為化學劑提升嘅蛋糕香，大概你係連糕香都聞唔到嘅～但底啡色嗰層就會食到焦香！整體味道幾舒服，我地係俾化學劑餵大嘅，所以食呢個蛋糕會覺得好天然同埋無負擔！細味中亦能食到雞蛋嘅味道！.口感：比香港茶餐廳嘅紙包蛋糕緊實，但都鬆軟可口，用手㩒蛋糕彈手亦有回彈原位，咀嚼時唔會黏黏立立咁黐係口腔內～.總結：食過芝士就會覺得原味一定好寡，然後覺得肉鬆可能會味濃一啲～呢個蛋糕未至於神級好食，無人排隊都可以再試埋個肉鬆嘅～

廣告威力真係好利害，應該朝聖下先日日都咁多人嚟排隊，不過安排上有啲混亂，個個都只掛住排隊，唔會留意到出爐係咩蛋糕😭😭😭如果想買齊三款蛋糕就要排三次隊但覺得如果蛋糕凍左就冇咁好食🤦🏻‍♀️店舖會展示各款口味的蛋糕的出爐時間，大家要留意清楚！每次只供應二十件蛋糕，想食新鮮出爐的蛋糕就可以先預好時間！出爐後會即場切件入盒，一舊舊好似枕頭嘅蛋糕，新鮮又熱騰騰的蛋糕，吃起來口感濕潤鬆軟和蛋香味濃郁，熱吃最好👍👍👍店舖內不時飄出蛋香味，就連路人行過也聞到並大讚：好香😋😋😋流晒口水

為咗試呢個製作認真嘅古早味蛋糕，排咗一個鐘，中間無間段落雨都繼續等，一人限買兩個，只限一種味，除非重新排，最後買咗芝士，結論係所謂的古早味一次便夠了，廣告萬歲!!

台灣引入的古早蛋糕，香味四溢，每次出爐時段只賣兩大盆即20件。新開張吸引了很多很多人來觀看，早在出爐十分鐘前人龍已經有10多人，前5分鐘店員開始派籌，每人最多買兩盒。今次是原味的$55，據盒上寫道最多可放在冰箱儲放3日。可能是新開的關係，店員手腳很慢，連切蛋糕都要用間尺，感覺很不專業呢。不過蛋糕超級軟熟，又比普通紙包蛋糕結實些少，非常濃郁的牛奶蛋香味，絕對令人一吃再吃，停不下來。第二天早上由雪櫃來出來，味道沒有走失很多，不過香味明顯減退了，但仍然好吃！下次有機會想試芝士蛋糕，期待店鋪運作愈來愈暢順。