一興粉麵

營業中

休息中

香港其中一個最具特色嘅文化，除冰室茶記外，其實牛腩麵店都充滿一種情懷，位於長沙灣的【一興粉麵】有別於一般傳統嘅麵檔...入面座位整齊，間隔OK唔會太逼，燈光光猛而且十分企理乾淨，啱哂中意舒舒服服食嘢嘅我！今日同住附近嘅朋友第一次食呢間，聽聞仲有間喺深水埗，朋友話佢嘅牛脆骨好有水準！眼見師傅認真製作，一人企檔唔夠味都可以加味，但我冇用過～✨蘿蔔崩沙腩河粉 崩沙腩是牛腩中最矜貴的存在，它是牛的橫膈膜，表面有一層橫膈膜連著腩肉，筋膜連少少肉，軟腍味香，肥瘦剛好，可謂牛腩中的極品蘿蔔清甜無渣，同崩沙腩嘅肉香平衡得好好，回味無窮！再喝一口清甜牛骨湯，大滿足。睇圖都見到做到肥瘦相間，處理得很好。✨牛脆骨河粉咩係牛脆骨 ？牛脆骨係牛嘅氣管，由軟骨環組成，非常罕見嘅部位，唔係間間都有得食！雖然成日周圍食嘢，但係我都係第一次試呢個部位！佢嘅獨特口感好有驚喜，味道嚟講佢哋有用滷水汁係熬煮牛脆骨，滷汁融入本身河粉湯底後變成第二款湯底，河粉索哂啲精華食得嚟非常過癮！店員話牛脆骨含有豐富的膠原蛋白，聽完仲想Encore添！✨炸魚皮咸咸脆脆嘅炸魚皮點落湯底食法係世一！每次食粉麵必嗌嘅side嚟！叫多兩杯飲品，杯奶

麵店整體環境餐具都好乾淨企理, 店員姐姐&老板服務好好。上菜速度理想。食得好窩心。香港情懷嘅粉麵店。❤️👍🏻1）鮮蝦雲吞麵呢個超驚喜😋雲吞皮薄幼滑。入面D蝦新鮮彈牙。大大粒。雲吞麵幼細彈牙爽口。齒頰留香一試難忘。😋👍🏻👍🏻👍🏻2）牛脆骨河第一次食。呢個超驚喜👍🏻。牛脆骨係牛嘅氣管位置，口感爽脆入味。有啲似豬軟骨 💁🏻‍♀️含有骨膠原豐富，增加皮膚彈性關節靈活性😀 口感十足👍🏻性價比超高。配合埋自家製辣椒油。老板話自己炒秘製而成。好味到停唔到口嗰種。配合牛脆骨，簡直絕配。超讚👍🏻👍🏻👍🏻。我都忍唔住買咗一樽辣椒油返屋企備用。4）凍檸檬茶好多人都讚過佢哋嘅檸檬茶，果然名不虛傳。茶膽正👍，檸檬多。加上大大杯夠冰凍，地道香港檸檬茶口味。飲完透心涼。正👍🏻好耐冇喺香港食到咁滿足嘅地道港式粉麵👍🏻❤️。menu仲有好多好多唔同種類嘅美食。相信都好出色。❤️ 感受到用心製作👍🏻。極之推介。會繼續嚟。我哋食咗半個鐘，就已經見到好多人幫襯。支持小店👍🏻。營業時間到一點💁🏻‍♀️宵夜推介。

甜忌廉都好鍾意食潮式粉麵，簡簡單單一碗粉都可以風味無窮，今次同同事來長沙灣做嘢見到呢間裝修平實嘅一興粉麵，二話不說就入去坐低食👯‍♀️我叫咗個最基本又考功夫嘅鮮蝦雲吞麵，雲吞大大粒非常飽滿，麵質軟硬適中，無鹼水味，可以連湯都飲埋😋😋同事叫咗個魚皮餃丐，我試咗一粒，同樣係皮薄足料，帶有魚鮮而又無腥味因為唔夠喉嘅關係，我哋仲嗌咗個淨坑腩😆，坑腩肥瘦適中，咬落淋身唔靭，非常入味，腩汁好香濃，如果唔係太飽嘅話直頭想食多碗粉🤭🤭平民化嘅飲食同樣可以好高質，有機會要再返嚟食😚😚

最近我去咗一興粉麵下午茶，試咗幾樣好食嘅嘢，真係唔可以唔講！🍜首先，牛脆骨拼墨丸麵真係好正！牛脆骨煮得啱啱好，肉質嫩滑，咬下去有啲彈性，仲有墨魚丸添，味道鮮美。麵條用嘅係滑滑嘅米粉，吸咗湯底嘅精華，湯底好濃郁，每一口都好滿足！🍜牛什麵牛什麵，有牛腩、牛肚，仲有少少牛腱，味道相當夠味，湯底清新，食材食得出係新鮮嘅，牛味濃郁呀！🐟炸魚皮作為小食，炸魚皮真係一個好選擇！一上台大大碟嘅~炸得金黃酥脆，完全唔油膩，食落去好爽脆，啱嗮我呢d中意食香口嘢嘅！☕下午茶優惠最後提一提，下午茶優惠真係好抵，$31+$4就有包餐飲！性價比好高！📍一興粉麵 (長沙灣)長沙灣青山道376號和興大廈地舖

前排過咗去長沙灣嗰邊工作，順便搵喺嗰頭返工嘅朋友一齊食午餐。朋友介紹我去食潮州粉麵檔，行到舖頭門口已聞到陣陣嘅牛什牛腩味。我哋嗌咗🤎蘿蔔崩沙腩河🤎牛什河🤎蠔油芥蘭🤎淨魚旦蘿蔔崩沙腩河，好少見崩沙腩，因為佢係表面有一層橫膈膜連著腩肉，筋膜連少少肉，軟腍味香，肥瘦剛好，搭配埋清清的蘿蔔，互相輝映。朋友嗌了牛什河，佢最鍾意食牛膀同埋牛腸，貪佢夠有嚼勁。去食粉麵檔必要嗌碟油菜，今次嗌了蠔油芥蘭，芥蘭大大條夠新鮮，配上蠔油更好味。朋友話想嗌個淨魚旦，魚片、魚蛋，配生菜底，湯底鮮味，魚旦彈牙。

香港其實有好多唔同嘅粉麵店，但搵到一間好食嘅粉麵店都有啲難度🤔，今次經過長沙灣試吓呢間先，佢嘅外貌似係新裝修嘅關係，所以就比較乾淨企理，比人感覺十分之舒服😍😍可以看見師父在內煮麵，十分經典，而且性價比高，經濟實慧，牛魔王既你一定唔可以錯過，正啊，一定要再去雲吞墨丸米墨魚丸爽滑彈牙，而且有三大粒🍡，雲吞就皮薄，而且入邊啲餡料好新鮮，另外覺得個湯底都清澈，但係又有鮮味，淨坑腩牛坑腩十分之腍，亦都好入味，睇個湯底嘅顏色就知道非常之味道濃郁，而腩肉食完唔會覺得好肥膩，份量都好多😳自家製辣椒油平時真係好鍾意食辣，今次呢個辣椒油味道非常之香，而且辣味🌶️亦都好出，鍾意食辣嘅朋友可以試吓一興粉麵 (長沙灣)長沙灣青山道376號和興大廈地舖

最近去找朋友所以去了比較少去的長沙灣，對當地區不是很熟悉，所以午餐就找了一家客人比較多的粉麵店嘗一下。叫了牛脆骨拼墨丸河粉和腐乳通菜。🐮牛脆骨是第一次吃，吃之前都不知道原來是喉嚨/氣管至胃的軟骨部位，外層肉質軟霖、裏層軟骨口感爽脆、有點像吃豬耳但沒有粘口的膠質，非常有特色的一樣食材。👍🏻墨丸爽口彈牙、河粉軟滑不糊。🥬腐乳通菜非常爽口、腐乳味道適中、不會過鹹、比較清爽。整體感覺價錢適中、食物質素可以、誤打誤撞去了一間還不錯的粉麵店。

【長沙灣•一興粉麵】@ππππππππππππππππππππππππππππππ傳統粉麵檔啲牛腩好正牛腩三寶河水餃麵牛腩三寶河牛腩的口感柔嫩，經過長時間燉煮，肉質鮮美，融入湯中，讓人一口接一口。濃郁的湯底輕盈卻豐富，結合了香料的香氣和多層次的味道，十分誘人。水餃麵水餃皮薄餡多，內餡豐富，肉質鮮香，與湯底相得益彰。麵條則彈牙爽滑，吸附著湯汁，吃起來非常過癮。每口都是驚喜，特別是咬開水餃時，濃郁的湯汁在口中爆開，更添了用餐的愉悅感。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 70✨✨✨✨✨✨✨✨✨✨✨✨✨#長沙灣美食 #一興粉麵 #web3長沙灣一興粉麵長沙灣青山道376號和興大廈地舖

今日咁岩行過呢間位於長沙灣既粉麵店, 新裝潢既關係睇落比起其他既長沙灣粉麵店為乾淨餐牌上既食物選擇都不少, 價錢都唔貴, 平均都只係三十幾就有湯麵食嗌左個魚蛋河, 一共有5粒魚蛋魚蛋爽滑彈牙, 估唔到雖然係普通既湯底, 但係食落魚蛋好有鮮味, 食落個湯都好有鮮味!友人點左個五寶紫菜河, 有齊哂咁多款既丸, 不得不說呢度既丸類非常出色, 係比起一般既更有彈性同鮮味最後想推介既一定係佢既港式飲料!! 味道好傳統同少有咁高汁!!

一興粉麵（長沙灣)真係非常多分店，就算下午茶時段嚟都見到非常之多人。環境光明簡潔，店舖雖然唔係好大，但係衛生都非常之到位👍今次試咗魚片頭，潮州白魚蛋同雲吞。湯底好清好適合健康嘅人士或者減肥嘅朋友仔。💕一粒雲吞有一隻蝦是一隻半蝦👍👍真係非常之正！潮州白魚蛋食落完全冇好多嘅防腐同添加劑，魚片頭都好爽好香口舖頭內服務員姐姐全部都服務態度好好，經濟實惠，而家天口咁熱，返工收工食返碗絕對係健康之選👍

我今日放工後，約同好友去位於長沙灣青山道376號和興大廈地舖的一興粉麵食粉麵，茶餐廳裝修，坐得舒服。我點左個牛脆骨麵 $42，餐飲係凍檸檬可樂$21，好友點左個 韮黃鮮蝦水餃河粉 $38，餐飲係凍柚子蜜 $21。牛脆骨係罕有的牛部份，屬牛氣管位置，口感爽脆，含膠原蛋白，可以增加皮膚彈性和關節靈活性，又真係有咬囗，係軟骨的感覺，幼身麵條幾好食，彈口；韮黃鮮蝦水餃幾大隻，一碗有4隻，大大隻又好味，河粉滑溜好食； 餐飲係凍柚子蜜 ，大熱天時最適宜，檸檬配凍可樂，令人感覺神怡。

長沙灣昌華街青山道交界嘅牛雜麵專門店，一興粉麵。招牌牛三寶河（牛腩，牛肚，牛筋）$46：牛腩肥瘦度：冇肥乜滯，大嚿牛腩肉。牛筋軟熟。牛肚（這個原來不算內臟，不過食落有啲似大腸 ）。青蔥配搭。河粉有細有粗（自家製？）。鮮蝦雲吞麵$36：同伴鍾意食鹼水麵，呢碗雲吞麵鹼水味唔重可以接受。雲吞係最好食嘅。有五粒。超彈牙。超爽脆。皮餡比例：餡多。肉質新鮮。送兩杯凍飲。跟餐加$6 ，凍飲加$8。叫咗凍華田，凍朱古力。附近街坊嘅飯堂，比較繁忙。

夜晚係長沙灣 d 餐廳都收得7788, 經過見到一興粉麵仲開緊, 就入去買外賣, 餐廳主打潮州粉麵,價錢親民, 食物款式繁多, 堂食座位企理, 點菜後好快有得拎餐牛雜河粉超級大碗, 湯底清甜, 仲有好多唔同部位嘅牛雜, 包括牛肺，牛腸等, 牛肺口感爽彈, 牛腸滷得入味, 唔會好腥, 加埋秘製嘅辣椒醬, 更加惹味牛腩河粉湯底牛肉味好香濃, 河粉爽彈滑身, 唔會好碎仲好掛湯,招牌牛腩份量唔少, 每舊都肥瘦適中, 炆到好腍身, 咬落肉嫩多汁, 非常鬆化,

餐廳：一興粉麵地點：長沙灣青山道菜式：粉麵餐牌：粉麵套餐包一款餸配河粉/幼麵/粗麵/米粉/米線，送熱飲加油菜或者魚皮，價錢$58。今日散叫。牛腩麵 $37牛腩麵 有7件牛腩，帶肥膏同少少筋，整得算淋，唔錯。幼麵係完美，彈牙有蛋香，配紅醋食好味道。個牛湯好飲，唔覺有味精。蔥花同脆脆放係池羮度。牛筋河 $37牛筋都係7件，整得夠淋，味道都唔錯。河粉係幼身，好滑溜。凍檸檬利賓納 $21凍檸檬利有兩片檸檬，甜甜地夠解渴。凍柚子蜜 $21凍柚子蜜搞混先飲，甜度剛好，好多柚子皮係底。今餐食物飲品都唔錯。餐廳冷氣夠凍，光猛衛生。

長沙灣係香港一個老區，雖然冇大型百貨商場，但勝在多平民小店，價廉物美有時諗唔到食咩就會去食潮州粉麵，貪佢又便宜又多選擇，有牛腩有魚蛋有墨丸，但有一樣啱心水比起其他粉麵店，一興算係裝修新淨啲位又闊落，望下餐牌個特別推介，有樣嘢叫牛脆骨，係牛嘅氣管，係稀少部位，充滿膠原蛋白，真係未試過，一於試下一嚟到見到成碗滿滿的牛脆骨，一咬落去果然好爽脆，湯底清而不膩，食厭牛腩魚蛋嘅可以試下，成碗河粉好大碗又多餸，唔好話女仔，我諗男仔都夠飽，食到尾都仲有牛脆骨朋友叫咗牛腩雲吞雙併，試咗佢一舊牛腩，肉質鬆化又唔肥又唔過瘦，好食。聽佢講雲吞啲蝦都好大隻，又係抵食之選兩個人叫多個炸魚皮，好夠脆，又係一碗滿滿的，加幾蚊叫埋餐飲，食完飽足半日潮州粉麵四圍都有，但搵間好食又坐得舒服嘅都唔容易，仲要價錢親民，真係長沙灣一個好選擇食緊嗰陣時見到餐牌有外賣火鍋配料，有牛腩魚蛋牛丸等等，又幾得意喎，住附近嘅話都可以試下買嚟試