一芳台灣水果茶 (已結業)

#鼠尾草食飲玩 #sagefoodiehk乳酸😍 × 酸甜😚 × 清新🌱今次要介紹嘅係台式手搖飲品舖嘅益力多百香果茶(半糖)🥤🍊。呢杯飲品絕對係夏日消暑嘅最佳選擇！😎🌞飲落去，首先感受到嘅係百香果嘅酸甜味道，帶有微微嘅酸度，令人口感清新。茶味清雅，唔會太濃烈，啱啱好。加上半糖嘅調配，恰到好處，唔會太甜，令味道更加平衡。另外益力多嘅新鮮甜甜感覺好正，仲有乳酸香味，好吸引。🍹🍯😋💰 益力多百香($34)🥢 一芳台灣水果茶

大家都知我平時最鍾意就係飲埋晒啲邪惡嘢🤰🏻🤰🏻今次就嚟試咗呢間一芳水果茶嘅黑糖珍珠鮮奶，呢間都好似幾出名🤪佢哋呢到嘅珍珠唔係叫珍珠，叫黑糖粉圓鮮奶🧋食落去覺得同出面嘅珍珠最大嘅分別就係細粒好多，所以唔算好有咬口，有時候大啖啲飲就會咬都冇咬過就吞咗落去🤭同埋冰度甜度都係固定，個人覺得太甜🤭不過黑糖味係真係幾香，而家鮮奶食落都唔係啲cheap奶，我自己覺得算不過不失，可能下次試下水果茶會唔會好飲啲🤣

【#肥波飲野系列】👋🏻冬天最好就係飲熱嘅麥精🥤自從上年飲過一次一芳嘅黑糖粉圓麥精豆奶就念念不忘，今年冬天終於可以再飲了🥢一芳嘅黑糖粉圓不嬲都做得唔錯，配堆麥精真心推介，但有一樣有注意就係甜度係固定嘅，下次我想試下問可唔可以少粉圓先，因為次次都食唔哂😂😂😂💵 $32📍 一芳台灣水果茶 @yifangtea.hk 📍荃灣荃新天地1期UG52A號舖#自費 #台灣野 #荃灣黃店 #荃灣西黃店 #一芳水果茶 #一芳 #黑糖粉圓麥精豆奶

噚日14-10-2021(Thur)重陽節假期,晏晝同老公行街,行到攰同口渴,老公同我一樣,見一芳就喺隔離就買嘢飲,我哋要咗同期係$30.00,大嘅益力多冰茶少冰同溪口甘蔗青茶,好快,兩杯嘢飲都有齊.益力多冰茶兩者味道都飲得到,又解渴又舒服.溪口甘蔗青呢?開頭只飲到唔太甜嘅甘蔗嘅味道,飲到底至飲到茶味.兩個比較,我會鍾意益力多冰茶多啲,我老公就話兩杯都好.服務:我落單要益力多冰茶,收銀不斷問我紅茶?我答益力多冰茶.佢好似唔知冇紅茶同綠茶揀.抵食係2.7分

荃新天地有間一芳水果茶，趁唔算太多人，當然要買翻杯茶，一解冇得去台灣旅行之愁啦😭😭😭😭因為係洛神花茶嘅關係，所以呢杯嘢成杯得紅扑扑咁。飲落去都幾重洛神花味！🥰🥰🥰🥰加埋檸檬酸酸地，係非常好飲嘅呢！加上我呢杯亦係少甜少冰，酸味max，不過我鐘意酸，所以覺得好正吖！🥰🥰🥰🥰呢杯飲品我再加咗愛玉，飲嘢之餘仲有啲嘢可以咬吓，正！🥰🥰🥰🥰一芳個名真係唔係浪得虛名㗎！確實係高質好飲嘅茶品。下次試吓其他先！

經過一芳見到最新出嘅西米露系列，仲有芋頭同紅豆加持，馬上試試啦😎🔸 紅豆沙冰西米露(HK$42)紅豆粒磨得溶啲，入口唔會咬到粒粒紅豆，所以唔好期待係港式個種紅豆冰口感啊。西米比想像中細粒，甜度冰度都係固定，但都唔會太甜🙌🏻🔸 大甲芋頭西米露(HK$42)芋頭泥份量唔夠喉呢，好快就飲哂😂西米細細粒，無咩存在感，同平時飲緊芋頭鮮奶差唔多整體嚟講價錢算係偏貴又唔算好特別，下次都係飲返水果茶好啲🤣【推介指數：5⭐滿分】環境：⭐ ⭐ ⭐味道：⭐ ⭐ 打卡：⭐ ⭐ ⭐服務：⭐ ⭐ ⭐ 回頭率：⭐ ⭐

自從六點後禁堂食 商場既人流明顯減少左 加上冬天既關係 台式飲品店人流就更少行過見到一芳 記得上次飲都差吾多一年多前啦見無人排隊就買杯水果茶🍹飲飲 始終水果吾係當造季節 就算甜度揀正常既情況下仍然都比較酸🍋 因爲買左炸雞外賣配埋E杯酸既水果茶 感覺都幾解膩

買咗杯黑糖粉圓鮮奶，大約等咗10分鐘。佢嘅糖度同冰度係固定左嘅，不過就算唔鍾意太甜嘅人都唔洗擔心，我等左大約7分鐘先飲，等佢溶少少冰，咁就唔會好甜，又唔會因為溶冰而令杯鮮奶淡左，黑糖味濃非常好飲。

前此聲明我會簡佢係因為3個原因1. 出邊落緊雨佢係室內我覺得唔使dup雨2. 飲開老銅一芳水果茶是ok的3. 你慬的普通水果茶, 微糖, 30%order果陣都無咩野嘅到佢唔知call咪定咩, 勁細聲. 咁我走埋去問佢我是唔是呢杯啦, 佢黑我面話, 係呀150號呀. 我心諗, 乜料呀你好, 唔緊要. 我飲啦第一啖, 我X. 甜到PK. 所以我先上黎寫, 1. 態度唔好2. 叫左微糖但係重甜簡有立場嘅鋪頭我有好多選擇, 你咁嘅quality就算要收皮我都覺得唔會可惜.

Citywalk行街見到黃咗好耐嘅一芳出咗新嘢飲———黑糖粉圓麥精荳奶，就入去買咗嚟飲。嘢飲唔算平，大杯要33蚊。店面都係同之前一樣有一面牆係用嚟做連儂牆，唔一樣嘅就只係佢愈來愈多memo紙👍🏿。本身以為佢係伏嚟，係黑糖味加麥精味尼個古怪組合，點飲落令人眼前一亮，原來黑糖同麥精荳奶都好夾架😂。飲之前要先搞勻黑糖同麥精荳奶，佢地兩隻味唔會好突兀咁，而係相輔相成，先會飲到麥精荳奶嘅味然後再會feel到啖啖黑糖味。黑糖粉圓唔夠煙韌，較為淋身。咬戈陣會食到再多啲嘅黑糖味😋。大家懲罰一芳嘅時候不妨試吓尼杯👍🏿。

今日同班friend食完飯 就近近地黎一芳買杯茶飲 順便吹下水~~ 實不相瞞 我係成日飲茶 但我你未飲過一芳的XDD我friend話第一次飲就要試試佢招牌嘅水果茶 所以我就嗌左 咁我都好醒地叫左少糖 但OMG都係嚴重地中了伏 因為真係好好好甜 對甜度耐力極低嘅我完全頂唔順 順便一提 我朋友亦叫左一杯好似係頭奶茶嘅野 佢有飲開 所以識得叫左微糖 佢都係話甜到頂唔順 飲飲下都放棄了 /____\ 我諗我下次都係飲番我平日飲開嘅茶好了...

熱屎辣辣，成日都經過呢間一方水果茶，今次就買杯黎試吓啦，選擇來講就唔算好多，最後買咗呢佢聲稱每日限量100杯嘅黑糖珍珠奶茶，甜度同埋冰嘅數量都冇得選擇，唔知係唔係我買咗之後15分鐘先至開始飲，啲冰都用得7788 ，所以杯野我唔覺得好甜，對於唔係好食甜嘅我來講就非常之好，啲珍珠煙煙銀銀好有口感，奶茶來講就唔算好濃，但整體來講都唔差嘅

鮮榨柳橙水果茶係呢排新出🍎🍊🍹之前好似唔覺飲落少少偏甜，唔怕太酸，感覺有d似罐裝粒粒橙汁既感覺。甜甜酸酸，配埋係清新茶底，感覺好岩飯後解油膩！😙呢杯水果茶除左飲果汁，仲配有好多生果，飲完個茶順便可以食埋d生果，一杯兩食，好fresh 好正😆😁😄

本身想叫水果茶但好唔想飲佢黑色一粒粒唔知咩嘅水果種子諗咗好耐，決定叫杯益力多沙冰(最衰唔係學生，佢話第二杯半價）同個frd share 飲個frd 叫左微微糖同少冰無人排隊嘅關係，極快就有得拎勁口渴即刻開嚟飲飲咗一啖真係覺得好唔值（好彩叫左中杯，不過都27蚊有益力多嘅色，但飲唔到益力多嘅好味完全好似係得好少益力多溝勁多水嘅味茶味☹️可以話係 無本身好懶唔想打，但真係愈諗愈覺得好唔抵，真係好難飲，真係忍唔住要打出黎，真係好少咁樣劣評😑我終於明點解呢間係無人排隊可能唔少甜，佢落勁多糖水先好飲😐😐

一試再試清香水果茶【一芳】‼️.越嚟越多分店嘅一芳，成日都要排長龍，一早嚟到荃灣分店見到吾洗排隊，即刻一試！越開越多梗有一間係附近！之前已經試過佢嘅水果茶同黑糖珍珠奶，最中意都係佢嘅招牌水果茶👍🏻吾中意飲太甜揀微糖甜度剛好～有我最愛嘅百香果，入口清甜，茶味甘香，好fresh🥰