一葉台灣料理

營業中

休息中

舖頭入面人流不算太多有六成坐滿，仲有空位於是我同朋友坐低不用等位，入面嘢食選擇都算多，有台灣小食、主食和甜品。我地食了牛肉炒飯，肉味香濃，有濃郁嘅牛肉味，有很多肉絲😋雞扒擔擔麵，雞扒很大塊，炸得香脆，肉身又不會太乾，湯底有香濃嘅花生味👍🏻

飲啖水 傾住計 期待嘢食~好街坊嘅感覺啊~聽住啲食客閒話家常, 感覺親切~台式香腸炒高麗菜 $69上枱熱辣辣香噴噴, 令好鍾意食高麗菜嘅我, 急不及待想要試一試~高麗菜爽甜, 讓人自自然 一片接一片咁食呢~轉眼間 就比我地食曬了, 哈哈…滷肉飯一碗感覺唔錯喎, 鍾意佢唔係杰撻撻嘅質感, 味道啱啱好, 有屋企飯嘅感覺!糖醋雞球 $108上枱 又係熱辣辣, 香噴噴~令人不期然咁想快啲品嚐呢~ 甜酸度控制得啱啱好~鍾意佢個芡汁調得恰到好處, 唔 gel 口~ 厚肉嫩滑, nice!

早排一個人出去行街嘅時候，經過鰂魚涌嘅後街發現咗依間雖然比較穩閉，但有家的感覺嘅台灣小店。 咁啱係晚飯時間就入去試吓。店舖有唔少類似小炒、炒粉麵飯咁樣嘅嘢食，啱晒住喺附近嘅人當飯堂咁🤩 價錢亦都唔算貴，絕對係平民化嘅價錢。🍜 雞扒擔擔麵（$70）：本身以為擔擔麵是四川的名物，但原來台式都有，相比起四川台式的擔擔麵，台式擔擔麵湯底比較濃稠，配合肉燥，入口是香濃的麻醬味道，再加上小辣的味道，10分惹味。雞扒炸到香脆juicy ， 好讚😍🧋 珍珠奶茶（$20） ： 食台式嘢，點少得著名嘅珍珠奶茶🧋🤩 因為叫咗少甜，所以茶底相對突出同香燶。 珍珠軟度合適☺️不得不說侍應十分之有禮貌同友善，感覺好似去咗台灣咁🫢🫢喺家的感覺🤩

呢間台式小店其實係鰂魚涌已經屹立咗好多年，位於鰂魚涌地鐵站附近嘅一條後巷裏面，餐廳冇華麗嘅裝修，主要行家庭feel/街坊路線，價錢親民。餐廳都有幾多選擇，有台式湯麵、肉燥飯、街頭小食、仲有小炒小菜同甜品。今次order咗個小炒、炒飯同甜品。招牌牛肉炒飯，冇華麗嘅presentation，炒飯裏面配咗醃製咗嘅牛肉絲，再加上西芹、蛋碎同洋蔥絲，鑊氣濃幾香口，至於蔥爆牛肉份量都幾多，牛肉炒得幾香口。甜品就order 咗綜合仙草凍，裏面有仙草、珍珠、芋圓粒等等，仙草食落口好滑溜，芋圓粒同珍珠粒都大大粒又彈牙，個甜品幾正

今日鰂魚涌做完野都快6點.   搵食醫下肚,見到有間台式料理又有甜品. 一於試下！雞扒蔥油拌麵：麵質好爽口, 台式蔥油嘅香味, 濃濃香香嘅味道，令到呢碗拌麵嘅層次倍升！雞扒好大塊,  外脆內軟.   炸得香脆juicy 爽口. 綜合雞蛋布丁凍 台式甜品我最愛,  呢款綜合雞蛋布丁凍好好食, 有好多芋圓和珍珠, 布丁勁滑蛋味重.  芋圓及珍珠有咬口,十分煙韌, 佢地仲有不同嘅炒飯類. 下次可以試下. 一葉台灣料理地址: 鰂魚涌芬尼街13號得發大廈地下B號舖

呢日教小朋友d功課教咗好耐，搞到唔夠時間買餸，所以夜晚就決定出街食飯，第二朝要返學唔想去咁遠食就喺返屋企附近食，我就揀咗間台式小店👉🏻一葉👈🏻開餐台式蔥油拌麵 $55(加配雞扒 +$15)麵底煮得煙韌彈牙，配搭埋蔥油食落非常香口，雞扒炸得好酥脆，肉質軟熟，因為加咗椒鹽食落同喺台灣夜市食到嘅鹽酥雞扒一樣味😍古早味家鄉拌麵 $55(加配豬扒 +$15)係好有台灣風味嘅肉燥拌麵，麵底份量好多，豬扒炸得外脆內嫩，啖啖肉汁綜合雞蛋布丁凍 $38雞蛋布丁凍香甜好Q彈，加上煙煙韌韌嘅芋圓和珍珠，整體口感豐富，係一款好正宗嘅台式甜品

今晚要同朋友去係鰂魚涌上堂，去到港鐵B出口附近嘅一間台灣料理，食個飯先！🎊😬餐廳細細間，感覺好有家庭feel，餐廳裝修簡約，環境整潔，係一個歇腳嘅好地點！🪄🌸我哋見到餐牌有套餐四款之外，有一個基隆夜市推廣週，餐牌上有幾款台灣熱賣嘅嘢食，我哋點了幾款食物！📷🫧🐮招牌牛肉炒飯🐮炒飯入邊配咗牛肉絲，肉絲是有醃製過的有牛肉和五香粉嘅香味，再配上西芹和蛋碎，入口香濃味味。🍜雞扒擔擔麵🍜香脆嘅炸雞扒，再配上濃郁嘅擔擔麵,入口嘅時候美味嘅麵條再掛上香濃嘅花生醬，再配合少少辣，很惹味！適合喜歡小辣嘅人士。🍡九份綜合小丸子🍡糖水嘅湯是由紅棗桂圓再加上芋圓煮成的，糖水甜而不膩，非常之滋潤！😋

小妹今晚同屋企人去咗鰂魚涌商廈附近，見到呢間小店係由台灣人開設既台灣風味餐廳😍 外表看似平凡，但有種充滿台灣家鄉風味既感覺。餐牌好有特式及好靚，而且菜式選擇多，如：鹽酥雞、肉燥飯及三杯雞等….金沙南瓜🎃呢款「金沙南瓜」🎃平均沾裹鹹蛋黃，綿密香甜中能食到濃郁蛋香，鹹甜鹹甜既滋味，非常有口感，一流❣️牛肉炒飯🍱呢款「生炒牛肉飯」看似簡單將牛肉粒、蛋、飯和葱花炒埋一齊，但一食落口已經感受到呢款炒飯技術含量高，有鑊氣、飯粒乾身、具鹹香味，炒得好乾爽👍🏻綜合雞蛋布丁凍🥚呢款「綜合雞蛋布丁凍」作今晚晚飯🥣結尾😚 裡面有好多芋圓珍珠布丁和芋圓，布丁🍮味道好似台灣統一布丁🍮😝 芋圓及珍珠好有咬口，十分煙韌，正🥰呢餐飯充滿台灣小菜特色，感受到餐廳🍴廚師用心製作，下次會再來支持小店😎

首先推薦的是金沙南瓜。這道菜色澤金黃，外皮酥脆，內裡軟糯，南瓜的甜味與鹹蛋黃的香氣完美融合，每一口都讓人回味無窮。金沙南瓜的製作工藝講究，南瓜切塊均勻，裹上薄薄的鹹蛋黃漿，經過高溫油炸，外酥內嫩，口感層次豐富。這道菜不僅色香味俱全，還富含營養，是一道老少皆宜的美味佳餚。接下來是蔥爆牛肉。這道菜選用上等牛肉，切片均勻，搭配新鮮的青蔥，經過大火快炒，牛肉鮮嫩多汁，蔥香四溢。蔥爆牛肉的調味恰到好處，鹹中帶甜，微微的辣味更是增添了幾分刺激。牛肉的嫩滑與蔥段的脆爽形成了絕佳的口感對比，每一口都讓人欲罷不能。

放工係附近搵間餐廳食晚餐，聽朋友講一葉好好食，佢lunch time經常嗌呢間外賣，一於嚟試下。當日叫咗一碗鹽酥雞排配台式蔥油拌面同埋豬排古早味家鄉拌面。雞排外酥內嫩，外皮炸得金黃香脆，雞肉有肉汁，有種去咗台灣夜市食大雞排嘅感覺麵條煮得啱啱好，唔會煮到淋曬。麵條質地偏厚實有筋道，口感唔錯，撈埋蔥油，色澤吸引。家鄉拌面面頭就鋪咗啲肉碎，拌上蝦油，有蝦米嘅鹹香。兩款拌面都係經典台灣菜，好開心係香港都可以食到正宗台灣料理。餐廳位置就腳，係正鰂魚涌B出口隔離，環境衛生，乾淨企理。Menu都有好多小菜、水餃、台式甜品等等，晚餐同屋企人朋友聚餐都適合。餐廳嘅名都好有詩意，原來係一葉知秋，香港最舒服而難得嘅秋季，同一碗難能可貴嘅美味台灣comfort food，相得益彰。

喺鰂魚涌有間台灣菜餐廳，價錢親民，但食物質素真係幾好，超出預期呀。餐廳環境輕鬆自在，非常適合朋友聚會或者家庭聚餐。我最鍾意嘅係佢哋嘅雞扒擔擔麵，湯底濃郁得嚟，仲有香濃嘅花生醬，微辣嘅口感仲好惹味。炸得勁脆嘅雞扒，不單止外面金黃酥脆，裡面仲保留咗肉質嘅嫩滑，搭配著Q彈嘅麵條，真係幾正！除咗雞扒擔擔麵，古早味家鄉拌麵都好值得一試。佢配上香脆嘅豬排，醬汁豐富，味道層次分明，一口咬落去真係好過癮。豬排外脆內嫩，肉汁十足，而且份量驚人，足夠令你食到飽！

鰂魚涌的橫街有很多小餐廳，供應附近街坊，方便我們這些模范夫妻💏。芬尼街13號得發大廈有一家台灣餐廳，乾淨企理，最重要是價錢合理，豐儉由人，吃一碗麵或一碗飯得，點小菜又得。👍店員細心有禮，介紹餐點清晰明白，套餐包含飲品，可熱可凍，任君挑選。我們打算吃個簡單晚餐，兩個主食一個甜品就可以滿足。招牌牛肉🐮炒飯＄69現叫現炒，新鮮熱辣，米飯粒粒分明，加入牛肉香蔥雞蛋，炒得香口，味道適中，不會太濃味，對於天天出外開飯的人最體貼了。🥰🥰古早味家鄉伴麵配豬排＄70一大碗寬麵熱氣騰騰，有肉鬆木耳芽菜香蔥等相伴，還有一塊很大的炸豬排，份量充足。👍👍綜合燒仙草凍＄38涼粉加各式丸子，黃色紫色黑色白色都有，試全所有味道，加上滑滑的花奶，不會太甜，是飯後最好的甜品。🥳🥳

老實講，非常失望！首先，態度非常差，餐廳附近有間中學，有時會見到有中學生會食呢間，當中有一位身形較圓潤的老闆/服務員同埋服務員對學生和成人待遇不同，有次有位妹妹想飲水，服務員同佢講要自助，但另一位成人白領上班族要水，服務員就攞俾佢？唔通因為學生有優惠就對學生差d？ 聽過我好多朋友都講老闆好鍾意趕人走，明明人地食完飯想坐下，仲有好多位剩，服務員就開始趕人走：「我地要枱啦」食到好唔安落。個位仲要好迫，枱又細，食得好唔舒服，唔自在，一句講哂， 非常失望😮‍💨👎👎👎唔推介

前排去咗鰂魚涌呢一間台灣菜嘅餐廳🙌🏻價錢都親民，而且食物質素都唔錯💓雞扒擔擔麵呢碗麵既有香濃嘅花生醬，亦有微辣嘅口感😋搭配上嫩滑嘅雞扒，實在係一個完美嘅組合❤️令人食得津津有味古早味家鄉拌麵配上香脆嘅豬排😆醬汁豐富，麵條Q彈，豬排外脆內嫩，份量仲要好多添👍🏻芋圓珍珠鮮奶抹茶凍呢個甜品色彩繽紛，抹茶味道清新😝搭配香滑嘅鮮奶同Q彈嘅芋圓，食落去既清爽又滿足，為整頓晚餐畫上完美句號🥹🫶🏻

昨天和老公在鰂魚涌探完朋友，朋友知道我喜歡食擔擔麵，所以就介紹咗我哋去食佢屋企附近的依間餐廳，嘩個湯底都好濃郁，午市嘅時候都幾平，不過就未食過晚市，唔知道價錢。我見佢介紹個湯底幾濃郁，就諗住不如去試吓，睇吓係咪都唔錯。不過，依間舖頭都幾難搵，好彩朋友係鰂魚涌地膽，指引下點樣行，如果唔係嘅話，我覺得普通人唔會特登走過嚟呢邊食。我哋點咗雞扒擔擔麵，以及古早味家鄉拌麵配豬扒。個人覺得雞扒有點兒乾，不過豬扒好好味。冇諗過拌麵個面底都幾好食，不過覺得最好食嘅真係個擔擔麵，個湯底好濃郁，而且湯底嘅料都幾足，花生味同辣醬撈埋一齊，超正！我估係佢有一個魚仔底嘅辣醬放喺湯底嘅下面，所以攪勻食嘅時候就好正！