一葉台灣料理

營業中

休息中

一葉台灣料理地址: 鰂魚涌芬尼街13號得發大廈地下B舖 一條行仔裹面原來都有隱世美食小台？作為鰂魚涌街坊一定唔會唔認識，由台灣師傅主理嘅一葉台灣料理絕對是區內最老資格的台菜🤘，大大力咁賣台式地道風味。今次我就去再試試佢個紅燒牛肉麵 🥩🍜 ＋ 冬瓜茶 🧃 $68，牛肉麵湯底濃郁，最驚喜真係麵既口感，煙靭爽口，而且牛肉大大塊炆得都算軟腍又入味，但美中不足係牛肉比較多肥脂肪🤭。#nicefoodie鰂魚涌

在朋友推薦下來到這家位於鰂魚涌某巷弄的🇹🇼台灣小店，店內裝潢簡約樸素，沒有刻意的裝飾，這樣反而更有一種家庭式的感覺🙂。菜單上的選擇頗多，除了有常見的滷肉飯、牛肉麵跟鹽酥雞之外，還有不少台式小炒。甚少嚐過台式小炒的我，難得在晚餐時間來到，當然要點幾道小炒嚐嚐看啦😚！🐓左宗棠雞球 $118名字非常有趣的一道料理，炸得剛剛好的雞球外脆內軟，雞肉不會老之餘，而且啖啖都是肉，外面再包裹著又甜又辣的醬料，真的超級惹味！🦐櫻花蝦炒飯 $75愛了愛了！用珍珠米做的炒飯非常好吃，不會太乾，不會太濕，伴入高麗菜口感滿滿，櫻花蝦也給得非常大方，淡淡的咸香味引不住一口接一口！🥬台式炒合菜 $78不只有青江菜、雲耳跟芽菜，店家還放了雞蛋、腐竹跟豆乾，是一道口感非常豐富的炒菜！如果沒有朋友推薦的話，也不會發現這家隱世小店！菜單上還有很多想要品嚐的菜式，下次回來也想試試看較經典的滷肉飯、牛肉麵跟鹽酥雞😆！

芥末蝦球 $158相信我，實物比照片來得大件蝦球的數量之多，最後我們兩人是無法把它食完的蝦球經過油炸，外層有脆漿，上面沾滿芥末沙律醬和芝麻味道剛剛好，而且值得一讚的是蝦球咬下去是實淨的在外吃蝦，最怕遇到玻璃蝦等不新鮮海產這裡的還不錯，不過最好多幾個人才點，不然很快會吃到膩台式酸辣湯 $78習慣晚餐喝點湯那吃台菜的話就來個酸辣湯again 份量是蠻大的而且裡面的料很多，筍絲、冬菇、豆腐、木耳辣度也剛好肉燥飯 $28味道正常，價錢稍貴基本上就是普通一碗白飯加一勺肉燥，沒有花巧平$10會比較合理台式蔥油拌麵配雞排套餐 $128蔥油麵香口，不會很油雞排炸得很酥脆，熱辣辣皮蛋豆腐 豆腐清涼嫩滑肉鬆好多，脆脆地配豆腐，絕對提升到口感

秋風秋雨的日子，吃的應是暖烘烘的熱湯熱麵。在朋友的帶領下，來到鰂魚涌芬尼街的別緻小店，店雖不大，人卻不少，坐滿了幾大桌年輕人，點得滿桌的菜，熱氣騰騰，熱鬧非常。看別人點甚麼，我們也試試。選了豬排秘汁拌麵，擔擔麵，還要了三杯羊肉，濕冷的天氣，吃羊肉加湯麵最暖身。豬排秘汁伴麵，很有特色，豬排炸得鬆軟多汁，秘汁麵條是調以自製芝麻醬及香菜，麵香柔韌，加一點香醋，更有畫龍點睛之效。三杯羊肉也不錯，洋蔥大蒜九層塔，炒香薄羊肉片，香噴噴的一大碟，吃得停不下來。餐廳的餐牌設計精美，每頁都是風景花草，春江水暖，一葉知秋，看著精美的菜式介紹，令人食指大動，胃口大開。一邊吃，另一邊外賣不斷，可想而知，這裡的食物很受歡迎，旁邊幾桌都是年輕一族，原來台灣菜，青春菜。

Had the pork chop rice, must have marinated in cornstarch or soda power for a long time. No texture nor taste. Do not have plain water. Do not accept any change less than hkd 1. Do not respect their own hkd currency or just bad attitude and bad service.

來到位於鰂魚涌的小店吃台灣菜，想不到星期日的夜晚也坐滿人，似乎是區內人氣小店。和朋友點了三款菜式和一支茶分享。❤️金瓜炒米粉 HKD 72 - 上枱新鮮熱辣，炒得十分香，用南瓜代替平常的紅蘿蔔絲，香甜提升味道層次，米粉夠味，不會過油或過淋，軟硬度剛好，吃得滿足☺️❤️府城蝦卷 HKD 60 - 蝦卷大大件，夠鮮味，啖啖肉，口感一流，最重要也是熱辣辣，夠香口，超級推介！❤️蚵仔煎蛋 HKD 75 - 蚵仔大隻肥美，配上紫蘇葉和煎蛋，不像傳統台灣蚵仔煎多薯粉，這個材料比較足！❤️阿里山 冷泡桂花金萱茶 HKD 22 - 冷泡茶有一點花香配小炒很夾，也可以解油膩。總括來說是間十分推薦的小店，小菜炒得夠香夠新鮮，服務不錯，衛生環境也做得好，價錢也十分相宜，一定會再訪！

同同事出左黎鰂魚涌做野，做完野都成7點，大家都有d肚餓，就搵左間台灣餐廳食個飯😆呢間餐廳好近鰂魚涌地鐵站，係內街，都幾容易搵到。我地叫左一個拌麵、小食同酸辣湯。⭐️麻辣肉燥拌麵（拼雞扒）$72因為我地驚太辣食唔到，落單同店員講左少辣，拌麵配有肉燥、青瓜絲，同麻辣汁撈埋食夠晒香辣，味道濃郁，好惹味。雞扒好大塊，炸到外皮香脆，肉質嫩滑，點埋酸甜醬更加好食😋⭐️府城蝦卷$60蝦卷份量夠多，炸到外皮卜卜脆，食到濃濃蝦肉味，上碟時仲熱辣辣，好食👍🏻👍🏻⭐️台式酸辣湯 $78酸辣湯比想像中大碗，材料豐富，有冬菇絲、木耳絲、豆腐同雞蛋。飲落暖笠笠，夠晒酸，非常開胃🤩我地飲完一碗又一碗🤣🤣🤣總括黎講，以小店黎講，餐廳性價比幾高，食物質素高，價錢相宜，值得推介👍🏻🌟🌟🌟地址：一葉台灣料理 (鰂魚涌)鰂魚涌芬尼街13號得發大廈地下B舖

收工之後難得男友過黎湊我放工，都唔想佢行太遠搵食，係附近一條巷仔幫襯呢間台灣野。雖然間野近地鐵站，不過可能閒日夜晚關係，鋪入面未算多人。選擇都幾多， 有套餐又可以散叫，兩個人食量唔算大，嗌左3個野食都好夠飽。首先有推介既金瓜炒米粉。一送上黎望落算大兜，有少少驚食唔哂。有南瓜，蛋絲，肉絲等幾款餸炒埋一碟，食落唔油膩，少少爽口又香，有d似台灣夜市攤檔既味道。d米粉好似比平時果d幼身。小食係府城蝦卷，蝦味都幾出。主菜係左宗棠雞球，作為鋪頭招牌菜之一，我雖然唔多食辣，好在最後仲係接受範圍內。雞球好惹味，甜甜地辣辣地。炸衣超薄，食落唔算油膩，送飯一流。份量都多，都有成八，九舊。食完咁好味的野都想飲番野飲消下濟。呢間鋪頭都趕上熱潮，有自家製的冷泡茶。呢款桂花金萱茶飲落有淡淡的桂花香，清而不俗。就算再翻沖一次，香味都仲有六，七分，賣22蚊都平過出面，值得一試。食到咁上下都差唔多坐到full晒埋單大約270，下次可以再嗌其他家常小菜食

見今日天氣凍左 就諗住由太古行去鰂魚涌拎外賣 已經用openrice 12:33下單 預計12:48可取 我都估到去到要等5-10分鐘繁忙時間要等 我接受但企喺出面同門口位女職員講佢同我講未有 我ok根住遲過我到喺餐廳落外賣單嘅一一出單我同佢講可唔可check下佢望完我電話完全無理過我直到再一次出一大堆外賣單 我真係忍唔到同喺餐廳入面收錢及做左好多年嘅女職員講 張單好耐啦點知4-5分鐘我外賣就出黎其實我都估到係漏單既然你地餐廳需要同Openrice 合作用apps叫外賣自取 係咪應該尊重下客人？人地要求查單時 扮下野都入去叫同事查一葉 我由6年前返鰂魚涌就開始堂食及外賣個時都仲係用紙袋裝雞扒而家已經唔環保 用盒保持食物質素可以講得通而食物質素係真係無變過而職員態度更一直都係咁（除了現在收錢的那位態度算好dd)對住堂食門口等嘅食客好恭敬但完全唔會理用apps叫外賣自取嘅客人今次令我返到太古剩返10分鐘食飯 多謝個門口位職員

今晚黎到鰂魚涌一間非常唔起眼ge小店食台灣野。雖然呢間小店都幾隱蔽，但其實又離地鐵站非常之近。平時食台灣野多數都會叫牛肉面，但今次想試下其他野，所以我同男友叫左2個小菜同2個白飯share黎食。蚵仔煎蛋$75 首先上菜ge係蚵仔煎蛋，蚵仔份量好多，亦唔會猩，煎蛋煎得夠乾身唔會好油，呢個arm我。三杯雞$128 店員都特別同我地講三杯雞要等耐啲，上菜果陣真係熱辣辣，店員亦有提我地瓦煲好熱要小心。雞ge份量都唔少，有幾舊係雞脾，夠晒多肉同嫩滑。白飯$12 總括黎講，食物味道唔錯，選擇都多元化，價錢亦合理。店員亦都好好招呼，眼見當晚都好多熟客去食。餐廳位置雖然唔顯眼但其實好方便。就算唔係住附近都可以一試。

好耐之前已經係外賣平台食過哩間餐廳，價錢唔貴，份量又大，味道又好，唔會好咸，即使係小食，都唔會得幾啖，當時已經覺得好抵食👍🏻今日終於有機會黎餐廳堂食試下😋😋Menu有好多選擇，樣樣都想試，好吸引😍店舖位置唔算好大，放10張枱。不過我時間早，未係好繁忙，食到一半，就開始多外賣單。今日叫咗台式炒合菜同冰梅排骨。即叫即整，唔似外面酒樓一早炒定，上菜速度快，食物送上時熱辣辣👍🏻👍🏻台式炒合菜有肉絲、菇、芽菜、蛋絲、木耳、白菜、豆干。味道唔會太咸，好惹味，好送飯，食到底，唔會成碟油。冰梅排骨好入味😋個皮整到脆，佢唔會好似外面d餐廳，整到好甜。哩個排骨甜甜酸酸，好開胃，又係好送飯。排骨舊舊都有肉，唔係啖啖肥膏。職員服務態度好好，好細心，會自動走埋黎添水。值得一試，推薦大家黎試👍🏻地點都算就腳，雖然係一條巷仔嘅盡頭，但一出地鐵站就係。門口有一大片葉，好易揾🤣

放咗工好攰，想係附近食埋晚飯先返屋企，嚟咗呢間好近鰂魚涌地鐵站嘅小店，呢度有台灣嘢食又有啲比較中式嘅小菜，我哋要食少啲澱粉質所以點左一個小菜、一個餸同埋一碗麵share黎食。-小菜：拍青瓜拼小木耳$58好大碟呀！小食來講算好大份，撈左醋同蒜蓉，青瓜爽口清甜，木耳都好爽口好味。-糖醋排骨$118一直都好鍾意甜甜酸酸嘅中菜，呢個餸係我杯茶，好好味，雞球好大舊而且無骨，啖啖肉，岩哂我，仲有好多辣椒同菠蘿，有菜有肉，唔錯！-台式擔擔面$55叫咗兩樣中菜，叫返個台灣麵，同我之前食過嘅擔擔面有啲唔同，湯底落咗好多蝦米，所以個湯好有蝦味，整體唔算好辣，面質啱啱好，大推！呢間餐廳幾好食，一入嚟有種家常便飯嘅感覺，係可以成日嚟幫襯嘅小店。

位於鰂魚涌既小巷，有一間隱世又好食既平民料理小店，小店裝修光猛，坐得好舒服因為位於小巷，所以唔係朋友推介都唔知有間美食店係到～所以想同大家分享一下我地大約7點幾黎到，一坐睇太肚餓，就即刻睇菜單，菜單款式有好多，任君選擇，有麵粉類、小菜類、便當類、小食類及飯類。琴日咁岩想食小菜，所以就叫左2個餸同埋2碗白飯同朋友一齊食🌟蚵仔煎蛋 $75order左冇耐，已經幾快上菜，一上枱已經好香好濃既蚵仔味道，好掛住台灣既味道🥺，估唔到食落口感真係同係台灣食既味道好似，而家蚵仔好軟熟冇咩腥味同煎蛋真係融為一體👍🏻🌟冰梅排骨 $118份量都幾多，而家舊舊都好多肉，用埋話梅一齊炒，有點酸酸甜甜既感覺，真係好開胃，排骨肉又鬆軟又多汁，配埋白飯食真係好飽肚🌟白飯 $12

朋友喺鰂魚涌收工，於是喺附近搵下食。餐廳位於芬尼街內街，隔離左右都有幾間餐廳。依間門面低調但吸引到唔少食客，於是即管試一試。 一葉花雕雞 $128 侍應推介，用隻鑊仔上，幾特別。食落酒味唔重，同行朋友唔特別中意食醉雞，但都話唔會太難入口。雞肉食落幾滑。另有配料包括米血糕、冬菇、雞肶菇、芹菜等。 櫻花蝦炒高麗菜 $78 本來想叫櫻花蝦炒飯，但因為減緊肥，想食少啲飯，就叫左碟炒高麗菜。材料看似簡單，但食落幾好味。另外亦可選擇用台式香腸炒。 兩道菜食落都味道濃郁，應該幾好送飯，不過因為唔算太肚餓，所以冇加到白飯。 整體黎講，餐廳有少少家庭式小店既感覺。見到餐廳坐滿人，侍應做唔停，有一家大小既，有一班朋友既。而且見佢啲外賣訂賣做唔停，相信keep住好多捧場客。

放工約左朋友食呢間台灣菜，之前經過附近見過好多人排隊，但一直無機會試。呢到好近鰂魚涌地鐵站，距離出口只有幾分鐘路程。餐牌上好多都睇落好吸引，但因為想食清啲，最後叫左以下呢啲：皮蛋豆腐：唔錯既涼拌菜式，皮蛋唔會有怪味，豆腐一睇就知夠哂滑，加埋肉鬆同醬汁，一啲都唔會單調。金沙炒苦瓜：呢個我同朋友都讚不絕口，苦瓜唔會太苦，亦食得出厚肉多汁，配合埋鹹蛋黃去炒，蓋過苦瓜既寒性特質，亦令成碟苦瓜更惹味。櫻花蝦炒飯：櫻花蝦令成碟飯都好香，飯唔會炒得太乾身，配合埋少少蔬菜，感覺岩岩好，唔會太膩。另外呢碟飯份量夠哂多，最後食唔哂仲打包拎走，唔好浪費嘛。秋葵松板肉：秋葵不嬲都係賣飛佛，加埋靚肉去煮，好岩送飯。秋葵亦減低左肉既油膩感，而且十分爽口新鮮。