一郎 (已結業)

尖沙嘴有幾間好食嘅拉麵, 伊間係其中一間.餐廳細, 小心冇位 (笑). 裝潢潮流 fashion / 港日fusion, 座落係舒服嘅.拉麵好食唔係好油, 夠濃唔覺係味精重. 餃子好有豬肉味, 可以以每位 $20 轉放題 (笑), 可惜朋友細食

之前去咗食下午茶～下午茶真係抵食！包一碗麵+小食+野飲白郎君白郎君其實就係九州傳統拉麵，佢個湯底唔錯，好鮮甜，真係有豚骨嘅香氣！而且唔會好似有啲拉麵咁食到最尾會口渴。不過我覺得個麵質偏幼細，所以唔夠彈性，食到一半已經淋曬。不過個兩塊豚肉都好厚身，溏心蛋都好好食🤤唐揚炸雞呢個真係好味，啱啱炸好，外層好熱好脆，入面啲雞肉好嫩滑多汁紫芋薯餅呢個都脆，入面嘅紫薯都好綿實，好甜日式煎餃子放題（$18）呢個餃子我就覺得麻麻，明明係即叫即煎熱辣辣，但食落都係唔脆，而且味道就係普通急凍餃子味

當日喺尖沙咀做完嘢之後想食拉麵🍜附近有幾間選擇～決定邊間多人就去邊間！見到呢間小店坐滿人～就決定係你啦📣一郎！入邊裝修好得意～超多畫仲有勁多bearbrick✨坐低店員就會比一個QR code落單，仲會勁細心咁講解佢哋最新嘅優惠 — $19.9餃子放題🎉不過當日好飽就無嗌到～見到隔離枱嗌咗，上枱係冰花餃子，就算係放題都有誠意！下次有機會會G持下🤜🏻🌟白郎君 $88可能因為我食得少唔同嘅拉麵，第一次見到拉麵店有甜豆，有啲搞笑🤣🤣🤣上枱第一啖試下個湯先！係唔會過鹹嘅豬骨湯底，飲得出係心思嘢，應該煲咗好耐～不過對於成日都出街食嘅我，會覺得個湯底偏淡，但友人話覺得幾鍾意🫶🏻麵質幾特別，揀咗普通，食落好似爽口彈牙嘅福字麵，個人幾鍾意❤️配菜有🥚醬油溏心蛋、荀、甜豆、叉燒🐖、紫菜、蔥～🥢溏心蛋好好食！有調味過，成個滑入口係大滿足～🥢叉燒係慢煮叉燒，偏多瘦肉再加少少肥肉，咬落少少豬騷味🫡味道：3/5性價比：3/5回訪度：50%

餐廳環境較一般拉麵店更加玩味十足，色彩豐富，而且牆身畫上了不少卡通漫畫。同時，餐廳四圍都放滿bear brick！超可愛的！
鯛魚湯拉麵 （期間限定拉麵）
奶白色和歌山真鯛湯底一入口已經是鮮甜無比，而且澄澈醇香，不會有油膩感。配搭用上和歌山真鯛鯛魚塊，經灸燒後更加香口滑嫩富有彈性。溏心蛋夠入味也是一大亮點，而且蛋黃半熟程度剛剛好！

另外還有慢煮叉燒、紫菜、蘆筍、竹荀配料十分足料！

最後不得不提拉麵的麵底，點餐時可按個人喜好選擇軟硬底。而這款拉麵是較幼體的拉麵，但麵條掛湯力十足。

豚骨拉麵(白郎君) 這款拉麵湯底偏清淡一點，豬骨味依然香氣十足，入口順滑。一樣是使用幼麵底。叉燒是這款拉麵的重點！慢煮豚肉叉燒，肥瘦適中，又夠嫩。再加火灸過，入口帶有微香脆口感。
餃子 放題現在凡惠顧拉麵一碗，都有以$19.9追加60分鐘餃子放題。

餃子只係供應一款口味。即叫即煎！餃子外層煎得金黃香脆，豬肉味好濃，內裡餡料帶有濃濃肉汁。

星期五放工，happy Friday去咗尖沙咀食野好似好耐冇食拉麵，老公就OpenRice 搵左呢間食評都唔錯既拉麵🍜我地都幾餓，入到去就極速order咗兩個拉麵：柴郎君（鰹魚湯底）黑郎君（黑蒜湯底）Order完waitress 仲問我地要唔要加$19.9餃子放題因為我地都餓，就加左🤩🤩一人一碟4隻，第一轉黎完就可以自己再order講返拉麵，鰹魚湯清得來係幾有鰹魚味，黑蒜都唔錯啊，我哋兩個都係要粗面底，我覺得佢個面都幾掛湯，不錯不錯餃子方面味道係唔錯，仲要呢個價錢我哋食咗12隻（一人）真係又抵又好味🤤

🎏️ 食盡油尖旺 — 一郎拉麵✨ Bearbrick 主題又食又玩🐻🥰#90cp尖沙咀篇 #90cp日本篇➖➖➖➖➖尖沙咀美食不嬲選擇多，今次試嘅呢間應該都係新開嘅拉麵見佢靚靚囝囝咁仲用左bearbrick做主題🐻😏 好似幾得意咁就入去試，搞笑嘅位置係佢會贈送一個token俾你扭蛋，可以抽中優惠券下次用🤣 又食又玩咁真心幾特別美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)🍜 鯛魚湯拉麵 $138佢嘅拉麵係幼麵，店員都提我哋唔好浸太耐如果唔係會影響麵質，識落湯底都算清魚味都未算好濃，而且佢個魚都煎過都幾香口整體都唔錯🥰 份量就中規中矩啦，跟餐都有得加小食次加完之後就絕對夠食飽肚😏🍜 黑郎君 - 黑蒜拉麵 $98前者係白糖呢一碗黑蒜睇落已經夠晒黑🤣 佢嘅湯底相對上濃郁好多，配料方面就由魚轉咗做叉燒，都好林而且唔會好鞋，不過食到中後段佢嘅湯底就偏油，未必適合鍾意食清淡少少嘅朋友仔🧐🐓唐揚炸雞 $38🥟餃子 $32個人覺得佢都算幾好因為跟餐可以加小食，確保你一定夠飽🫰🏻 炸雞查粉唔算太厚，而且都熱辣辣好Juicy!! 一碟

好耐無食過拉麵，呢晚同老公來到尖沙咀特色拉麵小店，木系裝修光猛舒服，全店都有好多bear brick😍仲坐隔離陪我食拉麵😂最特別係所有食客都有得扭蛋抽獎，我最後抽到$10優惠卷好開心😆.🍜鯛魚白湯拉麵 （限定）$138🍜激辛地獄拉麵 $98🥟羽根餃子 $32🍗唐揚炸雞 $38🥤靜岡抹茶可樂 $26🍹靜岡蜜瓜梳打 $26.要大讚拉麵🍜日本的味道👍🏻jo食的鯛魚白湯拉麵十分出色，咁岩個日胃有點不適，飲鯛魚湯相當鮮味無味精飲完好舒服，差唔多成碗飲哂🤣用上和歌山真鯛口感非常嫩滑，豬肉有咬口，細細粒一啖一口，幼麵軟硬度剛好，再加個流心蛋，好正🤤老公食激辛拉麵同樣話正🌶️ 夠香辣湯底濃厚，叉燒淋身👍🏻再加兩碟小食，炸雞大件juicy，食拉麵必點日式餃子🥟😎再飲啖日本汽水，正☺️.拉麵好食又有得打卡又有得抽獎好好玩，呢個價錢真心抵🤣難怪咁夜都爆滿

#20230419 🤍📍 一郎 @ichirohk_official尖沙咀漢口道19-21號漢宜大廈地下L號舖➖➖➖➖➖➖➖➖➖➖➖➖➖➖➖➖➖➖#赤郎君 #走蔥 $98💭 係無得揀辣度既激辛地獄🥵都真係好辛下，絕對滿足到鐘意食辣刺激自己既朋友，但個辣完全蓋過左個拉麵本身湯底既味道，如果只係想有少少辣點綴下既朋友就唔適合喇😅鐘意佢有齊啲應有既配料，溏心蛋🥚筍同木耳都有，連露筍都有兩條，雖然老實講唔算好夾，但勝在幾特別.#柴郎君 $88💭 其實係鰹魚醬油拉麵，同想像中既鰹魚有啲唔同😅佢加左啲魚仔落去煲個湯底🐟驟眼望個碗都有起碼3-4條，變左個魚仔既咸香味重過鰹魚味，所以覺得麻麻🙈同埋佢無得自己揀粗定幼麵，要跟湯底決定，而呢個湯底要配幼麵，🐷本身鐘意食粗麵所以又扣左少少分🤏🏼.#羽根餃子放題 $19.9/人💭 限時60分鐘，每次order都會即叫即整，熱辣辣咁上枱，好彩碗拉麵唔算好大碗🍜食完都仲有肚食餃子🥟講真加廿蚊就算食一兩隻都覺得抵食，更何況實唔只食呢個數，每食滿$100仲有得扭蛋，🐷都扭中左個免費小食😎有得食有得玩仲有野拎走，超滿足😜.#尖沙咀美食 #🐷在尖沙咀 #🐷_食

一郎 (尖沙咀).店舖細間，食物款式唔多，行日本嘅經營模式。有紙仔比你落單，😃根據個人口味揀選麵質同剔走唔食嘅配菜。.當田店員有比一枚硬幣，😉玩扭蛋抽獎遊戲，中左現金卷。.限定拉麵 (鯛魚湯) $138係比較少見嘅湯底🐟湯底魚味突出，入口甜美但后韻有輕輕嘅魚腥味。燒過的鯛魚肉片，😗魚肉厚度適中，有質感唔會鬆散。整體感覺健康輕盈。.黑郎君拉麵🍜$98特製黑蒜拉麵，湯底口感偏輕盈，😳帶微微黑蒜特有嘅甘苦味，鍾意黑蒜嘅朋友仔要試啊。.羽根餃子🥟$32肉感重，餡料實在，高麗菜同🐖肉味都幾出。.溫泉蛋冷豆腐$38溫泉蛋蛋黃啱啱好凝固，夾埋滑滑豆腐同柴魚乾，😋清清地做個餐前小食。.抹茶可樂 蜜瓜梳打 各$26聽個名好有趣，飲落都係汽水嘅感覺。可以嘗一下鮮。😛普通飲品會比較實際。.人均消費$150-170.IG/FB:eat_neverland

📍 #尖沙咀 #一郎前排見到呢間拉麵店做餃子放題，叫一碗拉麵加$19.9就可以任叫60分鐘餃子🥟平時四件都$32，今舖任食仲唔發達🤑餐廳幾有玩味，會有唔同bearbrick做裝飾🤩店主仲可能鍾意踢波，見到特登釘起件波衫⚽️最有趣係人均食夠$100仲有扭蛋，聽講有免費bearbrick、拉麵同現金卷🫢好好彩抽到碗免費拉麵，要即場使用😄食完先抽到，幾驚要叫多碗😂🍜豚骨拉麵(白郎君) $88湯底偏清淡味，豬骨味幾香，仲有啲骨膠原feel，黏黏地咁🤣呢款係指定用幼麵，叫硬身都唔係好硬，同平時差唔多，韌度都高✌🏻配菜都好出色，有好多荀絲同木耳絲😙連蛋都唔駛加錢，仲幾入味🥚叉燒都唔會話好乾，恰到好處，仲係粉紅色😝🍜激辛拉麵(赤郎君) $98湯底有香油味，食落有少少辣，應該都係豬骨湯底🐖可惜冇得揀辣度，鍾意食辣嘅就可惜啲🥺呢款係配粗麵，比較鍾意呢款，會彈牙啲、掛汁啲😋配菜都差唔多，不多提了😛🥟羽根餃子放題 +$19.9餃子只係供應一款口味，應該係白菜豬肉🤔豬肉味好濃，同豬骨湯好夾，整湯餃有冇得諗🤫餃子係即叫即煎，送上嚟都熱辣辣🤪細細隻咁，一啖一隻😚可惜個底煎極都唔脆，有啲似翻熱咁😔總價錢－$138(減

尖沙咀人氣拉麵前排去完日本旅行，返到香港成日都想食日本嘅美食，尤其係拉麵。原來尖沙咀都開咗一間日本人氣東京過江龍拉麵店 一郎 Ichiro平時最鍾意日本拉麵嘅濃郁豚骨湯底 ，呢間啲湯係香濃的乳白湯底， 有固定四款招牌拉麵，還有「期間限定」拉麵「限定君」，今次係魚湯拉麵。消費滿$100仲有得贈送刮刮卡，抽唔同優惠餐廳環境較一般拉麵店舒適和寬敞，座位舒適，木系裝修配上牆上的可愛吉祥物插圖🥰感覺文青。提供清水、惹味七味粉、餃子🥟醋、白芝麻等，食物上菜快，免收加一服務費(黑郎君）黑蒜拉麵 $98好足料，有肥美薄切叉燒、竹筍、兩片紫菜，還有半隻甜甜的溏心蛋和青豆，味道濃郁😋叉燒肉質嫩滑，肥瘦適中～粗身拉麵🍜好彈牙，飽肚之選。限定拉麵（鯛魚湯拉麵）$138濃郁的魚湯，好似屋企煲魚湯咁樣，充滿精華，配上幼身拉麵條，非常特別紫芋薯餅(1塊）$22脆卜卜的紫薯餅，邪惡之選羽根餃子(4隻）$32迷你豬肉日式餃子，好味抹茶可樂 $26綠色的可樂，非常特別靜岡蜜瓜梳打 $26超多汽，好過癮服務質素：7/10環境舒適度：7/10ᶘ ᵒᴥᵒᶅ個人口味評分：7/10

之前我有個朋仔好喜歡食拉麵，所以我每次出街都會留意👀一下邊到有好食拉麵店可以推介比佢！有一日我自己行經尖沙咀漢口道見到有間紅卜卜拉麵店，上網睇過原來係來自東京既日本過江龍「一郎」 @ichirohk_official ，由日本師傅助陣！講起已經垂涎三尺🤤店內有好多隻Bearbrick我仲有老夫子陪食😂限定拉麵-鯛魚湯拉麵湯底係鯛魚白湯，魚味都幾濃郁❤️鯛魚煎過可以迫出魚油令魚肉更香，再加上有溏心蛋、紫菜、竹荀、叉燒等豐富配料，的確令人一試難忘！赤郎君（激辛拉麵🍜）刺激味蕾系列，店家用秘製方法令湯底先辛後辣，刺激感十足！我特別喜歡佢地既粗麵條，有咬口得黎又夠掛湯，叉燒係薄薄大圓塊那款，完全吸哂湯汁食到我行氣活血😂加分位絕對係溏心蛋，因為店家係使用新紀元·曉去製作，蛋黃色澤帶橙而且有濃濃蛋香，我下次必家會追加多一份溏心蛋！日式煎餃子脆卜卜餃子係我食拉麵必點既，店家依個做緊推廣活動，惠顧拉麵一碗，可以加$19.9任食冰花餃子，不過我食唔到咁多就單點一份好了！溫泉蛋冷豆腐喜歡食日本豆腐既朋友真係唔好錯過「一郎 ichiro」既冷豆腐，厚實又夠豆香，再加埋新紀元·曉、木魚絲🤤做小食真係拎足100分

想食碗正宗日本拉麵，唔一定要飛去日本，香港都有唔少平靚正選擇😏位於尖沙咀嘅「一郎 Ichiro」，來自東京涉谷嘅過江龍🇯🇵由日本師傅坐鎮， 品嚐日本原味道😎最重要價錢非常貼地‼️近排都有個餃子放題，性價比爆燈🥟.拉麵店裝潢都相當colorful🎨有一面牆身畫上店鋪卡通漫畫，講述主角取拉麵經之旅，夠哂趣緻😆而且周圍放滿bear brick陪你食😜點完餐後，仲可以去玩扭蛋機，有機會抽到bear brick/現金卷，好過癮😙.🍜鯛魚白湯拉麵💰$138期間限定拉麵🌟湯底以和歌山真鯛🐟大火熬整足足五小時🕔奶白色湯頭入口鮮甜無比，沒有過多油脂，澄澈醇香😚且滿滿骨膠感，女士養顏最愛🥰配搭真鯛魚肉，煎過後再油脂逼出，魚油香四溢🤤肉質富有彈性，口感緊實而滑嫩，非常爽口😋溏心蛋夠入味，蛋黃半熟程度岩岩好🍳仲有慢煮叉燒、紫菜、蘆筍、竹荀配料，夠哂豐富❣️最後當然唔少得拉麵另一靈魂麵底啦，點餐時可按個人喜好選擇軟硬底👅呢款拉麵係配幼麵，麵條掛湯力十足，夠彈牙👍🏻連同鯛魚鮮香入口令人無法抗拒‼️.🥟餃子放題💰$19.9凡惠顧拉麵一碗，都有以$19.9追加60分鐘餃子放題🥟平時自己買包煎廿蚊都唔夠啦，而家仲要任食抵到爆

好似見到朋友post晏晝放lunch去咗食呢間拉麵店，第一眼吸引到我眼球嘅係佢隻糖心蛋，今次有機會一於同朋友去試吓😝=====================位置🏠其實位置唔算難搵，但路痴嘅我迷失左喺北京道😂如無意外尖東L4一出，兩三分鐘就到😂菜式選擇📜拉麵嘅選擇唔算太多，有四款常規同一款限定，一聽到限定，總係覺得唔試吓佢對唔住自己😂一人二行，每人叫咗一碗拉麵一個小食同埋飲品，分別叫做1️⃣赤郎君（激辛地獄拉麵）- 糖心蛋係基本每一碗拉麵嘅配備，亦冇令我失望，蛋黃嘅顏色依然係咁吸睛🤣叉燒質感嫩滑有兩片，湯底順口，唔會太濃烈，但稍微覺得唔夠辣，可以再辣d🤪2️⃣限定君（鯛魚白湯拉麵）-呢碗嚟到最吸精既係炙燒過嘅釣魚同白雪雪嘅湯底😚飲落去個湯頭好鮮甜，唔會有魚腥味，佢嘅拉麵底唔一樣，係再幼細啲嘅😉3️⃣唐揚炸雞四件-呢款係沾左炸粉既炸法，每一碟都係見炸，不過加咗檸檬汁就要盡快食，如果唔係表面就會好快淋身左，配上BB沙律醬😋4️⃣羽根餃子四件- 1放上嚟有啲俾佢嘅歷年咁震撼左😂不過都做到皮薄外脆既效果，朋友仲留意到佢有個餃子放題，+$20就可以任食🤣大家都可以去挑戰吓😇飲品選擇有罐裝汽水，波子汽水，靜岡蜜瓜

最近試咗呢間新開嘅拉麵餐廳，整體好滿意！非常適合和朋友一起用餐，如果獨自黎享受美食店員會放隻熊喺對面位陪食。好有心思～限定鯛魚湯拉麵 $138:鯛魚湯拉麵湯頭濃郁嘅同時唔會覺得膩，鮮美的鯛魚片和彈牙的麵條都非常夾！呢款係限定拉麵，唔係時時有，今日食到好好彩！黑蒜拉麵 $98:黑蒜拉麵的湯頭很濃稠，充滿了黑蒜的香氣，搭配Q彈有嚼勁的麵條，適合口味偏重嘅朋友。叉燒顏色偏粉嫩，肉質鮮美～羽根餃子（4隻）$32: 餃子外層鬆脆，裡面包著多汁、鮮嫩的肉餡，非常好味！溫泉蛋冷豆腐 $38:一款清新的小食，豆腐嫩滑，配上蛋汁和醬油的調味，非常適合在夏天享用。最後，店家贈送左一個扭蛋，非常驚喜。扭出黎係現金優惠卷😂