一鍋瘋 (已結業)

同朋友想食海鮮粥底火鍋，早幾日已提早book枱食飯，店員電話亦confirm了一次booking今日我同朋友到左餐廳，店員話冇我地既booking，佢比我既感覺係覺得我地係白撞😓所以我都拎出電話紀錄證明返我地係有預約過，之後店員話可能唔夠海鮮比我地，同埋佢話可能之前另一位店員聽左我既電話預約但冇mark底係簿⋯⋯咁預約既意義在哪，整體感覺及店員的態度也不好，本來因為睇到好評想試試呢間餐廳，但我地應該都唔會去試了😪

🔎：《 #一鍋瘋 》⁣⁣⁣⁣⁣💬：⁣⁣⁣⁣ 足料又新鮮嘅海鮮一人鍋 唔係度度都有架 十款海鮮同粥底 價錢算係甘海鮮既質素絕對對得住個價錢！入到去就可以先簡粥底有5款 (椰子、粟米、南瓜、紫薯、蕃茄）或者另外都有一款係淨芫荽皮蛋湯底 依個湯特別少少 如果要食粥既話佢最後先會幫你加粥煮 今次我地全部人都叫芫荽皮蛋湯😎如果你覺得唔夠飽既話都幾推介你追加配料 牛肉同丸類個啲 佢既配料全部都好正 特別係牛肉！▫️十款海鮮每款都好新鮮 啲蜆仲郁 而且大部分海鮮都唔會點縮水 不過有啲貝殼類都食到有少少沙▫️美國安格斯牛小排/美國三角牛肩👍🏻極推介依兩款牛 好有牛味而且好嫩 份量叫左大份size都真係足料其實兩款食落都無乜太大分別 安格斯既油脂分布較平均 油花較多 而牛肩會瘦啲 但建議叫牛肩 因為價錢平啲 而且食落兩款都唔太分別▫️芫荽皮蛋湯/粥湯底味道算一般 無乜特別 唔濃亦唔太香所以真係靠本身啲料夠新鮮但湯底入面真係好多芫茜係度最後加左粥煮黎食 味道都好一般 基本上食唔到海鮮嘅鮮甜味同埋其實係冇乜味▫️配料我會推介芝心丸同埋響鈴 每份$12起 一份大約有2-3粒

呢間餐廳本身堂食已經食過一次，見佢出咗外賣自取粥底火鍋套餐，就買個返去試一試☺️$128一人套餐，包左六款海鮮：生蠔，海蝦，兩款蜆類，鮑魚同埋扇貝，亦都有六款雜錦丸，肥牛同埋時菜，睇落去份量好少，但係食落絕對夠飽😋 今次叫咗南瓜湯底。每款海鮮都好新鮮，啲丸亦都好好食！🤩最想讚嘅係佢貼心到包左呢個火鍋豉油，啲味道溝到啱啱好，用嚟點嘢食絕對有畫龍點睛嘅效果！打完晒邊爐之後，當然去到重點嘅粥底，加埋南瓜同埋紫薯粒，東菜同芫荽，就算幾飽都食到清底😍😍😍講起又想再食添～～～🥳🥳🥳

網上好似冇乜人提及既黃店，都係參考黃藍地圖列表先發現呢間嘢，係正桔梗對面，專食粥底火鍋。之前一直未試過粥底火鍋，未食之前都有少少想縮沙，以為會將d材料放入白粥入面淥熟，驚怪怪地，原來呢度既粥底火鍋係打完邊爐最尾先落粥當主食。呢度無味精蔬菜base湯底，好似粟米、紫薯、椰子、番茄等，一人一鍋可以試唔同嘅湯底，套餐包十款海鮮拼盤，但係就冇包其他配料，要自己加。番茄、粟米鍋底、十款海鮮拼盤我哋叫咗粟米同番茄湯底，每款都食得出好天然既蔬菜甜味，粟米就淡啲，適合鍾意食海鮮原味嘅人，番茄就比較濃郁，酸味重，入面嘅番茄份量超多，一路都食到番茄肉同蕃茄蓉，但就會蓋過海鮮味道，但我就好鍾意番茄嘅酸味，而且因為冇味精，食到後面都仲可以就咁飲d湯底，好似飲緊濃郁版番茄湯，真真正正天然而且好味。套餐每人唔使$200就有十款海鮮，海鮮款式係時令嘅，可能下次嚟就會唔同，今次就包括半隻蟹、蝦、瀨尿蝦、蠔、花甲、帶子、鮑魚、貴妃蚌、蟶子、螺等等，超級揼本，而且海鮮係超乎想像地新鮮，上枱時d鮑魚同蝦仲郁緊，有隻蝦仲突然間彈到超高，嚇親我哋lol。每種海鮮餐廳都寫住烹調時間，可以保證食到肉質啱啱好既海鮮，全部都好鮮甜又大

主打海鮮火鍋，我地一行4人，2個對海鮮麻麻，問左可以轉肉拼盤，所以我地叫左一半海鮮一半肉。蕃茄湯底勁濃，椰青好清，藥膳湯就怪怪地。 上左海鮮先，2人份量，睇落去唔算好多，但真係堅新鮮，d蝦會跳所以要用個碗吸住，有1隻放落湯時都跳走左😂。 每人半隻蟹，另外仲有好多貝類，d肉仲會走出黎，新鮮到嚇親我😅跟住肉拼盤都黎啦，每人一碟肉 (豬牛各有6-8塊), 同一碗菜+丸，好大碗呀，咩都有d, 呢個應該1人食都未必食得晒，好滿足。食完佢仲問要唔要煮粥，會放d蕃薯粒同芋頭粒落去煮一陣先，跟住佢會拎去加d粥煮，我地用左椰青湯底煮，幾好食。服務都好好，家庭式經營，好有人情味既小店。

訂左位又真係有位，7:00pm去到,門口有staff好快帶左我上樓上可能樓上冇咩客，冷氣特別凍😖😖😖好在打邊爐就暖番朋友食海鮮，叫左海鮮set,$188有勁多種🤩🤩我問個碗做咩，正打算拎起果陣...啲蝦跳起左🤯🤯🤯嚇到我叫左聲真係好新鮮我唔食海鮮嘅都唔怕，呢度有肉同丸拼盤$168平少少，但肉量都唔少啊🤓🤓🤓一碟肉 一碟丸最後要靠朋友幫手先食得晒🤓🤓🤓啲丸都幾有誠意，唔普通架仲有雲吞，入面有隻蝦，好足料上ig打卡仲有菜送，計計埋埋都抵食🧐🧐🧐我叫左蕃茄湯底，朋友食粟米湯（聽講好淡）蕃茄湯底就還好，鍾意蕃茄嘅一定覺得好飲🤓湯底係偏淡，但正正係咁，岩晒我食開清淡啲嘅人佢都有調味料提供（芫荽 辣椒果啲）我就冇用到

😋記得follow ig @hker_chillcheese,更快知道最新美食資訊。多謝支持。🙏🏻#良心小店 🤩一鍋瘋推介椰子湯底香淡、唔會太甜，蕃茄湯底酸度適中，粟米偏淡，相對一般。一人一鍋，夠曬方便衞生。🦀海鮮係每日挑選，因此會有出入。以上係三人份量，通常都會有蟹、鮑魚 、蕃蜆、生蠔、海蝦，一分錢一分貨，但係呢個價錢係值得嘅。蟹蟹膏唔少，但係肉質唔多。蕃蜆、黃刀貝都唔錯。鮑魚生蠔煮熟偏細隻。🥓反而配料都出色，肥牛$28，第一回雪花一般，肉質鮮嫩，第二回反之。墨魚滑算係配料類唔平，但係幾有咬口。響鈴唔太脆口，但係食火鍋必食。🍺好多人都叫啤酒500ML 好大杯😍而我哋叫左汽水 $10/1。💛記得post story 支持呢間良心店舖，會附送蔬菜。

打邊爐，最驚唔知要食幾多錢，牛肉每碟叫好貴，肉隨砧板上。 這間火鍋店，算有少少良心，定價套餐，一人一鍋。晚市宵夜火鍋價，$128。有五種湯底選擇：椰子、蕃茄、紫薯、粟米、南瓜。他們不用一般豬骨湯底或雞湯底，聲稱是粥底，其實沒有粥，將貨就價，$128，可以接受。我們選擇了粟米和南瓜湯底，電子爐火力不大，後來叫職員拿了煲蓋，水滾了。  $128 一人一份海鮮，有8種食物：蝦、瀨尿蝦、帶子、幾種貝殼類，份量都算多，質素OK。  固定份量，也是節省人手的好方法。可以加錢追加其他食物，例如烏冬、餃子等。 我問職員如果不喜歡吃海鮮，職員為其中一份換上牛肉和丸，都算幾好服務。影上打卡，放上社交媒體，tag 他們，送一小盤蔬菜，幾好。 他們養的狗，也喜歡食一狗一鍋啊，小狗很乖。 晚市宵夜火鍋價，一人一鍋，$128。我的要求不會太高。總評 味道：正常新鮮肉類 環境：旺角feel服務：好，拿了煲蓋，換上牛肉和丸，都算幾好服務。抵食：一分錢一分貨菜式：晚市宵夜火鍋

其實我都好少寫食評，即使經常食伏嘢我都冇失望到要特登log in 翻黎寫評論。但啲間食肆真係樣樣都好唔掂，希望想去既朋友三思下先決定去唔去食。食物方面：1) 海鮮可接受，但湯底毁所有。- 個湯係完全冇味，可能我諗多左會有小小椰子、南瓜味，但係個湯底同清水無異，咁點解佢要整幾隻唔同味出嚟🤷‍♀️！我連食響玲都要浸豉油，完全係失望。2) 湯底毁粥底- 因為個湯底好似清水咁，連個粥都好似食緊白粥。無錯！個湯落過海鮮同牛肉都係好似白粥味，我落完配菜都唔得，都係要落豉油入口。服務員方面：1）聽就聽咗，做就唔做- 入到去話book左，服務員完全聽完就冇理過我哋，究竟係要等，入得定冇枱都冇講過。我哋就好似傻仔咁企喺門口罰企左十幾分鐘先有人過嚟叫我地慢慢等。- 隔離枱叫加湯同換咗個爛夾。爛夾就照收，新夾又唔比人。最後要隔離枱自己去加湯換夾。- 漏單啲啲就緊會發生啦- 仲有最重要！！由book到罰企到走到我依家都唔知佢哋既用餐時間係幾多。完全冇提及過，冇講last order。加完粥就好唔好態度大聲咁講”你地食快啲好喎，過曬鐘”(exact wording)。過鐘喺我嘅問題，但真心冇人講過食幾耐，幾點走，

超大伏⋯一去到已經feel到服務態度唔算好，我話已經book左檯，問完電話對booking，完全冇人理我地，究竟係冇等地booking定點完全冇人出聲，罰企左五分鐘先有人同地講執緊檯等等⋯ok。坐低左又係冇人理我地，anyway，起碼有位坐唔成碌木咁企係度。因為我地想飲酒精飲品，佢menu得藍妹青島，問侍應哥哥有冇其他飲品，佢話冇，我明明見到有人飲hoegaarden，咁當佢冇哂啦，叫左菊花茶，之後先發現有椰青⋯又話冇其他野飲⋯無言。講返啲食物，真的稱不上新鮮，而且味道很淡，平時食粥底火鍋海鮮好少點醬油，但呢度啲所有野都係冇味嫁，我同用清湯白烚冇分別，我地連響鈴都要落醬先有味都真係第一次。仲要食食下熄左冷氣都冇人理⋯粥又係世界級淡味，同白粥冇分別，我唔明白點解啲海鮮同肉煲左咁耐個底都係冇味⋯我朋友直程落埋豉油落啲粥度調味，可想而知幾淡味，食食下粥係同我地講超哂時食快啲，侍應哥哥真係咁講，但我由booking到入座佢係冇講過有限時，就算有限時，會唔會提早heads up問有冇野加好啲呢？Fine，橫掂都唔想食落去你又趕我地走咁味走囉，真係tips都慳返。同場加映，睇到隔離檯叫加湯又冇人理

1. 鋪頭冷氣唔夠，好熱2. 本身樓面少，所以好待慢，叫杯啤酒都要3個字，加水都係3. 啲電爐好慢，好耐先熱…4. 冇限時，但主動cut單，仲叫我哋快啲食完要翻枱，咩服務…佢黎野慢、水滾又慢，食嗰part得1個鐘多啲就清我哋😡5. 想清我哋，問我哋要唔要粥底，我哋話要，佢冇俾我哋，之後叫我哋埋咗單真係唔多掂囉，係頭盤海鮮幾鮮味，但不了

黃店系列💛新鮮海鮮粥底火鍋🦐🦀 同班fd都好中意打邊爐😆 今次就試左呢間位於旺角既一人一鍋粥底火鍋😛🥢海鮮粥底火鍋🍲 ($188/person)包左10款生猛海鮮🦐🦀同自選一款粥底湯底方面有6種 椰子 粟米 蕃茄 南瓜 紫薯 芫茜我就揀左椰子味🥥 湯底一黎到係好稀好水 入面有粒粒椰子 一起初食真係冇乜味😂 真係食海鮮既鮮味🦀🦐海鮮有蟹,蝦,扇貝,鮑魚,帶子,蟶子,蠔,三款蜆類😋真係好新鮮 啲蝦係咁逃走😂 隻蟹仲要好多膏😋蜆都冇乜沙 不過最搞笑係個帶子殼大得濟放唔入鍋😂🥢肥牛 ($28)唔係話特別靚既牛 不過$28😂算係咁🥢水餃🥟 ($12) 🥢皇庭貢丸 ($12)🥢蟹棒 ($12)有點小失望 如果佢打蟹柳我反而冇咁大落差😂🥢炸枝竹 ($12)🥢粟米🌽 (&12)突登叫黎吊下味🤣食到最後店員會再加南瓜粒芋頭粒同米糊 煮成粥☺️ 真係超級飽 我自己叫椰子湯 所以有埋椰子粒係入面一齊食 但椰子味唔算重—————入面環境比較逼 裝潢有待改善但係勝在海鮮真好好新鮮 同埋都算幾抵食😋一人一鍋 唔洗同人地一鑊熟 而家疫情又開始嚴重番 自己一個鍋都食得安心啲♥️

🥘晚市早段................$168/人識食緊係食早段少人又舒服食飽飽行一陣仲可以睇場戲👍🏻.湯底任你揀南瓜🎃/粟米🌽/紫薯🍠/椰子🥥/蕃茄🍅今次小編選左南瓜🎃同蕃茄🍅.海鮮好新鮮蝦🦐上枱仲識跳所以溫馨提示 要小心放落鍋哦有大概十種嘅海鮮每款食啲都已經好飽.唔好唔記得仲有精粹「粥底」呀原先諗住揀湯底要襯粥底蕃茄味係襯火煱啲原來南瓜味粥底先係皇道好甜仲好鮮加埋辣菜甫飽都要食多兩啖🤗.🥘加配肥牛................$28抵讚的是餐廳服務員服務周到👍🏻仲有兩隻柴柴「柴犬」乖乖咁瞓覺陪你打邊爐

疫情一好轉左 我同朋友就忍唔住瘋狂打邊爐喇 今次去既係位於旺角砵蘭街既《一鍋瘋》呢度既特色係一人一個鍋 食得安心又放心而湯底既選擇多多我地一行四人 分別揀左紫薯 南瓜 粟米同椰子粥底 色彩繽紛好吸睛👍餐廳好細心 有晒教學教進食既先後次序：先選粥底 後食海鮮 再食配料 最後就放入南瓜粒、芋頭同米糊有晒教學 咁就萬無一失啦火鍋配料方面 海鮮好新鮮好鮮甜 食左鮑魚 蟹 聖子 蜆同蝦等等 值得一讚係蟹 放左係粥底度淥 令個粥底生色不少！ 而肉類同丸等火鍋配料既質素都唔差 總之就唔會令你失望啦！P.S. 而家睇到d相已經流緊口水喇 好想即刻再去食多次

今日係一年一度母親節，全家人一齊出去旺角食晚飯，同往年唔同，今年就係由阿媽發板，阿媽不嬲都好鍾意聽網台嘅，網台有人介紹過呢間餐廳好食，而且個老闆仲係年青人黎添，阿媽就話想俾個機會人，咁就去食呢間野啦。呢間粥底火鍋價錢就係大約$200一個人，包左一堆海鮮，仲有個湯底，仲有一個粥，鍾意食配料嘅可以自己㗎，我哋就自己加咗個雲吞，少少肥牛，仲有墨魚滑。首先想講講個湯底，唔好意思容許我先小人後君子一次先，其實個湯底唔係好好，佢本身有五個湯底，咁另外仲有個皮蛋現世湯，我哋屋企有五個人，咁叫其中四個湯底，但係我敢肯定冇一個湯底係好食嘅，就比較似係用粉開出嚟咁樣，其中一個叫咗紫薯湯底，搞到佢每淥一樣嘢食果樣嘢食都會變咗紫色，勁搞笑，不過我嗌嘅南瓜湯其實就比較好啲，但係個味道依然都係唔夠濃，所以如果餐廳嘅話可以加多少少粉，或者係我見到其他餐廳都有用粥水做湯底，我覺得都可以一試嘅，因為真係可以帶到海鮮嘅鮮味出嚟，或者餐廳可以淨係專注做埋一個湯底，做好佢，咁樣嘅話就會比較好一啲。有啲人話打邊爐最緊要嘅就係個湯底，而我就話湯底仲要之餘，其實個爐都好重要，因為唔知點解我嗰個爐真係比較遲先滾，但係我見個爐已經較到