一門 (已結業)

銅鑼灣黄金廣場多好野食，相信好多人都知，但竟然喺 4/F 比我哋發現到一間日本料理，一門 (The mon)。呢餐亦係我嘅生日飯，就豪一次吧 !反正有人請 😂， 餐廳用佐暗暗嘅燈光， 整間餐廳無論環境同氣氛都很有情調，非常適合做節慶聚餐啊。店員嘅服務態度都好友善，餐廳經理不時會行過嚟同你傾計。🤣食物方面 : 無論係刺身定熟食都做得非常出色，材料新鮮，味道很好，擺盤亦很用心，相信大家睇完圖片都心動了😍，今餐盛惠 $1600，係貴佐少少，但值得 !呢個一定要叫，鎮店之寶 ！ 玉子入面啖啖都係蟹肉，食到停唔到口。本人好鍾意食甜蝦，佢啲甜蝦就正正係我好鍾意味道，吞拿魚亦都好新鮮，鍾意食刺身一定要叫呢個。石鍋牛肉飯既牛肉份量足夠， 側邊有少少泡菜，送飯一流。呢兩隻燒蝦入面嘅蝦肉真係超大隻，配上檸檬汁 ，好帶出蝦嘅鮮味。牛舌同埋雞肉煮得都淋，唔會話太鹹，味道恰到好處。鮮帶子點上豉油真係好好味。呢個蜆肉湯係我食咁多餐廳入面最好味嘅蜆肉湯 唔會話淨係得鹹味。個湯有好濃嘅蜆肉味。埋單1600蚊，人均800蚊。 銅鑼灣既日式料理餐廳入面，呢間一定係top 5 😆

回頭咗幾次嘅高質居酒屋，上年聖誕節book到位去食🥳居酒屋行日本風裝修，燈光偏暗，值得一讚枱與枱之間嘅距離幾舒適，整體營造到居酒屋好舒適嘅氛圍，好啱慢慢食嘢、傾吓計嘅感覺( ´▽｀) 我地都想可以趁熱食到啲嘢食，所以分咗幾次落單，可以慢慢歎～ 👨🏻‍🍳📸 蟹肉厚玉子燒❤️‍🔥呢到嘅玉子燒係我必order之物!! 佢個玉子又厚又甜，包住好多蟹肉，個醬汁唔會太濃，完全滿足到我嘅口腹之慾🤤之前已經食過一門嘅芝士厚玉子，一樣好出色✨推薦大家試蟹肉先!! 同埋佢烙咗「一門」兩個字喺個面好岩影相，快快手打個卡勁易影得靚😹👨🏻‍🍳📸 蛤蜊香草鐵鍋燒💛湯底鮮甜唔膩，好夾個蛤蜊同啲菇，啲蛤蜊粒粒都好肥，下次都會想再嗌:3👨🏻‍🍳📸 原隻汁燒明太子日本魷魚❤️‍🔥好surprise到我嘅一味燒物! 覺得每次去餐廳嗌魷魚都係心理戰，好驚食到橡筋咁嘅魷魚😵‍💫呢個魷魚燒到柔韌有餘😂真係好好咬，而且配明太子醬mayo 加曬分😂😂食得好開心，當日最有印象係呢個\(//∇//)\👨🏻‍🍳📸 燒牛舌串正常水準✨（其他太好食了唔著墨寫呢個😹）👨🏻‍🍳📸 燒羊鞍💛對面嗰個好滿意個燒羊鞍keke o(≧v≦)o🥳 食過2次

我曾經去過呢間居酒屋既分店，覺得很不錯！因此今次再次到訪銅鑼灣「一門」，這家餐廳選料新鮮，裝潢神還原日本居酒屋，坐得舒服，幾乎樣樣都好食，邊度搵😽🌸🌸🌸🌸🌸🌸🌸🌸🌸🌸🌸🌸🌸🌸🍀拖羅蓉海膽$160@2pc👍👍首先一上枱就俘虜咗我嘅心😻超精緻，由餐碗到食材到伴碟，全部都經過精心設計，有高級感！而拖羅蓉海膽好鮮甜，可以用鮮而不腥形容！🍀大真鯛刺身$280👍👍真鯛在日本一直被視作喜慶的象徵，是當地人慶祝時不可或缺的一種魚。真鯛魚身飽滿多肉。魚肉晶瑩剔透，口感柔中有韌 ，脂質含量適中，我同朋友都覺得超驚喜。點醬油可以提鮮，不點醬油原汁原味，怎樣都好吃！🍀一門沙律$78🥗裡面除了有多種菜類，而且還有青瓜、洋蔥、紫菜，還有酸酸地的醬料！大兜又開胃！🍀鰻魚石頭飯$138👍這個鰻魚厚肉有嚼勁，肥美，啖啖肉，又夠多，魚肉結實不鬆散，雖然蛋放在石鍋中，仍然嫩滑，更特別的是，石頭飯好似仲有八角茴香的味道，比較少見，但確係美味🍀杏仁酒$48👍前所未有的體驗（因為我未飲過），酒味容易入口，醇滑，不會過於濃烈，但同時滿足小飲怡情的雅興，而叫人最驚喜的是，酒香不會掩蓋杏仁的味道，餘韻帶點杏仁清新，好鍾意。🍀豚肉芝麻醬

Happy Friday朋友帶左我黎依間一門呢到食物款式選擇都幾多一黎先叫左兩杯飲品柚子燒酎同WHISKEY HIGH BALL刺身叫左Tuna Uni Tataki 吞拿魚蓉好多，海膽都有甜味壽司叫左赤身、池魚、牛秋，每款兩件三款壽司最鍾意係池魚中間夾左紫蘇葉好香另外叫左蟹肉厚玉子中間嘅玉子都好軟滑加埋蟹肉更加鮮甜炸雞配香蔥汁用黎餸酒就啱哂最後叫左個牛肉石鍋燒飯石鍋熱辣辣，冬天食最好整體食物水準唔錯，值得一試！

今日係呢頭收工，順路約咗朋友仔食生日飯😚食咗間都幾高質嘅居酒屋，裝修日本風勁靚，燈光暗暗地，而且枱與枱之間距離都幾遠，係個傾偈好地方。❁ Sliced white fish salad with sesame sauce $280池平魚刺身肉質鮮美，彈牙甘甜，師傅刀工極好，切得勁薄，配上自家製醬汁，酸酸甜甜應該有少少柚子醋係入面，上面仲有啲海藻、海帶，好滋味。❁ Sea urchin with avocado crabmeat sushi roll $180海膽牛油果蟹肉壽司😍蟹肉份量超誇張，差唔多等於舊壽司飯咁多，上面嘅海膽亦都極之鮮甜，牛油果熟度剛好，整體層次豐富。❁ Toyo roll $72東洋卷勁正😋入面有大大舊鰻魚、牛油果同蟹子，因為餡料份量好多，食落去覺得好滿足。皮薄而且軟熟，帶少少甜味，成件食晒。❁ Seafood with tomato soup in hot pot $180海鮮蕃茄湯用料十足，有帶子、兩隻大蝦🍤、蜆、菇，海鮮感覺新鮮唔會雪咗好耐，配料多😍❁ Minced beef rice with egg in stone pot $128玉子免治牛肉石頭飯🍲職

呢間江戶時代主題一樣咁正🥰🥰我要重點講！個壽司 🍣係牛秋 、池魚 、赤身，擺好記得順次食，味道由淡轉濃好講究每樣都非常好味道🤤🤤🤤質素好到不得了色、香、味、店員服務一級棒！個沙律🥗都係非常鮮味Tuna超鮮！！ 肉質嫩滑呢個芝士年糕必點！Size岩岩好一啖一件 ，年糕軟糯海鮮🦞湯岩曬飲湯控，我食飯係唔可以無湯😂蝦同貝都食到鮮味！成個套餐真係回味無窮！節日帶親朋好友黎係最適合地方！個晚見到有一家親黎食飯好溫馨，包括埋餐廳氣氛，超sweet!

一門 (銅鑼灣)廚師發板 刺身五點 $298🌟油甘魚腩🌟帶子🌟金線鯛🌟吞拿魚今次試咗五款刺身，係廚師發板揀咗當日新鮮既食材，刺身真係好新鮮，刺身厚切食落仲爽口鮮甜，帶子刺身要試下。。廚師發板 壽司$160🌟深海池魚王🌟金目鯛 🌟帶子三款壽司用咗唔同方式同調味去整，手握壽司飯唔會太散，調味啱啱好，同單食刺身既口味唔同。。🌟厚燒玉子 $60玉子燒係傳統日本美食，一門既玉子燒，有濃郁嘅蛋香，蛋唔會過熟仲好滑，食落有少少甜，覺唔夠味仲可以配埋蘿蔔蓉食。。🌟楊芝士年糕 $55芝士年糕平時食多，呢到係用紫菜包住芝士年糕，紫菜黎到仲好脆，包住食冇平時食咁膩。。🌟鮮帶子煎薄餅 $92選用韓式煎餅既方法去整，上菜會用鐵板上菜，鐵板仍有餘温，會一路熱住。裏面有少蔬菜絲同細粒既鮮帶子，食落口感幾多，薄既位置會煎得脆脆地，中間會比較軟，點埋甜辣醬仲好食。。🌟和牛薄切伴溫泉玉子 $180用咗Sukiyaki方式去煮，個醬汁會甜甜地，有唔少既豆腐、娃娃菜、菇類，吸咗醬汁會好好食。另外仲有和牛片同温泉蛋，和牛黎到仲未熟晒，食落仲好嫩，配埋温泉蛋食好正。藍莓茶玄米茶📍一門 (銅鑼灣)銅鑼灣軒尼詩道502號黃金廣場4樓

▪️海膽•拖羅蓉•帶子•三文魚籽丼睇落分量唔多，但食落都飽飽地既，幾足料亦鮮味，唔係特別出色，不過二百幾蚊又覺得有更好選擇🤔🤔▪️鐵板雞雜菜定食？咁上下既名啦😂有炒過既芽菜椰菜青椒墊底，上面既雞件已切好，唔鞋之餘都幾惹味，但其實我地都以為係鐵板上😑▪️牛肉豆腐滑蛋鐵鍋煮定食豆腐好味好滑溜，牛肉幾稔份量就有五六片，滑蛋都真係做到滑蛋既，熱焫焫不過不失。▪️厚燒玉子玉子好濕潤，印左「一門」兩字，對我黎講實在太甜😂😂😂所以食左舊就停左手總體覺得性價比唔高，未至於難食，但以呢個價錢，真係有更好選擇，記憶點真係唔深😅

當日落雨近近地去附近搵食，就嚟咗黃金廣場呢間日本餐廳食飯，質素幾好，環境又舒服，仲有吧台位置可以睇住師傅出餐 特刺身盛合5點5款刺身，全部都好新鮮，仲要係厚切好有口感，中間2杯入面係牡丹蝦係底再係上面放海膽，海膽份量好多，沒有腥味，同樣鮮味十足 壽司盛合壽司飯細細舊，每樣1件，點上芥末豉油，一口一啖，大小適中 蟹肉忌廉蟹肉忌廉外層炸得勁鬆脆，粉漿整得好薄，熱辣辣，配上沙律醬食，好味道 wagyu onset egg湯底味道似壽喜燒，甜甜地，入面有好多雜菜，菇類等，索滿湯汁，牛肉近乎入口即溶嘅口感，上面仲有隻半熟蛋，蛋香味濃，好味 鮮帶子煎薄餅店員推介嘅韓式煎餅，入面夾住椰菜、洋蔥、柱狀帶子等，個邊煎到好脆口，粉漿唔厚，可以配埋甜酸醬一齊食

一門係銅鑼灣黃金廣場開左好多年，食物一直都keep住高質，不過好多新客walkin可能會比門口既藍色芬暗等光嚇親，我第一次都係朋友帶我去先識得食呢間。今晚第一道菜係精選壽司十件，黎一門必試壽司，佢地既壽司不論款式你都食得出食材係好新鮮同落壽司醋既比例恰到好處。除左壽司之外我地仲叫左炸芝士同串燒，即叫即整熱辣辣好食！另外全晚最有驚喜係牛油果鰻魚卷，出面係用pancake皮包住，加埋蟹籽，你係唔會估到呢幾樣食材加埋一齊係咁夾！推薦！最後我地仲加左一個牛肉石鍋飯作主食，濃香夠味，好食。總結，未試過嘅朋友可以黎試左Lunch先，不過記得book位。

紫菜年糕 $55呢個見到有幾枱都有叫，所以我都叫左🤣 呢個幾特別 佢年糕中間仲有啲芝士 幾驚喜～ 大蝦海鮮飯 $148呢個都幾多料！ 所以口感好豐富！ONSEN EGG SALAD $85呢個番薯🍠沙律特地都覺得好好味😋 佢個番茄好甜！ 👍🏻我覺得係必叫！seasame fish $280酸酸甜甜既刺身 幾特別～Sushi (6 pCS) $160東洋卷 $72味道都唔錯 用班戟甜甜既皮包住鰻魚同沙律醬 都夾既😋🥰陳年柑桔蜜 $42正常～荔枝梳打 $42呢個好飲啲🤣食日本野都係配返梳打襯啲！

呢間居酒屋係黃金廣場，位置好方便。服務親切，師傅會同你傾下計講下食材。一門沙律🥗無肉嘅沙律都整得幾好味，麻油加紫菜好香，酸酸地嘅醬汁，洋蔥入晒味唔辣。白身魚刺身—魚肉微微燒過，晶凝通透咁好新鮮。個汁酸酸地唔會搶味。拖羅蓉海膽—見到海膽就流晒口水🤤拖羅蓉同海膽一個鮮一個甜，加一兩滴豉油就夠，蟹籽都夠味。揚芝士年糕—造型可愛，脆脆紫菜包住燒到暖笠笠嘅芝士年糕，一啖一件☺️海鮮意粉🍝見到居酒屋有意粉賣幾驚喜，味道都好唔錯！落足新鮮蕃茄，意粉都仲係彈牙。最正係燒香嘅大蝦，厚肉🤤

「黃金廣場內分手，在時代門外再聚。」原來黃金廣場仲屹立係銅鑼灣，裡面仲有間好有江戶時代感覺嘅居酒屋🏮。-炙燒鯛魚刺身 $280晶瑩剔透嘅魚生🐟口感爽口之中帶點軟嫩。-蟹肉蟹膏飯 $168真係好多蟹肉😍落足料啖啖都好香好鮮甜！個飯熱辣辣，好啱冬天食！-傳統玉子燒 $60超嫩滑的玉子燒，表面樸實無華，但其實好考功夫。-串燒方面，試左牛肉番茄卷($30)、大蔥雞肉($30)、Lady Finger即係秋葵裡面有蝦滑($40)。-豚肉蔥湯 $36冬天正好暖胃🔥-📍 一門 (銅鑼灣)銅鑼灣軒尼詩道502號黃金廣場4樓#日本菜 #黃店 #japanesefood #刺身

位於銅鑼灣的一門，是一間以江戶時代為主題的日本餐廳。餐廳裝潢充滿日本風情，服務員用心服務，熱情有禮，真的有致身於當地的感覺呀。餐廳的食物種類多不勝數，除了日本料理，亦有洋食和韓式料理。款式繁多，所以請服務員推介就對了。特上壽司十件 $380特上壽司有拖羅、海膽、牡丹蝦、赤貝、帆立貝、三文魚等等，長長的碟子，氣派非凡。壽司握得不錯，結實不鬆散。當中我最愛帆立貝，又厚又大件。蕃茄海鮮石頭湯 $180味道有驚喜的蕃茄海鮮石頭湯，比想像中還要好吃。湯頭美味，又香又甜。大蝦好大隻，但不算好新鮮。炸雞香蔥汁 $75店家的炸雞相當好吃，雞皮香脆，雞肉結實，配香蔥汁比配醬汁更清新。一門沙律 $78招牌沙律調味不俗，紫菜味濃，值得一試。精進甸菜燒 $76

好喜歡到呢間傳統日本料理，質素高價錢合宜，裝修風格真的好像係日本似的 一門沙律秘製醬汁嘅沙律，好特別又令人開胃嘅菜 白身魚薄切刺身新鮮白身魚刺身，配合特製胡麻醬汁及沙律，鮮甜美味😋 帶子壽司🍣大大粒帶子好吸引，上面輕輕火焰燒 金線鯛壽司🍣🐟上等鯛魚配壽司 伊佐木壽司🍣來自日本本州三重縣，魚質美味鮮甜又彈牙，最適合做壽司 芝士年糕🧀 軟綿綿日式芝士年糕，外層用香脆紫菜包住，好煙韌又美味嘅甜品😊 東洋卷🍘鰻魚，牛油果及蟹子卷，外皮好特別，原來係班㦸外皮，好幼滑 海鮮意大利飯🍝除左日式食物，呢度都有西式的，海鮮意大利飯大蝦好大隻，而且係燒烤後再加蕃茄醬汁，還有蜆肉、帶子、魚子等，所有海鮮味滲透係意大利飯入面😋 梅子燒酎梳打🍸鐘意飲燒酒就可以揀唔同果味嘅燒酎梳打，梅子味配燒酒非常配合👍 蜜桃梳打🍹甜甜蜜蜜嘅梳打好好味🥰