一風堂 (東薈城名店倉)

營業中

休息中

好耐冇打食評，今次就粗粗地打返間拉麵但係呢今次都凶多吉少㗎啦🥶去完天壇大佛，正常就梗係搵間好啲嘅餐廳啦點知新年間間都咁多人，間間都話要等位🥹主人👩🏼🐯又點會放過我，我就周圍拎飛啦咁啱我搵到呢間唔係等咗好耐就入得😎😎但係重點嚟啦，主人話竟然夠膽帶我食拉麵拉麵都唔緊要仲要係集團式其他要等咁耐將就吓啦😅😅好啦兩個人最後竟然買咗四樣嘢💸💸不過都知道主人👩🏼🐯係食極都唔飽白丸拉麵🌟🌟🌟（湯底唔係話好濃，面軟硬度適中）赤丸拉麵🌟🌟（湯底唔係話好濃，面軟硬度適中，但係完全唔辣囉）鰻魚飯🌟🌟🌟（鰻魚飯唔夠多汁，但係都幾厚既）雞扒流心蛋飯🌟🌟🌟（啱啱煎起，流心蛋冇咩特別）回頭率： 30%（咁啱冇位嘅話咁咪去試吓囉）唉今晚要跪玻璃🤦🏻‍♂️

大年初一 去完天壇大佛行大運 之後就去咗東薈城覓食🤓因為新年嘅關係每一間餐廳都好多人 咁岩food court又冇開 ，見到一風堂門口唔算好多人，拎咗籌之後 等兩張枱左右就入得～🔺白丸拉麵白丸拉麵 麵質可以 但係湯底偏鹹 食完之後好口渴🥲喺味道上面唔算得上話好食 有啲似平時自己用調味料煮嘅味 🫢叫咗兩碗白丸拉麵 不過個叉燒分別叫咗兩款 炙燒個款味道都唔錯🤪🔺赤丸拉麵赤丸拉麵 基本上整體嘅質素同白丸拉麵差唔多😂不過係多咗少少辣味🌶但係唔會話真係好辣🔺鰻魚飯鰻魚飯同平時其他餐廳嘅賣相比較Hea 就好似白飯上面就咁擺條鰻魚咁🤣味道都正正常常🔺一風堂餃子🥟餃子味道正正常常 上面會有啲薑蓉同埋蔥 ，餃子嘅size偏細 ，皮薄餡少 ，外皮冇話煎到好脆 🙈整體嘅食物質素 》食得落肚但唔稱得上係好食🥹同埋上菜嘅時間偏慢，等咗差唔多15到20分鐘先有得食🥲咁多個同行嘅友人都覺得呢間餐廳麻麻哋🫣

晚上，我和家人來到位於東薈城六樓的一風堂食拉麵。入面人流不多只得一兩枱，好快咁就有位坐低看看餐牌就開始點菜。由於電子點菜的關係所以同服務談不上關係。我點咗橫濱家系豚肉炙燒腩捲拉麵，一風堂餃子還有白丸。橫濱家系豚肉選用比較粗一點的太麵，食起來比較有口感同能夠沾上多啲湯，味道很好湯底很厚。為可惜溏心蛋未夠溏心帶點生，溏心蛋都算係靈魂之一而做不到溏心太可惜，豚肉片經過炙燒帶點燶燶的味道，但可惜豚肉太薄，就似張紙放入口裏，缺乏口感。一風堂餃子亦都太細隻，我並不是覺得細隻會唔抵，但真是放入口內感覺非常空虛缺乏後感，可能要一次過將兩隻放入口才填滿口來的一半空間。至於白丸增加是普通不過，回頭率不說了。

拉麵的味道不錯，有不同的麵質選擇，湯底味道都相當濃郁，份量也算適中。餃子的黑松露汁也相當特別，美中不足是比較小，未必夠男士食。總括而言，係一間質素合理嘅餐廳，喺附近想食拉麵都會再食。

今日出去東涌做嘢，喺東薈城同朋友嚟咗呢間一風堂食飯。我叫咗：特製赤丸拉麵 $85＋普通麵質＋轉炙燒卷腩叉燒4片＋忌廉梳打 +$10連加一$105拉麵嘅質地係適中，但麵條份量偏小，如果男士食嘅話建議加$8加底。湯底濃郁，辣就唔算好，但係豬骨味濃郁。四片叉燒好足料係厚身，有燶燶嘅灸燒香味。仲有隻流心蛋，但如果係糖心蛋會更好食。整體來講係好食嘅，不過以埋單$105計又食得唔係特別飽嘅拉麵，真係飛去日本食會開心啲！

放假星期日，就梗係要出去行吓搵吓好嘢食啦。今次嚟到東涌，喺東薈城嘅呢間一風堂食lunch。今次叫咗兩款拉麵🍜🍜🫦...··白丸原味 · 特製 · 卷腩叉燒🍖🔥白玉原味拉麵，揀咗硬度係普通，呢一個拉麵上枱嘅時候，真係同餐單上面嘅係一樣的。湯飲落好味，係好濃郁嘅豬骨湯底，加上糖心蛋、黑木耳、紫菜、蔥花，真係好好食。卷腩叉燒厚度適中，肉質亦都好軟熟，加埋拉麵一齊食，真係正😄極· 辣肉味噌 ·特製 · 炙燒卷腩叉燒 · 中辣🥘🌶🌶身為辣妹嘅我，梗係連拉麵都唔放過食辣嘅機會啦🤣今次揀咗呢一個拉麵，裏面有辣肉味噌、炙燒卷腩叉燒、紫菜、糖心蛋、蔥花、再有一個另外上的芝麻玉(芝麻蓉)。呢一個拉麵有驚喜，炙燒卷腩叉燒，比普通嘅卷腩叉燒更香，口感更加特別好食。兩碗嘅糖心蛋都做得好好。辣肉味噌，係好香濃嘅辣肉碎醬，加咗落呢個好濃郁嘅豬骨湯底之後，真係配搭得好好。我呢一碗再加上辣肉味噌同芝麻玉，簡直係色香味俱全。辣度方面，我揀咗中辣，拉麵嘅硬度我揀咗硬，師父亦都做到我想食嘅口感，拉麵好有咬口，連湯一齊食，加上裏面嘅配料好豐富，我食完有少少唔捨得。🤏🏻最後呢間餐廳整體我都好滿意，飲用水嘅提供都好好，係室溫水。💧

一風堂拉麵初初嚟香港開業嘅時候我都真係覺得好好味，因為嗰陣時仲未有好多好地道嘅日式拉麵，尤其是係豬骨拉麵，所以我都好鍾意食一風堂拉麵。但自從香港多咗好多好正宗嘅日式豬骨拉麵舖之後，一風堂嘅質素又開始下降，就好耐冇再食過啦。今次行開呢度，見咁耐冇食就想睇吓佢而家嘅質素係點樣。但係始終都係有啲失望。面嘅份量仍然係冇變，係偏少嘅。今次嗌呢個叉燒套餐加埋隻鹽味半熟蛋，再另加錢點多個日式餃子就夠飽。但係始終拉麵嘅質素同以前一樣一般般，完全冇驚喜。呢個額外加錢點嘅日式餃子真係慘不忍睹。上菜手嘅時候已經覺得「嘩！咁細」嘅四隻小小餃子。餃子已經唔係新鮮煎起嗰隻嘅熱度，再加埋嗰啲蔥同埋薑蓉，感覺係已經放涼咗好耐嘅餃子嘅感覺。又未至於凍冰冰但係就好似已經煮咗擺咗好耐咁嘅感覺，一句講晒，唔好食。😞

東涌真係冇乜嘢食，有時想快食都唔知食啲乜好。喺東薈城二期有間一風堂，我如果想快食通常同揀佢。一風堂嘅拉麵有分三種豬肉叉燒，包括卷腩叉燒、炙燒卷腩叉燒同低溫豬柳叉燒。我覺得最好食嘅係炙燒叉燒，因為淋得嚟又有少少香口嘅感覺，算係幾唔錯。今次食我食辣肉味增味嘅一風堂拉麵。拉麵係用細麵，但佢嘅麵質絕對係一般貨色，唔太彈身唔太香。拉麵辣度可揀小辣、中辣同大辣。我就揀咗中辣，其實一啲都唔辣。份量比較少，五分鐘食完。

一風堂源自日本九州博多，係香港其中一間我常去的店，開業多年仍然保持水準，穩打穩紮，於眾多連鎖拉麵店中站得住腳。 赤丸新味配玉子 $70咁多款之中最喜歡赤丸，豚骨湯底加自製香油和赤味噌，比起白丸多一份香辣惹味。有兩片叉燒，揀左炙燒卷腩，比普通叉燒多一份焦香。黑木耳一如以往的爽脆，流心味付玉子我比100分。另外，拉麵可選麵身軟硬度，大家可以因個人喜好去選擇。 一風堂餃子+$18追加餃子有3隻，細細隻一口size，皮薄又脆，好好食，如果可以大隻少少會更滿足。

😚東涌日本連鎖拉麵🫣------------------------------💛赤玉拉麵配卷腩🍜加唐揚雞🐔-💵90麵身幾好食😋上菜速度算幾快👍🏻嗌完等咗一陣就有得食😳卷腩有兩片 味道不錯🤤但係小編認為唔夠熱🔥唐揚雞就正常發揮🤓如果有沙律醬就完美🥳💛特製赤玉拉麵配炙燒叉燒🍜加一風堂餃子🥟-💵112小編因為太肚餓😮‍💨所以加咗麵🤪覺得份量好足夠🤩炙燒叉燒有四片👀厚薄適中👏🏻但係可能個人口味🥺拉麵湯底偏淡味🫣小編鍾意食濃味嘅湯底😋餃子就正常味道🤤整體不過不失啦😈------------------------------🤤好味度：6.5/10🧚🏻回頭率：6/10一風堂 (東薈城) (東涌)🇭🇰東涌達東路20號東薈城名店倉6樓603號舖#東涌美食 #東涌 #東薈城 #拉麵 #炸雞 #餃子 #東薈城美食 #人氣美食 #情侶好去處 #日本 #香港 #美食 #香港美食 #吃貨 #東涌好去處 #食好西 #香港好去處 #香港美食指南 #hongkong #foodie #hkfoodie #hkig #hkfoodblogger #hkfoodblog

一風堂 📍東涌達東路20號東薈城名店倉6樓603號舖環境：🐣🐣🐣🥚🥚服務：🐣🐣🐣🥚🥚🌸特制赤丸新味 $88味道：🐣🐣🥚🥚🥚呢個赤丸湯底一般般，一啲都唔辣，仲有啲咸😂真係好一般🌸套餐（拉麵🍜+小食+可樂）$68+$22味道:🐣🐣🐣🥚🥚拉麵選了白丸元味，麵底揀軟，湯底幾好味，幾清，餃子入邊有啲肉汁，好好食😋但份量有啲少推薦道：🐣🐣🐣🥚🥚（當天為假期，東涌outlet商場所有餐廳都好多人等，唯獨一風堂唔算好多人😂所以就打算速食一餐😂咁既情況就值得去食，如果有其他選擇就不了😂）

佢唔洗提就自己主動分湯，湯好似湯包咁，唔夠熱仲可以自己叮更熱，仲要密封，唔會整到成個外賣濕曬，因為仲暖暖地，所以冇再叮熱赤丸配玉子拉麵拉麵似幼麵，唔算好彈牙無小麥味，普通，個汁係黑蒜汁再配味增，唔錯，叉燒選擇炙燒叉燒，無炭香味，叉燒係薄切，冇咩口感。玉子正常醬汁唔算好入味，湯底有少許豬骨味整體可以接受，但建議下次將湯包叮翻熱，可能更好味。

一個字差！今次去食真係好差12點01分落咗單兩碗麵，20分都無聲氣，就問侍應係唔係漏咗單，都等咗比較耐，佢話幫我哋問吓廚房，結果回覆淨係:整緊好結果等等等到31分，落咗單足足半個鐘先食到！中途係無人理過跟進過我地甘，吾出聲可能1個鐘都未有得食無下次！

又去左食拉麵，本人幾鍾意食拉麵架呢🤣🤣感覺環境幾好好舒服，服務態度都唔錯既。我叫左個最辣既拉麵，幾好食係油左啲姐，而且都係辣椒油居多😅之後叫左杯啤酒，飲左杯啤酒已經好飽，食唔落其他野，但仲叫左啲小食。好香所以忍唔住都係食左啲，搞到之後勁濟😂食物都還可以啦🤣

入東涌約太座食飯，一風堂推介黑拉麵配廣島蠔，一座下來先點杯生啤，一上枱係一杯超冰凍啤酒，啤酒泡上有一層薄薄的冰，入口甘甜再點一客必食煎餃，雖然有十隻，但係越嚟越細隻，同初期食到嘅煎餃子並好遠 不過味道還可以。拉麵上枱，湯夠熱味濃厚，麵身爽，而帶出蠔嘅鮮味 食咗麵之後再來替玉（加麵） ，當然湯也是一飲而盡。順帶一提就係可以叫服務員送上鮮蒜頭，由自己按照個人喜好加入自助蒜蓉於湯麵一起食，麵是建議超硬身，因為太軟身沒有咬口。 另一個題外話，正宗日本湯麵是比較咸，因為可以加飯一起吃。