影片
開飯介紹
台式火鍋專門店，根據牛肉等級供應不同的放題套餐，食物選擇多元化，湯底選擇亦有特色，如麻痺鴨、呻醋豬及一鼎和牛等。
繼續閱讀
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
-
網上訂座服務暫停
位於馬鞍山嘅🌟一鼎．台式火鍋🌟 ，係台式火鍋放題店♨️ ，連同一鼎茶飲，供應高質嘅放題火鍋加手搖飲品放題！♨️Set C 澳洲M8純和牛＋日本北海道四元豚吃到飽套餐 $408/90分鐘晚市放題Set可揀90 or 120分鐘，食得快嘅話，可以慳更多！🥩澳洲M8純和牛｜青藤椒牛舌最高級別嘅肉品，澳洲M8純和牛軟嫩多汁肉味濃，油花又足！牛舌帶青藤椒嘅香氣，特別美味，同澳洲M8純和牛一樣，必須瘋狂encore！♨️海苔鰹魚清湯鍋｜甜甜醬油鍋海苔同埋鰹魚為食材提升鮮味！甜醬油係類近壽喜燒嘅口味，配牛肉一流！🍻日本三得利生啤｜台式手搖飲品多款高質台式手搖飲品，例如香水爆檸、黑糖珍珠牛乳，都係必嗌！一鼎有埋生啤機，自助斟冇難度！🪸爽口鮑魚仔｜鮮味瀨尿蝦｜王牌帶子｜超鮮大蝦爽嫩嘅鮑魚仔，連同瀨尿蝦、帶子、大蝦等優質海產，都係任叫任食！🍢特色鍋物串串｜台式小食一鼎嘅特色鍋物串串真係配搭得宜，好睇又好食！台式火鍋又點少得台式小食？全部一口size，試齊晒都仲有大把quota！
繼續閱讀
-點解咁多人都話馬鞍山係美食沙漠？其實都幾多Cafe小店啊 兩個商場仲要黐埋一齊～應該都可以搵到啲唔錯嘅嘢食喎😯琴日去完超市行經見到有一間新開嘅台式火鍋放題🍲💁🏻♀️有A B C D四個唔同嘅餐選擇 90分鐘$269至$399不等如果唔想食咁趕 120分鐘都係加多$20穀飼牛套餐、澳洲純和牛、澳洲200日純穀飼牛、澳洲M8純和牛我哋最後揀咗食 120分鐘澳洲200日純穀飼牛$339😋呢到都係一貫做法 📲QR CODE落單好多特色嘢可以試吓⋯台南花雕雞、王牌帶子、超鮮大蜆、🦑粒粒蟹籽花枝滑、流心芝士蟹柳棒、🫑荊椒火龍果蝦滑、青花椒長牛舌⋯⋯仲有唔同嘅台式小食、滷肉飯🍚滷味等另外都仲有大量食材可以自己自助 蟲草花、水蓮、王子麵🍜、皇帝菜苗、九層塔花枝丸🍢⋯飲品除咗喺雪櫃可以自取之外呢個餐仲可以手搖任飲🥤🔥今次試咗3款⋯百香果三重奏、芝士琥珀、純綠研😍即叫即沖 完全唔會hea做 三款味道都唔錯本來想試埋近期最火熱嘅香水檸檬🍋不過費事飲唔晒浪費左
繼續閱讀
難得黎到馬𩣑 山🥴 試咗依間新開張嘅一人一鍋任食邊爐😋 有八款湯底任㨂唔嬲👍 包括有經典嘅紅燒牛肉湯、酸香開胃嘅蕃茄湯、甜美可口嘅甜醬油湯等等🤤 真係好吸引❤️ 今次㨂咗澳洲200日純穀飼牛套餐✅ 作為打邊爐必食嘅肉肉有多達8 款任叫任添😍 穀飼牛、封門柳、牛舌等等，全部鮮美又紅潤🫶 油花均勻肥瘦恰到好處😘 真係無得頂❤️ 海鮮方面，有超級肥美厚肉嘅王牌帶子、瀨尿蝦、大蜆、墨魚仔，仲有手打蝦滑、墨魚滑等海鮮滑類😍 食落爽彈又有嚼感😋 超高質好正❣️ 熟食方面，有一系列嘅前菜、滷水、主食和台式小食❤️ 選擇五花八門真係好有誠意❣️ 值得一提嘅係，如選取一人份量，餐廳會用小碟子送上一件相關食品，客人可以小食多滋味😋👍 保證不浪費😘 餐廳係飲品方面亦十分用心，有多款即沖台式飲品供客人選擇😍 仲可以按需要選取甜度和冰量❤️ 如不喜台式飲料，亦可於自助區凍櫃選取一般經典汽水茶飲🥴 甜品除了有常見嘅軟雪糕，仲有超級養顏滋補嘅桃膠芋圓雪耳初牛乳😍 甜品超足料勁大碗🤤 芋圓煙韌桃膠爽滑😆 真係令人食唔停口🤭
繼續閱讀
丫妹考完試即相約食餐勁嘅放鬆心情, 今晚就去咗新港城中心4期一間新開台式任食火鍋店, 一共四款套餐價錢選擇, 每個套餐可自選限時90分鐘同埋120分鐘, 自問食野食得慢, 決定揀每位貴廿蚊---120分鐘嘅「澳洲200日純穀飼牛吃到飽套餐」餐廳面積不大, 設小型自助區, 包括有醬料、蔬菜、丸類、汽水、茶飲...而大部份火鍋食材, 例如肉類、海鮮類、台式小食、台式主食、鹵水等熟食均以SCAN QR CODE落單。食物上檯速度又快又齊。一共8款湯底選擇, 一人一鍋, 我地揀咗蕃客為主-鳳梨蕃茄濃湯鍋 同埋 QQ骨膠原-膠原豬骨鍋, 湯底味道清清地, 唔會過於濃。 呢個套餐主打澳洲200日純穀飼牛、澳洲黑安格斯封門柳, 另有牛舌、豚肉、雞肉, 每款牛色澤新鮮嫩紅, 當然純穀飼牛嘅肉質相對嫩。另有一些肉類串, 例如二荊椒和牛串、煙肉鵪鶉蛋, 配搭幾有特色。海鮮就有偏林嘅蝦滑、墨魚滑、帶子、大蜆, 仲有經急凍過嘅瀨尿蝦, 啖啖肉。 除了火鍋配料、台式食物, 前菜亦有驚喜, 就好似爽脆青椒辣魚皮同埋藤椒虎皮雞爪, 兩款辣得黎開胃惹味。飲品方面, 除了雪櫃中汽水、冰茶, 仲有數款即叫即沖嘅台式茶飲, 我飲咗百香果三重奏、黑糖珍珠牛乳同埋香水爆檸, 真係款款都好好飲, 平時去茶飲店單買都起碼三十幾蚊杯, 呢度無限任飲, 感覺好抵!!最後仲有兩種口味軟雪糕任食, 真係大滿足啊!!
繼續閱讀
呢度係新港城中心，面積都幾大。主打台式火鍋加小食，上網做會員，仲可以即時有$50折扣。穀飼和牛草飼羊都非常之靚，全部任食。全部肉有名牌同烹調時間，唔使驚處理不當。上菜都幾快，特別係單點嘅台式小食。小食海鮮可以逐件點，食完可以再返叫。飲品櫃有好多台式飲品同韓式飲品選擇，佢門口係台式茶飲店，放題仲包括任飲台灣茶飲我哋點咗香水爆檸同百香果三重奏，水果茶飲比較清新，配合火鍋可以消滯。百香果三重奏內有三款爽口彈牙珠珠，口感非常好。自助區蔬菜丸類麵類都有好多，仲有好多係台灣特別產品，好似王子台灣魚丸等。醬料亦有好多選擇，仲有水果湯底有好多選擇，我哋試咗呷醋豬同特級火牛，細細鍋夠的骰，一人一鍋自行選擇，火牛小小辣，豬就比較滋保。我今次點咗好多材料，包括：澳洲200日純穀飼牛，澳洲黑安格斯封門柳，肉鬆皮蛋豆腐，青麻椒辣魚皮，脆肉鱔片，台灣鴨血，古早鹽酥豆腐，蘭花豆卜，一鼎鹽酥雞，手作地瓜球，鮮甜海蝦，鮮味瀨尿蝦，粒粒蟹子花枝滑，青花椒長牛舌，千層牛柏葉，澳洲冠軍草飼羊，冰釀梅汁蕃茄，鹹小卷 (魷魚)，金錢肚。仲有特別嘅串串火窩料：煙肉鵪鶉蛋，芫荽和牛串，二荊椒和牛串，串串黑魚塊，豚肉京蔥等等。全部材料都好靚，好新鮮。仲有甜品同紅豆軟雪糕可以任食係好完美嘅一餐。
繼續閱讀