七福神和食亭

營業中

休息中

西京燒銀雪魚個個都話去旅行，唔通個個都有錢去旅行咩？去唔到日本旅行，就揀左佐敦地鐵站旁#七福神和食亭 ，睇睇價錢系尖沙咀區相對便宜，即使平日晚上光顧，亦旺場！ ✅少爺啤$55.00啤酒表面有一層似雪糕既泡沫，入口凍冰冰夠曬涼快。✅西京燒銀雪魚$178.00心水推薦，用心製作，肉質肥美嫩滑，沒魚腥味，入口即溶，點埋沙律醬熱辣辣勁好食。✅大板燒醬油豚肉炒麵$90.00賣相幾靚，成個大板燒嘅模樣，撈起酸甜醬嚟食，增加了口感，炒麵唔乾，啲蔬菜同豚肉亦好爽脆。味道好豐富。✅脆皮煎餃子60.00有薄薄一層煎膜的，外皮煎至金黃，入口香脆。再沾汁帶微酸味，幾惹味。✅海膽蟹肉茶碗蒸$38.00拎上手熱呼呼，入口滑溜溜，蟹肉夠晒足料，海膽夠鮮味，口感很豐富，都頗有驚喜。✅牛油焗帶子$88.00被鐵板燒到兩邊都金黃色，帶子新鮮肥美，大粒彈牙，亦掛住濃香牛油味。✅三文魚壽司（特長）$35.00 & 池魚壽司$48.00 & 火灸三文魚腩壽司$40.00池魚肉色透明潔白，十分肥美，而三文魚切片薄身，長度比壽司飯還要長，再加了芥茉，味覺超滿足!✅麻辣風溫泉旦冷豆腐$45.00✅柚子生忌廉吉士芭菲$58.00軟雪糕

今日放工老公帶左我到日式餐廳食晚飯。我之前都食過，覺得幾高質。餐廳環境闊落，有卡位，坐得幾舒服。食物主要有刺身、小食、炸物、牛排同麵類等主食。1三文魚刺身刺身切得好厚，好新鮮，色澤好靚。三文魚食落肥美，有點油香。2墨魚咀唐揚炸墨魚咀外皮好香脆，香噴噴，墨魚咀有咬口。3芝麻雞翼芝麻雞翼表面有微微炸過，帶少少脆。雞肉好滑，好juicy。表面嘅芝麻好香口。4海膽蟹肉茶碗蒸茶碗蒸好滑，有濃濃嘅高湯位。另外，仲配有海膽同蟹肉，兩者都好新鮮，令茶碗蒸更鮮甜。5鹿兒島鰻魚飯糰(一本)鰻魚好大條好足料，魚肉好香，配搭上甜甜嘅醬汁真係好滋味。6綱燒牛扒牛扒大大塊，都幾厚，燒得好香好惹味。牛排肉質軟淋，帶有肉汁。7芝士焗天火蠔(1隻)熟蠔表面佈滿好多芝士，充滿奶香，仲會拉絲～ 蠔肉好鮮甜，脹卜卜。8石鍋香辣海鮮手打烏冬 烏冬配料有蝦、青口、蜆、带子、蟹柳，材料豐富新鮮。手打烏冬好彈牙，好滑。湯底辣辣地，幾惹味。9生忌廉吉士銅鑼燒最後甜品我地食左餐廳較少見嘅銅鑼燒。Pancake皮充滿蛋香，吉士醬好滑。另外仲有士多啤梨同紅豆蓉作配搭。

開業18年嘅和食居酒屋，每樣都大份抵食，啱哂同屋企人或者朋友一齊嚟食多幾款🤣 .嚟到必食嘅巨型蟹籽沙律，份量十足爽口，4個人都食唔晒🤣 大過塊面嘅吉列大雞扒炸到外脆內juicy，啖啖肉🤤清酒煮蜆大大隻，加入指天椒🌶️ 微辣，連湯飲都得！刺身款款鮮美，拼盆仲有半板海膽真係超抵食🤓.鰻魚西京燒串都係好大串勁厚肉！蟹味噌甲羅燒勁濃，配鱈魚干食，而且份量俾得好足😋咩都想試就最啱嗌個串燒拼盤share，有齊雞翼、金菇牛肉卷等5款串燒，火候掌握得好好👍🏻最啱嗌番杯啤酒🍻.蟹籽沙律 細$60 大$72八品刺身盛盒 $468麻辣風吉列大雞扒配他他醬 $88鰻魚西京燒串 一本$68清酒煮海蜆 $95串燒拼盤 $108蟹味噌甲羅燒 $68生忌廉吉士銅鑼燒餅 $45

由朋友介紹到而家過開來 佐敦油麻地都一定會食嘅七福神和食亭， 都認識了他們超過三四年， 難能可貴的是無論服務和食物質素都依然保持如初， 值得推介。感觸的說話講完了，都係講返食物:刺身拼盤(4號)拼盤包括了海膽， 甘蝦，三文魚，黑鯛和帶子。 主角當然係半板海膽啦， 味道非常濃滑甘香， 不是說笑，因為剛剛到過日本旅行， 到個魚市場，覺得這裏的海膽比當地的有個過之而無不及。 其他刺身都新鮮到帶有海鮮甜味，正！ 網燒牛扒 刀切下去一刻已經知道非常軟淋多汁， 牛味非常香濃， 配搭日式燒汁 好搭配。 鹿兒島鰻魚飯團 一早已經知這裏的鰻魚非常出色， 為咗試多幾款食物，所以今次冇叫鰻魚飯，叫了這個飯團頂癮， 鰻魚表面香脆內裏軟綿，真係好正呀！ 脆皮煎餃子香脆的羽根皮下藏著多件肉汁鮮甜的餃子， 兩者 夾起來一次個放入口， 外脆內軟的完美演繹。 石鍋香辣海鮮手打烏冬 石鍋用料十足，當中包括大蝦，帶子，蜆，青口等， 全部新鮮而且辣汁滲曬入去， 鮮甜香辣。 烏冬係屬於比較幼身，有點像讚岐烏冬， 可能手打關係，零舍滑身同埋彈牙。今次叫的兩杯飲品荔枝香桃梳打和芒果活乳酸沙冰 都非常醒神， 非常適合 夏天， 冰凍香

今晚約咗朋友喺佐敦行街 同朋友行到大概19:30左右見到有間喺裕華國貨 隔離條巷仔 食日本嘢嘅 見到個Menu價錢唔會太貴 餐廳名叫做#七福神所以上一樓入去試吓 入到去餐廳都幾大 幾光猛 有卡位 🌸嗌左個刺身（刺身盛3號）有帶子 三文魚 深海池魚 活赤背 黑鯛 - 刺身好新鮮 有鮮味 黑鯛口感好特別🌸清酒煮海蜆🌸七味魷魚🦑🌸蟹子沙律🥗🌸鹿兒島鰻魚飯團🍙呢個飯團好好味 鰻魚好厚身 夾埋個醬汁飯團 😋😋👍🏻🌸信州蘋果梳打🌸芒果活乳酸沙冰🌸柚子生忌廉吉士芭菲

今日和朋友慶生，我揀了佐敦七福神和食亭，簡單、好吃又實惠😍。內裏裝修簡潔，我今日早到有窗口式卡座🤭。Kirin 泡沫啤酒面層是沙冰泡沫，認真消暑解渴 👍三文魚腩刺身（4切）甘蝦刺身（5本）厚切三文魚腩，顏色鮮艷、魚帶點點油花，細滑無筋。新鮮甜蝦，一口一隻，爽🤭綱燒牛扒充滿濃郁牛味，調味、保持肉汁都剛剛好，而且份量十足👍蟹籽沙律 * 小店員上菜的時候，我們異口同聲是否搞錯了，我們點的是小份，送上來的居然大大碟😍，店員回覆真的沒錯，滿滿的沙律菜、青瓜絲、蟹籽.. ，真的兩個人都好難食得晒。🤭🤭蟹味噌甲羅燒蟹殼內滿滿的蟹膏，烤過後香氣不斷湧出，鹹香蟹膏搭配夾餅送食，真係絕配。柚子生忌廉吉士芭菲不愧為人氣之選，豐富配搭，真的要啟動另一個甜品消化系統😋😋充滿愉快、滿足、笑聲的一晚😂😂😋👍

之前有朋友食過覺得抵食，今晚就同我的他嚟試吓😋今晚我倆都好肚餓，所以叫咗好多款試吓😍雜錦魚生冷麵沙律$80。上到枱，已覺得，嘩乜咁大碟，好多魚生刺身、青瓜配料，加埋芝麻醬嘅冷麵，魚生好新鮮，令我倆好開胃🤤忌廉蟹肉餅$52。做乜份量都咁大，竟然有4件，開始有啲擔心食唔晒🤣嘩！蟹肉餅係即炸，超酥脆、熱辣辣，好多餡漲卜卜👍鮮柑結青提子梳打$38、柚子檸蜜$22。天氣咁熱點都點返啲清新凍冰冰飲品refresh吓🥰網燒牛扒$138。點咗5成熟，真係夠生👍個牛好有味，又唔會過靭，同埋好大塊😋所以係抵食😋蟹味噜甲羅燒（鱈魚干) $68。呢個極力推介喎，蟹糕份量好多，好香，配上脆脆嘅鱈魚干好夾，純味覺享受🥰海膽海鮮炒黃金飯$120。他今天好肚餓，以為日式料理都唔會太大份，所以點咗2個飯，但呢個一上枱，好大碟🤣但呢個飯超香，加上鮮味鰻魚大大粒有口感，令我不其然地食晒🤣石鍋蒜香牛肉飯$85。又嚟多個飯，石鍋令到飯有焦香，脆脆飯焦加上香濃日式照燒牛肉，太享受了😎柚子生忌廉吉士芭菲$58。無錯，甜品係另一個胃，呢款唔錯，上面柚子味雪糕酸酸的又令我倆開胃返🤣吉士質感好好，濃得嚟好香滑又唔會過甜👍生忌廉吉士銅鑼燒

呢間居酒屋之前都有食過，中意佢坐得舒服，同埋食物款式好多，刺身、小食、串燒、主食都有好多選擇，而且價錢都實惠，所以同朋友又相約收工黎呢間食飯😎刺身盛- 海膽半板・三文魚・黒鯛・甘蝦・帶子刺身種類好齊全，我地呢個刺身盛全部都好新鮮👍🏻甘蝦同帶子都好鮮甜！重有飯團同紫菜配埋一齊食👍🏻酒盗七味魷魚見到佢寫新推出就試下🙆🏻‍♀️魷魚煮得剛好，好易咬到。七味粉都好夾，帶到魷魚鮮味😋雞泡魚乾居酒屋必食！好香口，又甜甜地，食幾多都唔會膩😛鹿兒島鰻魚飯團鰻魚都幾大份。飯團有用醬油煮，同燒左一燒，所以好香口，一啲都唔單調🙆🏻‍♀️甲羅燒配鱈魚片煮香左既蟹膏配上鱈魚片，鮮上加鮮😆鰻魚西京燒串燒得好香，鰻魚都好爽口，用西京燒方法都好夾👍🏻雞翼一客有兩串，一共4隻😋燒完外皮好香脆，但雞肉肉汁重保留到😋牛舌燒得剛剛好，爽口，牛味又夠濃😋

今日我同好朋友嚟到佐敦呢間餐廳聚舊,原來這間居酒屋已經開了好多年,不過卻是我們第一次來試。餐廳係二樓,環境好日式,有種日本小店既感覺, 仲有好多日本特色擺設, 地方又大又舒服又夠靜,真係適合好朋友嚟傾計。首先我哋試咗蟹籽沙律, 份量超大, 差唔多同個人面差不多大。沙律入面既青瓜絲都好新鮮,而蟹籽份量十足,蟹柳都好鮮甜,味道好好。之後我哋試咗刺身拼盤, 我覺得最正既係海膽, 好鮮甜,質感又濃郁, 又好creamy。油甘魚質感爽甜, 帶魚油香, 三文魚腩又鮮又肥美。然後我哋食咗一盤壽司拼盤, 每件都好新鮮肥美,加上壽司飯咬落去口感很好, 超級正。最後我哋試咗幾款日式串燒,有如軟嫩鹽燒雞翼、牛肉串和豬頸肉等,每一款都十分惹味,肉質軟嫩多汁,配上特製的調味醬汁更是絕配。叫咗幾支富士山柚子梳打，味道奇怪，不建議。總括來說, 呢間居酒屋環境舒適,適合同好朋友嚟傾計,而且食物種類齊全,性價比算高。

前幾日同朋友dinner去左間位於佐敦既日式料理店 地理位置十分方便由地鐵站步行大約一分鐘便到餐廳裝潢簡約舒服以木系設計為主有種置身於日本居酒屋既感覺吞拿魚腩碎壽司 $48吞拿魚腩蓉幼細香滑，口感軟綿綿。海膽壽司 $88綿綿既海膽濃厚甘甜，口感豐腴。三文魚腩壽司(特長) $35特長三文魚腩好吸引😍色澤口感都不錯。火炙左口魚邊壽司 $36炙燒後魚油香更重。👍海膽蟹肉茶碗蒸 $38/1茶碗蒸口感滑嫩綿密，加入高湯、海膽同埋蟹肉絲，令鮮甜味大大提高！芝士焗天火蠔 $32/1係日本廣島蠔黎，唔算好大隻但都幾肥美。芝士份量好多，又香又惹味。👍🦀蟹味噌甲羅燒 $68/1蟹殼裡滿滿濃厚既蟹膏，香氣滿滿，咸香適中，無論配飯或者鮮味脆口既鱈魚乾，都一樣咁好食！令人非常回味！雞軟骨串 $40香脆惹味既軟骨，好香口。牛舌串 $60牛舌好厚身，牛肉味夠晒濃郁，用左少量鹽調味，味道恰好。忌廉蟹肉薯餅 $52蟹肉薯餅原來有四件，好抵食😍！炸到內脆內嫰，而且不太油膩。蟹肉忌廉軟滑細膩，惹埋蛋黃醬食！好滿足！鮮柑桔青提子梳打 $38柑桔味比較濃，有啲似咸柑桔，酸酸地好開胃。綠茶Latte $38綠茶味再濃啲就💯！

今日嚟咗呢間位於佐敦嘅日本餐廳食飯。佢勝在位置方便，喺佐敦站附近行幾步就到。樓上舖位置寬敞亦都坐得幾舒服。有少量日本酒可以選擇仁勇純米吟釀 ($198)入口口感細膩，帶少少微甜感，酒精濃度唔係好勁，整體嚟講味道均衡，適合配搭和食同埋刺身。有幾款唔同組合嘅刺身盛我哋揀咗第三款，分別有活赤貝、三文魚、深海池魚、黑鯛、帶子 ($218)。性價比嚟講唔算好高，因為份量唔多，不過勝在啲種類都係我哋鍾意食嘅同埋都好新鮮。其中，活赤背好爽口。深海池魚肉質肥嫩，入口魚油甘香細膩，令人齒頰留香。黑鯛刺身亦都幾特別。蟹味噌甲羅燒 ($68)可以揀配飯或者鱈魚片。鱈魚片特別啲我哋當然係揀鱈魚片啦。甲羅燒嘅蟹膏味非常之香濃，但係又唔會好鯹，配埋蟹籽非常之夾。石鍋燒香蒜牛肉飯 ($85)個牛肉飯唔會好乾，珍珠米都吸收咗牛肉汁嘅精華，蒜香牛肉非常之惹味，食到最底有飯焦，絕對係填飽肚之選！鰻魚西京燒串 ($68)有少少似食緊白鱔不過肉質再腍啲，用西京燒嘢手法嚟燒食到外脆內嫩，鰻魚油香豐富，燒得啱啱好。七味魷魚 ($68)口感彈牙，少少偏鹹，但送酒一流。

今日約好朋友中午佐敦地鐵站等，朋友提議去食午餐才去睇戲。選擇了附近裕華國貨後面「七福神和食亭」食日本菜😍。進入餐廳環境好舒服，店員安排了我們坐窗口位，可以一路食一路享受街景😍。菜單上都有很多日式食物選擇，刺身、炸物、肉料理、海鮮料理、各種日式飯、烏冬、拉麵還有午餐套餐😍。我們點了刺身、天婦羅、銀鱈魚、鰻魚、達米加牛脷燴飯，今天我們很肚餓，要好好享受一下😍。~刺身有甘蝦、帆立貝、油甘魚、帶子、三文魚🍣甘蝦相當大隻，厚切油甘魚和三文魚，味道很鮮甜😋。~大蝦天婦羅🍤送來熱騰騰的，食落外皮鬆脆，咬落蝦肉肉質結實😋。～西京燒銀雪魚🐟我好耐未食過銀鱈魚了，口感嫩滑，點了沙律醬感覺中和油膩，入口即溶😋。~ 鰻魚西京燒串一本鰻魚煷串拿起來可以大大口吃，食落炭燒香味濃烈，肉質綿綿😋。~達米加牛脷燴飯豐富的份量，牛脷燴飯配上茶碗蒸，加上炸魚件。牛脷肉質彈牙爽口，茶碗蒸熱騰騰的，很重的蛋味😋。今天我和朋友享受了豐富的午餐，很滿足😍😍。

要提前預約的一間店，侍應安排了我們坐在窗邊的位置，可以看到窗外佐敦鬧市的景色，服務貼心！七味軟殼蟹卷 $78飯卷望落去顏色豐富，軟殼蟹大大舊，炸得外脆內軟，每件飯卷上都鋪上蟹籽，口感豐富三文魚腩（特長）$35色澤鮮艷、鮮味十足之餘三文魚腩肥美，好fresh炸雞唐揚配芝士醬 $68雞件大件，外面炸得好酥脆但不油，內裡仍有雞肉汁十分juicy，加上檸檬汁的清新，再加上芝士醬增添層次，多重口感麻辣風溫泉蛋冷豆腐 $45麻辣醬與豆腐這個配搭當作餐前小食幾有趣，十分開胃，再撈溫泉蛋汁好滋味咖哩牛肉撈烏冬 $78咖哩汁十分濃厚、烏冬掛汁，有很多件牛肉，份量大大份，與同行朋友分享一起吃。這裡的烏冬非常彈牙，好有日本的味道生忌廉吉士銅鑼燒餅一本 $45用了很美的白色碟盛載着，吉士很細滑、creamy，很香雲配pancake真的很夾，面頭上有生果減少膩感，很有驚喜的一款甜品抹茶雪糕、柚子、荔枝雪芭（各$35）三種味道都想試試，個人覺得抹茶味最為特出，濃厚的抹茶味、不甜，飯後要有甜品才覺得完整的呢

呢間居酒屋出名性價比高😍價錢親民，質素都有保證！有時候間唔中想食日本嘢，都會去下😋🍣刺身盛合 $208有赤身、三文魚、深海池魚、甘蝦、帶子，全部都好鮮甜!👅鉄板燒牛舌 $98牛舌都幾厚，燒得好香，外脆內軟😚🥩網燒牛扒 $138燒得啱啱好👍🏻啲肉仲係粉紅色😋牛肉味濃，肉質軟稔，仲好juicy💦🦴炸雞軟骨 $55炸得好香脆，配埋檸檬汁同蛋黃醬，真係好開胃🤤🍛鰻魚炒飯 $90炒飯好惹味，鰻魚汁味濃郁，有好多粒粒鰻魚，好足料！

這間位於佐敦的【七福神和食亭】，主打日本菜，有多款刺身、壽司、串燒等和食，另外還有晚市二人餐，價錢貼地，十分豐富。蟹杍沙律沙律份量十足，有生菜、青瓜及蟹籽，清新開胃。三文魚刺身&三文魚腩魚腩部位十分肥美，入口充滿魚油脂香。火炙左口魚邊肥美的左口魚略燒後滲出魚油，更甘香鮮味。牛舌厚切牛舌彈牙。雞翼燒至皮脆肉嫩，不會太乾。大葱金菇牛肉照燒汁香味滲入牛肉內，金菇爽脆。鰻魚西京燒串鰻魚大串，燒至皮脆肉嫩，而且十分肥美甘香。大蝦野菜天婦羅天婦羅炸至金黃香脆，外層粉漿很薄，有彈牙炸蝦、番薯及茄子。鹽燒油甘魚鮫魚鮫燒至魚皮香脆，魚肉雪白嫩滑。石鍋蒜香牛肉飯牛肉飯帶少許飯焦，新鮮熱辣，不過食到底有點油膩。