七福神和食亭

營業中

休息中

🤩佐敦真係有好多野食，不過每次想食日本嘢都係食返呢間！雖然位置唔係好多，座位都幾闊落！🌻酒盜七味魷魚 10/10呢款前菜基本上係每次嚟到必點！味道唔會太濃或太淡，輕輕燒過嘅味道令到佢更加特別。而且有口感嚼頭，送酒一流！ 🌻鹽燒油甘魚鮫🐟 8/10外皮香脆，但肉質嫩滑有口感！加埋豐富嘅魚油，兩個人share fit晒！ 🌻玉子燒8/10今次嚟到試咗呢樣新嘅食物。坊間一般嘅玉子燒都比較濃味以及甜，但係呢間嘅玉子燒酒比較清新，再加上蘿蔔蓉並唔會令到你有非常漏嘅感覺。鍾意清新嘅朋友可以一試。 🌻網燒牛扒🐂 8/10牛味非常濃郁！肉質鮮嫩，入口即溶 ！大廚已經自動將佢變為五成熟，肉汁亦都鎖晒喺入面非常Juicy！醬汁方面有燒汁！值得一提，用炸蒜配上肉眼也不失為一個好選擇！ 🌻清酒煮海蜆 10/10另一款每一次嚟必叫嘅嘢食！除咗味道一流之外，更加10分抵食。大大隻蜆足足有10幾隻，亦都唔會有唔新鮮嘅情況！尤其是而家天氣轉涼，叫返呢一個暖一暖胃係必然之選！ 🌻刺身盛合🐟10/10嚟到日本餐廳點會冇刺身食！呢間餐廳更會定時有唔同嘅組合，照顧唔同口味嘅你🙆🏻‍♂️ 今次我哋就點咗深海池魚，活赤貝，帶子，黑

週未假，約了喜歡吃日本野的朋友飯聚，之前行過見到這間樓梯裝飾特別，看了梯上食物介紹吸引，決定午餐在這間吃，裝修好有日本感，看了一會餐牌叫了二人前A-蜆肉味噌湯  味噌本有甘甜味，配上了蜆肉，多一份清香鮮甜味，增添湯味感二人前A-刺身三品盛盒  (三文魚，季節魚，甘蝦)  另叫-海膽刺身 (1板)三文魚同季節魚有厚度，彈滑爽口，好新鮮海水魚鮮味，蝦厚身，爽滑彈牙，好新鮮海水蝦鮮味，配有飯糰，好香飯味，海膽好滑身，濃鮮海膽鮮味，放入紫菜吃，另一種口感   二人前A-清泉蛋慢煮雞沙律 (2款任選一款)  蛋身特別嫩滑，好鮮蛋香味，厚片雞肉身，特别軟霖爽滑，雞味鮮香，沙律好新鮮鮮菜鮮味，爽脆身二人前A-煎雞扒  原本係和風磯燒漢堡扒，我們都不吃牛，餐廳細心同我們轉了雞，煎過雞身，肉質脆滑嫩口，濃鮮香雞味二人前A-香川鹽燒鯖魚  少見魚質感，烤過魚脆身，肉味好嫩滑爽口，放了鹽烤過魚有另一種獨特魚鮮香味二人前A-和風珍珠拼盤  海哲，條條幼滑爽口脆身，螺肉細細粒，彈牙爽脆，海哲同螺肉好鮮海鮮鮮味二人前A-醬燒豬軟骨湯拉麵 （2款任選一款)  麵身幼滑爽口，豬軟骨軟霖，一口嘴嚼到，濃郁醬燒香味同豬香

今晚同朋友去咗一間佐敦的居酒屋，就在佐敦站行1分鐘，交通方便。店內以卡位為主坐得舒服，以木係為主調，有好多日式佈置，可見心思。柚子胡椒豚肉炒野菜清清地炒椰菜，豚肉份量多，加咗柚子胡椒提升味道。鐵板牛柳粒粒憢用鐵板上枱，保證熱辣辣，，牛柳粒整得好鬆化，又不失口感。西京燒銀雪魚煎得好香口，有少許燶邊，銀鱈魚肉質軟綿。芝士焗蠔加咗芝士增添嘢味，新鮮焗起熱辣辣，蠔超大隻，芝士冚不住鮮味。味噌甲羅燒雖然加咗味噌，唔會太鹹，配咗紫菜飯一齊食，互相中和。石鍋燒香蒜牛肉飯石鍋上熱辣辣，飯焦十分惹味，牛肉份量多，醬汁惹味，混合一起吃，非常惹味。生忌廉吉士銅鑼燒店主推介，QQ彈彈，賣相可愛，銅鑼燒軟綿綿中間加咗吉士醬，但唔會太甜太漏。楓糖蕨餅楓糖漿分開上，可以自行決定甜度，蕨餅煙靭Q彈。綠茶雪糕綠茶味濃郁，我會同其他甜品一齊食，超好味。非常滿足的一餐。

陪老公去佐敦裕華買嘢，經過七福神和食亭，想起佢哋嘅三文魚腩刺身同天火蠔超正，即刻叫老公請我入去食。餐廳裝潢好有日本居酒居格調，主打日本料理。三文魚腩刺身切得非常厚，色澤鮮艷,肉質非常純淨嫩滑，有著清新、鮮美以及良好的質感，油脂豐富,融化於口中，齒頰留香。帆立貝刺身味道鮮甜，肉質扎實爽脆。大蝦天婦羅色澤金黃，外層香酥鬆脆，蝦肉鮮甜爽口。芝麻雞翼外皮金黃酥脆，雞肉嫩滑入味，加有芝麻非常香口。特長三文魚腩壽司：三文魚腩特長有口感，入口充滿油脂，甘香帶鮮，壽司飯亦調得夠味。火炙三文魚：三文魚輕輕炙燒後帶出馥郁香氣，令新鮮食材增添風味。芝士焗天火蠔：焗至金黃色的天火蠔好似手掌咁大隻，蠔面鋪滿了金黃而半溶的芝士，蠔肉飽滿肥膩，芝士還放了煙肉增加鹹香味，令人回味無窮！九州拉麵：叉燒口感軟嫩多汁，拉麵掛上濃郁的豬骨湯底，鮮味彈牙，還有一隻流心蛋，令味道更豐富。楓糖蕨餅：軟Q的蕨餅搭配黃豆粉。再加上楓糖漿，是一道美味的飯後甜品。

位於佐敦嘅日式餐廳Menu 選擇多，而且食物份量十足！價錢亦很親民ღ蟹籽沙律 $72有大小份量選擇，揀咗大嘅份量嚟到真係勁大碗😳蟹籽口感清脆帶有一絲甜味搭配清爽青瓜絲口感一流ღ炸雞軟骨 $55粒粒有肉又有軟骨，香脆惹味ღ 柚子胡椒豚肉野菜炒 $80豚肉份量多，加上柚子胡椒調味入口清爽微辣ღ蒜蓉牛油燒帶子 $88｜清酒煮海蜆 $95燒帶子有5粒，每粒都大大粒，厚肉飽滿燒得焦香味濃，而清酒煮海蜆份量多，鮮甜冇沙，清酒經過煮熱後味道更加香濃另外仲叫咗幾款壽司食同大板燒醬油豚肉炒麵$90芥辣八爪魚 $28｜火炙蟹棒 $28七味軟殼蟹卷 $78，軟殼蟹炸得外脆內軟，每件飯卷上都鋪上蟹籽，入口豐富ღ青蘋果荔枝梳打$46ღ楓糖綠茶梳打 $38

呢排趕緊project，所以成日都要OT🥲決定要好好對自己！！同朋友嚟呢間日式餐廳食返餐好嘅☺️一入咗門口已經充滿日式感覺成間鋪都係充滿木系～好似好靚嘅居酒屋咁放工時間都幾多人～好彩朋友用Openrice book咗枱 (有8/9折！）我哋就安排咗坐喺卡位度座位寬敞又有適當嘅私隱嘢食有好多選擇：壽司、刺身、鍋物、串燒、天婦羅、小食、酒、非酒精飲品、甜品⋯一應俱全，花多眼亂呀～🍣蟹柳壽司$20/ 火炙左口魚邊壽司$36火炙左口魚邊壽司 一擺落口就食到左口魚好豐富嘅油香 真係齒頰留香 😋🦀軟殼蟹手卷一件$30香脆嘅紫菜包住炸到非常香脆既軟殼蟹😋壽司同手卷都出得好快😍可以一解放工嗰種超級肚餓嘅感覺🥰🔥燒雪魚干（8塊）$38燒到微微焦香嘅鱈魚片脆卜卜，好開胃！🐤炸雞軟骨粒$55炸物中我地最想食雞軟骨粒～一啖一粒～要趁熱點埋沙律醬食夠晒嚼口～好適合佐酒/凍飲～🐣芝麻雞翼$68一客四隻既雞翼燒得夠晒火喉 外面好脆口~撒上香脆芝麻~內裏肉質嫩滑!🍳玉子燒$45玉子燒比起坊間既較為清新，配上毫不吝嗇嘅蘿蔔蓉👍啱晒鍾意清新又唔漏嘅我地🥓煙肉粟米陶板燒$48一上枱就已經聞到好香濃嘅牛油味啦 熱辣辣香噴噴 用

鄰近佐敦MTR不到3mins的居酒屋，座位不多，但卡位坐得闊落舒適，小店木系裝修，氣氛溫馨輕鬆。Menu選擇不少，心大心細的話也有也有套餐提供。帆立貝刺身6切 $72 | 甘蝦5切 $70 | 三文魚腩4切 $82網燒牛扒 $138慢煮鐵板燒牛舌 $98鰻魚飯 $158花魚一夜干 $108刺身質素中上，特別一讚三文魚腩超級肥美，爽脆爆油！除了每次去居酒屋必點的燒牛舌外，是晚還點了網燒牛扒，自動波Medium熟度加上炸蒜片，牛味不錯，基本面已合格有餘，單吃不沾汁已很夠味。鰻魚飯份量十足，半厚切鰻魚的油香加上燒汁拌飯本身已無懈可擊，鰻魚足足有4大片，完全要2人分享才可清碗！熱辣辣的一夜干鹹香肉嫩，雖有大骨但也容易處理，也是很稱職的下酒菜。

佐敦shopping完之後我訂位食 附近的 七福神和食亭，性價比超高的日式料理居酒屋。牛壽喜燒火鍋天氣凍冰冰，食個牛肉火鍋最暖心。非常肥美的薄切牛肉，搭配新鮮的蔬菜、豆腐和其他配料，配上特製的壽喜燒醬汁，味道鮮美。牛肉在鍋中快速煮熟，吸收了醬汁的香氣，口感嫩滑。喜歡日式牛肉風味，牛壽喜燒火鍋很合我的口味！汁燒魷魚串今日店長推介！汁燒魷魚串，仲長過我個手掌，非常大條魷魚鬚，新鮮熱辣的自家製汁燒，食落去甜甜地，好彈牙。鹿兒島鰻魚飯糰巨型的飯糰，鹿兒島鰻魚厚肉肥美，掃滿邪惡鰻魚汁，大大塊。飯團經火炙後香氣四溢。蟹味噌甲羅燒朋友愛吃甲羅燒，即叫即燒，蟹味噌甲羅燒鹹香滿溢，入口軟滑，配搭鱈魚片同吃，入口超脆，夠鮮無腥味，鮮甜味又帶少少嚼口，更加正。蟹籽沙律份量超慷慨的沙律，蟹籽晶瑩剔透，大量青瓜絲，係好爽口。疊加生菜、沙律醬花邊撈勻一齊食，新鮮健康的前菜 。墨魚咀唐揚酥脆可口的墨魚咀唐揚，很惹味，灑上香料調味，更加提味，增添了香氣，微辣口感，讓人食欲大增。綠茶Latte非常好飲！親手將濃郁的抹茶與奶泡結合，柔滑的口感，綠茶的清香與奶的香甜，飲一啖相互交融，提神醒腦。大板燒醬油豚肉炒面絕對值得一試

餐廳環境以日本風為主，食物種類都算多，仲有抵食晚市二人套餐青唐辛子豆腐唐揚煮豆腐外層酥脆，內裡卻保持著細膩嘅口感，食落又滑又🈶豆香雜錦魚生冷麵沙律將麻醬拌上新鮮嘅魚生粒粒、沙律菜及冷麵，食落非常開胃蟹籽沙律叫咗細嘅份量，但都好大碗，好抵食👍🏻清爽嘅青瓜絲配上蟹柳➕蟹籽，感覺好清新鹽燒三文魚頭三文魚頭都好大個，肉質鮮嫩多汁，尤其係魚頰部分，魚脂味香濃，非常美味蟹味噌甲羅燒鱈魚干將蟹膏鋪滿香脆嘅鱈魚干一齊食，入口充滿蟹膏嘅鮮甜味道，十分可口壽司揀咗三文魚🍣三文魚籽、深海池魚、帶子、炙燒左口魚邊、芥辣八爪魚➕ 鰻魚手卷，件件都新鮮美味

七福神和食亭係一個食日式料理嘅好地方！餐廳環境舒適，菜式多樣，無論係小食、壽司定係甜品都好吸引🥳✨芝麻雞翼 $68 呢個雞翼炸得金黃酥脆，外面撒上香濃芝麻，咬落去肉質嫩滑，真係好滿足👍✨海膽蟹肉茶碗蒸 $38 茶碗蒸滑得嚟又充滿海鮮味，海膽同蟹肉嘅搭配令整個口感更加豐富😋 ✨麻辣風溫泉旦冷豆腐 $45 豆腐滑嫩，加上麻辣醬汁，帶來一陣微辣的刺激感，清新又開胃，非常適合夏天食！😎 ✨網燒牛扒 $138 牛扒煮得剛剛好，肉質鮮嫩多汁，搭配特製醬汁，更加提升咗味道🤤 ✨蟹味噌甲羅燒 $68 甲羅燒得香氣四溢，蟹味噌的鮮甜味道令人回味無窮，同飯糰係絕配🍴 ✨三文魚壽司 $22 新鮮嘅三文魚壽司簡單卻好正！🍣 ✨鰻魚壽司 $40 鰻魚烤得香脆可口搭配米飯簡直係絕配！😋 ✨金龍蝦反卷 $60 炸蝦肉質彈牙加上特製醬汁每一口都充滿驚喜！🦞 ✨三文魚腩壽司（特長）$35 腩位肥美每一口都令人心滿意足非常推薦！👌 ✨火炙三文魚壽司 $28 火炙的香氣讓人欲罷不能搭配米飯更添風味！🔥 ✨生忌廉吉士銅鑼燒 $45 甜品部分亦唔可以錯過這款銅鑼燒加上忌廉真係好正！🍰 ✨柚子雪糕 $35

11月就是紅葉季節，要睇紅葉就會想到去日本，又會想吃日本美食，請不到假去日本，就只好在港食日本菜，滿足一下自己的慾望。******************************想到食日本菜，居酒屋就會選擇最多，除了集團式餐廳，又要親民價，七福神和食亭就是不二之選。餐廳就在佐敦彌敦道之上，又就近地鐵站。餐廳座位甚多，前來時間尚早，所以有不少座位選擇，但到下班時間，已經7成滿座，甚受歡迎。七福神和食亭以居酒美食為主，如刺身、壽司、燒物、和食、主食，配上甜品、酒品和梳打特飲，價錢都較大眾化，難怪如此多聚餐食客。三文魚刺身 HKD68，都幾厚切大片，不是魚腩都一樣鮮甜。海膽蟹肉茶碗蒸 HKD38，用上蟹肉和海膽，清甜無比，蛋又很滑溜，天氣凍食茶碗蒸又可暖身。芝麻雞翼 HKD68，燒得皮邊脆口又有芝麻香，好味。大蝦天婦羅6本 HKD78，天婦羅脆漿很脆，蝦又大隻，好滿足。蒜蓉牛油燒帶子 HKD88，帶子都大隻，啖啖肉，燒得𣎴錯。網燒牛扒 HKD138，牛扒肉淋，燒得剛剛好。石鍋蒜香牛肉飯 HKD85，牛肉都不少，石鍋飯送上枱時很香，放多一點時間，就能有層飯焦，非常香口。柚子薑梳打 HKD38，

七福神和食亭真係一間拍得住喺日本食嘅日本餐廳，佢嘅刺身簡直係好似喺日本魚市場新鮮整出黎咁喺香港，用哩個價錢就可以食到日本咁新鮮係超值，刺身蝦係XXL size, 鮮甜度又係爆燈，咬落清新爽口，又處理得非常乾淨！三文魚油香滿溢，新鮮十足，仲要好厚身。只售118蚊嘅蠔之土手鍋真係超級高質，新鮮到極，果種鮮甜係去到齒夾留香嘅程度，好似即開新鮮生蠔咁鮮甜。要襯佢剛剛好熟就食，唔係會縮水同冇咁甜。叫左呢個鍋仲有好足夠嘅蔬菜食。但我都係叫左碟豚肉炒野菜，肉片好薄唔肥，炒得香到爆，唔鍾意食菜嘅朋友都讚好！另外必點係佢地嘅東山壽司拼盤，338蚊有成24件好抵食，大大大滿足，擺盤好有開party的感覺，飯好鬆軟而有飯香，壽司上的刺身又極新鮮同厚切。其實呢餐飯真係好似喺日本食，有啲食左就係賺左嘅感覺，慳返程日本機票都食到咁高質！掂呀！呢度仲有好多甜品，不過我食得太飽，只你叫個雪糕食下就算，下次再試埋其他特色甜品同梳打。