七輪燒肉 (已結業)

今次8人去食，book左枱，啲人未坐爆，入到去已經見到倒瀉晒野係枱痴立立，仲要無抹，得一個夾，心諗八個人一定夠啦！仲有個屏風係關唔實既，度門爛左又唔貼野通知，我地唔小心山左又開唔翻，但其實我地要搵幫手，所以我地去打開左屏風，先出去開門，我地問點解打唔開度門，佢就話唔expect 我地會山門。最後都要自己諗辦法開門，完全唔打算幫手。屏風又話因為要有私隱，唔好打開，但其實屏風係壞，本身都開開地，只係係咁二用膠紙痴住，一唔小心就會開左。其實都有啲危險，佢應該通知客人要小心留意下。然後八個人兩個爐，得一個有火，想搵幫手睇下有冇得校下，點知佢講，依個爐要慢啲咖，下，你又要限我時，又唔幫手。之後到上菜個陣，我地講左唔該哂，最串既係經理話我地收左加一服務費架嘛！仲有，侍應態度好差，問啲野黎未，因為就黎last order，催下都好正常姐，唔好浪費食物。點知個侍應話”我都幫你唔到wor”，真係下左聲。上菜唔齊，無貨又唔通知，落左勁多次單都無反應。通風系統差，好大油煙，焗到對眼係咁流眼水。侍應無禮貌，對住客人超大聲爆粗鬧客，問候人媽媽！相反女侍應態度會比較好，肯幫手換下板，提你小心熱。整體黎講食物唔錯既

价钱唔贵，多后生黎食，啤酒有买一送一优惠，好呀！味道还好，但要批评沙律不失鮮，特别是菠菜有点变坏！但也沒有投诉，反正不吃了。肉就几好，平宜与贵的都味道还好。服务员服务好。

住在港島區的朋友發現了這一間食日本燒肉既餐廳，作為食肉獸的我當然不會放過啦今晚一於過海試一試。餐廳位置唔難搵，就是位於堅尼地城港鐵站C出口，一出之後斜對面就是了。餐廳面積都算幾大，但檯與檯之間既空間不太足，有點兒迫。再加上檯面既空間有限，放不下太多食物。但又要讚下.......椅子有收納空間，可放私人物品 ; 而且還有一人一件即棄圍裙，挺貼心喔爐邊有一舊似係肥肉既物體，即問店員啦。店員話係用嚟刷下爐面既, 以防止係燒既時候痴實D肉。是日晚餐，我們揀選了以下肉類 :1. 和牛牛舌(薄切) $88(口感又淋又爽，而且沒有腥味，我麻麻地牛舌都覺得好食)2. 美國黑毛安格斯牛小排 $98(油脂分佈平均，口感軟淋，食到停唔到口啊)3. 美國黑毛牛巨龍內腹肉 $98(油脂沒有牛小排咁多, 所以相對地肉質煙un一點，肉味夠濃)4. 美國黑毛安格斯牛腹肉 $88(色澤較深，油脂分佈平均，牛味濃郁，肉質比較煙un)5. 幻之牛扒 $328．A5鎮店之極上霜降和牛肉眼扒 : 油脂分佈平均，，肉質軟淋，入口即溶，幸福度爆燈． 美國黑毛安格斯牛西冷 : 肉質顏色同油脂分佈當然沒有A5咁吸引啦，但口感都算軟淋，

我們晚餐時段去了七輪。 首先環境十分狹窄而且不舒服，員工態度差，員工替另一枱燒烤食物，有滾燙肉汁濺了在我的臉上，員工沒有致以歉意。另外 需要吃燒烤時要飲水的千萬不要去，因為要問數次才能加水而水杯size是茶樓的茶杯size。烤爐十分不夠力，只吃肉片可能很喜歡這餐廳。但要吃龍蝦就要預多至少半小時的時間只烤龍蝦。四人只可用一個不夠力又細的爐，五人去才可以有兩個爐！所以二人或五人去就還可以。但食物價錢加上不舒適環境及服務，你可以有更好的選擇，因為這餐廳會給你一個不快樂的用餐時間。

自從西環有了港鐵後，多了很多餐廳及CAFE! 今晚，跟好友們約晚飯，但不想去熱鬧人多的地區，所以，我們選了堅尼地城! 雖然有港鐵後真的很方便，但近日天氣涼快，帶著秋風，我還是選擇坐電車去西環，吹吹風，欣賞一下沿路風光。 來到了餐廳，今晚我們吃日式燒肉有室內，也有戶外! 天氣好，不要嘆太多冷氣，而且坐戶外好像挺有FEEL呢! 之前看日劇，看男女主角吃燒肉覺得好有FEEL，所以今晚大家都點了很多肉，盡情吃!我們一口氣點了美國小牛排、美國巨龍內腹肉、和牛牛舌、國牛腹肉等這條肉脂肪量比較多，但勝在油香夠香口美國巨龍內腹肉，肉汁多美國小牛排，雪花分佈最平均，咬一口，便吃出牛肉的肉香好薄的牛舌，燒起來特別惹味!吃燒肉，配白飯，最佳享受!總括來說: 比較少去西環堅尼地城，覺得這一區相對寧願舒適，這間餐廳的食物重質，食物擺設一如所有日式餐廳般精緻小巧，如果食量較大的朋友，可能要多點幾份啊! 餐廳環境舒服，坐戶外街景也別有一番風景，點返杯啤酒配燒肉，更是賞心樂事!

自從堅尼地城通了港鐵後，很多食肆到進註了這區，我和朋友去了位於西環堅尼地城科士街40號地鋪的七輪燒肉。由堅尼地城鐵站Ｃ出口步行至該店，大約只需兩分鐘左右，接近港鐵站，十分方便。這裡有露天座位，可以邊食，邊看街景，其實都幾有風味。我們點了和牛牛舌、美國小牛排、美國巨龍內腹肉、國牛腹肉、幼之牛扒和白飯，特飲點了巨鋒打、柚子蜜等和牛牛舌，好薄一片，好快就熟了，很有咬口美國小牛排，雪花分佈平均，肉質好腍。美國巨龍內腹肉，牛味較重，喜歡食牛的朋友一定要試國牛腹肉充滿牛脂肪，燒上來好香牛脂味道。總結：七輪燒肉環境真的不錯，吃燒肉，望街景，別有一番風味，但日本燒 肉重質不重量，所以每碟燒肉份量不多，但就是非常高質。

堅離地城開左好多好吸引的餐廳, 同朋友行開附近, 揀左呢間七輪燒肉, 豪一次食個有質素的晚餐先!極上A4日本黑毛和牛之盛盒 三品盛 $428: A5 極之希少部位大三角 - 油脂分佈均勻, 燒到7成熟左右就可以食, 入口即溶化, 極品!A4 天使和牛嫩肩肉 - 相比A5大三角, 油脂較少, 肉質嫩滑而有口感;A4 霜降黑毛和牛臀肉 - 不愧係臀肉, 肉質非常有口感, 但仍是嫩滑的。三款不同口感的A4日本黑毛和牛肉, 好特別! 乳酸梳打及青檸梳打, 各$28, 不過不失, 冰涼~一隻龍蝦都只係百幾蚊, 點可以唔試! 我們點了一隻自己燒~ 龍蝦遍佈蝦膏, 見到已經流晒口水!加左牛油就好香, 而且開始有金黃色, 當七成熟左右就會聞到好香的龍蝦味!! 燒到熟晒, 龍蝦肉好易離殼, 好易留意到! 本以為好難燒, 點知好易, 而且自己控制牛油份量, 又有滿足感, 又開心! 燒出黎啖啖肉, 冇得輸!!我地仲點左美國黑毛牛巨龍內腹肉 $98: 隻牛一定做好多運動, 內腹肉比較少油脂, 煙軔香滑!我們的甜品焗棉花糖 $42: 好特別, 棉花糖外脆內軟, 又香口, 我自己覺得有點兒太甜, 女士就好鐘意!!

我們晚餐時段去了七輪。 首先環境十分狹窄而且不舒服，員工態度差，員工替另一枱燒烤食物，有滾燙肉汁濺了在我的臉上，員工沒有致以歉意。另外 需要吃燒烤時要飲水的千萬不要去，因為要問數次才能加水而水杯size是茶樓的茶杯size。烤爐十分不夠力，只吃肉片可能很喜歡這餐廳。但要吃龍蝦就要預多至少半小時的時間只烤龍蝦。四人只可用一個不夠力又細的爐，五人去才可以有兩個爐！所以二人或五人去就還可以。但食物價錢加上不舒適環境及服務，你可以有更好的選擇，因為這餐廳會給你一個不快樂的用餐時間。

初嘗七輪的燒肉，初嘗A5的等級，初嘗頂級的味道，自己控制成熟度，自己控制快慢度，感覺好好！店內環境簡約舒適，抽油煙桶十分有用，燒完出門都唔覺自己周身油煙味。啤酒都有Happy hour 買二送一，好抵飲！A4 黑毛和牛三品盛 $428 - 1. A5 極之希少部位大三角，全場最優質的黑毛和牛位置，油脂分布平均，入口即溶的感覺令人難以忘懷，食完想再食的味道！2. A4 天使和牛嫩肩肉，也是入口即溶，口感當然不及A5的級別，但都好好食，燒至7成熟最適合！3. A4霜降黑毛和牛臀肉，呢隻黑毛和牛應該經常運動，臀肉十分有彈性，口感十足，三款肉都和有不同口感，好特別！美國黑毛牛巨龍內腹肉 $98 - 有20cm 長， 好抵食，這款相對油膩較少，但不會韌，口感是鬆軟又多汁，好食！龍蝦一隻$158 - 呢個係我食過最新鮮的龍蝦，是游水龍蝦即叫即劏，上碟時，龍蝦十分生猛，仍會郁動！ 燒新鮮龍蝦真係原汁原味，邊燒邊加蒜蓉牛油，十分香！龍蝦多膏，蝦肉彈牙！羊仔肉飯$78 - 羊仔肉香，一點也不騷，味道很好！連洋蔥都好食！好抵食！焗綿花糖 $42 - 好特別，上層是香烤綿花糖，下層係Oreo 餅干，焗到外脆

其實一直知道在家附近有一家烤肉店，但直到今天才來吃下班後叫了媽媽一起來這裡，被她說“妳終於捨得請我吃啦”這樣比較早來客人不是很多。每枱都有自己的爐，餐廳還會提供一人一件即棄圍裙，好貼心~事不宜遲要選肉了~滿頁的牛少不了，豬、雞和海鮮都約有一頁。我們最後決定要三款牛，一款海鮮來燒，另外加個主食飽肚。先來圓圓的薄切和牛牛舌，有五片左右，用了鹽麴舖面調味。美國小牛排有平均分佈的雪花紋，看著都覺得可口。第三款牛選了牛腹肉，深啡色的牛肉頗特別，是因為接近內臟的關係吧？三款牛用了同樣的調味，都是厚層鹽麴加黑椒。帆立貝兩粒都好大又厚肉，另外還附上牛油來烤呢。上菜速度頗快，所以我們也急不及待甚麼都放上去燒了。牛肉的話，只要燒到剛好轉啡色就好。牛腹肉就自己判斷了。薄切的牛舌口感既柔又爽，味道頗濃郁的。牛小排油脂分佈平均，每口都有牛香味。牛腹肉較有驚喜，它是三款中牛味最重的，口感相當爽，好好吃建議不需要用那麼多鹽麴，要不會太鹹。沾餐廳提供的醬汁吃，甜甜的也不錯。帆立貝需時最久，燒到出水不斷冒泡牛油全溶掉後，就可用夾將牛油溶液倒上去，非常非常香口。帆立貝好新鮮，味道清甜，啖啖肉滲出牛油香最後點了個豚肉烏冬，

今日黎左呢間日式既燒肉店 門口見到就已經好有日本feel 入到去周圍都好乾淨 一d都唔油 仲有木既設計令人感覺好舒服 見到菜單上面有和牛刺身 我地二話不說就叫左黎試真係可以生食架 上面仲有個冰底凍住d牛 保持新鮮 和牛既雪花好均勻好靚 仲有個特製醬油 好鮮味 之後仲叫左一大塊牛排同牛柳粒 牛排就係職員同我地燒埋 真心好大塊 好多肉汁 因為係即燒 所以唔會過熟 牛柳當然又易燒又好味啦 之後仲叫左d雞柳黎燒 雞柳好滑好香 我煮野既手勢都唔錯 仲可以加少少檸檬汁更正 食左咁多肉 我地就叫左個沙律同玉子 玉子原來仲有加芝士！！！ 真係好邪惡 最最最最後  當然加埋個甜品就perfect la 有個豆腐雪糕 呢個真係幾好 唔太甜 不過豆腐味好輕 本身想試清酒雪糕 可惜無曬 好在去得早 人唔多但之後我地走個時就差唔多滿曬人 當然人多既結果當然就係油煙味多啦 不過好在係我地食到差唔多既時候先大味 燒左成個幾鐘件衫都無味

朋友升職請食飯，去咗堅尼地城食燒肉慶祝。燒肉店地點十分方便，在地鐵站附近。燒肉款式非常多，美味又滿足，店員服務非常好。美國巨龍內腹肉（$98）份量超多，牛肉味很濃，肉汁很多，包生菜一齊食，好味道綠葉生菜包（$48）份量非常多同新鮮黑豚荔枝卷（$68）黑豚肉包住荔枝肉一齊燒，荔枝肉超甜超多汁美國牛頸肉（$88）牛頸肉非常厚身，色澤非常靚。青檸岩鹽手羽先（$58）雞翼切開了一半,食起上來非常方便，而且非常入味同嫩滑玉子和牛烏冬（$78）烏冬份量非常多同彈牙，牛肉嫩身，配料有昆布、筍片、雞蛋和粟米粒，非常豐富。

個人最推介七輪燒肉入面嘅盛盒因為入面包含咗唔同種類嘅食物今晚就點左這款幻之豚肉盛盒顧名思義入面就有唔同部位嘅豬肉入面有黑豚腸爽口彈牙的腸衣包住說豬肉係入面一咬爆開腸衣個下完全係將豬肉嘅精華引發出來簡直令到人食過返尋味另一款就是西班牙黑豚腩肉雖然脂肪比例比其他肉類較高但係其脂肪分布比較均勻！所以燒一燒之後都唔會話過分油膩而且個一份豬肉香味更加係喺其他嘅燒肉店入面找不到的另外入面仲有一款食物令人哋喜出望外就係豚肉荔枝串用上了豚肉包上了新鮮荔枝鮮甜的荔枝令到豚肉嘅甜味大幅提升令到豬油香味非常之重嘅肉類再加上鮮甜嘅荔枝放入口嘅感覺非常之好荔枝嘅鮮甜味完全化解晒豬油嘅油膩感但係就唔會開個晒豬肉嘅香甜味道最後就係這款豬大腸原來店員之後講清楚知燒這款豬大腸原來最好原條燒製咁樣就可以令到豬腸嘅外皮燒得脆卜卜先至再將內心燒熟之後叫咗一條秋刀魚要燒得好其中一個技巧就係一放上上邊千祈唔好立即返條秋刀魚要好耐心咁等秋刀魚的其中一面熟透左之後自然可以好輕鬆咁樣返而又唔會令到秋刀魚的魚皮爆破用上了燒烤方法製作的秋刀魚魚油濃郁而且肉質仲係非常之咁滑個人覺得係另一款必點嘅食物之一飲料青森蘋果汁青森蘋果汁裏面真係有果肉

堅尼地城多咗好多嘢食，在地鐵站旁邊有一間烤肉店，叫七輪燒肉，入左去試試，原來係一間食日本牛同埋美國牛嘅好地方。不過，入到去，第一時間俾個餐牌吸引嘅係一隻大龍蝦，價錢只係百幾蚊，原隻上，上嘅時候佢仲識得郁郁下，真係好新鮮，而且都幾大隻下，超級抵食！龍蝦個頭好多膏，食完之後落埋龍蝦秘製配嗰個油，真係一流，肉質非常彈牙，好鮮呀！除此之外，隻眼比一個日本和牛拼盤吸引著，有三款，黑松露和牛柳串，燒完出黎好香！好嫩口！另外就係袖子和牛他他，即係刺身，好高水準，配合袖子嘅味道，正！最後嗰塊叫鹽燒和牛柳，最高質呢塊，燒左少少底面已經食得，絕對係有入口即溶嘅感覺！本人喜歡食日本嘅牛多啲，至於美國牛因為坊間都有吾少，今次冇試！另外仲叫咗羊扒，我好鍾意食羊，價錢好合理，比一般嘅餐廳大塊，羊扒燒得耐少少，肥瘦均勻，亦都食得出好有羊味！好滿意！整體來講，呢間食店嘅食材非常高水準，係專食好野嘅地方！

好耐冇食過咁好味嘅燒肉啦！有我最愛嘅日本和牛啦，仲有龍蝦，美國牛，同羊架，作為一隻食肉獸，真係好滿足！首先，成晚嘅highlight，我不得不提嘅係隻龍蝦！上嚟果陣條鬚仲係度郁緊，證明真係好新鮮！隻龍蝦湯開左兩半，一定要殼向下咁擺係個爐上面，唔係嘅話d膏就跌曬㗎啦！燒左大概10分鐘，店員就話俾我地知差唔多食得㗎啦～ 依個時候就要將尾同頭分開，再倒d牛油蒜蓉汁上去，食住條尾先！個牛油蒜蓉汁同隻龍蝦簡直就係絕配！龍蝦嘅鮮味再搭配牛油蒜蓉嘅香味，只能夠用人間天堂四個字嚟形容！真係好有衝動再嗌多隻㗎！！日本和牛哩，我地就點左個拼盤，一共有三種 -- 柚子和牛他他，黑松露和牛柳串，同埋鹽燒和牛柳。柚子和牛他他係要生食嘅，其實係我第一次食生牛肉，都係一個不錯嘅嘗試！柚子加和牛嘅搭配好特別，俾人開胃消滯嘅感覺，絕對值得嘗試！黑松露和牛柳串嘅黑松露味都好香，同和牛味係絕佳嘅搭配，擺落嘴果下，真係會完全陶醉於依種香味～鹽燒和牛柳都好香，d鹽帶曬和牛嘅香味出嚟，好味道！除左日本牛，我地亦都點左美國牛，下面依幅圖就係美國黑毛牛巨龍肉腹肉，聽個名都知勁lol 相對於和牛，美國牛嘅特性就係牛肉味會再重d，口感亦