影片
開飯介紹
「三不館車仔麵」以香港情懷作主打，帶你尋回香港經典味道，三不館創辦人屢獲多項廚藝獎項的「金牌麻辣汁」及堅持每天鮮製的配餸更是三不館的靈魂之處，證明港式街頭小食也能登大雅之堂。開業以來深獲各位食客支持，「三不館」更火速成為一眾本地遊愛好者的「荃灣區」及「大埔區」必到人氣打卡店。 兩個識於微時的好朋友，一個本業做科技及設計，一個做廚師，曾經很喜歡一起去吃車仔麵，長大後他們將這份共同回憶，變成一間講求味道、不惜費功亦樣樣細節都要照顧到的車仔麵店—「三不館車仔麵」。全店復古設計，全由專用設計團隊一手一腳精心設計，老香港味道濃厚，店面同樣以極具香港特色的佈置突圍。
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
今日離開荃灣呢一頭行街太熱嘅關係實在唔係好想食個heavy lunch整體嚟講，我覺得大埔嗰間分店好食一啲呢一間值得讚嘅，就係佢冷氣超級強事關係咁熱嘅天氣入邊，食車仔麵本身都幾熱好彩佢個冷氣夠大，所以先至個人冇咁辛苦同埋職員都非常之殷勤都係十分之值得讚賞嘅地方食物方便我覺得味道較為偏淡同埋佢嘅份量都幾少我幾鍾意佢裝修係幾有香港特色同埋風味嘅價錢貴唔貴？就見仁見智啦。如果座位可以再坐得舒適啲就100分
繼續閱讀
📍🇭🇰今次嚟到位於嘅荃灣嘅車仔麵餐廳暫時有4間分店🤩分別位於荃灣，旺角，大埔及觀塘其實之前已經食過一次，佢哋嗰陣做緊個活動:成功用左手揸筷子食麵嘅就會送一罐飲品🧃而我本來就係左撇子，所以店員主動過嚟話請我飲🤣食物都好好食，所以今日再次返嚟試其他野😋☎️環境全間店都係懷舊設計🥹整得好有feel鐵閘，豬仔錢甖，草繩，大大個紅綠色招牌等等❤️💚用嘅係摺檯摺凳，音樂一路都播住90年代嘅歌🎶真係好似去咗以前嘅餐廳食飯咁🥰🥢食物🐷三餸一麵 ($48)點咗嘅三餸分別係1. 醬燒豬頸肉 2. 滷水鮮豬大腸 3. 清甜蘿蔔湯底點咗濃香沙嗲湯🧡(+$8) 配幼麵🍜 第一啖就即刻試呢個新登場嘅湯底！好有驚喜！😱湯底好濃郁！沙嗲好香口！花生醬同沙嗲嘅比例係完美🤯所以入口好順滑，兩者唔會搶咗大家嘅味，湯汁仲可以掛麵🤤豬頸肉邊邊仲好香脆，唔韌！滷水大腸非常入味💓就算浸完沙嗲湯，都仲食到滷水嘅香味🤩肥腸有幾嚿，無肥嘅腸又有幾嚿，平衡下口感🥳好好食！蘿蔔燘得夠腍，好清甜！三個餸都好值得點，非常滿意❤️🥤飲品 🇲🇾馬來西亞桔仔水 (+$10)帶微微嘅桔仔味🍊清甜！唔會太甜👍🏼好適合用嚟平衡濃郁嘅湯底🧡🙋🏻♀️服務全部店員都好有禮貌🥰態度好好👍🏼 ✨推薦分數 :10 / 10
繼續閱讀
今天與老公去南豐中心睇醫生，於是在路德圍搵食，見到呢間車仔麵檔不用排隊，二話不說就入去了。點菜紙上好多招牌菜都是麻辣或是秘製的，兩餸一麵$37三餸一麵$46四餸一麵$55 （之後每款餸劃一加$10）每次食車仔麵必叫蘿蔔、豬大腸，今次加多貢丸試試，及叫了一碟香炸墨魚餅$34，有五大塊，都幾好食；加$10有飲品，馬來西亞吉仔水（罐裝）好似幾特別，唔算太甜，幾好飲！點菜紙上有一個亮點：凡新穿校服及用功讀書的學生，惠顧3餸或以上的麵餐免費送你一款汽水，究竟點樣可以睇得出那個學生是用功讀書呢？真係搞笑😂
繼續閱讀
去荃灣一定會掛住三不館嘅沙爹湯車仔麵。車仔麵有沙爹無乜特別，呢到嘅沙爹最特別嘅地方就係佢夠濃！濃到好似落左一樽去煮咁。今次叫左菜，魚腐，蝦條，當然一定要加錢轉沙爹湯嘅米粉。每次食完都會覺得好飽，因為真係好足料，菜同朋友share 食都唔覺少，米粉分量好多。相入面嘅咖喱魷魚係朋友嘅，魷魚爽口咖喱味濃。
繼續閱讀
經過三不館見到難得冇人等位，就決定今日係到食晏。先講裝修，三不管用九龍城寨風設計，再加埋啲懷舊音樂！成間舖頭都好有feel。冇黎一排，發覺三不館都多咗啲新嘢。今次要試咗新湯底沙嗲湯，要加$8，但味道不錯！另一碗叫做麻辣湯，一如以往好食！餸個方面，推薦豬頸肉、蘿蔔、餐肉！豬頸肉燒得好香脆，蘿蔔清甜無渣，餐肉都煎得好香脆脆地！三款都係必食！今次重試埋佢個口水雞，口水雞偏辣，雞滑身，不錯。最後想介紹埋佢個吉仔水，係其他地方冇見過。甜甜地，幾特別，冇試過可以試吓！
繼續閱讀