三台八座 (已結業)

三台八座嘅食物新鮮製造好好味, 我食過豬扒飯，豬扒大過我個手掌，表皮炸得十分香脆，入面都仲有好多嘅肉汁，而且如果唔夠飯，個老闆好好人會過嚟問你食得夠唔夠，可以加飯, 有一次我想試少少薯菜佢都肯加俾我, 尼啲人情味爆燈嘅小店真係買少見少。

比五星個啲人平時應該係食開屎，痴線80蚊一個餐食埋啲野劣過雙餸飯。一坐低上個忌廉栗米湯溝水溝左起埋五、六罐溝到變透明，聽到隔離台啲女仔都一路食一路怨就知奶野。個鹽燒三文魚飯都唔知咩黎，賣相極頹，啲魚肉又乾又硬敲落去有聲既。伴碟竟然係滾水滾生菜，差在未落蠔油。香煎美國牛仔骨伴薯菜上左碟炸到過哂火既薯條，牛仔骨好靭勁難咬得落都算，一咬落去一大pat油代替肉汁湧出，好似直接飲油咁，食完隻碟仲有成匙油。飲完油就想飲佢啲咖啡浪口啦，點知比個兩包啡糖都受潮勁濕結到一舊舊響個紙包入面倒唔落，就咁飲啲咖啡難飲到爆，上面仲浮起好多唔知係奶放得太耐定奶精既漂浮物。比五星話好食個班嫌錢多建議以後入酒店廁格食飯算啦，下下都人情味比五是咁唔使食飯食人情味飽啦。暫時試過個區最伏就係呢間騎呢野，湯飯餐飲連包糖都無樣掂！

晚餐唔想自己煮就落街食之前都嚟過呢一間家庭式餐廳因為好有人情味同埋食物都好高質🤗所以我哋間唔中都會再嚟幫襯😄.點全日餐都會附送湯、前菜同飲品 真係好抵食🤩我哋今日揀咗白湯即係粟米湯前菜亦都好豐富 有一塊魚餅同埋溏心蛋🥚而且仲附送飯後甜品 .🌟日式吉列雞扒配薯菜 ($62)見到老闆幫我地落完單之後即刻炸 所以上枱係熱辣辣脆卜卜而且雞扒仲好大塊 就連點嘅醬汁都附上兩款任君選擇😙比起千島醬我更加鍾意佢嘅蒜蓉汁.🌟香煎日式照燒雞扒配意粉 ($54)照燒雞扒煎得好香 雞肉都好Juicy而且最鍾意佢嘅意粉用咗蕃茄醬煮 一啲都唔馬虎🍝仲有附上生菜 保證菜式營養均衡.老闆好好咁問我地需唔需要多飯少飯有咩需要同老闆傾完佢都會盡力去做咁難得嘅人情味小店真係想多多支持佢哋🥰

疫情之前都經常同一大班同學一齊黎呢度食lunch，學生有優惠，食物又唔貴、選擇多，味道真心唔錯，食得飽，而且老闆好好態度，係一間有人情味、食物又高水準嘅誠意小店！

其實依間小店好幾年前已經試食過，咁岩向附近做野，就再去一次，幸好仍在。可能過左午飯時間，客人唔多，最後仲得返我一枱客。同老闆傾計，雖然生意難做左，但仍然樂觀面對。感覺好似入左《深夜食堂》咁。環境方面，地方企理乾淨，客中可留名或do code。食物同之前一樣，無味精而且多蔬菜既羅宋湯。主菜同配菜都好有份量，而且難得仲有糖心蛋同魚餅成間鋪得兩位老友記一腳踢，老闆仲開玩笑，向我睇餐牌個時話炆牛腩同牛舌賣晒，你想食一係坐多陣，而家炆緊，今晚有得食，放心啦個餐係全日供應。雖然整體味道尚可，就普普通通既街坊飯堂咁，但就感覺多左份小店既人情味。希望下次仲可以繼續食到。

前排嚟咗食午餐，真係好友以前嘅回憶。大學一年班嗰陣成日嚟呢度食。呢度嘅老闆好好人，仲可以飲添薯條同埋飯同埋意粉！我叫咗一個紅酒會牛肋條飯。紅酒味好突出，撈飯食一流！啲肉都好淋，煮得好適中。仲同老闆閑聊左一陣添，勁好人！

禁晚市堂食關係 五時許來到餐廳把握時間用膳 老闆親切有禮 還未點餐已送上糖心蛋作小食 糖心蛋帶着日式醬油的味道 蛋黃恰到好處主食點了紅酒燴牛肋條配白飯和牛舌伴薯菜紅酒燴牛肋條醬汁的紅酒味十分突出 拌飯一流牛舌分量慷慨 口感軟淋 附上的牛肝菌醬十分惹味配薯條一流用餐時老闆亦有跟我們分享烹煮心得 見我們食得津津有味時 還問我們是否需要多炸一些薯條🤣 談及佐敦封區時老闆亦為此感到憂心 另外遞上餐飲的老婆婆笑容亦十分親切最後老闆更送上黑糖紅豆糕給我們品嚐 味道就像一粒巨型的黑糖珍珠內有着紅豆蓉餡子很難得遇上這樣的窩心小店 深深被這份人情味感動 希望大家都有機會體驗！

We arrived late and the shop was about to close but the shop manager let us in to make the last order with warm hospitality. We ordered fried chicken wings, fried chicken with potato wedges and a bowl of eel rice. We particularly enjoyed the chicken wings from the restaurant as they are crispy and juicy! It is a great choice for sharing with friends too as the size is very big. Yummy and we’ll revisit again as the boss & staff is incredibly!

食物唔錯！！！👍🏻👍🏻👍🏻好有家庭feel............老闆員工都好好人、好有禮貌！小食都好好味！我哋兩個大人同一個小朋友，本身只係點左兩個餐，老闆好好人送多個湯畀我哋！個湯好多粟米😋😋😋另外仲送左個小食畀我哋！小朋友都話d食物好好味，仲話下次要再約黎食野😊😊😊最後再點左餃子，真係唔錯！由於突然間落大雨，老闆仲話有遮可以借！真係人情味餐廳，一定會再幫襯！！！♥️♥️♥️

平時經過呢間小店都聞到香味傳出黎，今晚終於決定要試一試星期五既晚上都有好多空位，坐得舒服晚餐MENU好多選擇，有平既拉麵,碟頭飯，亦可以叫貴少少据扒我同朋友分別叫左肉眼扒同豬扒豬扒熟度剛好，無韌既感覺，肉味都有，唔錯肉眼扒就有段小插曲，朋友叫左3成，點知太生切唔開問店員可否幫我地煮熟到5成，佢地都願意之後廚師仲過黎同我地講塊扒比平時厚難切d唔好意思，非常有禮貌再送左咖哩角同春卷俾我地食，好有人情味最後食埋小店既招牌甜品草餅，甜度剛好又煙韌，好滿足三台八座完美展示出小店獨有既人情味，令我不能忘懷

翻學成日都會去呢間餐廳食lunch~老闆叔叔超好人🥰超級nice👍🏻我地成日買蛋糕去呢間餐廳同friend慶祝生日😂老闆叔叔每次見到我地有人生日都會送嘢比我地食😍有時送溏心蛋，有時送波子汽水，超級好人😍嚟呢間餐廳好多次，食左好多個餐🤣蛋包飯好正，照燒雞扒都好好味👍🏻仲有三台八座豬扒都好好味😋學生價會減$6或者送波子汽水～Lunch set會配嘢飲同西湯，有時飲完湯唔夠喉同老闆叔叔講佢仲會添啲湯😍服務態度一流，係香港真係好少見🙈有次有friend想要多啲薯菜，老闆叔叔仲要比一大碗薯菜比我地添🥰超級好👍🏻

已有好幾次來呢到食LunchLunch 有餐湯、主菜及杯飲品價錢50到80都有試過幾款最中意都係雞扒飯，皮脆，肉滑多汁，又大塊，好抵食意粉水準一時時，有時會太淡，冇乜汁，或汁比較水，有時候汁就比較結，蕃茄味較濃好食啲今次就食豬扒飯，豬扒大大塊，但比較乾身最鍾意呢到係老闆娘好有禮貌食客一般以學生為主，或者大學啲教授學生更有優惠如果飯或意粉唔夠可以問老闆娘添加 🙏🏼非常窩心有次見對面嗰個食韓式炸雞球，起碼都有幾十粒，好足料。可以WhatsApp訂位，老闆非常有禮貌，用餐後更會WhatsApp食客道謝。好有人情味的餐廳💕

食過兩次 一次lunch一次dinner先講lunch 價錢有便有貴 便既50蚊就有 貴啲8/90蚊都有 而且有餐湯同野飲 真係幾抵！不過我嫌餐湯稍為稀左啲 如果濃番啲就好 午餐叫左個雞扒配薯菜 以為應該唔會好飽 點知塊雞咁大 最後啲薯菜都食唔哂晚市都係一樣有便貴選擇 我覺得呢間餐廳最正既係佢炸啲野會炸得好好食 例如炸軟殻蟹 就真係好好正 仲有老闆會送埋生果（火龍果） 仲成日會問啲客夠唔夠呀 洗唔洗再添 真係好有人情味😍☺️感覺好warm 如果你係HKU學生 仲有discount！

今次是3人聚會一人叫左一個餐1. 炸鱈魚柳配薯菜* 鮮炸好脆 份量十足* 薯菜量多2. 燒鯖魚意飯* 燒得外脆內軟* 配菜量十足3.燒春雞半隻配飯* 柚子清香* 內有肉汁 外脆 好正* 飯同菜份量都多 前菜有糖心蛋* 醬油味岩岩好 蛋黃亦甜甜地* 好想大量食 湯：羅宋湯/忌廉湯* 味道清清地 幾好甜品紅豆水晶糕* 有彈口 紅豆餡甜度岩岩好* 好好食！飲品分別叫左熱柚子茶、紅棗柚子茶學生仲可減$$5 坐得舒服，員工友善，服務很好位置在水街同第二街之間都方便

住西环附近 想吃平民西餐的时候会来感觉似家庭式经营 非常有礼貌每个套餐有时日头盘(小份量) 汤(建议选白汤)自选主菜 包饮品(包括热柚蜜 姜茶)价钱平民 服务态度nice 适合小聚聊天 第一次来吃了意大利饭 就非常喜欢 之后因为货源不足 不再供应 开始每次吃羊扒配薯菜 酱汁另上 可选择不同配酱 今晚迟收工 就选了炸鳕鱼 和牛仔骨配虎虾 虎虾非常新鲜 绝配蒜蓉汁 炸鳕鱼 牛仔骨不过不失下次都会选羊扒免加一 现可用支付宝 港大学生会有额外折扣 (好似9折)