影片
港鐵上水站 A4 出口, 步行約6分鐘
繼續閱讀
電話號碼
63132211
附加資料
外賣自取
營業時間
今日營業
18:00 - 23:00
星期一至日
18:00 - 23:00
以上資料只供參考, 請與餐廳確認詳情
今日同friend係北區揾食，見到呢間雞煲評價唔錯，決定試一試佢！呢間除左雞煲，仲有小菜同埋可以加工海鮮，今次試雞煲，因為唔係好食得辣，所以揀左bb辣，不過味道都好夠，同埋都有一股辣香，惹味得黎唔會死鹹，令人想不斷追食，雞本身既口感同正常，唔會柴👍再加多個魷魚鬚，佢既份量真係好大碟，如果想試多幾樣餸一定要揾多幾個friend一齊食，魷魚鬚好香口不過一大扣分位係熟食中心入面竟然有幾枱人食煙，又無抽氣扇，單靠開窗通氣，搞到一大陣煙味，又煙霧彌漫咁，如果要小朋友去食係一大考慮位
繼續閱讀
上年年尾喺大埔墟街市熟食中心試過加工海鮮，印象唔錯。諗住每個政府街市，收費應該唔會差好多，所以近近地同屋企人試下上水街市熟食中心如何。上水比大埔收費每斤貴$10-15，但味道卻無大埔咁好😅。豉椒炒花甲(加工)$90/斤，呢度兩斤好能兩斤太多太重，所以炒到好濕，不過調味OK。椒鹽鮑魚(加工)$90/斤，呢度一斤呢個整得唔錯，鮑魚好彈牙，椒鹽又唔會過分鹹。酥炸台山蠔(加工)$90/桶，呢度一桶呢個加工費好貴，大埔加工先$80/大桶。😂呢個整得好差，好厚粉!! 食落油膩感好重。胡椒豬肚雞全隻 $338三和出名雞煲，所以特登點左個。雞肉好嫩滑，但雞味淡，而且唔係完整雞，雞屁屁有2隻😂煲內仲有好軟淋嘅豬肚、兩三舊大豬骨；我地當湯咁飲，唔會太鹹。咕嚕肉 $128當時近乎每枱都點一碟，而且算大碟。可能隔離飯香啦，我地覺得自己果碟就特別細碟😅。咕嚕肉少少厚粉，但好彩粒肉唔細粒，可以平衡到個粉感。調味正常。小炒王 $138男朋友話食過咁多小炒王中，呢個最好。配料加入炸到香脆嘅魚仔&蝦乾，仲有少喺小炒王見到嘅炸豆腐粒，至於魷魚，唔肯定有無，起碼我無食到。整體好有鹹香、同鑊氣。豉油王炒麵 $88好有豉油香，但欠缺鑊氣。楊州炒飯 $88餐牌上只有午餐肉炒飯，但我地唔想食午餐肉，職員表示其他炒飯都有，講就得。不過呢個炒飯唔多掂，無乜味、無鑊氣。以上合共$1,145，以熟食中心呢個唔算乾淨、又多二手煙嘅環境嚟講，小菜價錢唔平，而且無鑊氣，我覺得性價比麻麻。
繼續閱讀
疫情後終於可以約齊人開餐喇，朋友帶咗我去上水熟食市場三和雞煲，雖然環境一般，但非常有大排檔地道感覺，乾淨的👌食物終於上枱喇，碟頭很大，價錢合理👍不過最緊要係味道行先…一食已經停吾到口，每道菜都有佢自己的味道，不會過鹹、過油😋胡椒豬肚雞煲必食🤤🤤廚師果然係隱世廚神😎
繼續閱讀
一直都以為剩係得雞煲，但係估唔到原來佢哋食小炒都好有大排檔水準，真係一試難忘首先最想講嘅係招牌煲仔飯，每一啖都食到飯焦，但又唔燶喎，好有口感，我比101分其次就係厚來佢地有海鮮加工，仲好食過所謂嘅海鮮城凍蟹呢 唔係周圍都有得食，但係真係好正宗，好有鮮味老闆娘話係新鮮送到，唔會用隔夜海鮮先做到呢個味道其他小菜，食到依家好多地方都食唔到嘅鑊氣味。仲有，咖哩魚蛋，唔係講笑唯一一樣就係環境，當然冇商場餐廳咁乾淨啦，但係我覺得食得大排檔嘅話係可以接受嘅。店員服務Ok嘅，有講有笑我好少寫食評但係呢間真係好食到忍唔住寫
繼續閱讀
今日有朋友生日約咗去上水街市2樓（三和雞煲），試吓招牌胡椒蝴蝶腩豬什煲，絕對冇誇張，味道簡直係一試難忘！後來走去訪問店主，才知道他們的食材全部都是日日新鮮入貨，跟外邊食肆根本冇得比! 超讚👍
繼續閱讀