三寶勝上海美食

營業中

休息中

很久前試過一兩次, 感覺是一般, 小菜還是可以,但小籠包印象就不太好, , 包汁都因皮穿沒有了. 突然想食小籠包, 決定再試這間老式上海舖頭, 老婆都警告咗我, 小籠包都係冇汁, 但係我估可能上兩次咁啱做得唔好, 冇理由次次都冇汁. 今次叫咗個小籠包同埋炒年糕, 炒年糕不過不失, 但小籠包仍然點蒸道皮穿肉汁走曬, $41 一籠5隻, 咁嘅價錢點解唔可以做好少少, 應該都唔會再有下次.

難得的傳統上海味道此終尋，就在大埔舊墟。先來小籠包一客，又入門口右手面點心師傅角落即叫即蒸（傳統上海食店就是有點心師傅的小廚房），油點菜到有得食大約20分鐘，所以如果心急嘅朋友可以一坐低就先點小籠包。因為想飲酸辣湯又想食菜雲吞，所以直接叫咗酸辣雲吞，一次過滿足兩個願望。酸辣湯材料好足，有雲耳絲、豬紅絲及豬皮絲等傳統材料。上海粗炒和炒年糕之間點了炒年糕，用雪菜肉絲炒，味道不錯，只是年糕有點軟林，如果煙韌一點應該會好食啲。

懷舊的老上海味道真的可遇不可求。窩貼厚厚的皮蒸焗煎的火喉做到恰到好處，點醋吃就是懷舊的味道。酸辣湯和砂鍋雲吞雞之間選了不辣的砂鍋雲吞雞，此砂鍋雲吞雞份量十足性價比高，十多顆上海菜肉雲吞加上半隻雞，雞算大隻，令湯像是少了點，不過入味好味，讚。炒上海年糕選了配三鮮，火腿片雞肉絲黃芽白，可惜年糕質感偏軟，如煙韌點估計口感更佳。松鼠黃魚貨真價實，百多元價錢CP值高。甜點選了豆沙鍋餅，份量比想像中要大，竟然可分到12件。

排骨擔擔麵其實就係炸豬扒擔擔麵，首先佢個湯底所用嘅麻醬加花生醬再加花生碎混得好好味，杰杰地，啲上海麵又吸晒個醬d味，所以特別正。個豬扒都唔錯炸得幾香又唔會好油。傳統嘅小籠包係我嘅至愛，佢呢度嘅小籠包算係大粒嘅，而且塊皮唔算好薄，不過正正就係鍾意呢種上海式小籠包，點埋薑絲醋，回味無窮。蒸銀絲卷又係必點，今日只點煉奶甜甜地幾好味，平時就應該叫個酸辣湯點嚟食，不過因為今日人少少食唔晒咁多野。佢杯豆漿都好正。

🥺舊式上海店越嚟越少見, 喺大埔南盛街有間頗受街坊歡迎的小店👯‍♂️🙂‍↕️🪟門口處有👨🏻‍🍳點心師傅即場包製小籠包🫡店內空間較狹小, 需要搭枱🍴🍚晚市客飯套餐都幾抵食, ☑️1個餸+2個白飯+湯/豆漿🔸三鮮炒年糕 $71 6.5/10三鮮 = 火腿+ 咸肉+ 蝦仁🦐⚪️年糕形狀不規則, 唔係片狀😲☺️口感軟腍煙韌, 調味恰宜, 不錯👍🏻～🔸擔擔麵🥢 $55 6/10麵條幼細, 麵質較硬🤏🏻🥜花生味唔夠香, 個人偏好湯底濃稠啲😛🔸紅油抄手 $48 5/10🛎️即叫即整, 差唔多食到尾先有🤣等咗大約15-20分鐘一碟8粒, 雲吞皮較硬, 有啲未煮透🙈🔸凍檸檬茶 $20

父親節父親大人指定話要食呢一間上海菜，懷舊下懷念下嗰度廚師嘅造詣，叫咗四樣嘢食，分別係上海粗炒、小籠包、排骨擔擔麵同埋菜肉雲吞，另外再叫咗豆漿嚟飲。呢碟上海粗炒油就係油啲，不過就充滿住舊式上海舖嘅味道，份量都算ok唔會話好細碟。排骨擔擔麵講嘅排骨其實就係炸豬扒，豬扒都ok，擔擔麵個湯/汁醬就好正，好香芝麻醬同埋花生味，少少辣好惹味。小籠包就係一入門口有個專做點心嘅角落，由嗰度嘅上海點心師傅自家製作，味道唔錯。菜肉雲吞亦都係一啲舊式上海舖嘅菜雲吞，雲吞皮有少少厚，但係就係鍾意呢種口感。佢個豆漿都幾好飲，好香豆味。

好耐冇返嚟大埔今日約咗朋友，一於去食下好耐冇去過以前我嘅飯堂三寶勝以前呢因為佢收得平地方好坐同埋啲嘢啱食嘅關係幾乎一個禮拜有三晚都係喺呢度食飯嘅首先講下佢嘅特色拼盤醉雞，酒味足夠上海舖嘅手法美味燻魚，少少甜甜地唔會腥海蜇都係正正常常由於我唔食牛嘅關係所以冇食牛展小籠包都係正常發揮被薄餡靚食咗咁多年都一樣重點要一講嘅就係佢嘅豬扒擔擔麵佢嘅豬扒可以話係我喺大埔食過最好食嘅炸豬扒 有味鬆化但係唔會冇口感擔擔麵湯底都幾濃郁價錢一啲都唔貴如果晏晝食就更加平

上海粗炒甜咗少少濕咗少少不過味道都OK。小籠包係厚皮少少大隻少少嗰種上海style小籠包，見到有上海點心師傅所以估計係自家製唔係買雪藏貨或者工場交嚟嘅課。炒鱔糊味道幾好，份量都唔錯，都有好多鱔，好鍾意啲狗王，好香。炒年糕因為唔想食雪菜肉絲，所以喺三絲同埋三鮮之間去揀，其實我都唔係好知兩種有乜嘢分別，年糕幾好食，煙煙韌韌，味道幾正宗。鍋貼熱辣辣，皮好厚，個底少少窿，煎得幾唔錯。甜品揀咗雷沙湯丸，呢個真係好食，冇諗過啲湯圓竟然暖嘅，入面啲芝麻餡又唔會好甜，幾好。

鋪頭唔大，座位唔算多呢度有客飯晚市客飯，包飯🍚、湯/豆漿其實有好多野想試，但喺揀食乜野期間，聽到隔離枱話個鱔糊幾好食聽到人地話好食一於照跟😂叫左個炒鱔糊客飯+湯湯都算幾咸下，如果下次再黎食，唔會再揀湯炒鱔糊味道其實唔錯，但啲特別幼嘅部位超級腥，不過好在大部份都粗啲嘅位置。張相望落好似係炒芽菜咁款🤣其實夾開啲芽菜，鱔嘅份量都有大約十幾塊。我都幾鍾意食芽菜，所以呢個份量比例對我個人黎講都接受。不過最衰就係咸，開頭第一啖覺得味道唔錯，係咸左少少，但越食越覺得咸食完餐飯勁口渴，勁辛苦，要狂灌水🫖🫖🫖🫖🫖🫖要改善嘅地方：食物偏咸，如果啲野食可以無咁咸就好喇白飯比較濕同淋左啲可能純粹今次調味重手左啫，都會想下次返轉頭試下佢其他野掂唔掂

舊式上海舖一直係我的最愛，呢一間位於大埔墟的亦是我的心水之選。小籠包係由入門口右邊上海點心師傅專位入面嘅師傅即叫即蒸，等大約20分鐘左右，所以如果唔想等咁耐就一坐低就即刻叫咗先。衣家真係好少見到有呢D獨立點心小廚房的上海食店了。雪菜肉絲炒上海年糕味道唔錯，唔會好油，上海年糕煙韌，肉絲嘅肉質有彈性，雪菜又唔會太鹹。因為想食菜肉雲吞同時又想飲酸辣湯，不過叫晒兩樣野又驚食唔晒有D浪費，於是就叫咗酸辣雲吞，一次過滿足晒兩個願望。改良擔擔麵究竟改良咗喺邊呢？我嘅估計就係多咗D肉碎。重花生醬加麻醬配以上海幼麵加幾粒蒽花，當然有佢地自家嘅擔擔麵醬啦，味道都幾好。

舊式上海小館特別有風味，點了小籠包一籠，上海粗炒麵一碟，菜肉雲吞一碗及凍豆漿兩杯，整體都很滿意，就是喜歡這舊式上海小館的味道。鮮肉小籠包一籠共有六隻，這店出品的小籠包Size比平常的大一點，似乎是自己師傅包的，並不是很別緻的那種，味道不錯。上海粗炒麵炒得比較濕，除了常見的椰菜外還加了菜芯，不算太油，而麵條亦將D汁吸得很均勻。不錯的菜肉雲吞，雲吞的皮略厚，有𡁻口。豆漿好飲，豆味香。

舊式上海菜館值得支持，因為今天真係買少見少，好多老店都結業，所以有得食就真係要食多D。上海粗炒係食上海野時我必叫的，呢間味道都幾正宗，又唔會太甜，唯一缺點係份量好似細咗少少。雪菜肉絲炒年糕又係另一款我鍾意食嘅上海菜，呢度嘅雪菜肉絲煮得幾和味，而個炒年糕亦唔會太油。呢度嘅小籠包係傳統上海式而唔係台灣式，上海式就係大粒D皮厚身D，不過呢間嘅小籠包入面無乜湯。酸辣湯又係舊式傳統口味，唔會一味得個酸字，入面肉絲豬紅絲筍絲木耳絲等都幾足料，唔錯。

又係老公帶我搵食黎到三寶勝食傳統上海菜，選擇超級多，多到唔知點揀最後好花心咁叫咗勁多嘢本身叫咗排骨擔擔麵，點知又見到改良擔擔麵，就順手問咗句係咩，侍應答加咗肉碎我以為係排骨麵加咗肉碎（因為比排骨麵都貴差唔多$10），所以就轉咗做改良擔擔麵點知一上枱，我塊豬扒呢？😧侍應話呢個就係改良擔擔麵，於是我就唯有再加排骨，$8貴成$20 先得到我嘅肉碎+排骨擔擔麵，真係有點失望🥲講返個麵，麵好煙韌，好有口感，可惜花生醬味唔夠香、濃點撈都好，都要食到有花生醬嗰啖先有花生味，完全掛唔到喺啲麵度，呢一part 有啲遜色排骨炸得酥脆，但係入口有少少苦，唔知係咪油嘅問題？🤔🤔🤔唔計呢一點，個排骨係唔錯嘅但下次黎，我只係會叫排骨擔擔麵，唔會加佢個肉碎🥲小籠包師傅就喺我哋旁邊搓，見到都覺得好食個皮夠薄夠煙韌可惜做唔到可以喺中間吸啲湯汁出黎同埋湯汁都冇乜，勉強合格酸辣湯雲吞上枱好夠熱，睇張相就知道，連蒸氣都影埋出嚟個雲吞皮夠煙韌、厚薄均勻，餡料都算充足，size 正常可惜個湯偏酸唔夠辣，對於我咁鍾意飲酸辣湯，呢碗差咗少少🥲湯料好足，好夠飽👍🏻豆沙窩餅去食上海菜必點餡料充足，外皮煙韌可惜太油同唔算好脆但餡夠多都叫做

這是一家位於大埔舊墟的舊式上海店，味道不錯，所以間中都會專登去幫襯，因為衣家真係好少見呢一種舊式的上海小餐館。一坐低即刻叫咗個小籠包先，因為佢地即叫即蒸，所以如果想食就叫咗先，然後先至慢慢揀其他野食。另外叫咗個上海粗炒麵，都幾好食，唔太油，係舊式上海舖的味道，佢個汁、菜絲、肉絲再加埋個粗麵都真係無得頂呀。最後叫了一杯豆漿，唔會好甜，真係幾好。

就係鍾意舊式上海舖嘅懷舊味道所以呢間店啱晒口味同心水，加上衣家呢種舊店真係買少見少，所以見到有就真係要幫襯一下。兩個人唔係食到好多野，叫咗以下三樣野食：上海粗炒麵甜鹹適中，唔會太油，啲肉絲同埋菜都算新鮮，都幾多菜，肉絲的肉質幾好。小籠包一籠五隻，即叫即蒸，好大個口嘅我可以一啖一個，女士們可能要兩啖，啲餡都幾好食幾新鮮，入面D湯唔算多，不過食嘅時候都要小心。雪菜肉絲炒年糕啲年糕比較淋，有啲黐牙，雪菜絲肉絲同埋筍絲都唔錯，幾好食。