三小漁

營業中

休息中

在觀塘做完facial剛好是中午時間，在旁邊的大廈找到這間中菜館，由於星期六的工廠區少了上班的人流，大大的店內人流稀少，我倆直接找了張大的卡位入座 🥢煙燻溏心蛋（$18/半隻）溏心蛋上加了一點麻辣，蛋本身帶點微煙燻 🥢黑磚豆腐（$18/件）外層的竹炭粉炸得香脆，裡面的豆腐非常嫩滑 🥢午市 - 椒鹽豬扒（$55）午市套餐包了飯及飲品，椒鹽豬扒不像其他茶記的重口味，豬扒還能吃到肉質及味道！ 🥢午市 - 菠蘿咕嚕肉（$68）使用新鮮菠蘿🍍咕嚕肉皮脆且酸甜剛好

最近去咗「三小漁」食晚飯，餐廳有唔少創意菜式，好適合食飯聚會！🏮✨煙燻糖心蛋蛋黃有煙燻味道帶出濃郁嘅香氣，食落去非常滑🍳🔥竹炭黑磚豆腐呢個菜式真係好特別，豆腐外脆內嫩，加上竹炭嘅香味，更加提升咗整體口感，味道超讚！🖤🍽️冰鎮新鮮菠蘿咕嚕肉係招牌菜👍🏻 淨係賣相已經好勁👍🏻 咕嚕肉外脆內嫩，搭配新鮮菠蘿，酸甜適中，真心好食！🍍🥩豬油渣野菜粉絲煲亦都好推介，粉絲吸收咗豬油渣嘅香味，配合野菜，味道豐富又滿足，簡直係冬天必食嘅暖心菜！🍲🥬小河蝦蒜油小炒皇蒜香濃郁，炒得恰到好處，真係唔可以錯過！🦐「三小漁」真係值得一試嘅餐廳，無論係海鮮定創意菜，都係唔錯嘅選擇！🥳✨

🔶🔷🔶觀塘海鮮小菜 聖子皇大到嚇親我🔷🔶🔷。作為觀塘友，放工間唔中都會係度食下野，今次又遇到高質海鮮小菜，用料靚，廚藝亦都好。餐廳好易搵，係東廣場對面上電梯一層就到，門口有大大隻加菲貓好易認。竹炭黑磚豆腐（$36）外層炸到脆卜卜，入面係軟腍腍豆腐，口感一流，豆腐都幾有豆香。蟶子皇（$72/隻）呢碟蟶子王真係犀利，一夾起舊肉勁大又厚，煮嘅時候岩岩好，加埋粉絲吸曬d鮮味，我覺得呢個真係必點食物。鍋巴芥末蝦球（$168）一共有6件，下面墊有脆鍋巴，上面放左大大隻蝦球，我要三啖先食得曬一件 🤣。金銀蛋浸豆苗（$128）由細到大都好鍾意食金銀蛋浸菜，今次仲要係配上我最愛嘅豆苗。📍三小漁 (觀塘)觀塘成業街10號電訊一代廣場1樓B01號舖。

🌸煙燻溏心蛋經過煙燻後，食落口有濃郁嘅煙香味，好香口🌸竹炭黑磚豆腐熱辣辣上枱，豆腐炸得啱啱好，外皮有少少炸蒜，好香脆可口！入面就有超嫩滑嘅豆腐，而豆腐味道都好香濃🌸鮮菠蘿芥茉蝦球賣相好靚，大大個蝦球，好新鮮，食落口好爽口而且彈牙，外層好香脆！配埋鮮菠蘿同埋芥末醬汁一齊食，味道更加有層次🌸啫啫芥蘭菜煲熱辣辣香味撲鼻，芥蘭菜嫩綠，食落口好爽脆，配埋肉碎，味道鹹鮮，好入味🌸法式焦糖燉蛋焦糖燉蛋面層燒至焦香，入面嘅蛋好幼滑，甜度啱啱好，鍾意佢唔會太甜！餐廳舒適寬敞，上菜速度快！整體食物質素都唔錯！

今日同朋友去左觀塘一間嘅餐廳食野。有小菜和打邊爐，各適其適。我地揀左個「任食火鍋套餐」。120分鐘任食。19:30前結賬離座或20:30後入座，重有88折優惠添！呢個餐包以下咁多野：* 古法扣鮑魚伴煙燻糖心蛋* 酸辣泡椒雞腳* 海鮮併盤盛宴* 任食麻辣雞煲、美國肥牛、牛頸脊* 任飲非酒精飲品* 甜品：燕窩燉鮮奶湯底係粟米🌽豬骨湯。入面還有冬瓜和南瓜🎃。好足料！👍🏻海鮮併盤盛宴有多款海鮮：
蟶子、海蝦、貴妃蚌、龍躉球、鱔片、青口、沙白、鮮魷。可以一次過食勻晒咁多款海鮮，超正呀！😍全部海鮮都十分新鮮！👏🏻👏🏻👏🏻❤️古法扣鮑魚伴煙燻糖心蛋鮑魚口感實在，配上糖心蛋簡直係一道高級料理～😍😍😍❤️酸辣泡椒雞腳 真係好辣！刺激口水🤤分泌，令人胃口大開！可以任食麻辣雞煲、美國肥牛、牛頸脊同埋任飲非酒精飲品🥤，唔洗就住就住，爽呀！🥳麻辣雞煲落左大量蒜頭🧄和洋蔥🧅，超香口惹味～😋重嗌左豆苗和生菜🥬。除左罐裝飲品，重有自家製養生飲品：雪梨茶，清熱解渴👍🏻。最黎食埋個甜品：燕窩燉鮮奶就超級滿足啦！👍🏻🥰

最近天氣開始涼啦，又係打邊爐嘅好時間，食完覺得暖笠笠真係好正，最緊要當然就係可以任食啦，觀塘呢度有間超抵食又高質嘅好去處，除咗有雞煲之外，仲有海鮮打邊爐放題添，一定要去試吓 💯 「海鮮.雞煲放題」 （$298/位，兩位起） 🍗冇錯呀每人$298就可以享用呢個超值嘅放題，食物方面都好豐富，包你一定滿足👍▫️古法扣鮑魚伴煙燻糖心蛋 🥚 前菜可以試吓佢好出名嘅鮑魚同埋煙燻流心蛋，鮑魚好有口感，都幾大隻㗎，煙燻糖心蛋當然都唔可以錯過😍▫️酸辣泡椒雞腳 🐥 另一個前菜就係少少酸辣嘅雞腳，幾開胃㗎😆▫️麻辣雞煲 🥘呢個雞煲真係超好食，首先用4分鐘將個煲熱一熱先，再煮多大概4分鐘到就可以食啦🙈 整得都好惹味，超推介🥳▫️海鮮拼盤 🦐 海鮮拼盤真係好豐富，有蟶子1隻、海蝦2隻、貴妃蚌1隻、龍躉球2件、鱔片2件、青口2隻、沙白、鮮魷🤩 全部都好新鮮啦，食吓食吓好快就清晒😎▫️ 美國肥牛、牛頸脊 🐮 仲有任食肥牛同牛頸肩添🤩▫️任飲非酒精飲品 🍹食完咁豐富嘅晚餐之後仲可以任飲非洒精飲品添😇▫️燕窩燉鮮奶 🍮最後仲有甜品😌 燉奶整得好香滑，亦都唔會太甜

上週與同事聚餐，我們選擇了位於觀塘電訊一代廣場的「三小漁」，這是一家主打創新中菜的餐廳。提前訂座後，本以為可以準時入座，但到場後仍需等候超過半小時，讓人感到有些不耐 😪😪 餐廳環境較為嘈吵，但作為聚餐的熱門餐廳實屬意料之中、氣氛還是不錯 🍻🍽️我們點了幾道他們的招牌菜，包括冰鎮咕嚕肉、酥炸蠔餅、青麻椒安格斯牛柳，以及上湯浸時蔬。當中最讓人驚艷的是冰鎮咕嚕肉，這道菜不僅擺盤精緻，造型吸睛，口感也與傳統的熱炒版本截然不同。肉經冰鎮處理後，口感更紮實有嚼勁，搭配酸甜適中的醬汁，口感特別且令人回味 😋🌟。酥炸蠔餅則外層金黃酥脆，內裡鮮嫩多汁，完全沒有油膩感，是一道令人滿意的酥炸小食。至於上湯浸時蔬，蔬菜新鮮爽口，湯底清甜，雖然簡單但發揮穩定，是一款健康又不失味道的配菜 🥬 相對之下，青麻椒安格斯牛柳稍顯平淡。牛柳雖然嫩滑，但份量偏少，麻椒的香氣不算突出，整體味道雖不差，卻沒有特別驚喜 🤔🤔整餐下來，每道小菜平均約 $150-$160，價位合理但偏高，但出品有一定水準、賣相精美，不失為朋友聚餐的好選擇 👍🏻❤️

◼️黑磚豆腐◼️平時第一次食黑色脆皮，感覺好新鮮特別🫣咬落去個皮脆脆的 再配上面頭嘅炸🧄 更香口，而入面嘅豆腐超嫩滑，又唔會炸到散晒🥚煙燻溏心蛋🥚入口軟綿綿的溏心蛋，再加上煙燻味，醇香美味。🐷🍍新鮮菠蘿咕嚕肉🍍🐷用上新鮮菠蘿，大大粒，食落酸酸甜甜。咕嚕肉外脆內軟，皮薄唔厚粉，淋上咕嚕汁之後仲係脆卜卜。 最驚喜係！每粒咕嚕肉都係半肥瘦，咬落去一啲都唔柴🐟黑蒜蒸龍躉件🐟蒸嘅時間岩岩好，龍躉滑滑的，唔會鞋口。底下嘅粉絲加上豉油 撈飯一流🤤🌼桃膠燉菊花豆腐🌼曾經我以為要係高級中菜館先食到，可以將舊豆腐切到髮絲咁幼，變成一朵菊花，好考師父刀功，整碗糖唔係死甜，清淡為主👍🏻👍🏻👍🏻連老人家都好岩食。🍮法式焦糖燉蛋🍮中菜餐廳都有埋焦糖燉蛋 好surprise 😂🤭焦糖燒得脆脆，配埋唔會太甜嘅燉蛋，味道剛剛好🫢

喺觀塘返工最辛苦嘅地方就係午餐時間😂 想搵一間坐得舒服嘅餐廳都唔容易，餐廳酒樓式，去食午餐都幾舒服。我哋叫咗兩個餐食，再加一個小食竹炭黑磚豆腐-$36👍👍👍都係第一次食呢一個小食，外脆內軟，同埋佢會有少少微辣，口感一流橄欖子薑蒸龍躉卷-$75可以一試，魚肉鮮滑，而且亦都煙韌👍 底下仲有粉絲吸收魚汁嘅精華菠蘿咕嚕肉-$68 酸酸美味，份量足夠送飯一流👍👍😎😎 地址：三小漁 (觀塘)觀塘成業街10號電訊一代廣場1樓B01號舖

打風加上凍凍地就想打邊爐😂之前Lunch食過依間中菜都幾出色😍收工見到有雞煲又有火鍋即入前菜都有兩道。第一度係泡椒鳳爪好入味！第二度係糖心煙燻蛋，煙燻過嘅雞蛋再加埋個糖心，好出色，另外糖心鮑魚，好大隻，好腍好入味！跟住就係佢嘅雞煲，上嚟嘅時候就好香，跟住要焗佢4分鐘再炒吓佢，啲雞好嫩滑，麻辣味好正宗，有吾同辣揀😍我之後到定量嘅海鮮拼盤，有大隻嘅虎蝦、青口、鮮魷、大花甲、超厚切龍躉，同埋超脆嘅白鱔！值得一讚，白鱔真係好脆口，另外龍躉係超厚切，啖啖肉，超好味！食到呢度都差唔多就飽，點知原來佢仲有牛同埋丸仲有蔬菜任食，佢啲牛都好高質！！超重牛味雪花靚！好牛者必去！😍蔬菜我哋食咗娃娃菜同油麥菜，都好新鮮！🫶🏻🫶🏻重點一題係甜品係超足料燕窩燉蛋白，少甜版本超級正！而家做緊HK$298+1，真係好抵食！想食雞煲又要食海鮮🫶🏻推薦你哋去觀塘三小漁試吓🥰

起初上菜都覺得服務ok， 食完我們見個場坐得一半，於是繼續傾計， 心想有不影響你哋實質生意，之後開始發覺後面一班侍應以不太友善的眼神不停打量我們，服務態度有改善空間。

這間中菜廳的炸子雞外脆內嫩，令人一試難忘。香煎蓮藕餅，口感香脆，帶有淡淡的清甜。蛋白炒飯輕盈爽口，米飯粒粒分明，恰好吸收蛋香，絕對是配菜中的亮點。粉絲煲湯頭濃郁，粉絲入味，讓人一口接一口，吃得過癮。整體而言，菜品色香味俱佳。

上網睇呢間幾多like 就試下星期五晚walk-in都唔駛等位冰鎮咕嚕肉❄️一嚟到 好大盤 賣相打卡一流而咕嚕肉食落去 外邊好冰但係咕嚕肉都脆酸甜味都夠🍍由於啲糖冰鎮咗 所以食落去脆卜卜凍冰冰不過青椒紅椒冰鎮咗 令到個草青味更加出🫑黑磚豆腐◼️炸豆腐 但個炸皮係黑色 食落去又唔覺得有啲咩特別嘅味道 不過一咬個豆腐好滑 而個炸皮都做得幾好胡椒豬肚芥菜煲🐖個湯胡椒味係重嘅 不過唔算太辣而芥菜就好多 豬肚都冇乜臊味比較煙靭雖然佢價錢唔算特別平 但勝在啲菜式都有啲特色 間唔中都可以一試

生日飯由我決定我喜歡的。他這家餐廳位於觀塘，雖然沒有豪華裝修，但尚算舒適，最可取係佢出品質素高，總括來說性價比冇得輸。重點推介風沙雞， 選材不肥不瘦， 肉質保留雞的香味和肉汁，外皮炸得鬆脆，用得上齒頰留香來形容。另外這裡的馳名菜是冰鎮咕嚕肉， 但個人還是喜歡熱食 。脆漿處理恰當， 肉質嫩滑 。我們還叫了兩個青菜，川味椰菜花和啫啫通菜，保持惹味之餘又不會過鹹。希望下次來的時候，還能保持質素！

位置係apm行3分鐘就到🚶🏼‍♂️，環境都ok，比一般小菜館舒適，人多會安排梳化位有唔少特色粵菜，特別推薦佢個脆黑豆腐，脆口嘅外皮上面有少少炸蒜粒，外脆內軟，絕對係一道招牌前菜⭐️⭐️⭐️⭐️⭐️冰鎮咕嚕肉造型特別，值得打卡，味道都ok⭐️⭐️⭐️⭐️雜菜粉絲煲加埋豬油渣，粉絲同蛋絲炒得好香同埋有鑊氣⭐️⭐️⭐️⭐️⭐️風沙雞皮好脆，雞肉肥美但冇乜雞味 ⭐️⭐️⭐️整體係一間適合幾個人放工放假，輕鬆聚餐嘅地方🤤