三尖外賣煲仔飯

營業中

休息中

價錢親民外賣煲仔飯🍲依間位於佐敦嘅煲仔飯專門店係一間外賣嘅小店，所以不設堂食，但味道絕對唔輸俾堂食嘅煲仔飯，而且好足料，價錢仲好親民😽另外佢哋嘅煲仔飯選擇都好多，除咗有唔同配搭嘅臘味煲仔飯之外，仲有豬肉、牛肉、雞肉同海味類嘅煲仔飯可以揀，總有一款啱你🫶🏻蕃茄仔叫咗1款臘味同1款牛肉嘅煲仔飯，每個飯都會跟一盒仔蔥花、菜圃同甜鼔油，所有包裝都好方便之餘個飯仲好保溫👍🏻加分位係個臘味煲仔飯嘅香味比想像中更加香，未打開錫紙蓋已經聞到好香臘味味🤣食到底仲有少少飯焦😍🍅和牛雙窩蛋煲仔飯 $68有一隻蛋穿咗🥹不過反正都會整穿佢黎撈飯所以唔緊要🤣個和牛係好似日式漢堡扒咁，大細適中，同埋都算幾厚🧐雖然係好簡單嘅配搭，但味道唔錯😋🍅如意吉祥(臘腸、潤腸)煲仔飯 $58依個煲仔飯超足料，有原條潤腸同2條臘腸😍未開蓋已經聞到香噴噴🤤臘腸同潤腸都唔會太瘦，亦唔會話好硬，同飯一齊食真係一流👍🏻味道亦比想像中好味好多👍🏻最開心係食到底有少少飯焦，完美還原煲仔飯應有嘅口感，但又唔會有焦燶嘅味道😋好味指數：🍅🍅🍅🍅/5

前排無意中聽到電台飲食得起介紹呢間煲仔飯，話落單後13分鐘就有得拎走今日咁岩路過就即管試吓啦 落完單行陣街返去就拎得順便搭巴士時間岩岩好第一次食唔知試咩好同電台介紹講嘅一樣，老細好好態度同好有禮貌咁介紹啲飯會問你鍾意食咩去介紹岩我口味嘅飯最後我叫咗 一個梅菜肉餅+臘腸，一個足三塊芝士流心雞肉餅+臘腸，一個海味四寶（有蝦籽、元貝仔、海龍蝦乾、銀魚仔）佢有另外上菜脯、蔥同豉油每款入面都有粟米 感覺健康啲😂我食芝士雞肉餅 本身好似話有三塊但我加左臘腸驚食唔哂 叫佢地俾兩塊我得喇肉餅好juicy 有驚喜🤩 入面仲有流心芝士好特別 送飯一流女仔食非常夠飽 屋企人就食梅菜肉餅 佢話好開胃 梅菜份量都幾足另外一位屋企人食海味四寶佢一打開已聞到鮮味 好吸引家人評語口感豐富 有咸香四款餸有4重享受😂😂下次我都可以考慮加元貝仔銀魚仔落我個飯度先仲要每款都有飯焦 脆卜卜好有咬口我自己好鍾意食飯焦所以呢個位好加分！老闆話有碗半飯連平時只食一碗飯嘅家人食食下都食哂全個飯就知幾岩佢地胃口😌屋企人仲讚不絕口話電台冇介紹錯今餐整體感覺好好👍🏻👍🏻方便有時懶唔想煮飯又想食啲冇味精嘅晚餐時叫黎食下 碗都唔駛洗 好爽鋪頭

同事大大推介呢間既煲仔飯，今日終於都可以試下啦！果然好味～臘腸蒸雞煲仔飯食煲仔飯當然要有飯焦啦！呢個外賣既煲仔飯都有架香噴噴熱辣辣，而且包裝外賣上都花心思值得加分呀！

依2日天氣涼左就好想煲仔飯😍！上網見有煲仔飯外賣舖，價錢又唔貴就試一試新嘢😆。 今晚叫左滑雞臘腸加蛋飯，如意吉祥飯（ 臘腸潤腸飯加一條潤腸）同焗白蜆。收工拎到返屋企都已經過左45分鐘左右，我怕會凍左，但點知打開石紙蓋仲有煙出😲，之後加左少少豉油，蔥同埋菜脯勞左再食。啲雞好滑，焗左一段時間都唔鞋，而臘腸同潤腸好好味，一啲都唔硬，又唔會好肥食到成口油，但如果張其切小段，流多啲腸油入飯成個飯仲香，豉油都唔洗落咁仲原汁原味😄。焗蜆味道好鮮好新鮮，冇一隻臭蜆😆，加左青🌶️，黑胡椒，🧄 同小小鹽已經好好味😋，最重要係冇乜沙，🐼外賣$60幾我覺得都算平而且又清，真係值得一試👍🏻！整體嚟講成個飯都好乾身，飯底仲有少少焦燶，一啲都唔油，如果加多一條菜咁就100分😍

📎餐廳類別：中式/煲仔飯/外賣店⏰用餐時段：晚餐👉🏻👉🏻適合：冬天收工外賣晚餐/ 糧尾必食🌝💸煲仔飯有好多款餸揀 絕對係平靚正之選🍽🪴餐廳環境：⚠️只提供外賣⚠️留意到入面環境都算企理乾淨😋今次叫咗✋🏻🤚🏻📌 窩蛋牛肉飯 📌銀魚仔肉餅飯+潤腸 👆🏻👨🏻‍🍳👩🏻‍🍳味道：煲仔飯配埋 豉油&菜譜好惹味😋打開盒飯聞到好香嘅飯香 飯粒唔會太乾身或者太濕 而且焗到有少少飯焦🤪鍾意食飯焦嘅人會好鍾意 但係我唔鍾意食 覺得有啲硬😂😂😂📌焗蜆 (份量好多超抵食)👆🏻👨🏻‍🍳👩🏻‍🍳味道：味道清清地帶少少鹹味辣味👍🏻蜆肉都算幾滑 不過其中兩至三粒有砂🤔體驗感想&補充資訊：今次都係喺OpenRice pre-order 之後行過去拎如果係夜晚食嘅話建議提早order定因為晚餐時間比較多人等外賣 真係要預多少少時間👅冬天可以食到暖笠笠嘅煲仔飯真係好正👅

真心懷疑好的食評從那裡來，今天試過海味三寶，蝦乾及乾瑤柱勁硬，魚仔勁淋，飯又沒有香味及勁硬及勁乾，想著加了少量豉油及菜甫會好點，點知勁咸又味精，只食了幾口已食不下了，我不是咀刁的人，但每食一啖都要飲水才可吞下，試問廚師自己有沒有試過自己整的，做人要對得住良心。試過同事的滑雞飯，雞又有雪味，另外一個同事的，窩旦牛飯竟然是漢堡扒加兩隻熟旦，真係暈低，這是煲仔飯，真係好笑，可惜放不到相片給大家看，希望餐廳負責人見到評語，請監管一下自己的出品。

好味指數😋😋😋回頭指數 ⭐️⭐️開心指數🤗🤗午餐時間要去油麻地附近，見到呢間只做外賣煲仔飯嘅專門店，好盞鬼，決定買嚟響戶外食！店入面有自助點餐機，望到再入面有三排煲仔，似乎少少智能煮飯咁。🍴滑雞臘腸（$59）大概15分鐘有得攞，姐姐態度好好仲叫我要快D 食！用紙袋裝好釘好，非常易攞，入面有個白色盒仔，裝咗煲仔飯豉油、蔥花、辣菜脯。個飯用個紙碗裝住，入面係錫紙盒上面有錫紙蓋，打開睇吓先，都幾多雞，有一整條臘腸，有少少粟米。個飯本身係粒粒分明，硬度唔錯，不過就冇咩煲仔飯嘅焦香味，滑雞味道唔錯不過唔算太滑，臘腸幾大條，味道正常。整體上我覺得係一個煮得米飯較乾身有咬口嘅臘腸雞飯，好味，不過就冇咩煲仔飯風味，抵讚嘅係成件事好企理乾淨！

叫黃金流沙肉餅飯冇 黃金流沙 得塊肉餅。。海味三寶 又鹹又硬又乾。⋯六點半網上落單 mark住7:30拎去到仲要十幾分鐘先拎得。。說好的12分鐘？食物出錯 時間管理差不過店員態度算好不斷同我講唔好意思送咗野飲比我咁😅

今日lunch 試左食呢間外賣煲仔飯，可能係用錫紙兜嘅關係，外賣黎到既時候重暖既～唔錯👏🏻我地3個人share，叫左原木花菇滑雞+潤腸臘腸，加多個小食～雞軟骨。雖然個飯冇飯焦，但係都好味既😋好夠味，d雞肉算滑，臘腸同潤腸既口感都唔錯。碗野望落去唔大碗，但係最後我地3個都好飽。（可能只係我地細食😅男同事話食晒一個係夠飽既）至於個雞軟骨，味道就一般般，冇咩驚喜，只係覺得好油，同埋唔夠香口。試一次就可以。

第二次嗌😋撞正繁忙時間，比起平時嘅12分鐘等得耐咗少少，不過都係幾分鐘嘅事～見煲仔飯有得鰻魚做配料，港日Fusion咁得意！仲要$68就食到原條鰻魚，認真吸引👍🏻仲再加$5要埋花菇，等成件事冇咁寡🤣攞到返去放置10分鐘再食，仲係辣口，保溫度真係好得🔥鰻魚啖啖肉，本身就帶有啲鰻魚汁撈飯都好好食🤩花菇有三粒，粒粒都乒乓波咁上下大細，而且仲好鮮好香，好抵加😳佢有配埋蔥、豉油同埋辣菜脯。加蔥冇乜特別唔太食到；豉油加埋落去就成個煲仔飯韻味出晒嚟；辣菜脯都好好食，不過今次我嗌嘅鰻魚本身已經有汁，菜脯再加埋落去就會太過重口味。剷到落底都係有飯焦，上次食都係有，睇嚟都好Stable👍🏻👍🏻👍🏻不過飯焦再多啲就正啦😆會繼續翻炒試吓其他口味😏😏😏

咁啱喺附近staycation，見到有呢一間外賣食煲仔飯，好似幾吸引，決定就試試佢，價錢都幾吸引。攞到返去，都仲係熱辣辣，好有feel。肉餅有肉汁，撈飯一流，連埋鹹蛋黃，更加絕配。

今次係第二次食啦, 第一次叫咗兩款肉餅, 今次試另一款肉餅和海味三寶, 肉餅ok嘅 , 海味三寶只得兩個字: 咸，乾。 龍蝦乾就得乾， 元貝和銀魚好似用咗鹽水醃製咁， 覺得食緊鹽和白飯 應該冇第三次幫襯囉

朋友推薦一試難忘💫💦朋友上次經過彌敦道買咗呢間煲仔飯食 食完之後係咁話想再返兜 今次經過見到就到我試下🤭飯方面今次叫咗《牛魔王雙窩蛋飯》、《芝士流心雞肉餅飯》同《黃金流沙肉餅飯》、《滑雞臘腸》；小食就叫咗《煲仔焗蜆》同最新岀嘅《煎焗煙鴨胸》&《椒鹽雞軟骨》🤪全部飯啲餸都好足🤣多到食唔晒 飯底亦都有做到店家所講的黃金香脆飯焦🤤好感嘆外賣煲仔飯都做到堂食嘅質素✨仲唔使身水身汗咁食🥵小食亦係佛心份量！《煲仔焗蜆》打開真係粒粒有肉而且飽滿🤭鮮尖椒同胡椒嘅辣令人更加開胃🤤另外兩個小食亦都唔差 一行四人食都完全足夠👌🏻總括嚟講呢間專做外賣嘅煲仔飯店真係有驚喜🔥拎到返屋企先食都仲係熱嘅狀態 下次會想再回頭一試！！🥰

提提大家Lunch Hour會好多人幫襯，所以我已經save左佢地電話，通常會朝早whatsapp叫定先，佢地好準時會整好，落去一拎就行得 👍🏻今次再試試其他食物🤤叫咗牛魔王雙窩蛋飯+煲仔焗蜆+煎焗鴨胸同同事share🥰牛魔王做到香脆飯焦嘅效果👍🏻 飯焦都牛味濃郁🤤 另外值得讚嘅係連跟飯嘅菜洗得好乾淨！有時lunch焗住出街食/外賣，成日好怕d菜洗唔乾淨，但佢完全無呢個問題 👍🏻至於個蜆一邊拎返公司就已經一邊聞到好香🥲 蜆肉每粒都十分飽滿 而且食落冇沙！✨🤤 成餐飯嘅感覺係好乾淨！呢樣野真係好緊要！

前幾日經過彌敦道，見到新開咗間外賣煲仔飯店🍚平時食煲仔飯又要排隊又熱辣辣🥵依家可以外賣返屋企食煲仔飯真係懶人之選👍🏻見到店舖十分乾淨企理✨開放式廚房可以見到老闆即叫即整，夠晒新鮮🤤今次試咗新岀嘅《牛魔王窩蛋煲仔飯》同埋《芝士流心雞肉餅煲仔飯》😋返到屋企已經過咗半個鐘，打開兩個飯都仲係keep到一定嘅溫度，又唔辣口🥰《牛魔王窩蛋煲仔飯》打開見到有2隻蛋，仲要係流心蛋😍蛋控一定唔可以錯過🍳老闆話係用咗100%澳洲和牛🐂食落牛脂好香 牛味都好濃厚🙌🏻《芝士流心雞肉餅煲仔飯》打開就見到有3塊雞肉餅 份量真係好佛心🤲🏻切開見到有芝士流心 仲可以拉絲🧀打卡一流🤣兩個飯食到底都係超脆飯焦🍚仲會另上豉油菜脯同香蔥🙌🏻難得外賣都食到咁高質嘅煲仔飯🥲買嘅時候仲聞到煲仔焗蜆好香🤤下次一定會試下！