三才魚蛋粉麵

營業中

休息中

久聞大名嘅三才，星期六未到兩點半未有人龍終於可以坐低一試。特意叫四寶河可以一次過試幾樣味道，湯底唔夠味，四寶嘅貢丸同魚餃OK好食，魚蛋無乜味，豬肉丸味道好似益嘅。食完全無滿足感。不過算啦，到此一行，滿足咗好奇心。講真銅鑼灣食飯要地方平靚正非常困難，三才算係咁，價錢貼地，地方乾淨，比起小巴站成條街嘅茶記食物服務品質，三才贏咗。下次路過銅鑼灣要搵地方吃飯，都可能再去三才試吓其他，聽講牛腩、西洋菜餃等等都唔錯。

銅鑼灣想食平靚正港式粉麵，走到渣甸坊街尾就對了，三才魚蛋粉麵，內裡店舖不大，門口已經分外賣和堂食排隊，價錢合理一碗粉麵大約$32-37，撈麵另加$10在店外排隊時已經要下單，今次點了雲吞牛腩撈粗麵上面時撈粗麵一大碟，牛腩有5-6舊，牛腩炆得夠入味夠淋，越食越有口感及牛香，蠔油已加在碟邊旁，不會太咸，粗麵口感適中，份量多，再加上自製辣椒油，越食越香口雲吞是跟上湯一起送上最後加了一份腐乳通菜$17，一大碗油菜，非常抵食

住港島成日都落銅鑼灣，有時唔太肚餓，就會去三才食碗魚蛋粉。最鍾意叫佢嘅炸魚片頭，每日新鮮即炸冇油膱味。另外牛丸牛味濃，入面有啲油脂令到個牛丸好Juicy。平時都會嗌炸墨魚蝦條，喺呢度嘅招牌菜。有時夜晚唔知煮咩好，就會買啲炸墨魚蝦條返去煎返香嚟食。亦都會買啲西洋菜餃返去煮麵食，因為夏天西洋菜唔當造，有啲地方買西洋菜餃會唔新鮮，但呢度嘅西洋菜餃係一年四季都咁新鮮冇苦味。仲有鮮蝦雲吞，皮薄餡多，啲蝦又夠大隻。Over嚟講，呢度嘅食物全部都好有質素👍🏻

銅鑼灣粉麵店都好多，今日終於俾我搵到一間隱世人氣高企嘅粉麵店！魚蛋魚片墨魚蝦卷河:聽講呢度啲魚蛋手打自家製，所以一定要嚟試，於是就叫咗個雙拼！魚蛋和魚片口感鮮嫩，果然真係好彈牙！墨魚蝦卷入面有啲粟米粒，整體有海鮮的鮮甜味。牛腩牛筋粗麵同樣都叫咗個雙拼麵，牛腩酥軟，而牛筋軟腍，兩者都好入味！粗麵條口感彈牙，能很好地與牛肉配合。腐乳通菜通菜口感清脆爽口，與腐乳的酸甜鹹香交織在一起。呢間粉麵店上菜快，店員服務殷勤，鍾意食粉面嘅可以試一試。

之前有上網睇過呢間店嘅報道和故事，確實係幾深刻，所以專程嚟試吓。好似大部份嘅食評都話佢嘅魚蛋好食，咁除咗魚蛋呢？所以我試其他嘢。最後選擇咗墨魚丸西洋菜餃粗麵。- 墨魚丸，我覺得可以用唔好食嚟形容，味道和口感似零食魚香腸…- 西洋菜餃，雖然隻餃唔飽滿，不過味道都好食嘅。- 湯底，鹹而不香…其他入貨材料，只能講質素一般…紅醋、辣椒油和蔥等。反而要一讚，店舖面積雖然少，坐得較為逼夾，但係店內衛生情況和燈光好，所以坐得舒服

店名: 三才魚蛋粉麵地址: 銅鑼灣渣甸坊48號采怡閣地下6號舖銅鑼灣F1出口，行2分鐘環境: 3/5價錢: 4/5味道: 4/5銅鑼灣有一間隱世魚蛋粉，每次lunch time都好多人食，今次終於有機會同朋友試下😝魚蛋魚片河❤️❤️❤️❤️$41魚蛋好彈牙，魚肉味好出，粒粒人手打嘅魚蛋，魚片彈牙香口，值得一讚係湯底，魚湯清甜，同河粉絕配🤩鮮蝦水餃河❤️❤️❤️❤️$32嘅個價錢好抵食，粒粒都真材實料，皮薄餡靚，鮮蝦🦐彈牙爽口，必食😋難怪咁多人排隊🙈

在銅鑼灣渣甸坊穿過排檔之中的長長窄巷，隱藏了一間價錢親民的粉麵店，牛腩麵$37，下午茶時間送腐乳通菜一碟，午市&下午茶都是店內最繁忙的時間，食客怱怱吃完下一位便緊接而坐

喺銅鑼灣轉角有一間隱世小店食魚蛋粉每次經過都好多人食今次難得去到冇人排終於可以入去試ﾟ･ 𖥸──-ˋˏ  👣 ˎˊ-──𖥸 ｡ﾟ･今次叫咗魚蛋魚片河 魚蛋好彈牙 魚肉味好香 食得出係人手打嘅魚蛋😍好有誠意 好好食👍🏻魚片正常 都係幾彈牙 我會鍾意食魚蛋多啲湯底偏淡 正程偏向飲緊水咁 所以我最後落咗少少辣椒油吊翻味 落完先至濃味少少😂河粉分量超多😦多到食極都仲有好多😂最後真係好努力食都食唔晒👍🏻超抵食ﾟ･ 𖥸──-ˋˏ  👣 ˎˊ-──𖥸 ｡ﾟ･總括嚟講 喺銅鑼灣鬧市仲食到$41嘅晚餐已經唔知仲可以喺邊度搵 呢種咁有人情味同用心製作嘅小店要多多支持✨抵食：🌟🌟🌟🌟🌟回頭率：🌟🌟🌟🌟🌟環境: 🌟🌟🌟

獨獨一個吃啥好~魚蛋、魚片頭、鮮蝦雲吞、墨魚卷Why not all!!!四拼 + 通菜 一次滿足晒我嘅願望～湯底有別出面濃濃嘅味精，反而係清新魚湯味，配上冬菜、炸蒜令湯頭更提鮮。魚蛋爽口、彈牙，魚片頭再多一份炸過後嘅香味。鮮蝦雲吞皮薄，蝦同肉比例剛好。墨魚卷入面仲有粟米粒同蝦肉，非常有咬口。腐乳通菜份量都幾大碟，綠油油的菜配上秘製腐乳。正是我一般都係全走，但係呢度嘅腐乳醬鹹香好味，另外忍唔住撈晒啲醬嚟食。

真心話：魚蛋魚片河：由湯頭到魚蛋、魚片、河粉都唔好味，湯頭唔香，淡而無味，魚蛋魚片唔新鮮亦唔彈口。炸魚皮：更加唔使講，從來未見過炸魚皮好似陳皮一樣，顏色係深啡，唔知擺咗幾耐，唔好食。一句講晒呢間係我喺香港食過最差嘅一間魚蛋粉，唔明好評喺邊度嚟？我好少俾負評俾到咁徹底，但係一心以為呢間餐廳有咁多好評唔會差得去邊，點知令我徹底失望，今時今日面對顧客北上消費嘅年代，咁樣嘅質素真係好難留住本地客，仲要排隊入去食？銅鑼灣冇其他魚蛋粉？如果佢哋以前嘅質素係好好多嘅話，我都真心希望佢哋可以改進，我都想多啲人留喺香港繼續支持本地消費。

因為要戒口只能吃點輕食填肚子，又不想花大錢吃poki bowl，就找到了感覺最簡單調味又最少伏味的魚蛋粉...想不到又蠻有驚喜同行友人很喜歡墨魚的關係，所以貪心的點了墨魚蝦卷及牛腩雙併粗麵，而我則點了童年回憶魚片魚頭米粉。原本還有點怕墨魚蝦卷會油油的，想不到的是非但不油、反而吃起來覺得有不同的材料及蔬菜粒很健康，有墨魚粒、蝦粒、玉米粒和少許蔥花混合，味道吃起來有蔬菜的甜味，墨魚粒及蝦粒爽爽的口感和鮮度，值得一試! 與友人一起共食了不同的料，一致認同牛腩是最想多單點一份的是偏瘦肉的質地，帶一點點的肥肉，質感很鬆軟不黏牙，肉味濃，最滿意的是份量也不少呵 (大概好像有6塊) 超滿足的!但我同時也很喜歡自己碗中的魚蛋及魚片呢! 入口沒有浮誇的彈牙，是爽滑的感覺，每一口均是濃濃的魚味，不禁想難道是全魚肉製作嗎?!所以我只分了一塊給友人湯底是白白的魚湯色，入口不是稀稀的，略帶濃度、有鮮度但不會過濃，還被友人偷喝了幾口......偏濃口的可以像我一樣加一丁點辣椒油，又更香更開胃之後才發現原來已經剩下一間主店，大家有機會在銅鑼灣經過一定要試試看! 店內還有可外賣的生餃和丸類呢!

點解門外人山人海？ 座無虛席？ 銅鑼灣家庭式，自家製手打魚蛋，自設工場製作價錢由$32起，座位不多，但客人仍然願意為一碗魚蛋/魚片粉等！除了堂食，亦提供外賣自製品，如墨魚蝦條、墨魚條、片頭、魚蛋、魚片等。下午茶餐，還送油菜或熱飲魚片魚蛋河每日鮮製魚蛋魚片，雪白又彈牙，食落有魚味，湯底較清淡，配上冬菜，炸蒜及香蔥一齊食會更佳淨魚片頭魚片頭炸過，所以整片都是金黃色，比魚蛋魚片都香及爽彈炸魚皮魚皮亦是自己炸，脆卜卜，味道比較濃，浸在湯裡面，一半脆一半軟更加滋味

好耐冇去銅鑼灣，今日岩岩好係附近有嘢做，結束之後想食啲清淡嘢，於是就來到好多人推介過嘅「三才魚蛋粉麵」食午餐～穿過渣甸坊攤檔的長長窄巷就可以搵到呢間由家族經營嘅粉麵店，主打新鮮手打魚蛋🍡🍢魚旦魚片頭幼麵（$41➕$8凍檸茶）📝評分：7.5/10魚蛋同魚片頭好彈牙，魚味香濃，感覺得到係真材實料。幼麵口感中規中矩，湯底清淡🍡炸旦粗麵（$34➕$8凍檸茶）📝評分：7/10炸魚蛋都算彈牙，湯底清淡，麵質爽口，配埋炸蒜同少許自家製辣椒油岩岩好～但味道就唔算特別，係其他粉麵店都可以食到🐟炸魚皮（$17）📝評分：5/10細細碟但大舊，口感係脆嘅，顏色偏黃，但味道就真係麻麻，個人覺得冇乜滋味，同埋浸入湯底冇沙沙聲，差啲意思😅大家如果係晏晝2:30-6:00惠顧粉麵可享下午茶餐優惠，免費送油菜一碟/熱飲一杯，凍飲➕$3（我地早左10分鐘入座就冇得食油菜lu…🥺，而且非下午茶時段跟餐凍飲➕$8真係少貴…）個人覺得如果你係銅鑼灣附近做嘢或行街，又岩岩好想食港式粉麵，不妨黎呢度坐一坐，但如果住其他區就唔洗特登過黎架喇…

銅鑼灣嘅｛三才魚蛋粉麵｝鋪頭小小，但長期人多，全因為佢哋嘅食物製作用心認真❤️真材實料做好每一粒丸每一嚿牛腩，非常值得支持幫襯‼️✴️牛肚魚蛋米✴️特登叫咗多蔥，真係多咗超多蔥🌱牛肚軟腍滷得入味，一咬就斷開，食落仲幾有膠質，正❗️魚蛋調味自然，無添加太多味道，帶有淡淡嘅魚鮮味🐟✴️西洋菜餃墨丸河✴️欣賞佢嘅西洋菜餃內餡好多菜，成隻都好飽滿，所以平時我哋都會買生餃返去打邊爐🍲墨丸彈牙，入面有一粒粒墨魚肉，份外爽甜～

之前見YouTube有介紹銅鑼灣家庭式粉麵店，配料好多都係自家製作，終於眼見小龍（並唔使排長龍），可以一試啦！🔸魚蛋魚片拼西洋菜餃河淡淡魚骨湯底非常順口，更用匙羹配上冬菜、青蔥、炸蒜，同湯底融合後更加提升鮮味。西洋菜餃皮薄餡靚，少肉多菜～重點！西洋菜好嫩，完全冇揸😋大愛！魚旦同魚片果然係招牌！香濃魚味，口感彈牙，同坊間一般嘅魚蛋大有分別！一碗冇得挑剔嘅魚蛋粉！🔸炸魚皮自家製炸魚皮零舍唔同！完整大大塊，魚皮厚薄適中，非常香脆鬆化～同攞貨嘅炸魚皮，冇得比🤣🔸泰式無骨鳳爪純粹口痕，原本並冇太大期望嘅泰式鳳爪居然有驚喜！意想唔到粉麵舖嘅泰式鳳爪，酸辣調味恰到好處，配料仲有青瓜絲同紅蘿蔔絲，清脆爽口！🔸油菜腐乳通菜，腐乳醬並唔會過鹹。青菜亦非常鮮嫩👍🏻下午茶附送🙌🏻總括🔹果然名不虛傳，亦食得出小店用心製作。材料用了新鮮，真材實料！價錢經濟實惠，下午茶時段更會附送油菜或飲品。進食期間一路都聽到有其他客人外賣生魚蛋水餃配料。天氣開始轉涼，買生魚蛋同自製水餃作為火鍋配料，確實係個唔錯嘅選擇👍🏻