影片
電話號碼
95121356
66864944
特色
適合大夥人
營業時間
今日營業
14:00 - 22:00
星期一至日
14:00 - 22:00
以上資料只供參考, 請與餐廳確認詳情
屋企人生日搞搞新意思，見到呢度有得玩有得食遠離煩囂，決定一家大細試吓。中午1點度係白沙灘碼頭坐專船快艇(呢個安排最滿意)出去三星漁排。當日天氣好好，去到漁排釣魚工具好充足放哂係枱可以即釣。有冇經歷既人都會享受到樂趣，大人細路都會玩到。大概3點半，就會開爐可以燒嘢食，食物種類都多既，充足，味道唔錯。買左個生日蛋糕同自帶海鮮，仲可以幫手雪藏。食飽又可以再釣。玩到大概7點幾就可以坐返船回程了。總括真係非常滿意，開心！會再來。
繼續閱讀
我就7個人去咁準備方面唔足 所以未能享盡其優勢咁bbq 3點左右開始野食方面就各花入各眼大人238 小童178 咁收費都可以接受好處係佢收畫你錢唔理你帶野黎燒飲料 海鮮都可以自備呢方面唔錯如果準備好曬網同海鮮呢個地點都唔錯好似有麻雀打仲可以免費提供魚排黎釣魚但我建議大家想去就最好自己買定工具或魚杆會好釣好多釣到既可以帶走同燒黎食最好帶埋刀 之類盡量食左野先去買個m記 飯盒一般都頂唔到3點就會餓果到大盒合味道都20蚊盡量帶多d野飲準備好涼茶冰相筒冰都要準備好就可以慢慢享受
繼續閱讀
今日我哋一行10人，去釣魚＋BBQ,我地早上11點去到西貢白沙灣碼頭,他們巳經安排好船接我們,一見到心情大好，，係一隻白色觀光船,感覺好好又舒服,到達魚排後,老闆叫我地可以任用釣魚用具及魚餌，釣下魚先,過左一陣我家小公主已經有收穫，小朋友第一次釣魚,仲要有收穫,（魚是免費攞走的）開心到佢儍左,見到佢開心我當然更加開心啦！到左下午開始BBQ ,d野食任食，味道相當不錯,又包野飲總結今日相當満意,環境舒服，地方企理，野又好食,絕對係一家大細郊遊好地方
繼續閱讀
取消約會，心情不爽，唯有去親親大自然﹗好采朋友仔撞啱有 BBQ party 預埋我啫。先去西貢白沙灣集合，再一齊搭街渡去三星。天氣報告話今日會行雷閃電、橫風橫雨，所以取消廸士尼之旅，但依家雨都無滴囉，頂佢個天文台，情緒惡劣﹗心情不爽，要親親大自然，舒緩舒服。我最鍾意就係海，微風送爽，帶著海水既味道，遠眺大海好 relax。又話搭車入西貢一定經白沙灣，都搵我笨架﹗我住新界架，行馬鞍山西沙唔會經囉，遠好多！的士錶係咁跳，我個心跟住跳！終於到白沙灣碼頭喇，都幾靚喎又清靜。無人既？搞錯呀！唔等我。約左 13:00 加喎，12:45 走晒，頂﹗點做搞手架，離晒譜！要我自己一個搭船去，吼﹗約會已經取消架啦，情緒低落，再長途跋涉黎到西貢，仲要一個人搭街渡，唔黑面就奇啦！火火火！哼﹗要我一個人搭船，今日取消左約會已經好唔開心架啦﹗阿叔仲問我仲咩得我一個，係咪上錯船呀？咪班友未到約定時間走晒唔鬼等我囉，搞手問題，成班人我識 Alan 同 Jessica 兩個啫。海風好舒服，希望好快能平伏因約會告吹而起既懷心情。一個人包船，好寧靜。唔洗十分鐘就到魚排喇 ﹗但我依然火火地。原來白色衫、長頭髮個女仔就係搞手，您想死呀！第一次去魚排燒野食，亦係第一次到三星，週圍行吓考察吓先。比我想像中乾淨又骨子喎，設備都好完善，廁所乾淨無嗅味，攞食物地方都整齊有條理，足夠座位足夠燒烤爐。四周景緻開揚，四面環海，魚排裡面仲有幾處設置左天井，可以直接釣魚添。原來燒烤場有專船免費接送架，但要夠人先免費，散搭每程廿蚊。您就係 Host！大膽呀您！我連名都唔記得。好肚餓呀，開波！大會都係提供一般大路食物，腸仔、紅腸、雜丸、龍蝦丸、多春魚、魚腐、雞中翼、豬扒、牛扒、等等。腸仔、紅腸、雜丸們都穩陣安全，質量味道都合格既，無過咸。我一向燒烤食原味，連蜜糖都唔加。丸唔會成口粉、腸唔係怪味腸。雞扒、豬扒、雞中翼同樣新鮮，全部都醃得香甜美味，無過火無過咸，食完唔會勁頸渴，良心食肆，good！豬扒同雞中翼都非常美味，醃料加肉香，又燒得 juicy 帶碳燒香氣，正！黑椒牛柳，燒到 7 成熟，切得夠厚可以鎖住肉汁，大啖一咬，牛肉肉汁全部沒收，外層質地有趙口而裡面軟滑，黑椒味香濃，又幾好味噃 ﹗魚腐，第一次燒魚腐，Jessica 一試上癮全力燒。成粒啪入口，口感一流，外脆內嫩，非常鬆化。不過我覺得太咸，我唔係太咸得。
繼續閱讀