三皇冰室 (已結業)

路經,被有趣可樂裝修吸引着,進去了.點了西班牙海鮮飯,感覺完全被騙了,說好的海鮮在哪裏?只有一塊炸魚柳,而飯的質感也不好,不夠黏,完全不像西班牙炒飯,份量也少得可憐.好過沒有的羅餸湯,看到顏色便知道.

尼間野見佢裝修唔差 又有扒食 又有意大利飯 價錢約七八十蚊 諗住係D特色餐廳 會俾到人驚喜 點知係個惡夢我入到去 坐底睇餐牌就見 三四個職員 (其中一個係收銀) 企埋一齊係度吹水 但唔緊要 我未叫野食 我話之佢 我都唔係D要求服務質素既人 禮禮貌貌對我就ok 咁就點野食 果幾個職員明明距離我一米都冇 但我都要又揮手 又大叫幾次唔該 先有人知我要點野食咁我叫左個 焗豬扒飯(約$58) 同 凍薄荷抽子蜜(凍 約$23, 跟飯半價)  係等野食既期間 我周圍望 先發覺其他人有水 但我冇 我就問佢地拎左杯水一杯水 唔值錢  但我覺得係間咁貴既餐廳 尼D就要做到足 而且佢地成日吹水 又唔俾杯水我 令我覺得佢地唔尊重客人咁野飲到啦 薄荷抽子蜜 我明明叫左少冰 但都好多冰 D冰又多又大粒 我真係唔知佢有冇少到冰 一飲 嘩 我完全唔知乜野黎 一入口係有薄荷味 但冇抽子味 只有淡淡既苦味 我覺得就好似 有薄荷味既涼茶咁 薄荷同抽子 完全唔夾 我只係feel 到薄荷 抽子淨係得個苦味唔同我講 我真係唔知有抽子蜜既成份 好啦 焗豬扒飯黎啦 一睇已經唔開胃 點解? 因為D汁冇cover曬D飯 而且碟野好細豬扒

嚟銅鑼灣買嘢，見時間幾早，就想食個茶餐. （哩間茶餐廳實在難食到令我第一次寫食評..）個意大利雜菜湯顏色就唔多對路，飲落去d蔬菜（其實就係幾片大白菜同一塊芹菜）已經淋曬，好似煲好放咗好耐咁。迷你肉醬意粉d意粉煮得唔夠耐，好硬身，因而會有種澀味。餐包一般般，比較幹，唔夠鬆軟送的熱奶茶（凍要加3元）雖然比較大杯，但奶放得太少，茶味太濃，好苦。哩個茶餐要34元，總結係唔抵，應該乜下次而且成間鋪好似可口可樂專門店，好多霓虹燈閃下閃下，音樂比較吵。

難得放假，咁岩去開銅鑼灣記得聴人講呢間幾特別，所以行兩條街過來店內一排排的卡位擺放得很密其實環境裝潢如同茶餐廳我點選三皇全餐， 餐包暖暖地只屬一般貨仔煎蛋略嫌生了一點，其實可以煎到蛋白剛熟，餘下少許蛋黃汁才是一流鮮茄什菜湯沙爹牛肉螺絲粉，非常香濃的蕃茄湯底，十分醒胃螺絲粉煮得軟靭適中，唔錯沙爹牛肉肉質有點過軟，但醃得頗為入味凍咖啡一般般，奶味過重冰太多埋單$46，一個下午茶我諗價錢算貴，感覺物非所值無乜意慾令我會再嚟

OT到晚上11：00才收工,超肚餓經過三皇冰室,門面光猛,便入去試下人客不多,冷氣不太夠辛苦了一天,獎勵下自己,order了最貴的西冷牛扒晚餐羅宋湯ok主菜牛扒好細塊,又鞋又無味,不太熱,配菜焗薯又太硬,又冷冰冰可樂飲唔哂,不能連瓶拿走埋單竟然要加一,$170價錢不重要,但是這樣的食物質素,實在好過份

Boyfriend always laughs at me for always going to overpriced rip off cha chan tengs when I eat alone and decide on something fast and cheap that isn't fast food or food court. But it honestly isn't my fault as all the better cha chan tengs are all in Chinese and I can't read a single word of it. And when I go in to one of those on my own, I get the usual annoyed look from the wait staff when you are delaying their time by being indecisive. So, I end up here..cha chan tengs with English menus tha

唔洗特登去 間鋪用玻璃樽可樂做招牌不過個人認為可樂係fill落樽到 唔係原裝即開架 (我估咋)因為冇乜氣之餘 味道似麥記！食物都係一般茶餐廳水準不過牛柳都有d驚喜 juicy肉味都唔錯都算平呀烤菠蘿雞都幾有好 係雞脾同雞全翼醃得入味冇雪味唯一差既就係咸檸樂蛋 把鬼 個可樂jelly太多魚膠 又硬又膠冇可樂味同埋可樂本身冇乜氣 唔好飲！

前菜有碎蛋沙律同茄乾沙沙揀，不過男人話唔識欣賞個沙沙（我無試）而個湯，佢寫什菜湯，但事實上係羅宋湯，而個粟米忌廉…不過不失～西冷是男人的，我都食咗兩三啖，係唔錯！我食嘅係三皇推介嘅「特濃」墨汁蜆肉意粉～ＧＯＯＤ！雖然好少食墨意，不過真係未過咁黑嘅…黑到差啲分唔到洋蔥、青椒同意粉～（到最後只能靠外形辨認）不過，黑只不過係噱頭，意粉炒得好就係真嘅～雖然好似黑到咩都睇唔出咁，不過炒得好香，好好味～衰就衰在啲蜆，細到好似無肉咁…扣分！如果你問我會唔會再去，我諗我會有保留…因為以咁嘅價錢，我認為平平哋去連鎖快餐店剧個幾十蚊鐵板扒加個幾十蚊邊爐，又或者俾多少少食好啲反而更好…又或者係…如果佢有令我驚喜嘅好味程度，或者我會接受到佢嘅價錢…？（呢餐嘅可接受價錢，最多只值＄２００－內吧？）

銅鑼灣竟有可口可樂的主題餐廳?這是我一直之前在這裡工作這麼久也沒有聽過的，在網絡上看了openrice三皇冰室的食評，發現了這個特別的餐廳以後便急不及待想試了，配合食評好像還不錯，二話不說便去了。之前在這條街日日食譚仔都行過幾次也不發覺，過門而不入，原因是在門面來看，它只是一間普通到唔普通的茶記，只不過門面較精美而己。當我知道是謝斐道這個地方，更期待小小的鋪有什麼特別，誰知坐下後真的很有親切感，我不是可口可樂的狂迷，只不過進來的確有很大的歸屬感, 自以到大都看過很多不同樽的可口可樂，這裡有很多不同年代，不同形態，不同國家，不同裝飾的可口可樂樽和可口可樂罐，全都放在了幾個大櫃內，的確，如果你是可口可樂迷看著這些一定是件賞心悅目的事。因為今天來到的時候還是十一點多，本來想試menu中特別的炒一丁，不過還是早餐時間，所以炒野沒有供應，只能叫早餐。早餐有沙爹牛肉麵，炒蛋和牛油餐，想試其特別的飲品，可惜好像不太配早餐，所以都是叫一杯奶茶便算。沙爹牛肉麵是一丁來的，味道濃郁，不過牛肉質素好普通，但的確那個沙爹汁都令到碗出前一丁煮得不賴。炒蛋是可以的，炒得嫩滑而且應該加了不少奶和忌廉，香很多和濃好多

過海到銅鑼灣，去咗以可口可樂為主題嘅三皇餐廳食午飯。一入餐廳，就比可口可樂十面埋伏。陳生點咗咖喱雞飯餐而我就冇乜胃口，但見到成間餐廳都係可口可樂，耳濡目染之下，搞到我好想飲番杯冰涼嘅可口可樂。佢哋嘅策略成功咗。首先講咖喱雞飯餐，跟紅湯同埋一杯野飲。紅湯係普通茶餐廳貨色，比較稀，咖喱係中式咖喱，味道正路。咖喱雞份量適中，尚算惹味，而且薯仔炆得好淋，所以食每一啖薯仔都有香濃的咖喱味，送飯唔錯。所謂咸檸樂蛋，顧名思義就係鹹檸檬加上可口可樂，而「蛋」就係可樂啫喱糖啦，啫喱糖好重魚膠粉，比較硬身，所以在可樂裡頭不會溶化。可樂加上鹹檸檬，味道鹹鹹甜甜，几特別。不過老實講，三皇餐廳的可樂略嫌搶錢，一罐可樂加几粒啫喱糖同埋鹹檸檬就盛惠$26大元。冇計啦，出得銅鑼灣食飯都預左係呢個價位。

咁快寫食評通常只有兩個原因，一係超好味想即刻推介，一係太差想即刻話比大家知，以消除心中嘅怨氣，哈哈！ 今次好不幸係後者，但食物係 ok 架！只係最初 order 時遇到令人O 嘴嘅服務。 先講食物，我和男朋友都叫了 set . 餐湯：蘑菇忌廉，可以接受，但係以茶餐廳質素而言。麵包: 都係茶餐廳質素啦! 前菜（跟晚餐）：軟殼蟹沙律，軟殻蟹 ok. 沙律菜都新鮮，係好多水，沙律菜再乾身D就好。意大利蝦海鮮飯：賣相幾靚，蝦上鋪滿芝士煙肉，十分香口，飯嘅軟硬適中，夾左蜆肉及洋蔥，口感及味道都頗豐富，呢碟嘅質素就match返西餐嘅水準同價錢。鐵板牛扒: 同花園餐廳嘅質素、味道差不多，肉較林，唔係咁有牛味，唔叫好味但都可以接受。餐飲：可以不加錢叫細支裝可樂 加$30甜品：男朋友想食香蕉船，咁試下啦！基本上你比我揀，我一定唔會叫，因為只係香蕉、雪糕、cream 放埋一齊，屬無誠意之作。 本人覺得賣相一D都唔討好，同相有出入， 亦無配料如脆筒、威化等。香蕉一條切開兩半，大量 cream 及兩球 Vanilla 雪糕，旁邊配左唔係咁 match 嘅可樂啫喱。可樂 Jelly 超 un, 似趙緊擦字膠，唔

上一次又係比較夜既時候係銅鑼灣搵食，好多都已經last order 左，好彩搵到依間＂可口可樂＂既餐廳就決定試下。今次同朋友叫左set dinner，價錢算ok啦，百零蚊一個人，有餐湯，沙律，主菜。我叫左個煙三文魚蟹籵意大利飯，初頭都有點擔心會唔好食，因為意大利飯都係比較硬身少少，一煮得唔好就好難食。好彩黎到之後出奇地咁好食！好滿足！個汁係用左卡邦那果隻汁，飯身硬度適中。食完都好飽下！埋單兩人二百零，真係好抵食！

星期六出左銅鑼灣，本身食第2樣，不過人地落場，只好轉地方行到差不多到翠華果時見到新開左呢間野，男友話試下咪入去食$40的常餐，真係「大件夾抵食」，包都未必係新鮮野，可能隔過夜，用的牛油無味，都oo地，第2d茶記既蛋都有呢度1倍多，再加埋果塊漢堡扒，唉！$20蚊都俾多你蘑菇煙肉麥多士，加左個bbq醬叫做幾野味，不過不失真心講句，你有錢整埋d led閃燈裝飾，不如執好少少你d食材，可能中意飲可樂的人會俾你吸引到，但我下次會簡隔離d餐廳環境都唔算太乾淨，有隻都幾大的烏蠅係你附近飛，角落位又迫又曬，夏天角位又無咩冷氣

在伊莉莎白體育館睇完森美talk show “森美要滾”，與友人去一蘭挑戰對排隊的耐性。到步時為11:15，得知要至少要等兩小時，還是放棄了。順著路往信和廣場方向走，看到這家三皇冰室裝修十分特別，是以可口可樂作為主題，十分搶眼。由於友人十分喜歡可樂，所以就敲定來這裡吃個面。餐單上除了湯麵餐外，其實還供應牛扒等比較heavy的晚餐套餐，也有沙律焗飯和甜品。應該可以滿足不同人的需求吧。值得一提的是，在這充滿可口可樂氛圍的餐廳裡，點一枝瓶裝可口可樂是需要15大洋的。最終我們點了：沙爹牛肉辛辣面($30)五香肉丁煎蛋一丁($28+$6(雙拼))這種食物沒有什麽技巧可言吧？所以就是跟在家吃的味道一樣。只是友人的一丁略嫌軟身了。此餐廳有加一服務費

On my previous visit the tea sets were quite impressive so decided to come here again.I was slightly disappointed because the tea set menu has changed and there are less items to choose from.The prices have also gone up too.★☆★☆★☆★☆★☆★☆★☆★☆★☆★☆★☆★Interesting drink:Coke with salted lemon and coke jelly!★☆★☆★☆★☆★☆★☆★☆★☆★☆★☆★☆★Garlic bread with liver pate:This was delicious and the liver pate was really velvety and silky, but the only let down was there was so much oil on top that I needed to soak