三鍋

營業中

休息中

天氣開始凍又係時候打邊爐啦今晚去左公司附近商廈既三鍋椰子雞煲 (湯底) $198湯底有半隻雞件同椰子條先將湯料放係鍋到熬清甜既椰子雞湯無添加味精好好味手切雪花牛小排 (小: $258; 大: $358)我地兩個人叫左個細既牛小排大概有15塊左右油脂分佈得好平均入口即溶既牛小排好正😍手工鮮蝦水餃 ($78)呢個要推介比大家平時打邊爐多數都係食魚皮餃今次叫左個手工鮮蝦水餃一客有6隻入面有蝦肉、冬菇、木耳絲做餡皮薄餡靚好好食😋濃汁和牛丸拼墨魚丸丸類方面我地揀左牛丸同墨魚丸墨魚丸爽口彈牙食到有墨魚粒係入面牛丸都好juicy咬落去啲肉汁出哂黎水魷 ($48)打邊爐其中一樣必食既係水魷🤣最正既係佢成碟都係魷魚鬚唔洗爭魷魚鬚夠粗煮完都好彈牙👍🏻

入秋時期，友人相聚恰下恰下是必須的，點了個花雕醉雞鍋，港式火鍋店比較少見，我戲言她是想要灌醉我🤣平凡的裝修環境，沒有華麗噱頭的外型，很港式很踏實。·花雕醉雞鍋底材料岩豐富，份量也毫不吝嗇，醉雞肉質也很嫩，就算放到鍋裡熬了很久也是嫩滑的，嚐了幾口湯底超鮮甜☺️·來一客手切牛小排，厚厚的一片片，雪花紋肥美☺️明明點小份也給超多的🤤和牛丸味道很濃郁但不油膩，鮮蝦丸彈牙也足料，是蝦滑包著蝦肉的質感，不是馬馬虎虎。·重口味友人心儀蜆介鯪魚球，減肥中但破戒怒吃即炸響鈴🤤整體來講是划算的，是地理位置僻了些。·花雕醉雞鍋·手切牛小排·濃汁和牛丸手工鮮蝦丸·蜆介鯪魚球·即炸響鈴·什菌拼盤

香港人鐘意火鍋,365日都可以食火鍋香港越開越多火鍋店,火鍋鋪,有放題有單點各有各做各有特色,最近搵到間主打新鮮健康既火鍋專門店,食材以鮮,少油鹽,味美做主打!坐低先裝返碗蔥花辣椒先,再慢慢決定食咩火鍋最後係咁多款湯底入面選擇了今期最hit既椰子雞湯鍋,半隻三黃雞,用鮮椰青水做湯底先食雞後飲湯,清甜鮮味,雞肉嫩滑份量十足雞皮薄,肉質細緻鮮甜,飲左3碗椰子雞湯好暖胃飲完雞湯加雞湯再打邊爐,蔬菜索曬雞湯既鮮甜味道清爽好食再食埋雞肉,再慢慢睇下食咩火鍋料呢度主打新鮮自家食材,餃,丸都係自己打叫左份白魚蛋,手工韭菜餃子,一份蔬菜食完唔夠再追加都未遲,唔想一口氣點太多白魚蛋味偏淡,點返少少醬油食岩岩好夠彈牙夠魚味,好食手工餃皮身薄而餡料飽滿,肉鮮味,韭菜多入口滿滿韭菜香氣又食到肉鮮甜味道食到尾再加追鮮蝦餃子同粟米一份下次想食手切牛肉要提早預訂留料粟米都有6件,又夠甜又大件鮮蝦肉餃,夠大隻又食到蝦肉既彈牙鮮甜埋單仲有番薯糖水,重甜又夠薑汁味#三鍋 #WWWDinningLimited #火鍋 #打邊爐地址：灣仔告士打道229-230號宇宙商業大廈2樓

天氣轉涼，又是火鍋季節！朋友之前試過用外賣速遞app 在這店叫配料回家享用，天文台又一早預告了今天氣溫會驟降，雖然只有二人成行，都決定要外出打邊爐。看了其他食評，對椰子雞鍋讚不絕口，我們也點了來試。可以說是童叟無欺，雞已斬件，配合以椰子水煲的湯，和椰子肉，加上像面盆般大的鍋，很有氣勢。絕對要讚這個椰子雞湯，清甜，為任何食物加分。我們點了細份的手切肥牛雪花牛小排，牛味濃，滑身，軟熟，但又有點咬口，絕對推介！墨魚滑爽口彈牙，份量不少，也屬火鍋必吃之類。鮮腐竹吸收了清甜的椰子雞湯，倍添美味。連油麥菜都處理得很好。西洋菜餃可說是飽肚的選擇，看來是自家製的西洋菜餃，大大隻，勁飽肚，也十分好味，抵食！這裡應該有間貴賓房，在店員進出期間，打開門之際，聽到內裡有人正在唱卡拉OK，有得食，又有得唱，食物的質素高，連姐姐的服務也好，絕對可以成為我們的新私竇。一定會再幫襯。

呢度都算隱世，在樓下都覺得唔似有得食，大廈𨋢到先覺得出奇，竟然有間餐廳在度。入到去似人地啲房菜館，地方雖然唔係好大啦，每張枱與枱既空間都夠，除咗廳之外，都有房可以坐。坐低無耐，先黎自己調醬料。我地點左椰子雞，脆肉鯇魚腩，仲有蝦滑、墨魚滑、什菌拼盤、白蘿蔔、淮山、生菜、稻庭烏冬。白蘿蔔好正👍🏻墨魚滑、蝦滑都好食，唔腥。食物都好新鮮、好食，我地部分食物有折，埋單$512，最貴係果份脆肉鯇魚腩，不過總體黎講都係食得過。😉

呢間隱蔽既火鍋店,係銅鑼灣鵝頸橋附近 大廈門口會有招牌依度坐得幾舒服，無人催我哋交枱,店舖內有vip房,有卡拉ok和麻雀打今次選擇了蕃茄薯仔鱷魚肉湯手打丸真心好正，新鮮爽口，彈牙有嚼勁，煮耐咗都唔會老 魚丸墨魚丸食落幾新鮮,超級推薦 炸響鈴每日新鮮炸好,香脆好味薄片豚肉肥瘦均勻打邊爐真係唔可以冇牛🤤🤤呢個牛小排真係不得了🤩油脂分布平均，又好香牛味，肉質嫩滑😍輕輕滾幾滾就食得🤓西洋菜餃大大隻,皮薄餡靚，又飽滿分量十足，食得超級滿足

三五知己開心打邊爐同朋友4人好耐無聚，便諗住打邊爐傾吓偈，所以來了這𥚃一試。鋪面不大不會太多人，環境都好乾淨，還有獨立廁所，都好整潔，疫情下都好放心。食物來了，我們四個女仔叫左椰子雞煲，d雞好嫩滑好有雞味，應該是用新鮮雞，佢個煲好夠大，可以睇清楚d食物，四個人打好舒服，正！！我們叫左好多蔬菜，全部都好乾淨新鮮。淮山好爽脆，皇帝菜好嫩，竹笙好滑同入味，麻辣鴨血好滑又好入味，仲有墨魚丸超級爽口同彈牙，好耐未食過咁好食的墨魚丸，好飽的情況下我都食左3粒，仲有好特別的梅菜肉丸，又係好得意好好食，今餐太飽了，好盡興啊！！開心🤪

同朋友收工想搵個地方打邊爐見到呢間好似幾抵食胡椒豬肚湯拼麻辣火鍋手切雪花牛小排呢個真係一定要食，因為份量比上中大好多同埋油脂分布均勻非常濃郁嘅口味，重牛味！即炸響鈴🔔非常酥脆而且大大嚿擺落湯底裏面真係好正手工鮮蝦西洋菜餃西洋菜好多地方都冇居然呢度有呢個特色餃子仲要大大嚿好有口感西洋菜好新鮮又大份！打邊爐鍾意食呢樣新鮮雞(半隻)新鮮雞嘅份量比想像中多同埋雞件夠滑與絕對唔會覺得好鞋口牛百葉會有爽口嘅感覺，唔好煮太耐！手工鮮墨魚滑可以自己整成一粒粒擺落湯爽口彈牙而且墨魚味好濃郁

好耐冇打邊爐🤫🤣揾到呢間隱蔽既火鍋店😎其實佢都近銅鑼灣鵝頸橋，地點算好方便，唔難搵☝🏻佢地方雖然唔係好大，但望落都好企理😊我地平日夜晚黎就唔算太多人，所以坐得好舒服，可以同朋友慢慢食下野傾下偈😌.🐣椰子雞煲 $198 (4/5)見椰子雞煲呢個湯底好多人推介過，所以都好想試下😬佢係用咗椰子水、椰子肉同半隻雞😌先將雞件同椰子條倒入煲，熬一陣就可以先飲碗椰子湯，味道清甜又可以清下熱👍🏻鐘意湯底唔太濃既朋友就啱哂😬雞件都好嫩滑，不過我地兩個人食半隻雞都唔少野😂😂.🐮手切雪花牛小排 (小) $258 (5/5)打邊爐真係唔可以冇牛🤤🤤呢個牛小排真係不得了🤩油脂分布平均，又好香牛味，肉質嫩滑😍輕輕滾幾滾就食得🤓. 🥟手工鮮蝦水餃 $78 (4.5/5)呢個推薦大家試下！皮薄餡靚，大粒又飽滿，食得過😋除左蝦肉，仲有啲木耳，所以咬落爽口得黎又啖啖肉，出面真係好少食到咁正既鮮蝦水餃👍🏻.🍡濃汁和牛丸 $88 (4.5/5)呢個牛丸都值得試！彈牙又有咬口既牛丸，又juicy 😛.🦆台式鴨血 $68 (3.5/5)好耐冇食鴨血，就叫碟補補佢🤭🤣冇話諗過咁厚切😮仲要有好多片，好抵食😌.🥤竹蓆茅根 $18酸梅湯

今晚有去十下十下先， 湯底選擇有好多，今晚叫咗椰子雞煲併麻辣火鍋， 鴛鴦湯底抵食！ 都係計你一個湯底嘅價錢 ，198$,湯底超甜，好足料！先嚟一個小食先叫咗脆香午餐肉48$， 新鮮即炸熱辣辣外脆內軟 放入 火鍋煮幾秒又得， 以前唔食午餐肉但係發現打邊爐食真係好正😍另一推介嘅就係美國安格斯雪花肥牛$198， 睇張相就知佢嘅花紋真係好靚被收均勻 而且有牛肉香味， 每一件亦都夠大塊 整齊， 實在是一碟高質嘅肥牛～ 呢個幾多錢嚟講都算係性價比高～

今日黎左間非常隱蔽既火鍋店。可能純粹係我唔熟路XD不過鋪頭好舒服, 又乾淨, 空間好大, 唔會痴住隔離坐又冇食到成身一大陣味一坐低有個好NICE既姐姐就俾左茶同醬料我地先。中間呢個係自家製四川辣醬, 唔算好辣, 不過好香, 有豆豉味我地揀左雙拼湯底: 皮蛋清湯 同埋 冬蔭功, 2個都可以當湯飲, 完全冇味精, 食到尾都仲係好濃味, 冬蔭功都幾酸, 仲有青口係裡面㗎!!羊肉片 ($ 138)都有D厚度, 唔會薄到透明個種, 很好. 唔膻濃汁牛丸 ($88)真係好多汁, 好香牛味, 仲有8粒, 比好多地方抵食!!老友鬼鬼 ($68)8舊有一半係鯪魚球, 一半係墨魚滑。即食都好正呀!! 小插曲: 初初姐姐以前我地叫左響鈴, 我食左一舊先發現, 仍仲話唔緊要, 請我地食, 仲請多舊比我男朋友XD人超好!! 響鈴都好大件好脆㗎!!牛黃喉 ($88)呢個係香港唔係周圍都有, 平時食開都好薄, 呢到係厚切, 好爽口!!不過記我唔好煮太耐呀白柏葉 ($48)呢到係厚切, 煮完都好大舊! 唔會縮到搵唔番皇帝菜 ($48)

講真，我好耐未食過咁高質素嘅打邊爐廢話少講，直接入正題。我係同條女兩個人上去食。餐廳環境方面， 佢所有嘅卡位都非常闊落， 至少可以坐六個人。 如果你四個人或者兩個人上去食， 嗰空間感簡直係帝王級嘅享受。 即使係大廳嘅圓枱， 彼此之間亦都有一定距離， 令到食客非常自在同埋舒適， 唔會話覺到好辛苦又嘈。難得上到嚟試呢一間主打海鮮嘢嘅火鍋餐廳， 當然要叫一啲少食啲嘅嘢啦。 雖然價錢方面就唔會話好平， 但其實都接受到， 因為真係一分錢一分貨， 同出面嗰啲平價放題完全唔同層次。 我哋嗌咗佢椰子雞煲。 個湯底真係用椰青水煲， 仲有好多片海底椰， 更可以食添， 煮完第一浸雞， 即刻飲下啲湯， 超級鮮甜， 完全冇街出面嗰啲人工味菜式方面， 我哋叫咗美國桶蠔， 海中蝦， 白鱔片， 同埋和牛丸。 即使未落鍋， 淨係用個鼻聞一聞啲海鮮， 都已經知道係非常新鮮， 啲白鱔切得勁薄整齊，切雙飛， 有咬口又易熟。 至於美國桶蠔隻隻飽滿又雪白，咬落去超級creamy。 牛丸亦都係會爆汁， 啲肉嘅纖維入面有少少脂肪粒， 超級爽口彈牙。 最後要讚下啲蝦， 上碟嘅時候還是生的， 隻腳真係識動， 師傅用支竹籤穿住咗， 熟咗之

約左兩個中學同學聚舊 上網搵左呢間三鍋 就去左試一試佢 餐廳係樓上店 個場唔算太大 但反而我就覺得私穩度高好多 適合我地開懷地咁傾計呢度既食物係單點形式 我地叫左鴛鴦湯底(胡椒豬肚+麻辣) 湯底都好足料 勁多豬肚同咸菜 而麻辣既辣度比想像中辣 下次要叫少辣先得手切牛小排: 油脂分佈均勻 入口真係有即溶既感覺 份量亦算頗大 大概有25-30塊左右新鮮雞(半隻): 雞件睇得出唔係雪藏 而且唔係細細隻果d 食落去都好嫩滑 脆炸午餐肉: 呢個係我每次火鍋必叫的食物炸得不錯 而且炸完午餐肉都仲好乾身 唔會油淋淋的感覺濃汁和牛丸: 真係幾好食 丸入面有粒粒狀的和牛脂的啫喱 令到牛味再提升左 真係我都忍唔住口食多幾粒手工鮮蝦水餃: 水餃皮都算簿 而且餡料十足 味道亦算不錯最後侍應姨姨仲送左蕃薯糖水俾我地食 呢個都好好味 勁重薑味 而且蕃薯亦好綿滑 為我地呢餐飯劃上左完美既句號

難得跟朋友見面，當然要找一間較好的餐廳試試，今次來到這間位於銅鑼灣上樓的火鍋店試試!餐廳座位不算很多，可以間出兩間VIP房!沙薑雞腳，因為朋友太肚餓，點了小食吃!這裡的沙薑雞腳沙薑味都幾濃，雞腳軟硬度剛剛好，非常惹味!椰子雞煲，湯底揀選了這個很清甜的椰子雞湯，湯有清甜的椰子水味，放入雞再煮多一陣，有淡淡的雞味，而且湯底越煲越鮮甜，非常美味!美國特級安格斯雪花肥牛，牛肉肉質鬆軟，牛肉味都幾濃，而且不會太肥!手工四寶丸，這裡的四寶丸分別是墨魚丸、蝦丸、鯪魚丸和牛丸!墨魚丸和蝦丸爽口彈牙，而且很鮮味!牛丸味道香濃，內裡很juciy!鮮蝦水餃，這裡的水餃非常大粒，而且餡料滿滿，內裡除了有蝦肉，也有木耳絲，所以食落十分爽口!魚鰾，魚卜打邊爐非常鮮甜，食落爽身，口感豐富!鮮淮山，這個湯底配上鮮淮山特別美味，淮山吸收了的湯的味道，鮮甜爽口，非常美味!唐生菜，這個清湯怎可以不吃蔬菜，唐生菜吸收了湯的味道，特別惹味!

朋友特別喜歡吃火鍋私房菜，因食材上普遍高質，環境私隱度高，座位與座位相隔較遠，沒有都市中的擠壓感，可以慢慢享受人生生活。椰子雞煲以椰子水、椰子肉及半隻雞作湯頭，越熬越出味。雞肉皮爽脂肪少，肉質軟嫩彈牙，骨細肉多。湯頭越熬越濃，加上我們點的均較清淡，湯熬到最尾更鮮香清甜。本地白鱔片鱔片大片色澤亮麗、鱔肉爽脆彈牙、味道魚香無腥。手工家鄉韮菜餃六粒韮菜餃大顆圓滾滾，包裹滿滿鮮香豬肉及爽口韮菜，肉汁鮮嫩可口，餃皮薄滑剛好完整包裹餡料。西洋菜屬季節菜，西洋菜菜根幼細，燙後口感鮮嫩清脆。台式鴨血份量超級多，平日台式料理店一碟幾十只有少少幾片，今次足足十二片，還要片片厚切，口感豐沛充盈。羊肉片羊肉片約十片，厚肉不膻，涮涮椰青湯底，鮮肉味更突出。總括來說，若果一班朋友想要開心聚餐，空間足夠，食物高質，接受中價位價錢，「三鍋」是很不錯選擇。