三點三冰室

營業中

休息中

在Airside 有不少食肆，想吃大眾化食物會選擇冰室，因為選擇多食物大份。店舖在地鐵出口小電梯直達，西式裝修的冰室，帶咖啡店風格挺特別。食物有散點和套餐，跟餐可用優惠價升級飲品🙈。-▪︎雪糕紅豆冰 +HKD$21｜黑牛 +HKD$19飲品是跟餐升級價，點了2款懷舊冰室飲品，也是有軟滑的雪糕拌著🤤。紅豆冰味道香甜，紅豆大粒飽滿。黑牛是可樂跟雪糕，加了雪糕令到可樂錦上添花。-▪︎鮮油多士 HKD$35｜秘制辣雞翼 HKD$62多士和小吃也有多款選擇，也點來吃吃唄。鮮油多士外脆內軟的質感，裡有一層厚牛油😝。雞翼色澤深色挺入味的，肉質鮮嫰入味，味道香濃微辣。-▪︎三點三雜扒餐 HKD$108賣相吸引份量十足的扒餐，裡有豬肉、雞肉、司華力腸及煙肉。跟餐附送日式粟米湯和焗薯蓉，選擇了惹味黑椒汁，醬汁濃郁味道微微辣。啖啖肉食肉獸會喜歡，肉質嫰滑有嚼感。-▪︎咖喱雞扒飯 HKD$78咖喱有幾款肉肉選擇，裡有胡蘿蔔和土豆等配料，也是吸味的食物，吃起來挺惹味。雞肉大件肉質嫰滑，是無骨版本挺方便吃。咖喱質感濃稠，味道不算太辣。-

早前萬聖節，Airside有得玩鬼屋，相約友人去玩！太過驚嚇，玩完之後好肚餓，我們決定找一間餐廳坐低吃晚飯休息一下！見到有一間好大的冰室，座位寬敞，入去坐低之後，見到餐牌的食物也不少，絕不單調！妙齡乳鴿想不到冰室也有乳鴿，即炸的乳鴿熱辣辣，又嫩又多汁，鴿肉有五香味，非常滋味！龍鳳檸樂、熱檸蜜另外要一讚，冰室的飲品種類非常多，有很多懷舊特色飲品！西冷牛扒餐黑椒汁西冷牛扒五成熟配黑椒汁，牛扒有咬口，但不會柴，黑椒汁倒在熱辣辣的鐵板上，發出嗞嗞的聲音，令我回想起細個去扒房既回憶，而且份量十足，十分抵食，還配了粗薯條！老虎蟹避風塘炒麵起初見到餐牌上面寫住大立，猶豫了一會兒，但是見到好多人推介，是冰室的招牌菜，就點了試試！超大隻軟殼蟹，炸到非常鬆脆，切開軟殼蟹裏面還有蟹膏！上面鋪滿炸蒜，辣得好過癮，好惹味！炒麵炒到條條分明，口感好爽！高質素，非常推薦！炸花枝丸又大又彈牙的花枝丸！整體用餐感覺好好！

瑞士雞翼🐥外皮已經老到啡色～但內裡卻保持著肉質既嫩滑。醬汁香濃而不膩，甜中帶些微鹹味，恰到好處😋鹽酥花枝丸（6粒）外層炸到金黃色，外皮炸至酥脆☺️咬下去時，彈牙既花枝丸嘅口感令人驚喜😳真係好彈牙下😛鮑魚蛋白素翅炒飯🍛炒飯米粒分明，口感豐富，鮑魚彈牙🙌🏻三點三冰室📍 九龍城啟德協調道2號AIRSIDE B1樓B127號舖#啟德美食 #香港美食 #香港必食 #香港探店 #香港打卡 #香港旅遊 #香港必喝 #啟德探店 #香港菜餐廳 #香港好去處 #啟德推薦食品

啟德AIRSIDE開咗好多食肆, 一於去這間冰室食吓午餐, 食物多元化, 套餐炒粉麵飯都有, 還有多款懷舊和特色美食, 地方闊落多卡位。豉汁南瓜蒸豬頸肉配白飯份量都唔少, 豬頸肉入口鬆化, 南瓜鮮甜, 加上惹味豉汁, 送飯合適。焗燒汁牛扒飯 即叫即焗, 牛扒腍滑, 燒汁稠厚香濃, 調味適中。xo醬叉燒炒腸粉 腸粉滑溜, xo醬炒得好香口, 叉燒厚肉腍滑, 惹味不肥膩。海南雞飯 雞件嫩滑有雞味, 配以三款醬汁, 黃薑飯好清香, 順滑可口。妙齡乳鴿 乳鴿皮脆肉嫩, 調味恰當, 熱辣辣好香口, 吃得滋味。沙爹牛肉西多士 西多士金黃蛋香, 沙爹牛肉饀料香滑, 加上甜甜糖漿, 鹹甜交雜, 顛覆味蕾, 多層次口感。

又到晚餐時間，要揀快靚正之選，就嚟到Airside的三點三，座位多，上菜快👍🏻🌟#香燒羊架鐵板餐配黑椒汁鐵板上的羊架散發香氣，加上濃郁的黑椒汁，滿滿食慾，香辛風味好惹味，配菜的清新脆口。🌟#西冷牛扒鐵板餐配蒜蓉汁即使係鐵板上高溫下，仲保持肉質鮮嫩多汁，廚師火控制不錯，非常適合牛肉愛好者。🌟#芝心蝦多士外層金黃酥脆，鮮蝦口感爽口鮮甜，每一啖都係芝士和鮮甜的香甜鮮，好正開胃菜。🌟#黑牛（可樂+朱古力雪糕）可樂的氣泡與雪糕的柔滑交織在一起，形成了獨特的口感體驗，解渴又能滿足甜食癮。🌟#狂牛（七喜，士多啤梨雪糕）一款色彩斑斕的飲品，七喜的清甜與士多啤梨雪糕的酸甜，每一口都充滿了果香，清新口味，更是視覺享受，打卡都好正。🌟#日式粟米湯濃郁粟米的甘甜，顏色金黃，入口滑順。去開啟德不妨試下，性價比好高🫶🏻

今日喺啟德呢邊收工，未到食飯時候就去咗airside行街，最後就決定食呢間網上好高人氣嘅冰室。之前都嚟食過，但係今次第一次見到有餐廳嘅人帶埋狗狗嚟，真係勁得意，有狗仔嘅朋友都可以嚟食飯。今日一坐低見到佢哋有個晚餐餐牌有啲扒餐，個名勁得意，叫吱吱又喳喳，個名幾得意，於是決定叫香燒羊架餐，配埋日式粟米湯同薯條。一上枱真係好有氣勢，羊架唔會好搔，亦都唔會好鞋，粟米湯真係好清甜，好creamy！後來朋友們都話不如叫啲小食一齊分享嚟食，最後就決定叫芝心蝦多士同迷你炸饅頭。蝦多士炸得十分之酥脆，啲油亦都完全冇油膱味。三饅頭細細個，幾好食，除咗平時嘅煉奶，更加有maple syrup。朋友就叫咗個南洋喇沙，入面有魚片、豆卜、蝦仁，都算好足料，湯底都好濃郁，個面亦都煮得幾好，呢個口感幾好食。最後都有叫埋個太陽蛋焗肉醬意粉，新鮮出爐嘅焗嘢真係冇得輸，超多肉醬，不過最完美都係個太陽蛋，煎得嗰邊好香，但係蛋黃仲係可以留心嘅，正！

啟德豪宅區，難得找到一間親民的冰室，三點三冰室位置於AIRSIDE，冰室可以說是香港獨特的飲食文化，代表融合了中西美食，展現了啟德城市的多元活力。三點三雜扒餐（20-25分鐘）三點三雜扒、薯條黑椒汁獨特的鐵板體驗，港式鐵板料理，包括魚柳、豬扒、雞扒、煙肉、司華力腸和各種蔬菜，配上香濃的黑椒醬汁，在鐵保持食材的鮮嫩和香氣。鐵板高溫能鎖住食材的鮮汁，口感更佳。黑椒惹味特製醬汁，增添風味。搭配粗炸薯條，平衡口感。雜扒餐奉送日式粟米湯，經濟實惠。狂牛（七喜，士多啤梨雪糕）獨特的風味，賣相漂亮，顏色夢幻，味道酸酸的與適中的雪糕甜度，完美平衡，既不過於酸澀，也不過於甜膩，令人感到清新怡人。老虎蟹避風塘炒麵超喜歡這個炒麵，矜貴的軟殼蟹金黃酥脆，虎蝦增添層次感，大辣夠刺激，老虎蟹個名好得意，避風塘香蒜風味，提升整道菜的香氣，香脆的蒜香炒麵夠晒乾身。避風塘炒麵搭配海鮮增添鮮味，香料更加美味，特製的調味料炒製而成，構成豐富的晚餐。鰻魚蛋包飯要讚一下廚師好有心思，賣相好靚，不僅美味，還能滿足視覺。鰻魚蛋包飯融合了日式和西式風味的美食，外裹一層薄薄的蛋皮，鋪上美味的鰻魚，色香味俱全。鮮嫩的鰻魚，塗上特製的醬汁

weekend 去airside買完野落左去citysuper隔離間三點三食飯除左傳統茶記items👍🏻佢有啲食物款式都幾特別⭕️ 香燒羊架餐 $128跟餐有粟米忌廉湯🌽羊架餐揀左蒜蓉汁 三塊羊幾大塊 厚身同都淋 少少膻味🤏 伴薯條🍟另外加左杯薄荷咖啡 出面好少飲到依款特飲 唔錯👍🏻 (+$14)⭕️ 二世祖撈丁 $102嘩❗️簡直係豪華版有錢人撈丁💰有成三粒帶子 兩粒花菇 同 一舊鮑魚撈面底調味都啱啱好 好惹味😌然後order左杯紅豆🫘杏霜 好好飲🤗 （+$19)⭕️ 焗牛脷芝士意粉 $78仲見到有個比較特別嘅焗牛脷芝士意粉👅🍝見到賣相已經流哂口水🤤牛脷都比得幾多 有4塊 芝士🧀滿滿拉到絲

放工去左airside 平平地去冰室三點三茶記價錢但環境極佳好乾淨又舒服三點三雜扒餐跟粟米湯司華力腸，雞扒，豬扒，煙肉，薯條好豐富，司華力腸勁巨型，雞扒同豬扒都好軟滑，仲有薯條，勁飽肚，超值檸檬百香果茶妙齡乳鴿皮脆肉嫩，吾會好咸好柴，吾錯海南雞飯檸檬茶海南雞無骨，雞肉夠滑，油飯又香又夠味再跟多個湯哈哈哈炒飯（蝦羔，蝦米及蝦球）蝦羔咸香加彈牙蝦玗球十分香口惹味炒飯粒粒分明迷你炸饅頭（6件）饅頭炸得好脆，裏面好軟熟又吾會好油

冰室其實是茶餐廳的前身，很久之前，冰室因為只賣冷飲和小食而得名，隨著香港社會的變遷，後來逐漸加入了常餐和粉面之類的但現今既冰室種類已經非常繁多，仲俾茶餐廳更好，好似這間三點三冰室咁，不是主食、菠蘿油、奶油多等等咁簡單有鐵板、喇沙、芝心蝦多士、避風塘炒麵等等我今日就叫咗秘製咖喱豬扒飯、鐵板羊架、叉燒滑蛋飯及乳鴿，樣樣都好高性價比，鐵板香燒羊架都係$128 ，非常超值，三大件羊架都係厚切🤩而且呢度座位非常舒適，卡位非常闊落，而且服務友善，值得encore

移英舊同學與家人回港探親，他最懷念香港茶餐廳，於是今日相約到Airside一遊，逛完大商場，便到最底層的茶餐廳食飯。.全部套餐都包飲品，小朋友想改飲特飲，半價便飲到，非常抵啊。.食物質素不錯，最吸引的是比普通茶餐廳有更多新產品，例如炒腸粉和炸熱狗，有新意又好味。.炒腸粉的叉燒大大塊，加了不少芽菜，XO醬惹味。炸熱狗外脆內軟，滑蛋中有芝士和洋蔥粒，特別滋味。小朋友選的黑牛真是童年回憶，好正。我下次都要扮小朋友叫一杯！.其它都正常發揮，不錯。.XO醬叉燒炒腸粉（$58）洋蔥芝士滑蛋炸熱狗（$42）美極乾炒牛河（$55）焗黑松露蘑菇汁雞扒飯（$72）妙齡乳鴿（$62）老火湯（+$3）熱奶茶（$0）黑牛（+$19）雪糕紅豆冰（+$21）

有事要經過 Airside，在OpenRice search邊間食店對辦，見這間冰室評價好。在門口可以按飛排隊，不用等很耐就有位。叫了常餐選沙嗲牛麵，加錢upgrade雪糕紅豆冰。火腿奄烈份量不多，蛋炒得嫩滑，濃濃蛋香，丹麥多士塗有牛油，味道不錯。沙嗲汁正常可以，牛肉是滑牛，都算合格，麵煮得淋了，整體可以。雪糕紅豆冰花奶夠多，紅豆不淋不硬，可以。

點了喇沙同海南雞飯，全部難吃到暴。喇沙燙無味，海南雞全部散散啲，好似人啲食完再扎返做一碟啤我啲。果飯係凍既，醬汁都唔安，連奶茶都係唔合格。完全不知點會摞到100幾個好評

呢日嚟咗呢間冰室食飯🤣$82「鮑魚蛋白素翅炒飯」：見到有鮑魚炒飯，想食，咁就叫咗🤣，蛋白炒飯炒得幾香，仲加咗啲菜頭幾爽口，鮑魚有少少咬頭得嚟又幾軟熟喎，整體幾好食😋跟餐加 $21 「雪糕紅豆冰」：大大杯，凍冰冰，雪糕甜甜哋，幾好飲幾好食🤣$102「二世祖撈丁」：見到又有鮑魚，咁又叫🤣；出前一丁就必然係好食啦😆，仲好似係撈咗瑞士汁所以甜甜哋🤣，加埋鮑魚帶子西蘭花，幾豪華又幾好食😆😋$72「芝心蝦多士」：一共有6件，蝦多士啱啱炸好夠晒熱，外邊脆脆哋，勁香口，蝦肉喺多士上邊，中間就有啲熱溶咗嘅流心芝士🤩

入嚟坐低,發現個風口吹到正,同一位帶眼鏡男仔職員講: 唔該,我個位風口吹到正,可唔可以轉另一個位?佢話等等。我見有幾張二人檯執梗檯,諗住可以轉過去,結果,佢冇同其他職位高啲嘅職員講,而出面叫號嘅職員不停入客。我見仲有兩張二人檯,就再問多次帶眼鏡職員,佢冇理我。我問另一位女職員,佢態度好差話:攪細咗啦。但我發現啲風都係好大,我就話:唔好意思,都係好大風,我未叫野食架,有冇另一張檯?女職員話:冇位喇,已經攪細咗。我同行朋友話,算啦,快快食飽走啦。我點餐後,食物好快上檯,首先上咗我嗰碗蕃茄豬扒通,唔熱嘅,之後上咗蔥花炒蛋丹麥酥,唔熱嘅。我朋友叫嘅焗飯,呢個熱嘅。到最後,兩杯熱即磨咖啡到咗,兩杯都唔熱,暖嘅,而且冇乜味,7-11同M記仲好飲好多!我朋友同一位職員講: 呀小姐,杯咖啡岩岩上檯,唔熱嘅?你摸吓個杯。個職員好晦氣拎走咗,但轉頭再嚟嗰杯,似係加咗啲熱水落去咁,比之前更加冇味!呢間野,一次都嫌多!喺呢個場嚟講,可能因為算係平,而多人等位幫襯,但係,咁嘅態度同出品,只會攪死自己,連工都冇得做!希望佢公司可以睇到個評語,重新培訓吓內外嘅員工。