上勝日本料理 (億利工業中心) (已結業)

經過荔枝角記起網上曾介紹有間丼飯日本餐廳，上網尋找位置，奇怪係資料話巳結業。憑印象記得大廈位置就找找看，好快就揾到。入到餐廳見到木做裝修，簡單舒服。店員遞上Menu，見到收錢處貼咗張menu，見到一個外賣特價丼飯，只係$60，就買咗兩款試吓，一款有三文魚、油甘魚、蛋，另一款係三文魚、帶子、蟹棒、蛋。返到屋企帶開，嘩…$60有咁嘅質素，係意外嘅，連餐具都有講究，魚生新鮮、油甘魚滑嫩，最意外係蛋好Q彈軟滑，有酸薑、紫蘇葉、青瓜配菜，絕對越過$60價值嘅丼飯，眼見堂食客人都叫生蠔，下次有機會堂食都想試吓。😋

刺身唔知點解係常溫嘅 食落有啲梅梅地呢個價唔洗食啲咁嘅質素嘅之後侍應姐姐落錯咗4次單每次同完我地Check張單都唔啱 隔離枱情況一樣最後個set所有熱食 差唔多有4-5個items都無出到😂因為夠鐘 我地都無要到漏咗單嘅食物就走咗～

午市抵食攻略！ 三文魚海鮮丼🍣鍾意食三文魚嘅你 一定要食佢個三文魚海鮮丼啦三文魚由細到大就食得多啦 好食難食一試過就知！而上勝嘅三文魚海鮮丼都可以話係算幾好食果隻！三文魚嘅脂肪比率都啱啱好 ，記得要將Washi🍥一啖三文魚一啖飯 係呢個返工帝國💼能夠係有限嘅空餘時間  品賞到啲咁精緻嘅三文魚海鮮丼🍣可以話係苦中一點甜～ 🌸而不得不提，餐廳嘅店員服務都幾好 ，落單夠快 同時 見到我杯茶就係無乜 會主動上前 有禮貌哋幫我們加茶🍶而無曬紙巾 都會幫我哋換同攞 人情味好足啊！👍🏻（又去到評分環節啦 ！ 5分🌕為滿分）味道：🌕🌕🌕🌖🌑環境：🌕🌕🌕🌗🌑服務：🌕🌕🌕🌕🌕價錢：🌕🌕🌕🌑🌑今次服務指數可以話係去到5分俾佢 🌕🌕🌕🌕🌕

呢間係巴士站隔離，等緊個時黎左食飯。點知原來冇熱食，得返貴價刺身，要我自己望餐牌先知（後咪見好多人入到黎坐底左見冇熟食都即走）叫左個魚生飯試下，點知d飯淋到入唔到口既魚生完全係普通質素，爭鮮級別。但係爭鮮平好多。仲有海膽賣哂又唔講，落單先知，有冇搞錯呀。如果唔係開正係九巴巴士站既隔離，我真係唔會入去，好中伏。服務九流，唯一比較好係個環境，都叫企埋乾淨，但係食物真係非常差，我真係完全唔知點鮮有咁高評價

睇到以上評價幾好於是試下，套餐價錢$98以上，壽司拖羅、帶子不是太新鮮，特飲桃子乳酪梳打好甜，我們5人午餐叫鳗魚滑蛋飯（大盛）D飯有生米，豬軟骨拉麵，極上牛肉冷麵，花之戀壽司，飛魚子軍艦，芥辣八爪魚軍艦，黑松露帶子壽司，八爪魚壽司，拖羅手卷，吉列蠔一客5件，三個套餐加3杯特飲每杯另加$25，合共$734。付款時才告訴我們今日只收現金，他說網絡差所有平台支付都用唔到，其實是否入座時應該告知客人呢？到找數才說給客人不能用，需要現金，附近是沒有櫃員機。食物已經不是太好，服務也不是好。不明評價為什麼咁高。

今日係荔枝角上完堂食飯，可能係星期日關係，喺依個工廠區附近都有好多餐廳冇開門，反而呢間遠遠都睇到好多人入去，值得一試。佢哋個餐牌都好多元化，有幾十蚊嘅丼至幾百元2人餐都有，其中最吸引係佢有好多刺身加海膽嘅丼都唔會超過$100，睇佢餐牌影啲相都好吸引。角切雜錦魚生丼$60，有三文魚、油甘魚及吞拿魚粒，基本上都鋪滿喺個飯面，魚生嘅質素都唔錯，呢個價錢性價比真係高。特上海膽丼$90，有甜蝦、刺身帶子及大大份海膽，帶子新鮮又鮮甜；估唔到海膽份量同相片顯示差唔多，夠份量，呢款海膽味道唔會好濃烈，但都有感受到濃濃鮮味。燒雞泡魚乾$48，呢個係我最鍾意食嘅小食之一，整整一片雞泡魚乾，燒得好香口。一口和牛$45，雖然唔係最頂級嘅和牛，但和牛始終係好過一般牛肉，牛味濃及淋身，一口一粒。

放假約埋舊同事出嚟聚吓，去荔枝角嘅上勝日本料理，餐廳食物高質款式選擇又多，又其壽司更出色。擺設佈置都係以日本居酒屋無異，入座後感覺好似身在日本居酒屋中。日式秘製咖喱豬軟骨飯，豬軟骨燉煮得入味，肉質勁軟腍，軟骨爽口，咖哩吃起來非常濃香，而且很幼滑。用嚟撈飯絕對惹味！日式吉列豬扒拉麵，選用優質日本拉麵配上鮮制豬骨湯底及全手工制吉列豬扒, 豬扒厚切，外面酥脆，肉質鮮嫩，味道一流！三文魚肉質肥美香潤，腩位脂肪含量最高，口感也最好。壽司飯係用赤酢黎整，每一粒米飯都食得出好香醬油味!

在這條平平無奇的長沙灣道上，有間刺身丼隱世得很，質素不俗十足居酒屋的裝潢，恬靜閒適店內的小店員一個非常開朗，熱誠待客，另一個則10分有禮，值得一提上勝特盛丼$198非常多配料的丼物，一次滿足九個願望！拖羅 拖羅魚蓉 海膽 三文魚 油甘魚 牡丹蝦 帶子 玉子 三文魚籽每款都絕不失禮，最有記憶的是拖羅跟拖羅魚蓉，入口油香超重又無筋 帶子跟牡丹蝦非常香甜三文魚子跟玉子一甜一鹹非常相配海膽也絕無黑邊，值得一試額外的配料有青瓜跟薑片，清清口腔，也是不俗鹽燒豚肉串$28意料之外地用上比例上當洽好的五花腩，入口油香豐腴，質素甚佳

陪表姐去荔枝角交收，之後送佢去搭巴士，等候期間，望到一間上勝日本料理，餐廳擺設好有日本居酒居feel,門前放咗多個餐牌，主打日式料理，價錢公道。表姐話請我入去食完晚餐至走，齊齊入座去！親子四彩刺身丼，有油甘魚、三文魚、帶子、魚籽。刺身優質好新鮮，厚切有口感，油甘魚肉質鮮美清脆，三文魚肉質細嫩鮮美，帶子味道鮮味甘甜，魚籽味道為鹹中帶一絲甜，口感清脆。壽司飯是江戶前赤醋飯，飯粒充滿赤醋醬料香味，十分滋味！炸芝麻雞翼兩隻,即炸雞翼熱辣辣，外皮金黃酥脆，咬開內裡藏著雪白嫩滑的雞肉，香口非常。炸吉列廣島蠔五隻，炸物水準高,不油膩之餘,廣島蠔好鮮味彈牙！

呢到裝修一貫傳統日式木系，比較簡約，環境好舒適。🔹特上海膽丼🔹丼飯料非常多，睇圖片都好震撼，有海膽、帶子、牡丹蝦、蟹子及玉子。賣相同味道都唁錯，海膽味道很鮮甜，帶子及牡丹蝦都好新鮮👍🏻🔹蒲燒肥厚鰻魚飯（大盛）🔹鰻魚肉真係好肥厚，超滿足，配合自家燒汁好好味！🔹雞軟骨餃子🔹平時食餃子多數揀豬肉餡，雞軟骨就未試過，口感脆脆地幾得意，值得推介～🔹極上牛肉鍋🔹有驚喜，坦白講賣相就冇乜特別，但係飲落湯底好鮮，飲完仲唔會有口渴嘅感覺！🔹藍色海洋梳打、蜂蜜柚子茶🔹藍色海洋梳打，酸酸地唔算甜幾好飲；蜂蜜柚子茶，用作飯後解膩一流。.

朋友提議試下呢間日本野估唔到寶物藏於荔枝角😆呢間刺身類既菜品好出色呀推薦黎呢到食刺身軟殼蟹沙律我好鍾意食蟹但又唔鍾意剝殼叫軟殼蟹就岩晒炸得好香口，仲有埋炸脆米蔬菜夾上脆米一齊食口感好好👍🏻三文魚刺身5片朋友叫既，本身唔係特別鍾意三文魚但呢間既三文魚好新鮮食得出既鮮味食到我朋友舔舔脷😋上勝蟹肉三色卷我呢個螃蟹愛好者就梗係會呢個上勝signature 蟹膏、蟹肉、蟹子三色卷真係好好出色一啖入口，滿滿既蟹肉同蟹膏我可以食多十件呀😝北海道刺身丼黎到呢到又點少得刺身丼帶子好新鮮入口軟滑可口仲有2件好粗既蟹棒店家既壽司飯好出色軟硬適中，又用上赤醋偏酸搭配上新鮮嘅刺身真係perfect match👍🏻串燒雞軟骨自私食雞軟骨串係我鍾意既口感夠爽口，但又唔會太乾咸香味最基本既調味日本番薯天婦羅蕃薯好軟糯，用黎做天婦羅食得出原材料嘅味道

同同事放咗工想食少少嘢，就嗌左啲小食兩個坐喺度食咗一陣！見到原來都有唔同嘅丼飯可以選擇！海苔雞軟骨海苔味唔會話好突出，但係佢嘅雞軟骨亦都有少少帶雞肉，口感非常之豐富。燒扇貝（蒜蓉）扇貝非常大隻，蒜蓉味好香，蒜蓉係用炸咗個種，而且睇得出擺盤非常用心！鹽燒雞軟骨串雞軟骨串睇得出應該係人手自己串，味道調校得啱啱好，唔會好鹹。鹽燒雞皮串雞皮串係捲着一條竹籤，食落口好脆口，好似食緊薯片咁。鹽燒牛舌牛舌好厚好入味，就算覺得唔夠味，亦都可以自己加少少鹽同胡椒！巨峰梳打味道比較甜，梳打夠氣！

呢間好近荔枝角地鐵站出口嘅餐廳，你入到去餐廳已經覺得佢啲裝修裝潢好日式，無論係佢嘅Menu定係服務態度都非常之好！鰻魚牛油果卷（6件）呢款鰻魚牛油果卷食落口入口即溶，上面嘅鰻魚亦都幾厚身，而佢嘅壽司飯用咗赤醋，味道亦都唔會好酸。三文魚刺身10片三文魚刺身片都切得幾厚身，新鮮得來亦都冇味融雪嘅情況。而且係接近腩位，價錢來講都幾抵食！生蠔刺身擺盤非常之精美，而且亦都有少少金箔做點綴，味道非常新鮮，口感非常肥美！

行完D2 place見到附近有間日本野聽講佢刺身丼好出色價錢又相宜同朋友決定試下佢北海道刺身丼一上台就見到刺身好澎湃成碗堆滿刺身，完全見唔到飯底北寄貝、蟹肉、帶子、魚子、蟹子同玉子，每樣材料都好新鮮呢個丼真係必叫😍軟殼蟹沙律比料真係一D都唔手軟真係成隻軟殼蟹比你仲有堆到山咁高既蔬菜加上酸甜柚子醋同香脆既軟殼蟹好夾上勝蟹肉三色卷蟹膏包裹住蟹肉蟹膏濃郁既味唔會掩蓋住蟹肉既鮮味反而襯托出蟹肉甜味加上蟹子脆卜卜既口感真係好好味😋三文魚刺身好耐無食過咁新鮮既三文魚刺身刺身新鮮同擺耐左真係食得出有分別呢間刺身厚切，入口冰涼慢慢溶化起口魚油味十足，真係好正👍🏻日本番薯天婦羅岩岩炸好既蕃薯外脆內軟點埋天婦羅汁岩岩好一口接一口😚

荔枝角都幾多野食，不過好味又抵食既日本野就唔算多！呢間日本餐廳都算係區內抵食又新鮮既日本野！餐廳唔算太大，所以book定位就安全d！午市餐牌都有好多選擇，凍同熱野都有好多，鍋物燒物都有，不過次次黎都忍唔住點生冷野上次試過其他幾款丼，都係覺得角切魚生飯性價比最高！午餐好抵食，仲有湯、沙律同小食！小食就會轉既，睇果日佢俾d咩～今日係玉子同秋葵，都ok~主角黎啦～角切魚生丼～都唔細碗架，飯量都多，雖然全部都角切，但都幾新鮮～呢個價錢真係好抵食