上海姥姥 (Citylink)

營業中

休息中

每次經過沙田都要食呢個擔擔麵😋麵條的彈性恰到好處，滑順的口感與香濃的花生醬相得益彰。醬汁的味道醇厚，微微的辛辣感讓人食指大動。每一口都能感受到花生的香氣和酸辣的交織。擔擔面仲可以加排骨，排骨酥脆可口，真係好好味👍🏻👍🏻

好耐無見朋友仔，好難得夾到時間，我突然好想食上海嘢，佢又想去新城市廣場，咁就揀左上海姥姥。其實呢，佢有下午茶餐，不過我哋見有蟹粉系列，所以決定散叫。雞絲粉皮(輕盈）粉皮最重要就係醬汁，呢個麻醬夠香，撈左粉皮好好味。雞絲不會太硬，整體都好味。蟹粉濃湯水餃拉麵呢個一般般，蟹味唔算濃。特上蟹粉小籠包咬落都有湯汁，不過同麵一樣蟹味不夠濃。另外叫左鮮肉鍋貼，因為掛住食唔記得影相下午茶時段指定餐牌有9折，不過蟹粉類就無折啦。整體食物不過不失，但服務就有好大進步空間。第一下午茶時段有好多位，但我哋2人安排2人位，我見隔離2人會有1.5張枱，另一邊直情有2人坐4人位呢2枱人應該係繁忙時段入座，我哋已經2點幾到，好多人走，反而佢俾一張2人枱我哋。好彩啲食物唔係一次過黎，如果唔係一定唔夠位放。另外我哋坐喺貼住間隔嗰張枱，啲姐姐就直接喺嗰到放食物落枱，佢貪方便我ok，但佢明知嗰個位有食物都唔行多2步去另一邊放低同收起唔要嘅碟，要我哋幫佢手攞住碟餸，再幫忙遞個吉碟俾佢。其實佢唔係茶餐廳，要收茶錢亦收加一，我覺得呢個服務唔合格。

上海菜，沙田區上海佬佬講下前菜醉雞 酒味濃雞香滑，之後叫咗鍋貼，水餃，小籠包，紅油抄手，銀絲卷同炸雲吞，都係有上海特色美食，呢間嘅味道可以，價錢有DD貴，環境舒服嘅，可以試下。

星期六中午12點左右同阿媽睇完醫生，搵間餐廳食個lunch，見呢間冇人，唔使等位，所以行咗入去。今時今日嘅週末中午，竟然只有七成客，果然「港人愛北上」。服務員帶我哋去一張非常細的二人枱我告訴她可否坐卡位，反正冇人，她猶豫咗一陣，問我哋幾時可以交返張枱俾佢哋，我話45分鐘之內一定可以！（今時今日香港經濟咁差，仲有呢啲限制，果然趕客）食物方便，叫咗一籠小籠包、一碗麵、雞絲粉皮，中規中矩，跟街上啲細舖頭冇乜分別！沒投訴已經係好事，但係性價比超低。

今日同同事想食中菜，所以就去咗上海姥姥估唔到午市嘅上海粗炒已經賣晒食唔到添最後叫咗黃金蝦仁炒飯，少飯。今日算係炒得幾好食，如果個飯多啲蝦就好啦糖醋雞都唔錯，蔥油排骨就真係唔好叫啦硬骨嘅真係食唔到啊

本來星期日約咗朋友係沙田去睇展覽，出左門口朋友先話會遲D到，咁唯有無聊一個人行下街先，行行吓有啲餓，突然想食嫩雞煨麵，就走左去好耐無食過既上海姥姥。去既時候啱啱過左lunch ，所以都唔使等就直入，用餐過程職員既態度都好好👍！一入去就叫左嫩雞煨麵，等左陣個麵就黎左，好耐冇食過，啲雞唔算嫩都幾”鞋”口，同記憶既味道有出入，但可以接受既。一個人食晒成碗麵都好飽，本黎仲想叫埋個豆沙煎餅好彩無叫唔係一定食唔晒！可能好耐無食既關係，唔記得咗原來除咗加一外仲會計埋茶錢。

呢間餐廳成日都要排長龍，我就最鍾意食上海嘢，每次我都會叫佢嘅小籠包，鄙薄餡靚，咬一啖就已經爆曬汁，好滿足！我仲好鍾意食佢嘅雲吞米湯麵🍜好大碗，湯底仲好清，以雲吞都好足料😍

今日心思思就撲去嗰間人氣旺旺嘅上海小館。行過去，聞到一陣撲鼻嘅香味，叫我即刻肚子叫喚📣。首先，嚟個小籠包，見到啖啖肉餡包裹住冒煙嘅湯汁，我嗌落去嘅時候就忍唔住嘩嘀一聲，真喺好彈牙，好多汁，啖啖肥美𠵱家！跟住，炒米粉🥢，噏你話，條條絲絲，軟腍腍之餘又帶啲微微嘅焦香，食落去滋味真係得嚟又唔膩口。再嚟，必食嘅紅燒肉！肥瘦相間，透住光，真喺幾靚仔。食落去嘅時候肥而不膩，溶喺口裏嘅那刻，我覺得自己夠哂幸福！最後，甜品上場：杏仁豆腐。入口即融，甜而不膩，透心涼，啱啱好圓滿收尾。總括黎講，呢次食飯體驗，真係令人心情大好！啲菜式精緻得嚟，又有嗰份家鄉嘅味道。下次我定會再嚟掃街，搵下仲有冇啲嘢食藏住未試呀！👍🍴🌟

由２０１７年ZＯＥ的食評「服務差到唔想去」到２０２３未小詩的食評，「非常差的體驗不會再光顧」，我們不難發現，雖然上海姥姥這品牌的食物是可以接受，但沙田的上海姥姥服務真是非常差勁。以下我會先分享一下食評，再分享他的差勁服務。有幾款食物是OＫ可以一試的如下：招牌小籠包及生煎鍋貼：皮夠薄。汁夠多，肉質也鮮甜美味四川擔擔麵：不過不失，我見是師博即場拉出來的，口感還可以。但服務有個大問題:１。職員覺得自己忙，所以急燥我食野時不停有眼鏡男職員徘徊高速收餐派餐，但沖水沖茶服務是開到聲，都有排等的，反映我食６３７元３位不是甚麼大單，應該只值得「早點開餐，早點清場，早點走，早點給下位坐」的待遇。１０％服務費，沖杯熱茶是不配得到的。我建議你職員做到急燥的話，不如不要收加１０％服務費，然後叫客人自己去熱水機沖水。２。眼鏡男職員不停嘮叨某枱客坐得耐，更關掉冷氣，令我果枱都熱。今天天氣轉熱，你和其他人鬥氣，何必波及我， 搞到其他客呢。３。百年如一日的態度，不理香港服務業的形象，不理自己品牌形象，自己租了一個人流旺的商場，提供合格的食物就認為足夠了，職員培訓是零，２０１７年被人批評態度有問題，寫到２０２３年都百年

每年上海姥姥都會推出季節限定蟹粉盛宴🦀我咁鐘意食蟹當然唔會錯過！🥰今年新餐牌有個好浪漫嘅名， 叫✨蟹逅上海🌆，包括咗四款好味而各有特色嘅菜式:🦀 蟹粉小籠包我嘅必食推介！皮薄透光嘅小籠包，上面有蟹粉作點綴，一咬落去，濃香嘅蟹油湯汁喺口入面爆發，真係好味到唔知點形容......🦀 蟹粉龍皇脆腸粉腸粉就食得多，蟹粉煎腸粉真係第一次！煎到金黃嘅蝦米腸配上用心製作嘅蟹粉醬汁。每一啖都食得出澎湃的蟹粉，記得趁熱食la！🦀 蟹粉龍皇三鮮丸混合魚肉、蝦肉同蟹肉嘅三鮮丸，毫無腥味反而充滿鮮味！淋上龍蝦湯同埋爆香咗嘅蟹粉，真係非常美味🫖 黑糖薑茶湯丸即叫即搓嘅湯圓非常彈牙，更加係我最愛嘅芝麻餡。食完成個蟹粉盛宴，最啱就係來一碗薑茶作結，暖心暖胃

難得細佬話帶埋爸媽一齊去食飯，咁梗係去啦雖然佢臨尾因為公司有野做所以遲到但係行住街等時間都好快過爸爸係傳統人，出街街係食中式野所以最後細佬揀左呢間，我地walk in去拎位可能時間尚早，6︰30左右去到都仲有位之後就陸逐多人勒，疫情過後星期二既食肆都好full4個人叫左4餸1飯，首先前菜叫左個輕盈既鎮江肴肉黎到發現真係好輕盈，而因為病完既爸爸表示想再食所以再叫encore多過標準再食但我覺得味道唔係特別標青，同平時食既都一樣照顧左爸爸既前菜，然後到媽媽勒媽媽揀左個滬式蔥油雞一上台又係細細碟，賣相亦一般蔥油唔夠入味，雞肉唔夠嫩，入口太淋而細佬推介既椒鹽小黃魚肉質滑無過火，不過用既調咪料就唔岩我口味我估係有D檸檬葉果類野反而椒鹽就有D欠奉然後到我點既鎮江黑醋骨果然最常見既野係最穩陣呢個好夠味好有穫氣，上台熱辣辣份量適中，可以開胃到送哂D飯跟住到個老上海炒飯就咁食味道都偏淡，一定要撈埋上面D肉鬆先好食因為肉鬆甜甜地變相要黎送飯但肉鬆又真係唔算好多，真係得面果浸整體黎講服務都OK，待應都KEEP住幫係斟水但野食就真係有待提升

試過幾好多間上海舖既擔擔面，終於搵到最岩我口味嘅😍面底仲要即拉即煮，唔會一舊舊👍🏻雞絲粉皮同素鵝都係例牌我會叫既，個粉皮芝麻醬香濃得黎唔會太濟，素鵝都係即炸(今次個賣相差少少😹)就算點埋個汁都唔易淋整體來講水準都可以，岩哂一家老少去食，小食份量有得揀大小，可以試多幾樣唔同款

曾經是我最喜歡的餐廳之一，隔左一排未食，今日帶朋友光顧，非常之失望。兩人消費$470+，包括加一，$40一份的四喜烤麩份量只有通常套餐附贈的前菜那麼一小碟，$168一份的水煮魚份量仍然可憐，並且作為招牌菜之一，魚肉竟然係速凍系列，一點魚味都無，食材都不用新鮮的！主食在推薦下叫了魚湯雲吞拉麵，根本無魚湯味道就是清湯，更誇張係雲吞竟然餡未熟透，仲有冰渣，難以置信！叫左服務人員佢地話咁幫你換一碗喇，然後第二碗上來唔知是否報復心態，雲吞和麵全部煮過頭，雲吞全部散曬麵就差再煮多陣就成一團，六十幾蚊一碗既所謂招牌魚湯雲吞拉麵就這樣騙人，真是少見之差！絕對唔會再去，差評

中午時間，等咗一陣就入得。紅油抄手雲吞大大粒，外皮滑嘟嘟，餡肉美味，辣油惹味。好味道。蔥油餅好好味，很喜歡它的口感，脆中帶點煙韌，味道很甘香。四川擔擔麵，加配排骨這個擔擔麵是我吃過覺得最好吃的其中之一，它有很香濃的花生味，湯底十分濃郁，口感細膩醇厚，不辣，麵的軟硬度亦剛好。炸排骨亦非常好吃，外皮炸得十分金黃香脆，內裡肉質嫩滑多汁，味道亦好。揚州炒飯這個味道相對比較平淡，但亦不錯，飯粒粒粒分明爽彈，不油膩。

約舊同事去沙田吃午飯, 揀佢最喜愛的上海菜, 所以就去Citylink 既上海姥姥, 可能是12點前到, 等咗5分鐘就可以入座. 揀野食時發現有時間限定的素菜"姥姥素造",做到4月底(4月30) , 咁就試下先, 叫咗個素肉四川擔擔麵, 佢個湯底濃郁, 同事覺得辣度適中, 但我喜歡重口味, 覺得可再辣啲, 唯有加辣. 另外叫了姥姥素肉小籠包, 雖然是素, 都好好吃，皮薄有湯汁. 再叫平時常吃的糖醋雞球, 上海炒年糕, 素鵝, 雞絲粉皮. 最後仲叫咗芝麻脆湯圓. 嘩, 原來不知不覺叫咗咁多野, 好彩都可清枱, 但今晚就要吃少啲, 平衡返.