上海婆婆 (V City)

營業中

休息中

20:11 入座；20:23上菜；20:40問我有無嘢加；20:50 比張單我埋？夠竟有幾心急收工？10點閂門？星期五放工想舒舒服服食餐飯姐，食唔夠半個鐘就問仲有冇嘢食加，無嘢食加啊？服務好到唔洗你叫埋單呀，自動遞埋單埋你呀！唔講以為自己阻住佢翻枱😂😂😂 夠竟有幾心急要收檔？啲野食就麻麻地，都真係唔會再幫襯 🤮小籠包皮厚，啲薑絲切到勁粗；上海粗炒真係勁咸，仲要唔熱！本身想加多個甜品，但都驚會中伏😵😵屯門應該仲有好多上海野選擇，唔洗食呢間阻住佢哋收工😊

今天經過V City，碰巧想吃滬菜便選擇了光顧上海婆婆。 下午茶時段，店內客人不多，店員安排了一張細圓枱。由於我們共有5人，便向店員要求改坐較寬敞的六人長卡位，但店員聲稱該區域不開放，拒絕作出安排，無奈只好就座。 其後，店員便放下枱號二維碼，要求我們自行點餐。 不用5分鐘，所點的食物全部上枱(食物品質一般，不熱)，店員隨即要求我們先行結算帳單，我們斷言拒絕，現深深體會了香港飲食業為何會如此不濟，跟內地同業有著天淵之別的服務態度。 店舖只懂收取加一服務費用，但不提供相對友善及體貼的服務，當我們拒絕先結算帳單後，店舖男主管隨即態度惡劣，聲稱稍後只會接受信用卡及八達通繳付。經過這次用餐體驗戶，我們決定以後不會再光顧。

N年前上海婆婆嘅選址，期間開過另一間食店(果然做唔掂，真心覺得唔好味)，依家上海婆婆又重開响同一舖位我都係第一次幫襯。老爸同老媽要茄子四季豆炒腩片同銀芽炒鱔糊，腩肉片炒至邊皮位脆香，但味道有少少偏甜而且油咗啲(有茄子都好難唔油)，原諒你啦。銀芽鱔糊份量好足夠，只係鱔肉唔夠新鮮，口感有點淋，銀芽爽口，味道亦唔差。我點的重慶小麵夠香辣，有花生同炸菜做料頭，湯不算油，麵條分明咬口適中。麵餐配個點心，我揀咗4隻小籠包，有驚喜，熱辣辣上枱，皮薄多湯汁

兩姊妹撐枱腳，在V City 搵食，她想食上海菜，於是去咗上海婆婆，因為都8點幾唔諗咁多好快點了菜，點了上海小籠包、韮黃炒鱔糊、宮廷炒飯；小籠包一夾就爛，汁都漏了，味道ok; 韮黃炒鱔糊偏甜，但可以接受，宮廷炒飯其實是鮑魚雞粒蝦仁炒飯，有2只鮑魚，炒飯也算好吃，雞粒蝦仁也多，算係正正常常！整體來說，個人覺得沒以前那麼好吃，服務員態度良好，原先茶水唔夠熱，提出後有立即更換，9點多的時候會叫我們先埋單，可以坐到10點！

今日晚餐嚟到上海婆婆336食嘢，呢度嘅上海菜都算係正宗，味道亦都超唔錯。首先，上海粗炒既味道非常之好，色澤均勻條條粗炒都有醬油嘅味道，而且醬油調校得唔錯，味道唔會好鹹，亦都有少少嘅甜味。之後就有一個糖醋，排骨，肉類既肉量就慢慢地夠啦，骨頭比較多。但係味道都夠甜，所以整體嚟講都算好食。最後仲有一個麻辣雞，麻辣味非常之重，好適合中意食麻辣既人，上海婆婆336整體嚟講，質素都算係唔錯，值得有一個五星好評。

見佢新開返！以前成日食仲係好耐以前既鋪位！就去試下！.用qr code落單～上菜速度極快！！..江南三拼選擇困難最佳選擇.咩都有啲😹😹排骨最好食！水晶肴肉正常。烤麩一睇顏色就知唔對路味道唔係嗰回事。味道偏甜。...花雕醉雞肉質嫩滑，亦有酒香～呢個可以👌🏽👌🏽..黃金炒飯係以前每次食上海婆婆都會叫既野～可惜今次再食，失望！🥲沒有鹹蛋黃的香口.. 火腿肉碎 切得非常非常碎..唯一好既係夠乾身但整碟 就係欠缺咗種鹹香。.唔會再叫佢。

屯門v city買嘢食嘢都幾方便上海婆婆最近在這裡也開設了分店, 地方好闊落, 重點是用餐環境舒適和多卡位, 點心主食多選擇。陳年花彫醉雞雞肉好肥美, 肉質嫩滑又有濃郁花雕酒味, 鹹度又啱啱好, 口感清新鮮味。外婆紅燒肉紅燒肉腍滑鬆化, 吸收的濃郁醬汁, 肥美而不油膩, 還有粉甜嘅栗子, 甜香味道好豐富。農家小炒肉辣辣地惹味又醒胃, 薄切腩肉肥而不膩, 青椒芹菜香口爽脆。酸菜福花菜炒牛仔肉牛仔肉鮮嫩滑溜, 酸菜和福花菜好爽脆, 酸甜清新又開胃。松子菜粒炒飯炒得好有鑊氣, 炒飯乾身, 粒粒分明, 加上松子菜粒, 口感清新又有果仁香氣。生煎鍋貼皮滑焦香, 肉汁豐富。綠茶芋泥餅口感鬆化甜香, 幼滑可口。

葱爆牛仔肉🐮嫩煎牛仔肉與香氣四溢的蔥段完美結合，口感豐富多層。值得推薦給無肉不歡的你們婆婆擔擔麵🍜熱辣辣，辛辣多汁的肉醬與Q彈的麵條，每一口都令人好滿足，兩人食一碗後，仲想叫多碗🤤婆婆粗抄👵🏻食上海必定order一道菜，鮮嫩的肉片與多種蔬菜炒勻，醬汁滲透其中，散發著誘人的香氣。讓人欲罷不能。給您帶來美味的享受松子雞米配叉子🐔香氣撲鼻的松子雞米散發著誘人的香味，酥脆的雞皮搭配軟糯的米飯，口感絕佳👍🏼高力豆沙🫘細緻綿密的豆沙包裹在酥脆的外皮中，豆沙充滿濃厚的紅豆香氣，高力豆沙一定要食啊，甜甜蜜蜜🥰

上海菜是中國一大菜系, 一向甚受食客歡迎。來到屯門西鐵站附近v city商場嘅上海婆婆, 吃一頓上海點心和小炒。外婆紅燒肉紅燒肉吸收濃郁的醬香, 軟嫩鬆化, 而且表面油亮, 色澤紅潤, 賣相和味道同樣吸引, 甜鹹適中, 味道層次豐富。酸菜福花菜炒牛仔肉脆嫩福花菜和酸爽酸菜, 加上鲜嫩 牛仔肉, 味道上互相配合, 口感豐富有層次。農家小炒肉切片豬肉肉質保持鮮嫩, 搭配新鮮 爽脆的青椒和紅椒, 加上適度的辣味, 香口不肥膩。陳年花彫醉雞雞肉滑嫩, 花彫酒的香氣滲透到雞肉, 加上杞子點綴, 酒香清甜, 令人回味。松子菜粒炒飯炒飯好香口, 鬆化松子、火腿粒和菜粒, 清淡中帶鹹香, 飯粒乾爽不油膩。婆婆湯粗麵煙韌彈牙, 湯底鮮味。生煎鍋貼外層酥脆, 饀料多汁。 綠茶芋泥餅清甜酥脆, 幼滑芋泥散發著茶香。

就到新年，辦完年貨當然要好好去醫下個肚，屋企人就話好想食上海菜，咁揀這間味道正宗老字號。🍽️ #松子大黃花要睇上海菜做得好唔好，必點松子大花魚。魚肉炸得剛剛好，唔會過老，冇油膱味。肉質鮮嫩爽脆,松子增添了香脆感，酸甜香口富層次，好食。🥢 #婆婆粒粒炒飯飯粒飽滿粒粒分明，香口鑊氣，作為一道簡單的家常小炒，材料豐富，水準不錯。🥟 #上海小籠包皮薄餡多，汁汁爆漿，口咬下滿滿的肉汁流進口中，味道鮮甜可口。❤️#酒釀丸子淡淡的酒香味，唔會太甜，丸子份量好多，及酒糟配搭得剛剛好，不錯的飯後甜品。

好耐以前都食過上海婆婆嘅其他分店，見商場新開了就試試。每枱都有一個熱水壺，裝住有茶色嘅水，無錯，呢壺可說是水，完全沒有茶味，睇了餐牌，發覺涼菜類價格都幾高，所以唔打算叫，最後叫了生煎包、嫩雞煨麵同農家小炒肉。嫩雞煨麵先到，啲麵有少部分仲痴埋一舊舊，明顯廚房煮嘅時候沒有極鬆，麵亦不是煨麵般嘅質地，湯味淡。農家小炒肉，賣相同味道都極似回鍋肉，只是少了回鍋肉嘅配料-竹筍，味道濃偏咸，但碟頭細，以價錢來講屬於貴。最後嘅生煎包，一見到賣相就知係先蒸熟再煎，完全不是生煎，一夾起個底是軟軟的，即是話根本沒有煎脆，底部只係微微金黃色，都不要期望有肉汁，三個包當中，其中一個仲要有骨嘅😒此店嘅水準同上一手尋魚記一樣，不知道是否只轉了店名，但肯定唔會再嚟食，果杯淡如水嘅茶都仲要收茶錢，真的不了。

成日突然想食上海菜就會諗起去上海婆婆～九龍新界都有分店～而且食物味道好又多選擇～而且價格合理🫶🏻🫶🏻所以耐唔時都會同屋企人去食番餐🤭.✨砂鍋雲吞雞 (小) $102呢個天氣食真係暖笠笠之選～材料仲好豐富：有雞件、足料飽滿嘅雲吞、金華火腿粒、娃娃菜😍滋補強身嘅清潤雞湯飲完令人好舒服～.✨雞絲拌粉皮 $78係Be食上海菜必點之選🫰🏻麻醬拌勻於清爽青瓜絲、爽滑晶瑩粉皮、嫩滑唔嚡口嘅雞絲之中～經典美味組合🥰🥰.✨黄金四季豆 $78必須推薦❗❗油而不膩嘅咸蛋黃均勻佈滿於青翠四季豆之上～香口又好味道～一條接一條放入口樂此不疲😋.✨婆婆粒粒炒飯 $82放有大量臘腸粒令米飯粒充滿臘味香氣～仲有彃口蝦仁加持🦐炒飯亦炒得好夠鑊氣～粒粒分明唔會過油！！.✨綠茶芋泥餅 (三件) $28造型精緻😀淡淡綠茶清香🍵配上軟糯芋泥內餡及灑上咗香口芝蔴粒～口感層次分明～而且整體唔會太甜～可口宜人！.✨茗茶 $6@位✨加一服務費

夜晚再去屯門Vcity食飯，全日都係上海菜~上海婆婆新開都未試過🥒先黎一個冷盤~小黃瓜伴海蜇$68海蜇份量十足脆口彈牙，小黃瓜同樣爽脆入味，稱得上為脆脆組合。🍯🍖桂花蜜汁火方$118/4件夾餅熱辣辣質感鬆軟、桂花蜜汁火腿剛好被夾餅包住、再加埋薄脆，青瓜，口感層次十分豐富，大推。🐟糖醋魚塊$85呢款係我最愛既菜式之一，色彩繽紛酸酸甜甜好開胃，魚塊件件都好大塊，有半隻手掌咁大，食兩件都飽飽地，配料有菠芏、紫洋蔥、青椒 & 紅椒。 主食：🦀蟹粉撈麵$128晏晝已經想食蟹粉生煎包但賣晒，黎到見有蟹粉系列梗係要試下啦！唔使北上都可以食到蟹粉撈麵，見到好多橙黃既蟹膏已經食指大動，每一啖都被濃濃蟹粉包圍，真係好邪惡又好食，蟹迷真係唔可以錯過。

屯門終於都有上海婆婆喇之前其他分店食過午餐覺得幾抵食今日帶埋屋企人一齊再去食❤️🔹小籠包小籠包皮薄餡多咬落去汁液四溢 肉質鮮嫩搭配醋和薑絲 味道更加出色。🔹上海炒年糕炒年糕香氣四溢 口感滑溜配上鮮蔬和豬肉 令人回味無窮🔹椰菜回鍋肉椰菜回鍋肉色香味俱全肉片煮得剛好 椰菜爽口 味道唔會太膩🔹清炒河蝦仁清炒河蝦仁鮮甜可口 蝦仁彈牙 🔹水晶肴肉水晶肴肉色澤透亮 口感滑嫩搭配薑醋 十分美味🔹擂沙湯圓擂沙湯圓外皮柔軟 內餡香濃甜而不膩

標題：有水準上海菜早幾年前去上海出差，愛上咗上海菜，見V city開返間上海婆婆，梗係要同屋企人去食。我哋叫咗個歡聚四人餐。江南三小拼（水晶肴肉、三喜烤麩、小排骨）三款江蘇鎭江名菜最愛水晶肴肉晶瑩剔透，肉質嫩滑不肥膩上海小籠包（4件）食上海菜必叫，熱騰騰的小籠包，皮唔會厚而多湯汁鮮甜，好食砂鍋雲吞雞（鍋）冬天食最啱，濃郁雞湯，紹菜吸滿湯汁，飲埋d湯好好味，送飯一流。松子大黃魚色香味俱全，炸得香脆，配上酸酸甜甜醬汁非常開胃。椰菜回鍋肉呢道菜辣辣地 好惹味。高力豆沙（4件）上海嘢必叫甜品，豆沙甜味啱我唔會過甜，外皮咬口，好好味。另外加碟蟹粉扒豆苗，好多蟹粉，大滿足。