上海婆婆336 (荃新天地) (已結業)

昨天下午外卖了一客婆婆粗炒配冻豆浆的下午茶套餐。因事忙未能即时享用，放了入雪柜今天再翻热作午餐吃。作为午饭份量也算可以，上海粗面配冬菇片椰菜丝小白菜，炒得色水不错味适中不浓不淡。冻饮豆浆味亦够。下午茶套餐$42，外卖不用加一，但要付$2外卖盒费。

Happy birthday to 妹Mui! Yeah!可能係上海人關係，屋企人豪不猶豫生日去食上海菜。🥢松子黃魚（$176）：我同妹妹既最愛🤩，既香脆又開胃，魚身炸得透所以整條魚尾都食得。如果多放點松子就更好了。🥢韮黃鱔糊（$105）：鱔肉彈牙，有鑊氣。上海人中意加大量胡椒粉食，加左味道係唔同啲，好味左！🥢清炒河蝦（$125）：蝦🦐仁爽口，味道一般。🥢小籠包（$36/4只）：正常發揮，依然有湯汁。🥢上海粗炒（$72）：食落似炒烏冬，而且碎上。味道：🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅速度：🔅🔅🔅🔅（5🔅為滿分）

行完街累，就諗住去食上海野-有茶壺在枱 ，自己可以自助斟茶-雞絲拌粉皮粉皮同雞絲份量較小，但味道唔錯，重花生醬，青瓜是新鮮-川椒辣子雞辣，雞多，偏瘦，無乜肉，但好入味，配飯一流-野生椒牛仔肉juicy ，牛肉多，但質肉略為太多生粉

諗住簡簡單單食餐上海野點知真係幾失望😞上海小雲吞一份有六隻隻雲吞一啲都唔小大隻之餘全部都係肉啲皮淋到爛晒 食落去全口肉呢個花椒牛仔撈麵感覺好似京蔥爆牛肉咁有啲辣味既 但個麵一啲味都冇雞絲粉皮算最正常架喇小籠包皮厚 用筷子🥢夾絕對唔使擔心會爛一句講晒 失望冇咩可以唔去呢間

夜晚八點半入去買外賣，單係點餐果一分鐘我都可以feel到個服務員姨姨勁唔耐煩。我知你赶住放工，但系唔該當我同你講食物編號嘅時候，可唔可以唔好答我 ”我哋叫錯野無得退貨，你一系講菜名”喂大佬，你個食物編號寫係外賣單上面唔係用來俾人嗌嘅咩？！就算你唔知個編號，作為一個服務者你用正正常常禮貌啲嘅語氣同我講”唔該可唔可以話俾我知個菜名”會死咩？總而言之，依間嘢如果有一日倒閉，一定唔單止係因為食物質素唔夠好，而係因為啲員工激嬲嗮全部客人🌚

上海婆婆336 (荃灣)-荃灣喺度搵嘢食過嚟食個下午茶都唔錯🤪下午茶餐都算抵食，叫咗個擔擔麵同埋雪菜肉絲麵，小食就有糯米燒賣同埋紅油炒手😋估唔到啲面睇落細細碗，其實食落去份量都幾足下午茶食絕對夠飽！覺得最好食嘅就係紅油抄手，特別佢嗰個汁（甜豉油？）真係超正！好香，甜甜地辣辣地咁。糯米燒賣個樣睇落好過癮，雖然就咁食覺得有啲dry, 但點埋紅油炒手嗰個汁就好正了🤪-📍上海婆婆336 (荃新天地) (荃灣)荃灣楊屋道1號荃新天地一期地下G30,32及36號舖

食物ok 環境ok 服務都還可以，但埋單果下真係好唔愉快，埋單400蚊我俾左一張500 個職員專登找散俾我 平時都會比tip，但真係太過分了 影響心情，所以我一蚊都冇留低，希望呢啲問題下次可以改進，呢間餐廳已經有加一，我覺得呢種作法好唔合理！

一共叫左六樣野食雞絲粉皮鎮江肴肉菜肉雲吞糖醋魚塊腰果雞丁排骨拉麵除咗雞絲粉皮係正常 雲吞係正常 個淨拉麵夠清之外 全部嘢都好難食糖醋魚塊個魚肉同個粉漿口感混埋一樣咁 以為自己食緊麵粉排骨拉麵 拉麵係清 正常 但係個排骨食咗一啖已經想吐返出嚟 乾過紙皮大好嘅星期五一餐 畀佢搞到個心情勁差 唔食都冇咁差 分分鐘食對面大家樂仲開心

見佢入面冇乜人，快快脆脆食個午餐。叫咗個午市套餐：蔥油開揚拌麵🍲+小籠包($63另加一)第一次食蔥油拌麵，原來賣相唔係咁靚😞，配菜只係得蝦乾同乾蔥。上海麵嘅質地較淋及黏身，口感唔係咁好，而且味道好淡☹️，全個麵只有大大隻嘅蝦乾🦐係最惹味。上海菜必食嘅小籠包係即叫即蒸，味道不錯👍。皮薄但唔易穿，豬肉唔肥，但湯汁略少。整體來講，上海婆婆嘅食物質素比以往下降左不少。 以前排隊爭住食，依家唔使等位入去食。

今日放假一個人，訓醒之後都2點啦！買左咁多日外賣返屋企食咁今日就落去樓下食啦！見到上海婆婆入面都幾多客人食緊下午茶，咁就又試下啦！坐低望下個menu,都幾抵食，42蚊重包一杯豆漿，之後我就叫左個上海湯粗麵啦！等左無耐就有得食啦！碗麵都算係幾大碗而且足料，有椰菜，白菜仔，冬菇同埋肉絲，粗麵食落去好有口感，而且麵質都好彈牙，味道就剛剛好，湯有水準，湯夠濃夠熱再加少少豆辦牆就完美啦！最後飲埋杯豆漿就埋單走人啦！

用openrice order了乾煸四季豆 上海粗炒 上海小籠包 3樣野 但竟然都可以錯 上海粗炒變咗上海炒年糕 order咁少都會錯 很失望 外賣最基本check都冇check清楚乾煸四季豆好濕好多汁一啲都唔乾 小籠包正常的

今日係荃新天地見到上海婆婆336，諗起自從屋企附近間上海婆婆執左後都好耐冇食過，於是入去回味一下。事前唔知道上海婆婆同上海婆婆 336有咩分別，後來上網睇話上海婆婆 336路線主打年輕人，味道會較清淡健康。我算係上海婆婆既常客，但一餐過後，老實講，呢間分店係我食過味道最差既，好失望。336上海小籠包小籠包一籠4隻，小籠包唔係即蒸即上枱，送到埋黎暖暖地，唔係熱辣辣果種，外皮有d變硬，肉餡多汁，味道同集團其他分店一樣，同樣有肉羶味。黑醋同其他分店一樣，仍然在水準之上。 6分婆婆怪味雞呢道係冷盤菜式，剛上枱時睇上去好似幾好食，驟眼睇有指天椒同辣椒油，應該好岩我胃口，而且分量頗多，第一印象滿分！不過試食後真係雞如其名，味道怪怪地，有輕微辣味，其他味道有d 抽像，講唔出邊度奇怪，唔可以話難食，但一定唔係好食。雞肉鞋口，鍾意挑戰新口味既朋友可以試下。 5分百頁結紅燒肉整碟菜式用料豐富，有紅燒肉.百頁.冬菇.竹筍.毛豆。紅燒肉炆得好冧，入味，但唔會似東波肉般油膩，百頁結有嚼口，冬菇竹筍係炆煮既最好拍檔。整體味道唔錯，但略有偏咸，可以淡口返少少。淨肥膏部位亦儘量唔好上碟。6分紅油牛展拉麵牛展切到好薄，

這間上海餐廳位於荃灣的荃新天地，荃新天地都好多食肆，相信大家都好多選擇！本來我是想試其他餐廳的，但由於疫情關係下沒有開門，結果是摸門釘，提提大家最好有上試餐廳，就打去餐廳問有冇開門😂我點了一個下午茶餐，免茶芥，跟一杯豆漿！婆婆粗炒：點菜後約不到五分鐘就上菜了，不知是否一早整定？🤣不過吃落去時都是熱的，但是味道一般～小籠包：還可以，裡面有汁，但不是好多汁那隻，最好大家都是咬少少皮再食會好啲！蔥油薄餅：暖暖的，不過都脆豆沙鍋餅：如果不放椰絲會更加好😜

是日星期二中午本來想食茶木但太多人所以轉場上海婆婆。拿飛等了5分鐘就有位了，入去坐底即奉上熱茶2杯。選擇都幾多有飯有麵。叫左2個麵加2個小食。先上來的係擔擔麵，看得出個湯比較水。雖然花生醬味不是太濃但還可以接受，麵質軟硬適中可以掛到湯汁。牛展麵就比較一般，湯頭偏淡而且牛展冇乜味道。所以個麵食到一陣麵粉味。。。還有配菜的荷蘭豆唔熟有草青味。。。。。菜肉雲吞大粒有汁正常味道小龍包皮簿有汁都幾好味。整體不過不失。唔知係咪冷氣唔夠全程覺得好熱食到出曬汗。

第一次覺得一間餐廳難食，要講出嚟發洩一下！叫咗小籠包，乾扁四季豆，上海粗炒。。只係小籠包係熱上，其他係唔熱！🤬🤬尤其係上海粗炒，好似一早煮定，放入微波爐翻叮🙄麵條中心係凍的！我相信自己係屋企用豉油抄烏冬都好食過佢。呢一間餐廳，入面嘅廚師完全係冇用心去煮每一道菜！