上海廚房

營業中

休息中

今日下晝行左陣mk, 諗住搵間野食個tea, 黎左呢度周圍睇下,就決定食呢度既 炸醬面+小籠包其實我覺得小籠包ok!!佢都ok足料,肉汁豐富, 而且咬落去都多湯汁!!配埋醋食,真係好味!!而個面都可以接受,幾香, 佢d面都吸收晒d 湯底, 但係炸醬面冇炸醬既??!!剩係得d面....= ="有d 齋齋地wo....如果佢有炸醬既話有d咬口會好Ｄ!!但咁既價錢都ok la,唔要求咁多

上海幼麵 - 質料太腍身炸豬排 - 味道一般, 皮不脆熱飲 - 檸茶想像中幾好$20 / set - 可算平

在幾檔都有賣3餸飯的競爭之下, 這家 $22 /3餸似乎最便宜, +$3 配豆漿。 有a ~ f 共6款餸, 妹妹好快就選好~ a)椒絲腐乳通菜 + c)椰菜粉絲蝦米 + e) 3色蒸蛋。 白飯的份量很少哇, 連1隻飯碗都填不滿 =^= 至於餸菜呢, a) 絲腐乳通菜, 完全吃不出有椒的味道, 微微有些腐乳味, 通菜煮得過火但又放涼了.. c) 椰菜粉絲蝦米, 都是放涼了的, 蝦米完全沒有蝦味。 e) 3色蒸蛋, size 大約是妹妹的手板心這麼大吧, 倒仍是熱的, 蛋味不濃, 總算是滑的, 算是這3餸之中最好吃的了...。這回真是"平野無好"喔,,,,, 真如1般canteen的質素,,,

4/4(六) 7:30pm除了翠苑,亦順道光顧此店的擔擔麵及小籠包$25.擔擔麵--欠奉花生香的湯底,以及質地黏牙的黃幼麵.小籠包--外皮厚如臉皮,入口霉爛;內裡的肉餡糊作一團,吃下確比放棄需更大勇氣...吃得人渾身難受的"上海廚房 "!

係男友食澳打農夫包既同時我就走左去食呢度既嫩雞青菜煨面．．．．２６元一碗．．．．結果．．．．．．．．唉．都怪自己俾北京樓、北京人家同小南國等等縱壞哂（不過其實佢都仲平ｄ！！實在係太難吃．．．成埋醬咁．．．而且仲要唔係白色既幼面係類似拉面既物體！！！　唔係上海菜既！！！所以如果大家去ｍｋ　熟食市場．ｐｌｚ！！！　千祁唔好食呢間！！！

一個人的時候, 呢度真係好選擇. 比起其他旺角的食肆, 呢個環境較乾淨, 人流也少, 容易搵位.是日就係咁, 一個人嚟到呢度, 見呢間都未食過, 咁就叫了擔擔麵+小籠飽+ 凍咖啡. 擔擔麵賣相不錯, 味道還有, 麻醬味幾香, 加少少辣, 不錯. 但小籠飽, 皮很厚呀, 跟台式那種皮薄汁多的無法相比. 不過, food court 的價錢, 單係擔擔麵+ 飲品, 已算交足功課了.

雖然我曾經彈過呢度既煨麵,但係前兩日試過佢既中式兩送飯,就真係要讚一讚!送菜可以六揀二,只係$22,揀左茸莧菜同埋蕃茄豆腐,雖然咁平,但係份量唔少,每款有半個長碟咁多,豆腐size適中,有成七八件,蕃茄都唔少,而且仲係新鮮果隻,所以比預期中好,味道又唔會太咸太油,食得過!我加左$2轉菜飯,菜粒唔算好多,但可能接受,而且比白飯好味,今戈胃口大開,唔覺唔覺食晒,肥過籠呢!果晚個中湯係合掌瓜豬肉湯,麻麻地,因為有點咸,食完好口渴…

叫左個$22客飯套餐,可揀送,配白飯,連飲品,真係好抵,所以唔會預佢好高質,不過無諗過可以係咁…揀左蕃茄炒蛋拼咸蛋肉餅,兩款送放埋同一碟就已經預左,不過最令人驚訝既,係所謂咸蛋肉餅,個咸蛋係得…一粒,真係一粒,比粒糖仲要細!好在個肉餅都可以,唔會好肥或者好多筋,夠淋易入口;至於蕃茄炒蛋,係有好多蛋絲,蕃茄就只有一兩件,但係夾埋都唔夠半個蕃茄既份量,反而好多汁;唔知點解加左少少料,係兩味送中間俾左少少粉絲同椰菜,不過幾清,加d菜夠均衡,又唔錯喎!其實呢個餐係抵食,質素都可以,但係今次係隻咸蛋唔係咁好啫…

叫咗一籠 $12 小籠包 + $68 嘅2人套餐(包2個小菜，酸辣湯，2個)： 酸辣湯 -- 味道好古怪，一啲都唔似酸辣湯，真係唔識講 洋蔥炒鱔糊 -- 差唔多食完先上，得啲洋蔥好食，鱔勁腥，即吐吞唔落 京都骨 -- 唔好食，仲有油麥菜墊底，古古怪怪咁小籠包 -- 唔好食，皮好"鞋"，啲肉好肥，個味好古怪 份量好足下，不過真係好難食，好耐冇試過食過啲咁難食嘅野~

尋晚係上海廚房食野,真係好唔掂,食到一肚氣!見到餐牌上有愛至愛既煨麵,已經諗住叫,細個曾經係街坊上海小館食過嫩雞煨麵,美味無窮,見呢度有,就想回味一下。我先問店員, 嫩雞煨麵既雞有無雞皮,因為我係唔食雞皮既,佢好肯定咁答我無,於是我點左,再加杯飲品。一等就係十五分鐘,已經夠耐,點知黎到係令人失望之極!個碗好大,但係成碗麵個湯面一浸油,油到混濁不清,見唔到底既麵,我一向食開既煨麵係好清,絕對唔會係咁;都算,麵係最差果一環,我想問,究竟呢間野知唔知乜野係煨麵????? 煨麵唔係咁架,佢呢d只係拉麵!!!仲要係一餅餅好似即食麵果種拉麵,係超市$2.x一包果隻呀!食食下仲要食到個麵黏住晒未散,成個餅咁喎!呢隻麵同我想食既煨麵差天共地呀,好唔健康囉!仲有,多味精多到佢呢,完全唔係煨麵囉!!!雞又係死,平日嫩雞煨麵既雞似雞絲,佢就雞球同雞件咁,仲要有雞皮!我已經問清楚,佢話無皮我先要,佢有我就唔會要,點可以咁貨不對版呢?總之,呢個又鹹又味濃既味精雞球拉麵一D都唔好食啦!我唔會再幫襯喇!謝謝!