上海廳1930 (已結業)

又是一家人外出食飯的日子，考慮到老人家的喜好，我們選擇了中菜館。前菜是海蜇拍青瓜，青瓜爽脆、多汁。生煎包新鮮煎好，底部脆脆的！小籠包有湯汁，每隻價錢不便宜，要好好品嘗。松子魚用的食材都不是昂貴的，但它貴在手工上。香脆、細滑的魚肉配上甜酸醬，使人食慾大增。雲吞雞是我十分喜歡的菜式，味道、份量及價錢都令我十分滿意。我喜歡當中的蔬菜，菜都沾滿雞湯，十分美味。炒飯乾身，不會多油，不錯！最後的高麗豆沙，軟綿綿的，好味！

晏晝同朋友食個lunch，因為有小朋友嘅關係所以要近佢放學嘅地方我哋就揀咗依間餐廳呀！地鐵站一出就係啦真係超方便小朋友未到，就order左啲小朋友唔識得嘅嘢先啦！醉雞！有酒味！啲雞唔算鞋都幾滑！份量都唔少啊呢個午餐都幾抵食，先有一個雞粉皮，一碗麵，仲有個小籠包四粒因為有朋友係食素嘅，所以order 咗咕嚕肉，望落去完全唔覺得係素，食落去都好似食肉咁，但面對係用菇做的！最捧場嘅係小朋友！不斷食不斷讚好好味！另外order 咗雙菇豆腐午餐！呢餐lunch $300非常抵四個人食到飽飽嘅

上星期又去左黃大仙間飯堂上海廳食飯，又近又好食，唔洗屋企人走咁遠，第二日返工都可以坐耐d。干貝賽螃蟹＄76蛋白炒得好滑，加左瑤柱好香，加左小小上湯個味濃d。雪菜炒粉皮＄58粉皮好滑，又唔油喎，透明夠晒晶瑩，大大盤夠飽又清新。鱔糊炒年糕＄80鱔糊係上海名菜，炒得夠彈牙爽口，個汁甜甜地好有上海傳統菜既醬油味，年糕炒得夠淋又夠入味。金絲蝦燒賣＄35大大粒蝦底下係糯米飯，好新鮮既配搭，蝦肉爽口，糯米飯夠煙韌。樟茶鴨＄118有d似片皮鴨既做法，外皮烤得好香脆，中間層肥膏燒走得七七八八，d油香滲晒落d肉度。高力豆沙＄46一客有4粒岩岩好，豆沙加左香蕉，一咬開就有香蕉既甜味，個蛋白皮炸得好軟熟。擂沙湯圓＄35細細粒湯圓沾上花生粒，一咬開裡面既麻蓉就湧出黎，好甜好滿足。4個人食左500幾蚊，抵食夾大件。

間餐廳位置都算方面，一出地鐵就揾到，叫左個雞絲海哲，公司 炒飯，小籠包呢D普通野，但出來感覺就唔係咁好，雞絲海哲睇相唔錯，點知來到見到成碟青瓜絲，海哲雞絲少少，碟炒飯重差，無味又無餸，衹見2隻蝦仁仔，不知所謂，好啦，希望個2客小籠包會好D，見個皮好厚，但一夾就散，價錢不貴，但就唔使試啦!

原來這家上海廳，其實都是上海婆婆的集團，但是礙於今天有特別任務，於是唯有到這間不用排隊的食肆吧。內裏裝修新簇，雖然不是燈光火著，但是乾淨企理。排骨擔擔麵，擔擔麵的湯底不算太過辣，但是排骨較乾，肉質比較乾，沒有什麼肉汁，而且切得較幼，如果吃排骨擔擔麵，排骨太過幼條的話，其實沒有口感，很沒趣。奶油津白，金華火腿夠鹹夠香，津白大大揪，味道正正常常吧。小籠包，也就好像上海婆婆的出品，沒有什麼特別，但是也不算太厚皮，內裏肉汁不太多。菜粒火腿炒飯，沒有什麼鑊氣，很快便便來了，難免沒有什麼特別味道，落了一些松子，也可以算是小確幸吧。只是一碟菜、一碗麵、一份小籠包、一碗湯、以及一碟炒飯，午餐每人＄100 ,不算太昂貴，但是相比起一家人去喝個茶，可能喝茶會比較划算，而且比較熱鬧，而且可以坐得比較久一點。雖然不算非常之特式、出色，但是可能由於外國人去完旁邊的黃大仙廟，順道來吃個中式午膳，所以店內也見到不少外國人士。入去之前，話見到有一名店員，在店內為外籍遊客，示範包餃子，真是有趣。

早前和朋友到黃大仙，知道這間店有素又有葷，環境又舒服。因為老媽吃素我想吃肉，心裏已看中了，決定和老媽覆診時來這裏讓大家高興高興。她看著餐牌什麼都想試。但得兩個人，怎吃得了這麼多。唯有犧牲我自己，陪她吃素吧。最後，我們要了素蒸餃、素小龍包和松子菜粒炒飯。試過這麼多間素食店，很少會有素小龍包。所以老媽第即刻決定要吃，$36四件。下面黏著一塊青瓜，幾得意。皮的厚度剛好，夾時不會弄穿小龍包。食時熱騰騰，咬下去好似真的小龍包一樣有汁流出。裏面的菜餡足料，沒有素肉在內，個人覺得這樣更好。至於老媽，當然食到笑呵呵。素蒸餃。$35三隻。皮也不厚，內裏也有大量菜餡，跟小龍包的餡料很相似，老實說，我不太分得出內裏的菜有什麼不同。松子菜粒炒飯，$63，有淡淡的清香，松子好有口感，飯粒不硬，老媽都吃到。而且份量不算少。底下的紙很美，未吃前看得人心情也好。最終沒吃到的葷食餐牌，也放出來看看吧。

同朋友黎食上海野係黃大仙確係有好多選擇平時常係南館果邊揾野食今次經北館地下見有間幾企理既上海菜就入去食野食同平時南小館果啲價位都差唔多不過少啲精緻既菜式,幾特別係有啲素菜可以揀同朋友唔係太肚餓所以叫左小籠包 樟茶鴨同埋高力豆沙就夠小籠包皮都幾薄肉既饀份量都夠既只係肉汁少左啲 不過不失不過個樟茶鴨好唔掂無食過咁少肉既鴨得果幾舊肉唔夠食就算炸得脆都無用因為好油膩好失望食返個高力豆沙當彌補下!反而甜品都好返d…無咩影相因為本身無諗住打食評但個鴨真係唔得…

今日放假同女皇去左黃大仙個邊拎眼鏡，拎完就順便食埋晏先再去買餸啦我地拎完眼鏡就係附近揀左間食上海菜既餐廳，入到餐廳都差唔多點幾兩點，所以都唔洗排隊等位就直接可以坐到四人卡位喺我地睇緊食咩好既期間原來已經兩點，仲有睇埋茶餐有咩選擇添最終我地點左兩個餐share黎食我揀左個午市既“紅油牛展麵(走辣)配小籠飽”HKd$64加HKd$5要豆漿、跟午餐加HKd$15要左“雞絲粉皮”；然後女皇就揀左下午茶餐既“上海粗炒”HKd$40再跟茶餐加HKd$12要左碟“水晶肴肉”跟餐既雞絲粉皮麻醬香濃，粉皮爽滑水晶肴肉都ok，食落滿口骨膠原而牛展麵走左辣，清清地都唔錯去食上海野又點可以唔嗌返籠“小籠飽”呢外皮厚薄適中，但略厭肉餡肥肉偏多，食落肉質較為鬆散反而上海粗炒幾有驚喜，雖然係茶餐但份量無縮水~炒得味濃又唔太油膩，當中仲有唔少菜絲、肉絲同我愛既菇片做配菜豆漿都唔錯，唔會水汪汪，豆味都算重最後我地仲跟餐加左HKd$10要返碗“酒釀湯圓(四粒)”甜一甜桂花酒釀清香帶甜，芝麻湯圓煙靭流心，一人兩粒剛剛好呢度午市同茶市都有唔同既套餐配搭，喺呢兩個時段仲免茶芥免加一，所以我地兩個人食到飽飽都唔150蚊，都真係幾

黃大仙中心翻左都成年，終於搵到機會嚟附近搵野食。今次揀咗上海廳1930，位置好方便，港鐵黃大仙廟出口一上左手邊，行入商場已經大大塊招牌。餐廳係開放式設計，一眼望入去會俾個裝修吸引左，時尚摩登得嚟又有D夜上海感覺!晚飯時間7:00拎位，等咗大概15分鐘左右有位，有卡位坐都幾舒服，室內座位亦都好多。餐牌有提供素菜選擇，可能亦都係方便信徒參拜完可以去食飯(畢竟之前呢個鋪位係素菜館)都幾貼心!!吃素的你們有福了我地一行3人，又想叫吓小食，揀咗肉鬆燒餅，但個燒餅大小係有D嚇親，好似龍鬚糖嘅大細咁，心諗成10蚊一粒竟然係咁細嘅份量...但其實成粒都係充滿肉鬆，而且非常扎實，肉鬆一邊咬會一邊散出嚟，當點心食個份量岩岩好可以吊一吊胃口，即時開一開胃，食慾大增之後無耐醉雞就嚟到啦! 面頭有D杞子，我地呢part係脾位嚟，即刻夾舊雞上脾試試，肉質好嫩滑，雞皮無得陣，亦都唔見有毛，只不過酒嘅部份略嫌太濃，濃到有D嗆喉添。桂花蜜汁火方一聽個名就知唔小野，但平民版嘅蜜汁火方唔知會係點呢?賣相有睇頭，基本要有嘅配料都有齊，火腿，響鈴，重有青瓜呀!一碟可以整到4份。蜜汁桂花味香，響鈴味道普通，唔夠酥脆，而火腿有D乾

學同學住黃大仙，約我山長水遠的去黃大仙，為了遷就這位大肚婆，我也只能放工趕過去啦！她從出世住到現在都是住黃大仙，她說黃大仙多了許多美食，適合我經常去，也為了遷就我這個路痴，她一定會選擇讓我容易找到的食店，也就是MTR附近的，很就腳就最適合我啦！收工前話我知吃上海菜，上海菜都系我好中意咖，她對吃很挑剔，所以她選擇的食店，我很有信心哦！先來一個醉雞，大肚婆無份咖，知我中意吃，特意叫俾我吃咖，好感動呢！雞肉很嫩，很濃烈的酒味，我最喜歡這般味道，一個人吃曬全部，聽起來都覺得太過分，沒有辦法，實在是我的最愛！酒也喝了光了！魚沒有腥味，大概是掩過，炸過又燻過吧！去掉去的腥味，留下的是甜甜的味道，上海菜的菜系大多數略帶點甜味，這就是我喜歡的原因啦！我不喜歡菜太甜的。這裡的燻魚做得挺好吃的。吃上海必然會叫的是上海小籠包，小籠包皮薄，陷多，而且要味道調得剛剛好，不能太鹹哦！加上醋，記得一定要一口咬下去，菜能夠吃出真正的味道！包的陷是肉鬆豬肉，外面是滿滿的芝麻，然後炸的鬆脆，難以抗拒的吃了二個，實在太魔鬼了！服務員的服務非常好，不斷家茶給我喝，裝修不是豪華，倒也算溫馨。

約朋友晚飯，唔知吃麥，系黃大仙中心行下，選擇下，睇見有間食上海菜，原來都係上海婆婆嘅品牌，叫上海廳。雖然裝修唔似平常個D中式茶樓咁，但都非常吸引，上面個吊燈中份搶眼。總結餐廳位置其實唔錯，一入黃大仙中心門口就見到，而且商場人流唔多，幾適合食晚餐。而且大部份上海菜嘅菜式都有，可以話係比較專嘅餐廳。每道菜式都各有特色，而且係設計上別出心裁，係食客方式花心思，食完之後留下深刻印象。

呢日去左接女朋友放工，順便同佢食下飯，去左黃大仙中心北館搵食。 我地最後被上海菜吸引左，就係<<上海廳>>。 呢度既裝修好中國風。 仲有架人力車係度，更有風味。 我個人最欣賞圖文並茂的菜單 先來的是<<蒜泥雲白肉>>，入口除左辣辣地，仲好有蒜蓉味，加上凍食的雲白肉，夠開胃。 <<話梅花鵰醉雞>>，入口很重花鵰味，而且雞肉很嫩口。 <<上海小籠包>>一籠有四隻，最特別的底下有一片瓜，同小籠包一齊入口會更有層次。 <<金絲蝦燒賣>>，其實係糯米做餡，但會有瑤柱絲及蝦米仔鋪做上面，食完都幾飽。 最後用<<炸銀絲卷>>來做結尾，點上煉奶，入口甜甜的，而且銀絲卷非常之有層次。

約咗公公婆婆去食飯，唔想兩位老人家行太遠，就約咗去黃大仙龍翔中心嘅上海廳食，大概七點去到，但係已經有好多人啦，估唔到閑日都咁多人食。四小拼＄96小平分別有糖醋排骨，熏魚，烤夫 ,同埋水晶肴肉，每一樣都有四五件左右，啱晒四個人來食嘅時候可以share ,樣樣都可以使到啲，我自己最鍾意就水晶肴肉，個湯汁好有濃烈嘅肉味，肴肉一絲絲都好有口感。雞絲水晶粉皮＄62同樣都係細細份，粉皮好爽滑，雞絲同埋青瓜嘅份量都夠多，我除咗麻雀之外，上面仲加左芝麻，又多咗一重芝麻香，香得來又唔會太膩。香辣雞米配叉子＄78比起想像中濕咗啲，但係香辣嘅味道都仲係好開胃，而且份量唔少，填滿四個叉子都仲有剩，好夠食。金湯雜菌煮津白＄68金湯其實即係用好多鹹蛋黃去煮嘅湯，金色好友濃郁嘅蛋黃香味，同津白一齊好夾，津白比較清淡一啲，金湯就係呢一方面彌補左津白嘅不足，一個比較濃味嘅菜。上海廳炒飯＄68炒飯煙煙銀銀，係最傳統嘅上海醬油炒飯，飽到得來又好食。上海小籠包＄36龍包皮都夠薄，裏面嘅湯亦都好夠，有濃郁嘅肉湯香味，下面用咗一片蘿蔔去墊住，冇咁容易夾爛。三絲春卷＄30外皮煎得非常香脆。生煎包＄35覺底煎得好香脆，裏面亦都好多汁

第二次來黃大仙區，查下有咩好介紹，見到食評多人讚，就去試下啦！小周末放工去到門口見到開始人多，好彩兩位，好快入座。呢間有限時食個半小時，修改感覺舒適，雖然燈光暗咗啲，老人家就覺得好暗。由於兩個人，所以點以下幾款菜：1）懷舊花卷點些辣辣地鹹鹹地的豆辦醬，好鬆軟熱辣辣的香葱味，好滋味，2）酸辣湯雲呑，酸味味湯夠熱又夠辣，雲吞好滑有五隻，好醒胃，食到耳背都出哂汗，兩個人食份量剛好，餸花卷一齊食，口感豐富，3）上海廳炒年糕，煙靭的年糕，配香菇椰菜、白菜，鹹甜味適中，可以緩和一下味蕾，4）最後，點了甜品，豆沙鍋餅，豆沙好幼細唔會太甜，餅皮厚咗少少，雖然夠熱，但靭咗少少，如果皮薄翻少少，就完美了。總結，一定會再來光顧，因為想下其他，例如鱔糊、小籠包等等。仲有呢間的服務人員態度認真同熱誠，主動加添熱茶，所以不久日子會再來。

今天晏就同屋企人去拜黃大仙，之後順便去附近的黃大仙中心行，商場翻新後，我地都無點行過，多左好多大小型商店和食肆，選擇繁多，一啲都唔覺得係屋邨商場。晚飯我地揀左係商場地下嘅上海廳，6點半左右，已經差唔多坐滿左人客。冷盤我地要左四小拼同鷄絲水晶粉皮，四小拼有肴肉、烤麩，熏魚同埋糖醋排骨，每樣有四件，味道由淡至濃，甜酸調味恰到好處，令人胃口大開。鷄絲粉皮嘅麻醬調味都做得唔錯，加上涼拌嘅青瓜絲，食落口爽爽涼涼，一啲膩感都無。我特別想食嘅上海小籠包同生煎包好快就一齊送左上枱，小籠包外皮薄薄，包著滿滿嘅湯汁。至於生煎包，外皮煎得好香，咬落去肉質松軟，可惜得三個。三絲春捲炸得好香口，裡係濕潤嘅菜絲同肉絲，加埋脆卜卜嘅外皮，就算係熱氣也忍唔住要食。香辣雞米配叉子我地點左小辣，炒得香而且微辣嘅雞肉粒加上松子仁，放入裝滿嘅叉子，食落真係有幸福嘅感覺。金湯雜菌煮津白同上海廳炒飯是餐廳推介，菜一上枱，鮮味嘅菇菌同津白浸係加上鹹蛋黃煮嘅上湯，一睇已令人垂涎三尺。炒飯更加不得了，上海式濃香嘅醬油同鮮蝦嘅配合，就成為香噴噴嘅炒飯，食左香口。另外，值得一讚嘅係呢到嘅服務，雖然人客衆多，但侍應們都係殷勤招待，頻密咁添茶