上海弄堂菜肉餛飩 (歌賦街)

營業中

休息中

這家餐廳讓人非常失望，最讓人不滿的就是價格過於高昂，根本不符合它所提供的食物質量和服務水平。進門後，菜單上的價格一看就讓人卻步，大部分菜品的定價明顯偏高。點了幾道招牌菜，結果不僅份量少，而且味道平平，沒有任何讓人印象深刻的地方。即使是標榜的新鮮食材，也並未展現出預期中的質感和風味，吃下去只是覺得有些失望。另外，餐廳的服務也未達到應有的標準。服務生雖然態度還算友好，但明顯感覺到服務速度較慢，點餐後等了很久才上菜，而且中途幾次需要詢問才有回應。這樣的服務品質，顯然與它的高價不匹配，讓人覺得完全沒有物有所值的感覺。總結來說，這家餐廳在價格上過於高估了自己，但在食物和服務質量上完全無法達到這個價位應有的水平。對於喜歡尋求性價比的顧客來說，這樣的消費經歷無疑是一次失望的經歷。以後不會再光顧，也不會推薦給朋友。希望餐廳能夠認真檢討，提升品質，否則將很難留住顧客。

Lunch set😍套餐有齊1菜式+主食（白飯、菜飯或者加$轉擔擔麵)+時日飲品(自家製酸梅湯/蔗汁/豆漿）醉雞雞件色澤金黃，很鮮嫩入味，酒香味道醇厚，入口凍冰冰。配搭菜飯好夾。蒜香排骨炸至表面微微焦香，很香蒜香味，咬下去時外皮有脆感，味道濃郁，配搭味道香辣嘅擔擔麵。又帶有點花生香甜，很開胃。酸辣湯湯品味道酸中帶辣，讓人瞬間提神，清新又開胃。回鍋肉片狀五花肉油脂部分很嫩，搭配青蒜、紅椒，醬油鹹香與豆瓣醬微辣，香氣十足。

📍上海弄堂菜肉餛飩 🔍中環歌賦街35-37號地舖-----「弄堂」即指上海小巷的意思，而上海弄堂則是品嘗上海家庭小菜好地方的意思。這間上海菜，質素一向穩定高質，算是我在香港數一數二喜歡的上海菜，而且佢地位置通常選擇於鬧中取靜地方，幾Chill。來吃個下午茶，簡單叫了三樣東西兩個人Share，下午茶來說，份量剛好。小棠菜豬肉餛飩 $65皮甚富彈性，內餡飽滿，粒粒都幾大隻，小棠菜爽脆爽脆的，豬肉肉汁滿滿，沒甚麼挑剔，就是一共8粒，兩個人分享是有點意猶未盡。醉雞菜飯 $94米飯粒粒分明，帶蔬菜清香及微微鹹味，醉雞則非常入味。蔥油拌麵 $55好有驚喜嘅拌麵，香蔥唔係平時嘅切細香蔥，係大大條經爆香過嘅蔥，連平日唔中意食蔥嘅我都覺得好香口，越食越上癮，而且油潤得黎，唔會過於油膩。

<小籠包🥟 💲54>黎食上海菜必叫一定係小籠包，呢度一籠有4個，皮薄肉多，外酥內嫩肉湯汁豐富，一啖咬落去，真係好好食🤤一定要趁熱食先好味，仲可以點埋醋，食完一籠會仲想再點🥰<蒜香排骨擔擔麵🍜 💲94>蒜香排骨擔擔麵都係絕對唔可以錯過嘅，排骨香脆多汁，加上口感豐富嘅炸蒜，仲要份量都唔少🤤而擔擔麵我地就叫左中辣，佢嘅花生味好濃郁，辣味對我黎講係岩岩我 不過食唔到太辣嘅就叫返小辣啦😂<酸辣湯餛飩🥟 💲86>我自己係一個好鍾意食酸辣湯嘅人，因為湯汁酸中帶辣，會令我胃口大開😂而呢間嘅酸辣湯好夠酸夠味，而且有成4粒大餛飩，粒粒都超飽滿，一啖咬落去真係好滿足🤤不知不覺都會食曬成碗❤️<桂花酒釀丸子🍡 💲42>想最後叫多款甜品試下，最後叫左款桂花酒釀丸子，清甜香滑，每口都有桂花香氣，丸子好軟糯，加上酒釀都完全唔膩🤤因為呢款桂花酒釀丸子係熱嘅，所以我覺得都幾適合天氣凍嘅時候黎試下😚

好久沒來，今日lunch 突然想食啲上海野， 公司附近就近就過來了，心中難免祈禱希望保持到水準1- 麵 ok, 算有勁道； 雲吞 皮太厚2- 湯圓，size 只有我們一般外面食到的1/3， 極其細小，我應該話跟元宵一般大小吧，皮厚餡細以至於入面芝麻餡幾乎沒有口感，非常奇怪！ 很好奇這廚師到底是在想幹嘛！

已經很久沒有跟媽媽去飲茶，今天做乖女陪她來吃她最愛的小籠包～🛎 $54 小籠包（4隻）蒸得恰到好處😳皮薄而且餡靚～咬下去的時候要小心！因為大量肉汁與湯汁瞬間湧出😋😋😋豬肉餡肥瘦適中，加一傳統的黑醋和薑絲 —— 就是絕配🫶🏻🛎 $33 小棠菜餛飩（4隻）小棠菜作為餛飩餡料真的比較少見，於是見到了就很想一試👍🏻餛飩皮薄透亮，包裹著鮮嫩的小棠菜，十分清新可口🥟湯底清淡卻不失鮮味，讓餛飩的風味更加突出🙏🏻可選8隻或4隻，方便大家試試不同的口味喔🛎 $97 醉雞擔擔麵醉雞肉質嫩滑，浸泡在特製的酒香醬汁中，帶有微妙的香氣🫣而且份量很足夠，適合兩人分享擔擔麵的麵條彈牙，淋上香濃的花生醬和辣椒油，層次分明😎搭配蔥花和芝麻，增添了香氣和口感的多樣性😋整體味道很平衡💯🌐 環境/服務裝修有中國風，有不少外國人來食👍🏻

閒日試試午市套餐menu，冇寫加一原來都係要加一。$69醉雞配飯同豆漿，但反轉啲醉雞就好見到大部分都係多骨，冇乜幾啖肉，不過啲雞都入味，擔擔麵就係淋身嘅，但都夠味，食唔出辣，如果冇加$12轉擔擔麵，得白飯就慘啲。埋單$89。

星期日睇戲之前嚟咗呢一間喺中環一直都好受歡迎嘅上海菜食個午餐。餐廳位於鬧中取靜嘅歌賦街，兩點幾嚟到舖頭都幾多人。.餐廳裝潢古色古香有少少舊上海嘅風味。睇過餐牌之後,order咗醉雞擔擔麵、蒜香排骨菜飯、小棠菜餛飩，兩個女仔食份量啱啱好。.🐥醉雞擔擔麵：雞皮同雞肉之間有一層上湯啫喱，酒醉香氣有滲透到雞肉嘅肌里之中，好入味，表面有少許桂花花瓣，令到酒香味更加獨特。擔擔面湯底嘅花生味好濃郁，質感稠身，上面仲有大量嘅肉碎同埋花生粒，麵質🍜彈牙有致。.🥬蒜香排骨菜飯：大大塊嘅排骨炸得酥脆唔油膩，而且有切件上，幾方便食，上面有大量炸蒜，令到成件事更香口。菜飯調味適中，唔會太鹹，淡淡嘅菜香味，加埋微微油潤嘅飯粒，有少少台式嘅感覺，又帶點上海風味，幾高質。.小棠菜餛飩就飽滿大粒，外皮幾滑溜，而且有少少彈性，餡料係多菜肉少嘅比例，好似媽媽做的家庭式健康餛飩，口感爽脆，個人好中意。～～～上海弄堂菜肉餛飩 (歌賦街) (中環)中環歌賦街35-37號地舖

當日有時要黎到上環，Openrice一下睇下有咩好食，就發現到呢間餐廳都好似幾多好評，所以就黎試下啦！我地去到咁岩過晒食飯時間，唔需要排隊。黎到發現有Lunch menu!! 本身想黎食菜飯既我就變左心想試下個上海粗炒！上到枱熱辣辣！！仲超香！！個麵炒得好好食！唔會有好粉既感覺！不過個肉片就醃得咸左少少，可能係正宗上海菜既味道？ 不過整體黎講都好好食！我地仲叫左個嫰雞煨麵！呢個對比起粗炒黎講，就清淡好多！如果下次黎，就應該會試下其他野XD。個LUNCH SET仲包杯飲品，可惜豆漿賣晒

今日來到歌賦街找朋友，午飯時間就走到「上海弄堂菜肉餛飩」嚐上海菜。  推門入內，店員即殷勤的安排座位及奉上熱茶，服務態度不錯。朋友在翻看菜牌，我就以手機掃描二維碼看看吃什麼。手機下單便捷，圖文並茂，還可按個人喜好選擇烹製規格，例如少油、少鹽，下單非常方便。前菜 - 花椒八角炒花生花生非常入味，又香又脆。✨ 燻魚醬香的燻魚，啖啖都是甜香的味道。肉質鬆軟不乾，美味。✨ 上海炒粗麵豬肉片份量多，肉質軟腍。粗麵口感煙韌，濃油赤醬，炒起來透出豉油香氣。色香味全的一道上海炒粗麵。✨ 小籠包肉餡肉質味道鮮美，新鮮多汁。

呢間餐廳主打上海菜餛飩係招牌菜式深受附近上班族 同 街坊歡迎好多嚟幫襯都係熟客仔午市套餐都好抵食打開Menu款式選擇更多齊集不同主菜．前菜．甜品✨薺菜餛飩好多人都會專登嚟食呢度嘅餛飩手工包製．餡料主要選用絞碎豬肉加入切碎嘅薺菜每碗8隻．粒粒都巨大飽滿．好足料湯底清甜唔油膩✨酸辣湯酸辣度控制得好好加入豬肉．冬菇．乾雲耳．竹筍．豆腐 同 雞蛋絲口感同味覺 同樣豐富✨凍豆漿好耐無飲咁重豆味嘅豆漿味道唔會太甜香滑健康之選

每日食飯時間到諗一諗食乜好, 打開Openrice見到呢間賣相相當吸引, 離中環中心圈喺有D遠, 即管試一次啦! 唔行過去唔知, 原來歌賦街真喺好多食店㗎.12點08分去到餐廳, 眼見都有大半坐滿人喇. 有一部份因素應該喺中環無乜上海菜有關!! 諗好食乜就外賣番公司食.花雕醉雞配菜飯醉雞（$59.5）雞件細細件好精緻，分別有雞胸肉同雞翼，份量剛好。黃澄澄的雞皮顯得油亮肥美，有着綿胎一樣的厚肉，不難看出用雞油泡浸了一段長時間，然而肉質嫰滑彈牙，胸肉的部分同樣幼滑，不帶絲亳渣滓，好驚喜。一口咬下去，雞肉能吃出雞油香味, 但花雕酒味略淡，雞肉亦略重鹹味, 配合一碗湯麵應該更好。菜飯跟餐的菜飯的軟硬適中, 一眼望落去就知唔簡單啦，而且炒得很香，軟糯而不會過油，如果加埋姜落去炒就可以拎滿分，呢個菜飯可以講得上喺香港絕無緊有嘅質素, 必定要試!桂花酒釀丸子翻開蓋淡淡的桂花香瞬間爆出嚟，軟糯香甜，簡單一個甜品，好吃到停不下，可以一試！沒想到中環上山的街角， 食物水準尚算高，外賣平台減價戰絕對不容錯過啊!

香港好食嘅小店愈來愈少好咪嘅上海舖更加係難搵而中環哩間上海弄堂係我好喜歡又間中會嚟食嘅餐廳最喜歡佢哋嘅餛飩👍🏻❤️午餐好抵食有餸、主食、飲品 加$18仲酸辣湯/菜🔸鎮江肴肉（$98）幾彈牙唔會一咬就散，食到火腿嘅香，沾醋食好可口醒胃。🔸醉雞菜飯餐（$69）跟凍豆漿酒味夠香、雞皮爽口、肉厚而有咬口、有雞味！菜飯正常、唔油。豆漿清甜有豆香。🔸細酸辣湯麵🍜（+$18）豆腐、木耳、肉絲、荀、蛋花都切精緻幼細，足料！酸辣度適中，飲落舒服的。🔸薺菜餛飩（$68）跟凍豆漿我最愛❤️！真係皮滑餡香！菜好鮮爽、又有豬肉香，簡簡單單但材料新鮮，好好味😋！有8大粒，女仔食夠哂飽。

睇番介紹，「弄堂」即指上海小巷，上海弄堂是指品嘗上海家庭小菜的地方，用相傳已久的獨特秘方，所以味道正宗，堅守不本地化的理念，一直想品嚐正宗上海菜的我被吸引入去。店內修橫有一種古典氣息，有別緻的旋轉風扇，有描繪着舊上海的素描畫，亦有圓枱雅座，刻着詩詞歌賦的藝術品，有一種置身於老上海的感覺。蒜香排骨擔擔麵（$94）擔擔麵喜愛吃辣的我叫了擔擔麵小辣，避免太辣會影響原本的味道，麵底是幼麵，麵質較軟，會發現麵條有細心剪過，容易食用，麵上有鋪滿花生碎、肉粒和香蔥佐以食用，湯底有淡淡的香味，調味適中，不會太濃。蒜香排骨排骨以酥炸方式烹調，炸皮和肉的比例適中，不會過厚，每一塊排骨都鋪滿炸蒜粒，口感酥脆，特別惹味，建議和擔擔麵配搭一齊食用，食多幾塊口感都唔會太乾。小棠菜豬肉餛飩麵（$65）聽講菜肉餛飩是上海特色小吃，而且店內標榜是手工餛飩，當然要試一試，其餡料主要用絞碎的豬肉和切粒的小棠菜，餛飩皮嫩滑、有彈性，隻隻皮薄餡靚，餡料的份量絕不遜色。小籠飽(4隻）（$54）上海菜當然唔少得小籠包，每次食都會擔心整穿外皮流晒啲汁，今次竟然隻隻都成功無穿皮，濃濃的湯汁和肉球在口內爆發，十分滋味，建議點上醋會更加開

這家開業已有20年的老上海裝潢餐廳，確實散發著古色古香的風情。牆上掛滿了山水畫和字畫，營造出一種富有著舊上海的氛圍。菜品是正宗的上海菜，亦讓人能夠品味到家常菜的溫馨感覺。酸辣餛飩，將酸辣湯和餛飩結合在一起的美食。湯底豐富，味道辣辣的，十分開胃。餛飩的大小適中，皮薄而內餡豐富。上海炒年糕，這道菜可以選擇少油或少鹽的烹調方式，更加健康。年糕煙韌可口，配菜多樣，提供了更多的口感和風味。荳沙鍋餅，即叫即煎的熱騰騰的甜點。外層酥脆，內部的豆沙餡香甜滑順，味道十分迷人。可以和家人朋友一起享受正宗的上海菜，感受到舊時上海的風情，品味到家常菜的溫馨感覺。