上海弄堂菜肉餛飩 (電氣道)

營業中

休息中

唔知有冇人好似我咁，都係咁鐘意食上海餛飩呢，呢間喺天后嘅，開咗好多年嘅上海舖，係我好鐘意食嘅一間，因為佢啲餛飩全部自己包制，所以非常新鮮，（1）薺菜豬肉餛飩$62/8隻。皮好薄，豬肉好新鮮，食到好香薺菜味。（2）芫荽豬肉餛飩$32/4。好香芫荽味，最啱我呢啲芫荽控。好正，好好味。（3）一人套餐$88。有一款小食，一款主菜。加$15仲可以轉擔擔面，我今次食咗呢個陳年花雕醉雞担擔擔麵，個雞非常香酒味。咁嘅價錢都幾抵食。++叫餐仲可以加$20 響螺蟲草燉雞十全養生湯。足料冇味精。

上海弄堂- 有水準燉湯餛飩今天和男朋友出了銅鑼灣，他心血來潮說想吃中菜，記得之前近天后站有一間上海菜，價錢經濟，而且水準也好，所以選了上海弄堂。砂鍋菜肉餛飩雞 餐廳新推出多款不同的餛飩，每日新鮮人手包製，有招牌弄堂菜肉、芫茜豬肉、薺菜豬肉、元貝豬肉蝦仁，還有素食人士的梅菜素瘦肉、五色素菜口味。超清甜的雞湯，雞肉又滑，而餛飩就選了元貝豬肉蝦仁口味，紮實的豬肉加上帶子和蝦仁，鮮味十足。一人套餐 無錫排骨菜飯配酸辣湯，非常足料的酸辣湯，不用加醋，酸味和辣味也平衡得很好。無錫排骨炆煮得非常腍身，而且醬汁濃郁，伴菜飯一流。炸銀絲卷 外皮揸得香脆，內裏口感十足的銀絲，配上香甜的煉奶。小籠包 即叫即蒸小籠包，薄薄的外皮包着湯汁滿滿的餡料。

今次係北角試食，首先間野嘅位置都好隱蔽，可能因為門口樓上正裝修所以冇咗門牌😂不過間嘢就幾有上海風，內部裝修都幾靚👍🏻見到有蔡瀾介紹以為都應該唔錯，點知原來真係一般🤦🏿‍♂️好彩呢度勝在食得舒服，不過以一間上海菜嚟講就有啲失望👎🏻法國鵝肝有機紫洋蔥餛飩(4隻) $40角落評分：🌕🌕🌕🌕🌑第一次聽人用鵝肝嚟整餛飩，點知入口完全食到啲鵝肝🤩再配埋啲洋蔥減輕咗啲油膩感👍🏻不過由於係鵝肝嘅關係，餡嘅份量會少咗啲，冇咗平時食餛飩果種口感☺️薺菜豬肉餛飩(4隻) $35角落評分：🌕🌕🌗🌑🌑呢個係好一般嘅豬肉餛飩，而且個餡唔夠juicy，有啲dry咁🤦🏿‍♂️同埋湯底係豉油湯就差咗啲，完全係水加豉油撈稀咁😢同鵝肝餛飩一樣，如果湯底有番啲誠意(建議揀豬骨湯可能更好)會加番分☺️響螺蟲草燉雞+全養生湯 $20角落評分：🌕🌑🌑🌑🌑完全俾個名呃咗😡成碗野一啲響螺同蟲草都搵唔到🤦🏿‍♂️明白$20呢個價錢係好平，但最少都拎一條半塊扮下野都好😪不過好彩啲雞都夠多，而且都算滑☺️如果單純寫燉雞湯個評分會好好多😂而湯底就一般般，飲唔出係響螺蟲草雞煲出嚟嘅湯，嘅雞同湯感覺到煲分開整，然後擺埋一齊出嚟咁🤷🏿‍♂️一人餐 - 鎮江肴肉+

假日中午想要吃個簡單便餐，來到了琉璃街已開業十多年的上海餛鈍店每日新鮮人手包製，選用100%新鮮豬肉的手工餛飩有多款口味！元貝豬肉蝦仁餛飩肉香中帶有海鮮的鮮甜並保留蝦及元貝的爽口感湯底可選豉油湯或豬骨湯！加$8更可升級至響螺蟲草燉雞十全養生湯，足料無味精醉鷄擔擔麵辣味夠出！雞肉香而不濃，嫩而不老黃金排骨外皮焦香酥脆、内里裡鮮嫩多汁小籠包肉汁滿溢，鮮甜有肉香上海小店不能缺少的豆漿新鮮微糖，正好解一解擔擔麵的香辣

喺香港食正宗上海菜, 仲要價錢親民, 環境舒適, 真係好難搵！天后嘅上海弄堂就滿足曬要求, 小店座位不多, 裝修充滿懷舊上海灘色彩, 店如其名主打上海菜！響螺蟲草燉雞湯用響螺、蟲草花、淮山、薏仁和多種中藥材淆製而成, 味道濃沃, 補肺補腎, 滋潤養生。芫茜豬肉餛飩招牌餛飩每日人手包制, 100%採用新鮮豬肉, 鮮甜多汁, 帶有淡淡芫茜清香！小籠包皮薄餡靚, 湯汁豐盈清甜, 肉質嫩滑吾油膩, 醮上醋汁嚟食更顯鮮味！燻魚菜飯採用鯇魚腩部位, 肉多骨少, 口感結實唔鬆散, 煙韌有嚼口, 滷得入味, 咸道適中, 送飯一流！排骨擔擔麵上海排骨即炸豬扒, 脆炸香口, 乾身唔油膩, 啖啖肉大快朵頤！店員詢問擔擔麵要大、中、小辣, 十分細心。麵條幼細煙韌有質感, 配搭花生醬和辣油, 非常惹味！

雖然我少介紹中菜，但其實係我本身都比較鍾意食京川滬菜。今次就去左價錢比較親民既連鎖上海小菜館【上海弄堂】食飯，天后店地點非常方便。響螺蟲草嫩雞十全養生湯：無添加味精，而且可能用好多鷄肉燉煮，所以非常鮮味！濃淡適中，而且非常暖胃，非常適合宜家起風既秋天！鎮江肴肉：肉質比較緊致同瘦肉較多既肴肉，係個人比較喜歡既口感！肉凍帶豬皮非常彈牙。本身都帶少少鹹味，所以唔加醋都ok紅油抄手：6隻招牌菜肉餛飩在加香醋辣油。辣油偏辣，同埋有少少麻。招牌菜肉餛飩好足料，味道好好，非常推薦。就算唔食辣，單點菜肉餛飩都好食！元貝豬肉蝦仁餛飩：如果係肉食獸，推薦呢款全肉餛飩。漲卜卜豬肉再加一大隻蝦仁，啖啖肉。小籠包：小籠包個皮非常水嫩，裏面非常多汁，肉多，皮算薄。不過比起餛飩有少少遜色。葱油拌麵：非常驚艷既一個麵食！葱有稍微炒過所以有少少焦香味、而且葱味好濃，唔會好油。用左細麵所以好入味，推薦！

弄堂是上海小巷的意思。上海弄堂呢間上海菜館，即意味著可品嚐到上海一般小巷裡的家庭菜式。我都好喜歡上海菜的清淡口味，尤其餛飩是每次必食的。薺菜餛飩餛飩皮不厚，隱約可見餡料的豐滿。薺菜的菜味好濃厚，配合肉類非常夾味，讚！嫩雞煨麵煨麵不會過腍，有口感。絲絲的雞肉，翠綠的菜粒，增添了層次。湯底鮮香，味道清淡不油膩。響螺蟲草燉雞湯老火湯夠滋潤，適合最近秋高氣爽的天氣。湯味濃郁，順喉，材料十足，是養生之選啊。

友人愛吃酸辣湯，見有這間上海食店，於是約友人來晚餐。店不算大，但座位之間都很寬敞。雖然下雨，但食客源源不絕，有些還買外賣呢。有很多野想食，所以決定點一人套餐。這樣就可以食到很多不同種類的食物了 ^_^我們點了「回鍋肉」和「韭黃鱔糊」一人套餐，配小食「涼拌小黃瓜」及「酸辣湯」。當然要點餛飩啦，我們選了「弄堂菜肉餛飩」及「薺菜豬肉餛飩」。酸辣湯，雖然一小碗，有咁多野食，淺嘗 OK！足料，辣度夠 涼拌小黃瓜，醒胃！回鍋肉和配料，再加醬汁，惹味 送飯一流！回鍋肉配菜飯 韭黃鱔糊，但我們走了韭黃，因我不愛吃 ^_<平常我都愛吃鱔糊的，特別是銀芽 鱔肉有彈性，炒得夠鑊氣，好味！我們加了 $10，轉擔擔麵。擔擔麵惹味香辣！弄堂菜肉餛飩，招牌餛飩果然不錯，皮薄餡靚，好好味 薺菜豬肉餛飩，新口味，同樣皮薄餡靚、隻隻都好大隻，但我們較愛吃招牌餛飩。

🍴響螺蟲草燉雞十全養生湯 HK$20用上響螺、蟲草花、淮山、薏仁等十種材料燉製，絕無味精，清潤甘甜，不過湯料得兩件雞，如果有埋其他配料就更滿足。🍴酸辣湯（跟餐） HK$16酸辣比例平均，好開胃，唔會太稠身，配料有豬肉絲、豬肚、雲耳、蛋花、豆腐、筍，幾足料。🍴法國鵝肝有機紫洋蔥雲吞 HK$40、元貝豬肉蝦仁雲吞 HK$35、薺菜豬肉雲吞 HK$35鵝肝雲吞鵝肝味頗濃，幾特別。蝦仁雲吞幾爽甜。薺菜雲吞甘甜，帶淡淡薺菜獨有清香。全部都係每日新鮮人手包製，真正皮薄餡靚。🍴花雕醉雞配擔擔麵 HK$72醉雞夠入味，充滿酒香，皮爽肉滑，我平時唔食雞皮，但今次忍唔住食鬼晒，除左花雕，仲加左桂花，我本身就唔太鍾意桂花味，但朋友就覺得好正。擔擔麵份量都幾多，麵條細滑，湯底算辣，麻香再勁d會更好。🍴上海炒粗麵 HK$65相當大碟，味道比預期淡，勝在無乜油。📍上海弄堂菜肉餛飩天后電氣道63-81號發昌大廈地下A號舖

男朋友系上海人，但我同佢其實都系食日本野多😂中菜本身要整得好就好吾容易，所以平時都少食，硬系覺得好難食到高水準嘅中菜。今日佢竟然提出話不如食上海菜，可能系耐冇食所以掛住戈份味道喇？喺OpenRice搵到「上海弄堂菜肉餛飩」，睇啲相好似幾好食🤤呢間小店最出名嘅系餛飩，款式有幾款，記起自己都好耐冇食餛飩，呢樣食物確實能夠代表香港嘅地道風味。其他就分別有小食、點心、肉類等等。已經有好一段時間冇飲養生嘅湯😅喺呢度有款響螺蟲草燉雞養生湯，聽落都覺得滋補😊飲落更加feel到滋補嘅味道，響螺同埋燉雞嘅味道濃郁又唔會太鹹，飲落去好鮮。首先叫咗個熏魚，要整到好味嘅熏魚其實真係要相當嘅技巧，所以見到都唔係間間上海菜館都有呢道菜。唔好睇隻碟好似好細咁，實際上份量都幾多😳凍食嘅熏魚，令到夏天食熱辣辣嘅上海菜當中可以清涼一下。魚肉唔會話好碎，所以零舍有咬口。上海炒年糕真係上海菜入面好地道嘅一種菜式，大小吾算好大，不過食落都飽！呢份年糕嘅醬汁味真係好濃郁，食每一件年糕都feel到戈陣醬油味😋好惹味呀，質感仲好煙韌。其他材料仲有菜、冬菇、肉絲等等，都係索曬個醬汁，好濃味，尤其係冬菇。男朋友叫咗一份薺菜豬肉餛飩，呢度

天后電氣道是美食集中地， 唔同菜色，口味嘅餐廳 都可以輕易找到。在琉璃街嘅小巷上有間上海菜餐廳， 地理位置唔太顯眼好容易會miss咗。小店裝修雅緻整齊， 餐牌有全日套餐，二人，一人套餐， 素食餐也有， 選擇唔少。我們選了兩個一人套餐， 感覺似舊式上海店嘅客飯餐。 通常足一碗白飯或菜飯配一款地道家常菜 。前菜涼拌小黃瓜， 爽脆清甜， 唔會太酸，味道好清新。 朋友喜歡酸辣湯， 夠嗆喉，酸辣也均勻， 而且望落湯料好足👍主菜揀咗回鍋肉和韭黃鱔糊。 回鍋肉醬汁好惹味， 特別豆腐乾和椰菜是最佳配搭， 還好五花肉都是偏瘦👍 送飯好正。可以揀菜饭， 軟熟甘香， 加入切碎嘅菜沒有焗黃而且一啲都唔油膩， 好吃極了！韭黃鱔糊很夠鑊氣， 鱔肉也算有彈性，唔腥，汁有点稠味濃， 也是很需要白飯～套餐加$5 豆漿豆香濃郁唔會太甜， 健康美味！每次吃上海菜都想喝豆漿～當然也要試吓佢嘅小籠包， 皮夠薄， 來有滿滿的湯汁所以要小心夾起， 肉餡夠鮮味，肥瘦適中， 也是我最愛的上海小點。📍😋👍小店新添了上海手工雲吞， 有五款口味 。『元貝豬肉蝦肉雲吞』 唯有純人手製才有那樣實淨嘅餡料， 完全冇空隙被煑淡餡料嘅味道，保留原汁原

早前過去天后上堂，之後同同事去左附近覓食，最後揀左上海弄堂食野。我地點了元貝豬肉蝦仁餛飩和法國鵝肝有機紫洋蔥餛飩，這是其中兩款新出口味。我選了元貝豬肉蝦仁餛飩，餛飩一碗有四粒。餛飩皮厚薄算適中，材料幾鮮美，我啱我口味。友人選了和法國鵝肝有機紫洋蔥餛飩。包法有些不同，較為平身，饀料再多一些更好。我地點多個湯飲，響螺蟲草燉雞十全養生湯。另外，再點了菜膽獅子頭。味道適中，肉質尚算不錯，唯獨菜煮得耐左一些。

平時食上海菜，來來去去都係翡翠或者樂天皇朝，但又貴又唔好食。今次誤打誤撞下黎左呢間橫巷小店，如果唔係有啲人排隊，都見唔到個店面。一拉開門入去，老闆好好禮貌帶檯遞茶，最鐘意窩心小店。我同老公兩個人好肚餓，Menu 有好多選擇，多數大路上海菜。弄堂菜肉雲吞(左) $30/4 隻- 湯底好清甜，個餡用左小棠菜同半肥瘦百肉，食落好爽口，一啲都唔漏梅菜素肉飩(右) $30/4 隻- 雖然係素食，但食落完全唔似，梅菜咸咸地咁特別，好好味上海炒粗麵 $80- 呢個我都好推介，平時出面食既上海粗炒通常都油淋淋，呢碟唔油而且啲麵條好有咬口。豬肉係用薄肉片，椰菜小棠菜當然少不了。加埋豆瓣醬，好惹味紅油抄手 $58/6 隻- 呢個一定要推介，個汁真係冇得頂!　好正宗，入口有陣香香酸甜鹹香味道，而麻辣感係幾秒後就爆發，連食幾隻都唔覺膩，好正!響螺蟲草燉雞湯 $20- 本身諗住$20都冇咩期望，講真$20去茶餐廳飲碗例湯都唔止啦，點知原來好大碗，仲有淡淡蟲草味，再加埋響螺鮮味，唔多油兼相當好飲。小籠飽　$40/4 隻- 皮算薄身，肉餡有啲肥肉所以食落好香口但味道稍稍偏淡，湯汁算香濃。全個晚餐老闆都好好服侍，主動

上海菜是我們的comfort food之一既可清新淡雅又可濃油赤醬今天下班就來到天后解決晚餐這裡主打不同款式的自家制餛飩是次點了芫茜豬肉和薺菜豬肉口味芫荽味是創新之作芫荽味突出餛飩皮較薄餡料份量不少薺菜豬肉是傳統的上海口味薺菜的獨特味道的確令人懷念加錢可配響螺蟲草燉雞養生湯一碗呷一口順口回甘是真材實料的味道上海春卷在滬菜中不可或缺油炸適時不多不少咔嗞脆口小籠包咬一口熱湯在口裡爆出一不小心就會把喉嚨燙傷嫩雞煨麵是我兒時的最愛軟綿綿的上海麵配上雞湯很飽足簡單小點不需要濃油赤醬也很滿足

繼續留家抗疫，連續煮咗幾日飯，的確有點悶，今日決定搞搞新意思，外出買外賣。老公話想食上海菜，揀咗位於天后嘅「上海弄堂」。其實嚟之前有瀏覽過餐廳網頁，知道店舖最近做緊外賣自取 8 折優惠，可以預先致電分店訂購食品，然後到取，省卻等候的時間，快捷方便。訂咗兩個一人套餐 ($102@)，另外再加咗客炸銀絲卷。套餐全日供應，包主菜同一款小食，主菜可配白飯、菜飯或湯麵，如果想轉擔擔麵則需另 +$10。主菜揀咗蒜香排骨、蝦仁炒蛋，而小食就選了上海春卷、鎮江肴肉。上海春卷炸至色澤金黃，雖然回家後隔了一段時間才吃，但咬下仍然香脆，加上餡料有大量黃芽白同香菇，感覺較一般春卷健康。鎮江肴肉口感亦唔錯，以豬皮配上蹄肉，入口細嫩香滑，夠味又不過濃。主菜方面，先試下蒜香排骨，排骨賣相甚佳，面頭鋪滿炸蒜和蔥粒，中間更夾雜著少許紅椒，分量十足，入口酥脆又不油膩，讓人一吃愛上，喜歡吃排骨的朋友 一定會喜歡！另外個蝦仁炒蛋食味亦不俗，吃起來很香口，有點像西式的奄列蛋餅，卻沒那麼膩，入口頗香滑，加上蝦仁夠大隻又爽彈，用來下飯一流。上海菜飯一客啱啱好係一個人份量，飯內有不少棠菜粒，飯吸收了青菜的香味，好食。套餐 +$5 可