上海灘

營業中

休息中

每次嚟葵廣一定會去上海灘因為蛋糕奶茶真係好好味呢個係必叫必飲嘅蛋糕奶茶有幾種口味，原味/士多啤梨/朱古力，次次飲都唔覺得厭，仲可以選擇加唔加珍珠既然鍾意飲就梗係買大杯啦👍🏻👍🏻

星期六嘅中午 #葵廣 依舊人山人海，#小秘書 衝鋒陷陣1小時，又係時候買杯嘢飲唞唞一唞😚 上到嚟3樓，幾乎每一間食店都堆滿人龍👀 對於一個唔鍾意排隊嘅我，只好搵間人流唔多嘅嚟幫襯🤭 每次見到 #芝士奶蓋 都口水流嘅我，馬上就比餐牌上嘅#Oreo芝士奶茶 吸引住，而且大杯都只係$25，諗住一定冇錯🤭 第一啖入口，心諗究竟我喺度飲緊杯 #冰水 定係 #奶茶？攪勻之後，除咗冰水同 #Oreo餅碎，我根本飲唔到奶茶同芝士嘅味道 …點解嘅？📍上海灘 (葵芳)葵富路7-11號葵涌廣場3樓301P號舖

佢哋嘅士多啤梨蛋糕奶茶，朋友介紹之後，一試難忘🫶🏻變左每次去開葵芳必去飲的奶茶店：上海灘Shanghaitea。楊枝甘露就不過不失。但士多啤梨蛋糕奶茶真係要講下，Msize先至$22，Lsize先$24咋，大大杯，而且士多啤梨蛋糕同奶茶的味道超夾。除咗士多啤梨蛋糕，原味同朱古力都不錯的，不過個人覺得士多啤梨蛋糕奶茶係冇得頂😛🤫而家太少奶茶店仲有蛋糕奶茶了，希望之後佢哋都keep到啦，要多啲支持小店🤝

嚟葵廣掃街，點可以唔嗌杯手搖！😙 上海灘喺葵廣廣場嘅3樓，電梯搭上去一打開道門，就可以搵到，夠晒方便。嗌左芝芝藍莓，藍莓沙冰正正常常偏甜，自己比較欣賞奶蓋，奶蓋濃郁、滑順。食到微微既甜味之餘，亦都有微微嘅鹹味，口感豐有層次，每一啖都有豐富嘅奶蓋味同埋藍莓味，質地亦都非常順滑，幾乎可以喺舌頭上融化，輕易地喺口入邊滑過。價錢仲好親民，只係賣$26🥹

去咗間店，撲面而來就係溫暖嘅店面裝潢同人情味，我點咗幾樣招牌菜講吓我嘅親身經曷。第一擊係芝士烤雞翼，啖啖肉，外皮烤得啱啱好，金黃曬又唔乾，嗌嚟即刻熱哄哄㗎，一啖落去，芝士嘅香濃夾住肉汁嘅鮮美，實在係"滋味"！再講吓個培根雜菜炒烏冬，呢個真係勁抵讚！培根炒得脆口，香味四溢，雜菜爽口得嚟又保持到青翠，條烏冬爽滑彈牙，食落㗎喳鳴得令人回味無窮。話說返個啫喱布甸，係少少甜，但滑而不膩，透明嘅琥珀色澤透着心機，簡直係視覺同味覺嘅雙重享受。我最後唔得唔提返碗牛肉沙嗲湯麵，麵條勁滑，牛肉又夠火候，柔嫩得黎又香，沙嗲湯底香辣得嚟不失味道嘅深度，真係食完啲湯都唔捨得剩。食完晒，感覺就係飽滿又滿足。再配上呢度嘅環境同服務，認真係處處都流露緊溫馨同細緻。下次邊位朋友想搵一餐好食，我一定會勁力推介嚟呢度試喇！🎉💯👌

收工想買杯野飲下，就過黎上海灘買左杯古早味珍珠奶茶大杯裝$20，好平。唔怪得咁多人排隊買，不過都係等10分鐘左右就沖好，係附近行個圈返黎就有得飲。奶茶個茶底，奶，糖比例都好好，唔會好膩，啲珍珠好煙韌，口感好好。

行過黎間小店，叫咗個士多啤梨蛋糕奶茶，呢杯飲品真係正💯！Creamy嘅奶泡像極咗雲朵，細滑到不得了，啖啖士多啤梨嘅甘甜湧上心頭。奶茶自己又夠味道，唔會輸咁容易，係個絕佳拍檔👌。飲落去，好似係喺一場夢幻嘅士多啤梨派對，完全放鬆咗自己！另外呢，仲有個芝芝金菠蘿。🤩朋友話想試下新款，結果真係意外地好味到爆燈！芝士層層那個滑溜溜嘅口感，加上底下嘅菠蘿清新得嚟爽口得嚟，真係天作之合！之唔知，店員服務嘅態度好優質，感覺到佢哋熱情嘅招呼。下次仲要試多啲唔同款式，因為咁多選擇，好想一次過試晒！總之，好開心喺呢度搵到咁嘅美食寶藏，推介俾大家黎味嚐下香港嘅甜品魅力！🎉

上海灘大C妹淨係飲蛋糕Oreo奶茶蛋糕係鹹鹹甜甜嘅奶油咁 再加埋Oreo碎😋😋😋同奶茶簡直係perfect match!!!不過呢款奶茶偏向飽肚 胃仔細細嘅豬仔留意喇🫶🏻呢間奶茶店唔經唔覺都應該開左5年雖然冇以前咁好飲不過本身有蛋糕奶茶嘅茶飲店已經唔多所以都叫做keep到水準就繼續幫襯啦😂😂😂

店名: 上海灘地址: 葵芳葵富路7號葵涌廣場3樓301P號舖葵芳站E出口，行2分鐘環境: 外賣價錢:4/5味道: 4/5多肉香印❤️❤️❤️❤️$32係奶蓋配青提子味嘅沙冰，奶蓋唔算好厚，略嫌無咩奶蓋味，下面叫左少甜，飲落甜度啱啱好，啱哂掃完街食完啲重口味嘅嘢食，再飲翻杯解膩~😌

依家國內興起檸檬茶熱潮，竟然見到上海灘呢間有鴨屎香檸檬茶～～於是就介紹朋友一齊飲😁😁不過佢話個茶底唔係好夠"鴨屎香"茶味。。不過檸檬味都清新～當然味道不及國內丘大叔的，因為那邊真的手打檸檬得很利害😲😲🙈.鴨屎香檸檬茶🍋🍋$23好味度：⭐️⭐️⭐️茶底不夠鴨屎香茶味～.而我揀了。。。山水豆腐花珍珠奶茶 (熱）$22好味度：⭐️⭐️⭐️感覺好似走珍珠會好些，因為飲落會順口d 🤣🤣飲果陣都會吸到好香的豆腐花味，類似百福豆腐花的味，突然又要另外咬珍珠😂😂 如果唔係會順滑d~不過整體都ok~

係葵廣掃街$25叫左杯芝芝火龍果 無得走甜 叫左小甜飲得出加左水 雖然都飲到有小小肉粒同埋火龍果唔似火龍果味 有小小苦真係一分錢一分貨芝士就正常發揮 如果諗住平平地就ok既

葵涌廣場頂樓名符其實手搖集中地 ，上海灘開左幾年既飲品店，眼見都好多人幫襯，價錢相對上好似平啲。今次想飲啲解渴既飲品，就簡左岩鹽檸檬茶。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 岩鹽檸檬茶（L）$19用左青檸檬、黃檸檬製成，岩鹽味突出，茶味偏淡，🍋檸檬味相對上較弱，整體解渴唔錯，味道就唔算出色，未必會再飲下一次。- - - - - - - - - - - - - - - - - - - - - - - - - - - - - - - - - - - -——————————————♥———————————————

係葵涌廣場台式飲品店多到嚇死你，四圍望下有無啱飲或好想飲嘅款式，行左個場一轉咁濟，見呢間都keep住有人幫襯嘅，同埋見佢有豆花，呢個配料比較少見，所以就幫襯呢。叫左紅豆奶茶加豆花，呢間嘅價係場內都算平嘅，加埋配料豆花都係$27。上openrice睇左2個食評，話偏甜，所以叫左半甜，少冰。（平時飲開少甜，only)飲落好在真係叫左半甜，因為可能豆花都有甜味，可以都覺得啱嫁啦，個奶茶唔算濃厚，但過都啱我，咁晏飲茶唔駛瞓，呢個茶淡淡地都好嘅。但係可惜係個紅豆，硬身左D，唔知紅研唔靚定係煲得唔夠林，一個唔起沙，二個硬，偮個失色左，如呢個係一向做法，唔建議大家試紅豆。

今日係葵芳買嘢飲，要等成25分鐘先到手。勁混亂店員完全唔跟單做問店員只係回覆:有就會呀完全唔覺得有咩咁特別，只係橙汁一杯，同隔離鋪質素差不多，勁少橙半杯冰溝水，見住佢地整芝芝xx更加唔會幫襯。下次都唔會幫親。

每次假日都鍾意黎葵廣掃街而每次，係每次，都一定要黎上海灘！Oreo芝士奶茶 (我哋必加黑糖丸子)本人是Oreo +芝士控依杯奶茶完全係我杯茶奶茶係古早味，特別香滑芝士唔係好膩個種，所以搭奶茶好perfect黑糖丸子就中規中矩，但飲奶茶邊可以唔配珍珠呢？十分推介呀！ ！