上海灘

營業中

休息中

每次假日都鍾意黎葵廣掃街而每次，係每次，都一定要黎上海灘！Oreo芝士奶茶 (我哋必加黑糖丸子)本人是Oreo +芝士控依杯奶茶完全係我杯茶奶茶係古早味，特別香滑芝士唔係好膩個種，所以搭奶茶好perfect黑糖丸子就中規中矩，但飲奶茶邊可以唔配珍珠呢？十分推介呀！ ！

非常好👍🏻👍🏻👍🏻足料，好飲👍🏻附圖。。。。。。。。。。。。。。。。。。。。。。。。。。。。。。

今日同朋友嚟葵芳行街，買咗杯上海灘嘅奶茶黎食，一飲覺得驚喜滿滿我哋叫咗兩杯相同嘅Oreo蛋糕奶茶加黑糖丸子，一飲落去口感超正超好飲！每層都有唔同嘅嘢，最頂層係Oreo，之後就係珍珠同埋有啲好似芝士蛋糕軟綿綿嘅口感超正超好飲，令人回味無窮！

味道不錯，可惜收銀職員態度十分差，如果舖頭只接受電子支付或不接受散銀支付，可以收錢時講一聲，𣎴要我比錢時，你接完就黑面，並發出一聲不滿，然後把那$23散銀大力掉落收銀機內

葵芳絕對係一個手調勝地🧋但由於競爭太大 一定要做得好飲+CP值高先可以做到落去依一間勝在價錢真係幾平 有奶蓋嘅水果沙冰竟然唔使30蚊可惜味道就真係比較一般 如果我想飲其他奶蓋可能會選擇返都同樣喺葵芳廣場嘅 茶芝味/呼吸/Nuttea了•🧋多肉葡萄(少糖) $28 📊4.5/10佢嘅葡萄沙冰係一種化學嘅味道叫咗少甜都係非常之甜 仲要係死甜類🥲入邊都有七至八粒葡萄肉但感覺有少少似韓國罐裝嗰隻提子嘢飲嘅假提子肉肉質係煙煙韌韌嘅反而淨奶蓋來講 可能因為佢用3.6牛乳嚟整嘅關係所以又幾厚實 幾好可惜因為個葡萄沙冰唔太好 所以溝埋整體都好一般

今次掃街嘅時候諗住買杯嘢飲解下渴，咁就試吓芝芝葡萄，而且佢個價錢都幾吸引只係$28，於是就抱着冇乜期望嘅心態去飲。-首先佢杯嘢飲第一下比我嘅感覺係好死甜，可能係我冇叫少甜嘅緣故，因此感覺飲落去好多糖漿，值得稱讚嘅係佢有真嘅果肉，而且都有五至六粒提子肉，上面都有一層奶蓋，都幾厚滑，嘢飲嗰個部份就好似葡萄沙冰一樣，類似係有少少化學味。-總括來講如果大家冇乜要求可以嗌，因為佢個份量都幾大，而且價錢都算幾平，學生如果平日叫仲可以減兩蚊，因此想嘗鮮嘅朋友不妨一試，不過個店面就比較細，建議買完要搵一個地方飲。

經常幫襯呢間❤啲嘢飲一直係咁好飲， 又中學一直飲到而家year 2做緊placement，算係葵廣我覺得最好飲嘅奶茶舖之一🤔我自己鍾意比較甜啲奶茶，黑糖珍奶之類嗰d，所以平時通常都係飲呢檔嘢嘅蛋糕奶茶，因為貪佢夠甜夠雪糕味， 放學考完試之後飲杯唔錯

我落單係嗌咗兩杯草莓蛋糕奶茶，之後個店員聽錯嘢，比咗兩杯沙冰我，我拎走，上埋車先知原來佢比錯嘢我，打翻去提醒翻佢下次落單聽清楚小小，仲好意思同我嘈，以後唔會再飲。

朋友去左葵涌廣場買外賣, 大食妹即刻request要杯上海灘嘅士多啤梨蛋糕奶茶基本上係每次去葵涌廣場必買嘅手信<士多啤梨蛋糕奶茶>知道大食妹越夜戰鬥力越高, 朋友毫無疑問地同大食妹買咗杯最大杯嘅士多啤梨蛋糕奶茶上海灘嘅嘢飲真係又抵又足料, 雲石紋超級靚奶茶味道唔算好重, 但裏面加入左士多啤梨醬、士多啤梨果肉, 仲有超綿超滑嘅奶泡, 飲幾多次都唔會膩唯一比較麻煩嘅係上海灘生意超好, 基本上每次去都大排長龍, 而且奶泡喺現場即打嘅, 可能要等一段時間

最近搬咗過嚟呢邊，葵廣出名多嘢食，淨係講台式奶茶，都分好多間，幾層都有嘢食同嘢飲，日日諗食咩都係一個煩惱今次試吓呢間🥤🙈上海灘🤣🤤多肉葡萄🍇👍🏻👍🏻👍🏻頂層係芝士奶蓋，每次慣咗飲芝士奶蓋定律就係飲一啖芝士奶蓋，再飲下層的提子沙冰，第一啖嘅芝士奶蓋，芝士味好濃郁，味道剛剛好，唔咸唔甜，好耐都冇試過飲一間咁有水準嘅芝士奶蓋。下層係提子沙冰，裏面有好多粒提子果肉，仲有幾粒核，證明真材實料，好好味😋下次可以再encore

葵坊廣場不嬲都好多嘢飲，見到呢間上海灘嘅嘢飲都係$20-30，非常之平又有芝士奶蓋，芝士奶蓋控一定要試下😆🍴芝芝苺苺 少甜 $26我見都好多人買芝芝苺苺，見到咁多人買覺得應該唔會差，拎到上手都好大杯，同出面$30-40嘅一樣份量，但飲咗一啖就覺得超級甜，明明已經啲甜但都非常之甜😂😂甜到完全飲唔到士多啤梨嘅味，感覺係士多啤梨汁或者生果都好少，依家超多冰同糖調味，芝士奶蓋鹹鹹地，唔係好飲到芝士味，可能係杯嘢太甜😂推薦指數: 4/10呢間野係平嘅，如果要飲嘅唔好飲生果系列，太甜了，飲其他會好啲！

其實之前我都有飲開佢哋嘅飲品，特別係葡萄同芒果冰都好好飲，今次就試新野，點知好似有啲中伏！今次叫咗鮮芋鮮奶珍珠，本身叫嘅時候我真係以為係芋頭同鮮奶嘅混合，點知係芋頭粒，而鮮奶係應該溝咗染色芋頭粉，望到杯野嘅時候有啲嚇親！$28雖然睇落好靚，但飲落就一般。首先覺得個奶好甜同個味唔係芋頭味！芋頭粒好細粒亦都冇咩芋頭味！珍珠比較有咬口QQ嘅，唔錯但都偏甜！成杯嘢飲落冇咩未就似糖水！下次都唔好試新野，雖然冇試過蛋糕奶茶，但好似最多人捧場！我都推介佢嘅葡萄冰或者芒果冰！

☀️⭐葵廣嘅手搖店實在太多啦(σ°∀°)σ..:*☆🤍但自從朋友帶我飲過呢間之後我就再冇飲過其他~🤍每次嚟都90％會飲oreo芝士奶茶，因為佢又平！又好飲！份量仲啱啱好！(´ε｀ )♡🤍oreo嘅大細算係啱啱好，係吸到入飲筒嘅size，但永遠會有一塊細嘅oreo用嚟裝飾，吸唔到(。•́︿•̀。)🤍芝士奶蓋合格，呢個價錢係咁上下，夠甜夠咸，但唔夠廷身。🤍奶茶方面我嗌左少甜，甜度啱啱好。o(*///▽///*)q🤍而size就揀左M，都幾細杯架，但咁就唔洗飲太多，過下口癮就ok，唔洗咁肥嘛。!!!∑(°Д°ノ)ノ🥲最後，大家記得攞膠袋係要收$0.5架，本身店員問我要唔要袋，我話要，然後佢話加$0.5，我就話唔要，因為我唔知道要加錢，而且我唔太需要，然後就俾店員啤左2下，有啲唔舒服。但都體諒嘅，因為都好多人等緊，佢地都幾忙同攰嘅~(๑•́ ₃ •̀๑)以後仲會幫襯啦~~🐝🐝

#台式eatcovery💡葵廣睇得又飲得之奶茶葵廣食得又飲得🤣，小編今次又搵到新野試！🍽 原味蛋糕珍珠奶茶($24)小編今次就俾佢嘅背景圖片同埋名吸引咗，order左原味蛋糕珍珠奶茶。「原味蛋糕」仲以為有件蛋糕係飲品入面，原來係指好厚實嘅cream，好邪惡🤣 相信係自家打嘅cream，黃黃哋、甜甜哋，而且好企身，店員將「蛋糕」鋪係杯邊，望落啲layering好靚，配埋奶茶嘅醇香、飲落令杯奶茶多一重甜度同口感，飲落夠曬層次。珍珠係黃金珍珠，好煙韌彈牙，有咬口！性價比都幾高！推介俾大家😋😋味道：⭐⭐⭐⭐️服務：⭐️⭐️⭐️環境：⭐️⭐️

每次去葵廣有間店一定會幫襯，就算係約咗喺新都會食飯，都會過去葵廣買杯外帶先回家🤪就係上海灘啦！每次都會買嘅係豆腐花奶茶，個人鍾意少甜走珠😋另外之前都試過芝芝藍莓同古早味奶茶🧋大大杯、足料🖖🏻🖖🏻🖖🏻😎