上海真真豆漿大王

營業中

休息中

天水圍鮮少見到的上海早餐店，嚟幫襯嘅食客大部分都會點粢飯豆漿或者炸雲吞，另外作為午餐，好多人都會叫碗麵，麵有雪菜榨菜湯/酸辣湯兩款揀，麵亦可選米線/粉絲，有單餸/雙餸，餸同麵比得一啲都唔吝嗇，大大碗，多多餸，裡面仲有豬紅同豆乾，多到一個人食都未必食哂，真係抵食夾大件。粢飯都做得唔錯，乾身煙靭糯米做得夠實淨，一層榨菜，一層肉鬆，包裹著油炸鬼，都幾好食，一個22蚊，11點前早餐加豆漿售28蚊，價格相宜。豆漿自家製，豆味都幾香。佢地嘅酸辣湯唔係杰嗰隻，所以作為湯底都唔會好漏👍 仲有兩款食物個人十分之喜歡一：就係佢地嘅油豆腐，油豆腐裡面係釀咗肉碎，非常好食😋二：獅子頭，外表炸至金黃香脆，即叫即炸熱辣辣，內裏嫩口有肉汁，鹹香味突出，實在必點💕💸💸💸酸辣湯底雙拼粉絲（獅子頭+上海燻魚）$52酸辣油豆腐 $38凍豆漿 $10鹹豆漿 $18粢飯 $22即煎鍋貼 $22炸上海雲吞 $28糖醋排骨 半碟 $26上海排骨 $20

近排成日遊走元屯天🤣 新北江都係一個美食雲集嘅地方，見到呢間食上海菜嘅細舖仔新開裝修簡單舒適🥹 即刻坐低叫嘢食😍店內姐姐態度唔錯🧑🏻 粢飯 $22粢飯即叫即包，上枱時熱辣辣🔥 餡料份量十足🥰 油炸鬼、肉鬆、榨菜唔少得🫶🏻重點係個油炸鬼勁脆身😨 每啖都口感勁豐富🥳而且個飯食落都軟熟🥳 炸饅頭 $15炸饅頭嘅火喉炸得岩岩好，金黃色好吸引🤤 外脆內軟幾出色😆 糖醋排骨豬肉鬆撈麵 $46豬肉鬆撈麵乾身少少🤏🏻 上海麵幾爽口彈牙，餸就揀左糖醋排骨，排骨份量十足，食落好軟腍😆 可惜糖醋味略嫌不足🙈 鮑汁冬菇 $26(半碟) | 油豆腐 $36另外仲叫左小食✨平時好少食油豆腐，入面釀左白菜同豬肉好特別🤪鮑汁冬菇好入味☺️ 冬菇幾有咬口份量多好抵食👍🏻天氣太熱叫左凍豆漿，甜而不膩又香滑🥛 佢哋仲有傳統嘅鹹豆漿🤤Menu

上海菜都真係好耐無食啦，一於同埋BB就去豆漿大王試下上海小食同菜飯先，Muah！環境幾大，坐得幾舒服，除咗食上海野之外，其實店內既裝修，都好有舊式餐廳既感覺。餈飯配豆漿：餈飯大大舊，熱辣辣又足料，油炸鬼配榨菜好好味，豆漿豆味香濃，唔會太甜，同餈飯好夾啊！🤤上海排骨配炸獅子頭菜飯 ： 上海排骨香口而不油膩，肥瘦分明，炸獅子頭金黃香脆，兩款炸物再加上菜飯，中和返哂岩岩好，唔會太熱氣又飽肚。😍😍炸雲吞&鍋貼 ： 大大粒既炸雲吞，又有蝦又有菜，沾埋個甜酸醬，正啊 。即煎鍋貼，肉汁豐富粒粒都好飽滿足料，好食啊！🤤特別想講一講既係，豆漿加雞蛋，都比較少見到係其他餐廳見到，咁一場黎到就當然要試一下啦。豆漿加雞蛋： 熱辣辣既鮮豆漿，加一隻生雞蛋，天然既豆味撞試生雞蛋，口感同味道都好特別同幾夾，果然係懷舊既小食，都幾值得一試啊😛😛

最近天水圍新北江有間新開的上海栥飯豆漿店，上一次喺新蒲崗一間上海粢飯店食, 因為太耐無食，又唔想煮飯洗碗，所以就試試。來到上海店當然要試栥飯豆漿，栥飯份量十分多，分開兩半後的粢飯可以清楚見到配料十分飽滿。油炸鬼脆卜卜，最重要係糯米粒煙韌有咬口。豆漿就比較特別，唔係超級市場出售的糖水豆漿，豆味濃，口感較厚，比較像老式上海店豆漿。酸辣湯酸辣用料充足，每一匙都有湯料，酸酸甜甜好適合夏天飲。令我最驚喜的是炸雲吞，雲吞皮炸得脆，就算上枱後放了一陣皮還食到「索索聲」，餡料鮮味多汁，因為這個雲吞我還點多一碗個雲吞配上海燻魚粉絲湯。我見到店內好多食客都有點上海排骨，那我點一份試試，排骨醃得夠入味，炸得香口。五香牛肉可能因為上碟時冇醬汁，五香味比較淡，個人認為有點硬。以後食栥飯唔一定去新蒲崗或者銅鑼灣。

天水圍唔多豆漿餈飯店，早前係新北江開左一間，就一於試下啦。即煎鍋貼：鍋貼餡料十足，煎得非常香，咬落去肉汁豐富，可惜一份只有三隻，兩個人share 一份唔夠喉，兩份又太多，如果一份有四隻咁就真係完美啦。餈飯:餈飯係即叫即包，拎上手幾大舊，用膠袋包住糯米，裡面有肉鬆、榨菜同油炸鬼，入口鹹中帶點甜味。糯米飯軟硬適中，油炸鬼食落香脆，配埋榨菜同肉鬆，口感相當豐富，大大舊嘅餈飯，兩個人share 食，配埋其他小食，份量十足。淨上海雲吞：淨上海雲吞係清湯底，可以揀配雪菜或榨菜，我地揀左配雪菜，菜肉雲吞一碗有八隻，大大粒，雲吞皮厚薄適中，皮亦唔易爛，餡料都非常豐富，湯底清清地，配上雪菜，帶出輕輕嘅鹹香味。酸辣湯：酸辣湯有分大碗同細碗，我地叫左個細嘅share。 份量剛剛好，入口酸酸地，配料都好足，辣度適中。豆漿：食上海野又點可以唔飲豆漿呢？我地叫左一凍一熱。凍豆漿豆味香濃，甜度適中嘅凍豆漿，朋友好喜歡，可惜無得揀無糖，唯有揀熱豆漿，真係超大碗呀，用匙更飲，都飲左好耐先飲完。

上海式早餐🥣選擇都幾多呀今次食得十分豐富首選推薦係鹹豆漿，捉料好味，入面啲料咩都有，油炸鬼、菜譜等。飲完都飽咗一半另外推薦上海雲吞，30幾蚊好多粒，每粒都好飽滿佢依度嘅粢飯都好出名，size比出面嗰啲大分，油炸鬼熱辣辣，加埋肉鬆同菜譜，仲有糯米飯，都幾惹味😍上海排骨都好好食，啱啱起鑊，新鮮熱辣。朋友叫左熱豆漿，話好香豆味，健康之選上海鍋貼都好好味，煎得好香，又係大大份，入面好足料，爆汁。今次食到好飽，冇晒quota…下次再黎會試獅子球😍

今日同朋友去咗天水圍一間特色上海菜餐廳食lunch！店員都十分之親切☺️Menu都有好多選擇我地就叫咗以下嘅嘢食😋1. 鹹豆漿 ($18)一見到個外觀好驚喜！原本以為只係普通嘅一支豆漿，點知係一碗豆漿，裏面要有油炸鬼同埋蔥花，十分特別，值得一試👍🏻2. 酸辣淨雲吞 ($38)分量十分之足料，雲吞裡面好多餡，真材實料😍無唸過個湯底都有驚喜，裏面都有好多唔同嘅材料，例如係豬紅、豬肚、木耳絲、筍絲等等，啖啖都係料😋3. 酸辣湯 ($20)由於一開始冇諗過酸辣淨雲吞都咁多料，所以就叫埋酸辣湯，但其實酸辣湯就係酸辣淨雲吞個湯底🤭4. 粢飯 ($22)係童年嘅回憶🤪十分之煙靭，裏面有肉鬆、菜寶、同埋油炸鬼，幾種味道合埋一齊十分之惹味，一定要試👍🏻5. 糖醋排骨 ($26)一開始望落去好似有啲油膩，但食落去發覺完全一啲都唔油膩，食落去啲肉質都好厚實，加埋啲糖醋味，感覺不錯🤩6. 五香牛肉 ($26)一食就有好香嘅麻油味😍食落去冇咩味精，健康之選😋另外份量都充足，半碟都夠同朋友share🥳！7. 上海燻魚 ($26)第一次試，味道唔會太鹹，都相對健康，攞嚟做小食都係唔錯嘅選擇🥰

豆漿大王開咗係天水圍 今朝早見到二話不說就入咗去新北江商場最近開咗個新地方，有豆漿粢飯，亦都有其他上海嘢食😋今日中午行過決定入嚟試吓😎，環境正正常常，最緊要冷氣夠大😂，餐牌上面選擇都較多。叫咗個雞翼拼菜飯，另外朋友叫咗個牛肉麵雞翼炸得唔錯，10分香口，配上菜飯，加埋杯豆漿，10分滿足。另外朋友碗牛肉麵，湯底比較清甜，牛展亦煮得好淋，麵條都夠彈牙另外見到餐牌都有其他，決定下次再嚟試吓其他嘢食😎

今日諗住過嚟商場食早餐，見到新開咗豆漿大王，好耐冇食過豆漿粢飯🤪環境都算正正常常，坐低就有兩位熱情嘅姐姐招呼我🤣，佢哋都推薦我食鹹粢飯，同埋豆漿。於是乎叫咗一份鹹粢飯$22，加一碗熱豆漿$12。熱辣辣，係細個既味道啊，返到屋企立即同屋企人講，佢哋都話下次一齊去食早餐。😉😉另外見到隔籬枱叫咗一碗鹹豆漿，下次決定過嚟試吓，餐牌仲有好多其他嘢食。😋😋又多樣新選擇🤩🤩🤩，總括嚟講味道水準都唔錯

放假自己出黎食早餐，行下新北江又有d鋪又未開，見到豆漿大王就黎食個粢飯同豆漿咁啦，話說之前都試過黎食佢d上海麵同炸排骨，都算係不過不失啦。今次叫左個粢飯，鍋貼同凍豆漿，粢飯黎講22蚊1個真係算貴了，入面都係d榨菜肉鬆同油炸鬼，油炸鬼炸得太乾，開始食果陣就好脆口，食到尾就好韌，我覺得1般般。再黎埋個鍋貼，3隻都算大隻，都做到底脆上面軟，口感唔錯，餡料都好足，係上碟個碟好多油，唔似係用水煎。豆漿就正正常常啦，咁樣1餐早餐就56蚊了。

本身係用期待嘅心情去食，同行嘅朋友幾年前食過係好味嘅。嘢食到齊之後，我食咗幾啖，我已經唔想食，人生最伏嘅店。酸辣雲吞米線成碗野好清淡，冇味嘅酸辣湯，裏面原有酸辣湯嘅配料都好大舊，正常應該係切細的。雲吞破皮嘅，應該放咗好耐或者煮咗好耐，餡料味道一般般。米線口感正常。炸排骨菜飯感覺似低溫油炸排骨，油冧冧。菜飯好乾。即煎鍋貼（3隻）🔥又破皮上菜嗰刻，已經睇到個鍋貼係穿咗個窿，咁都可以拎比客人食？廚房同埋侍應係咪有問題，我問侍應點解會咁，個侍應淨係講：「我換過一隻俾你，但係要重新煎過。」咁梗係要煎過一隻啦😩睇到都唔想食。好少汁，皮厚，油冧冧。建議店家加塊吸油紙做底。最後係食唔飽嘅，喺走嘅時候有同老闆娘講聲，廚房質素需改善，佢冇問我哋點解，或者改善嘅地方，只係講咗句：「冇計新開。」我唔見得佢會做改善，唔建議去食🤢🤮餐廳應該先做好員工培訓。