上海維記

營業中

休息中

位於水街中段不太起眼，只係搭巴士經過看到，就來試試，樣樣都想食，就先試兩個擔擔麵，麵擺相靚仔，味道香濃不調，不油膩。口水雞並不像川式重麻辣味，辣中帶酸甜，肉質滑溜，問店員可有口水雞汁出售，可惜暫時未能供應。紅油抄手，雲吞大大粒，據菜單述是自家製，有肉味有質感，配合其自家［怪味汁］，與眾不同，別有一番風味。推薦一試。

本身去食上海野係想食小籠包，點知呢間原來無既，店家招牌生煎鍋貼又賣晒，所以叫左另一招牌 - 自家製菜肉雲吞。① 菜肉雲吞擔擔麵 $61雲呑好大隻，皮薄餡多，好食。擔擔麵首先試下湯底，第一啖有少少辣，但之後就唔覺辣；花生味幾香但唔算濃味。② 上海排骨擔擔麵 $65③ 吉列排骨 $38兩種排骨分別在於個「炸粉」，雖則薄薄地，但唔會好厚粉，唔會好乾或者好柴。④ 醉雞翼 $38開邊雞翼！肉幾結實，味道唔係好重酒味，無咩特別。⑤ 南京牛肉 $65原來即係牛𦟌，口感唔錯，但無乜味，呢個價錢性價比一般。

原本打算與同事L一起去吃牛舌飯來到餐廳門口才發現很多人排隊中；同事L看到在旁的小店；提議不如試一試 - 上海維記餐牌九月份的午餐餐單午餐贈送：枝豆爽口這碗擔擔麵上枱後，我覺得好像沒有走辣；問了服務員後，她說：廚師忘了走辣。我嘗試吃了一啖；辣度…真的吃不下…唯有換湯底炸雞扒外脆而肉嫩濃郁花生湯底帶芝麻香，麵條細滑好好味同事L話：好好食份量都好大碗！午餐贈送：豆漿 / 酸梅湯 / 汽水選了凍豆漿；有香濃豆味。上海維記 總結：值得一試！

同老公去開港島，突然間想食上海嘢，就膽粗粗入去試 ，其實都幾驚食到伏嘢，門面乾淨企理，坐落舒服，好快咁點完嘢 ，上菜都幾快手 ，可能我哋早食飯，店內冇乜食客，上菜都真係幾快，熱辣辣，有質素，又食到師傅嘅心機，講真，食物有冇心煮出嚟，真係一食就知👍所有嘢都即炒，咕嚕魚塊，我好少食，甚至我唔太中意咕嚕嘅食物，係我老公中意食，今次一試，我對咕嚕嘅菜式改變咗睇法，原來真係幾好食，魚塊仲保留酥脆，👍👍夠曬獲氣，口水雞同怪味雲吞必試，推介推介！今次發掘到好西

突然好想食上海野，突登去屋企附近既上海維記堂食💕🙈呢度店員好好，好有禮貌，而且好有效率👅 👅😆價錢都好抵 大大份今次我就叫左以下菜式:前菜青瓜拌海蜇 $45正宗上海煮法，係清清甜甜的，同平時喺街食到嘅煮法唔同！ 我更喜歡青青甜甜嘅煮法，食到青瓜嘅Flash味🤜🏻紅油抄手（8粒）$50每一粒都好大粒，應該係廚師親自包的，聽講每日都係新鮮人手製造😜 重點係：嗰張真係好正😝 又酸又辣主食酸菜魚 $98感覺食落無乜味精🤜🏻 健康煮法與平日外面既川菜煮法不同🤪湯也可以撈飯飲！不油！口水雞 （例牌) $88好多舊雞🙈 個汁秘製又幾正！可要求再辣一點💪🏻💪🏻 下次要挑戰！炒菜飯 $22好多菜！ 一定要加😆😆 仲要好大碗涼瓜牛肉 $88係必推既菜式！我至愛吃呢間既涼瓜！ 不苦！而且牛肉鮮甜肉質嫩滑，冇雪藏味👍🏻上海維記 (西環)地址:西環水街9A號地舖

住港島東其實冇乜邊間好食嘅上海嘢，之前搭車經過水街，知道有上海維記同另一間，今次是上海維記☺️ 由於一早有計劃，所以都自己帶定外賣盒，一個買咗三樣嘢：上海炒年糕麻辣雞絲粉皮（小）生菜肉雲吞一打年糕來貨應該都幾正宗，原本都驚搭車返屋企要差唔多45分鐘，會焗到淋晒黐實晒，返到屋企即刻打開嚟食，又冇淋哂，仲好有口感，煙靭感好好！糯米味都夠，再加上佢唔會切得太薄，咬落去先至又返上海年糕嘅感覺！年糕控嘅我表示一定要 encore！麻辣雞絲粉皮嘅麻辣醬都有心機，應該係自己調，唔會太鹹，雞絲都唔會好乾同鞋口菜肉雲吞就返到屋企自己煮，始終皮都怕焗太耐會漲同口感好粉爛。煮嘅時候都已經知道佢係皮薄，餡都唔會包到好實，應該冇落過多嘅生粉，都幾juicy 得黎都唔係靠豬油造成嘅油淋淋❤️❤️決定下次要去堂食，試埋擔擔面！

突然之間好想食上海菜，於是就走咗入去呢一間上海麵嘅餐廳，食咗一個花雕醉雞，再加湯麵，全部加埋都係$78非常之抵食！見到呢一度嘅花雕醉雞真係好吸引，呢度嘅花雕醉雞湯好香，而且醉雞嘅雞肉好滑，份量亦都好充足！

之前喺OpenRice發現咗呢間位於西營盤嘅上海菜今日朋友早收工, 就同大食妹一齊去試試<吉列排骨粗炒>因為而家全部堂食都係收6點, 大食妹去之前已經事先做過research大家嚟到一定要試吓呢個吉列排骨粗炒上海維記嘅吉列排骨係大食妹食過最好食之一酥脆實肉, 啖啖豬肉香粗炒有少少似比較硬身嘅烏冬麵, 感覺比一般粗炒更好食配料都係比較樸實嘅椰菜同紅蘿蔔<紅油抄手>怕唔夠飽, 嗌多一份紅油抄手紅油抄手非常足料, 大大粒但係上海風味嘅紅油抄手裏面加咗醋, 大食妹就唔係好食得慣<菠蘿梳打特飲>見到佢嘅特飲好似幾特別, 嗌咗呢杯菠蘿梳打特飲, 雖然梳打幾夠氣, 但菠蘿糖漿實在太甜, 再加上溶唔到係梳打到, 唔太推介

自己因為在大學工作和讀書的關係所以熟悉西環附近一帶的食店，吃過很多間附近所謂評價高的店舖(例如金祥等等)，一比之下，絕對覺得這家上海維記應值得更多的好評。首先，這家店食物質素很好，南京牛肉擔擔面和上海粗炒特别好食，如不夠飽又可以加面底，而且環境挺好闊落坐得算舒服，有電視看，有自己的洗手間，很乾淨又方便，特别係嗰位後生仔店員(應該係老闆嗰仔)態度十分好又有禮貌，間唔中舖頭播嘅英文歌都幾好聽有品味，綜合來說，很好的一家店實屬難得！

HKU 附近抵食上海菜🤑放lunch 可以黎試下👍本身覺得手撕雞冷麵都係間間差唔多🤣又唔係喎麵唔會淋好有咬口👍（呢個價位黎講都算難得）個醬偏酸少少，本身唔辣，但我覺得自己加少少辣椒醬之後昇華左🤣欣賞佢好多青瓜👏可惜係雞肉好嚡同埋有種冷藏味下次會黎想試下其他野😋

行落水街一頭唔少上海菜館今次試呢間上海維記入面唔太大 不過入面幾視正乾淨餐牌款式選擇多 有上海湯麵 擔擔麵 粗炒 冷麵 燴麵 年糕等不過就冇lunch set▶️花鵰醉雞 加湯麵 ($68+$10)見佢好推薦呢個花鵰醉雞 所以試吓賣相唔錯 個雞同麵都好大份🍜麵唔係上海麵 而係幼麵 質感一般 唔太煙韌彈牙 不過又唔會好散如果係上海麵會好食好多湯底好清 冇乜味 咁先可以突出醉雞嘅酒味 另外仲有兩束白菜🥬幾清脆健康🐔醉雞食落新鮮 連皮同骨 但係骨好細 大部份肉舊肉雖然唔係好滑 不過因為好厚肉 啖啖肉 幾正而且有啲雞油 同埋浸起超香濃嘅酒入面 搞到超入味酒味少少苦 配上甜甜地嘅紅紀子又幾夾 唔錯-味道方面ok 勝在好大份 不過未至於好好食嘅上海菜服務都正常環境算唔錯 坐得都舒服價錢就一啲啲 普遍$60 我呢個貴啲$78 但係冇野飲 所以唔可以話抵食但係唔知點解好多低中既學生嚟食🤔

小店，只有四張四人枱和bar位，但乾淨企理，店員有禮，食物有水準。兩個人，點了：*上海菜肉雲吞*。雲吞皮不算薄，軟滑有口感，肉餡味道夠又新鮮，配較清淡的上湯，好吃。*吉列排骨擔擔麵*排骨炸但香酥又不油，麵條質感非常好，湯底有榨菜肉醬，味道不錯，若能再辣些和花生些就完美了。*鍋貼*。這個有點失策。它賣相一流，漲卜卜像証明內餡份量十足。不過外皮較厚，最大問題是。煎得不平均，鍋貼底煎得金黃香脆，但其餘部份仍是白色的，像蒸餃一樣，不喜歡這種半脆半腍的口感。*酸梅湯*。夠凍夠濃好飲。會再來試試其它茶式。

環境安靜整潔，服務員有禮貌。不會逼人搭臺。食品質素很高，上海大雲吞粒粒飽滿，湯很清，湯裡還有青菜。炸排骨酥脆，作為上海人都覺得很不錯。如果有辣醬油就更好了！推薦！

新開張！美味快餐，環境乾淨！良心小舖。staff年輕且有禮貌，完全不像香港某些茶餐廳員工那樣會「罵人」。My expat Frd said he really like the staff because he is quiet lol

住附近成日留意有咩新店開張，今次係一間稍為唔起眼既小店，店面無乜裝修只係簡單桌椅，餐點都好平常嘅上海店會食到嘅野，絕對唔係走fancy打卡路線，而係做日常街坊同學生客。撞正八號風球Work from home，收工已經成8點又唔想煮飯，就落樓下睇吓仲有咩餐廳開門，見維記有開就決定一試！今次嗌咗個排骨擔擔麵、南京牛肉(即係牛𦟌)擔擔麵同埋麻辣雞絲粉皮，佢正餐價錢唔貴，麵都係五六十左右，三樣都係水準貨色，對得起價錢喎！先嚟排骨好大份！炸得香口唔乾，同隔離金祥有得揮南京牛肉就正常發揮，入味同埋量多擔擔麵個麵質幾彈牙不過唔太濃花生醬味，爭咁啲至於雞絲粉皮辣度幾好，值得試總括來說係唔錯嘅，店員都好有禮貌，而家開餐廳真係唔易，加油💪🏻