上海美華菜館 (已結業)

今日屯馬線搵食 係土瓜灣站行幾分鐘就到,呢間見到唔少人介紹既老店上海菜菜式如下薺菜魚片 酸辣湯 麻油海蜇片 小籠湯包 先上酸辣湯 超大碗,夠2-3人飲用 豆腐 蛋花 木耳絲碎 辣椒碎 仲要淋上辣油比起平時飲到既味道更為豐富 入口先酸後辣 因為辣椒碎都幾多 但個辣勁唔會停留好耐湯過就散 口感豐富好飲薺菜魚片 呢款第一次食,做到好似湯羹 可以連湯食 魚片厚身香滑 魚肉鮮甜 相輔相成下味道好豐富 麻油海蜇,爽脆麻油味濃 仲附一碗醬汁,唔夠味可以沾少少食, 但食海蜇本來就食口感脆唔係食調味小籠包一客隻 皮薄餡多,夠飽滿咬開肉汁香甜土瓜灣美善同里13號上海美華菜館評分8/10消費$300

好認同上面啲comment,服務態度差到一個點！原本一心諗住上海菜館食下鍋貼，銀絲卷，點知入到去話星期六日只做小菜，鍋貼只做早餐，仲要一定要叫個小菜先可以搭啲散叫小食（唔可以散叫小籠包），好似夾硬要你dum錢先可以食到你想食既野，好似茂人寺。本身諗住野食好味就算數，點知食物非常一般，態度仲要咁差，永不會再有下次，第一次忍唔住比負評，好差既體驗⋯

今天是星期六，在家附近的美華食午餐。排骨菜飯塊豬扒無味道。雞絲煨麵，差不多只有青菜沒有雞絲。只是酸辣湯正常小小。想叫客飯，伙記話冇，但餐牌上只寫假日暫停。對叫小菜的熟客招呼就好好，早晨前早晨後；其他叫炒飯，麵食的客人就態度認真麻麻，知道老板娘的態度一向是這樣，所以已經沒幫襯幾年，本以為疫情下態度會有所改善，但仍然令人失望。由於附近沒有上海菜館，所以才再光顧，但出品和服務態度令人卻步，這是最後一次了，不會再比機會。

星期六下午五時多進入餐廳，多個卡位已留坐給三人以上，我兩個人只是想吃些小食，原來葱油餅丶粢飯等只有早上提供，而我們已經有計劃到其他地方吃晚飯，所以只想點一個油豆腐粉絲湯及豆漿。店員全女班氣勢泊人，暗示你一定要叫晚飯小菜，假日一定要三人以上才可以坐卡位等等，態度非常差。知道我只是點一個餸便口黑面黑，餐廳氣氛非常惡劣，好像所有客人都她們什麼的。我對面的客人也是一樣，想先點幾個小食，她們立刻「澄清」現在是晚飯時間，客人要向幾位女皇解釋自己先點三個小食然後再煮小菜，叫她們不用緊張。　我的油豆腐粉絲湯其實跟銅鑼灣小巴街那小店沒有大分別，豆漿就非常高質，但這個服務跟裝修（最討厭的白光管），我要看她們能堅持多久啊⋯⋯蔡瀾先生，這次你都不會知道啊！相都不想影，心情被影響得好差。她們服務差的確是名不虛傳。

聽聞哩間上海早餐好出名，一於就星期日去試下，時間係時間9點半～去到都已經有少少嘅人龍，不過都好快入到去坐首先歡迎我地嘅就係10級涼風係我正後方，吹左1分鐘都已經頭痛⋯⋯今次黎嘅目的係為早餐唔係食風架嘛，所以就叫姐姐幫手郁一郁佢，點知姐姐話：「哩到咁多人關左好焗，叫我等等先！」野食黎啦，不過立眼望似係隔離枱叫嘅，咁我就同姐姐講：「好似隔離枱架喎～」佢就話：「擺低個陣你又唔講！」我個下燥左，你咁快走點同你講呀⋯最後買單嘅時候聽到老闆娘同啲啱啱入嚟嘅食客講：「唔鍾意俾你哋入嚟一入嚟就同我亂咁坐。亅老實講呢餐早餐價錢真係幾抵，仲贈送一肚氣，結論係我認為呢間餐廳真係值得推介俾大家去試伏。

俾錢買難受，受氣服務一流。今次真係好激氣，食份早餐姐，咁都要俾你鬧~~話说呢間上海店，假期早餐時段係由7：00至12：00！一入到去坐低叫菜，就俾果位太子仔話：「11：30啦，好多嘢都冇㗎啦，下次你哋要早啲嚟，唔好等到11：30先嚟啦」。我心諗，我都未話要乜，你就咁講？頂，乜事先？算，我哋都照叫，一客粢飯....佢就即刻講，粢飯我哋都唔係好想再整㗎啦！我就問，咁即係有定冇呀？有就一個字，冇都係一個字姐.... 跟住佢就問，要幾多件？我哋要一件姐！佢先肯落單！跟住就開始嚟啦，呢樣冇果樣冇，係咁問你仲要乜，要你即時决定，要一次過落單，一次過送嚟，唔幫你分開落！喂，大佬，你呢樣冇果樣冇，點樣即時决定呀？心諗：不如你講仲有乜啦？如果你好忙，咪轉頭先落囉，做乜姐？最後，我哋只係叫咗粢飯，煎餃，小籠包同兩杯豆漿就算了，加埋都成百蚊啦！最後粢飯嚟咗，老老實實，佢嘅粢飯都幾好食，裡面的油炸鬼脆卜卜，啲飯又煙煙韌韌，幾好味！其實油炸鬼係好關健，只要係鮮炸，果一次嘅粢飯就會好味！有時呢間嘢啲粢飯會一般般，因為油炸鬼做得不好。根住要講嘅係，粢飯嚟咗後，果位太子仔落咗好多粢飯單，有十件以上！之前你又話唔想再做

自從土瓜灣地鐵站開通之後，好多人開始介紹呢區美食，我都唔執輸，即刻嚟試吓呢間人人稱傳統老上海味道嘅平民早餐。而家樓宇外牆保修，鋪面搭哂棚，一眼就見到。其實入到去見到店面冇想像中咁傳統，唔知係咪因為嚟香港之後比度同化咗，但店員就應該係正宗上海人，私底下都會用方言溝通。今日點咗兩樣傳統早餐🥣1️⃣ 鹹豆漿其實我以前去上海都冇留意到原來有鹹豆漿，但喺台灣就見過，有豆花、油條、蔥花、蘿蔔乾等等，味道都ok ，可以按個人喜好加醋食用。2️⃣ 小籠包呢個小籠包真係令我好失望，雖然肉涵都幾好食，不過一籠就得4個，仲要有一個穿咗漏曬汁，4個承為30蚊，真係貴夾唔好食。推薦星評：2🌟順帶一提，呢間嘢嘅服務態度唔太好，點餐叫咗3個人先點到，仲要睇佢哋面色，我就應該唔會再去喇。

平常也有到這店吃早餐，我特別喜歡他們的咸豆漿，葱油餅（厚和薄的也各有風味）和粢飯，很有在台灣和上海的味道，沒有出境旅遊，也可以懷緬一下。但早餐人多排隊，人手忙碌，招呼便真的沒有了。看到幾位名食家也介紹這裡的地道上海菜。屯馬綫剛開通，店只在土瓜灣站幾分鐘路程，試車之餘便來試試。6點15分入坐，只有二枱客人。二位姨姨侍應生，老闆娘睇埸加年輕的太子爺幫忙下单。和太太二位，趕快點了幾個菜品嚐下。滷水蘭花豆腐干平常在其他食店吃到的豆腐干，沒有這裡花功夫把豆腐干切上花刀，這樣更美觀和入味。滷汁不咸，淡淡的入口充滿豆香，值得一試。砂鍋醃篤鮮這湯入口鮮美，沒有味精，咸肉咸香Q彈有口感，十分好吃。鮮筍可以，扁尖筍有渣。整體湯是十分可口。銀芽炒鱔糊菜端上桌便很有好感，鱔條粗粗的配上中央的蒜泥葱花。鳝條新鮮彈牙，芽菜爽口，沒有傳統上海菜的濃油赤醬，小小改良更合香港人口味。炸銀絲卷很久沒有吃到這麼出色的銀絲卷，裡面是一絲絲的，用來伴鱔糊吃，匹配。小籠包單尾來個小籠包，新鮮豬肉做，包皮不太薄，但充滿肉湯汁，燙口，十分好吃。這晚可能早入席，只有三四枱客人，店不忙，老闆娘也是有說有笑，很有家庭小店的親切感。下次一定

食美華一肚氣😠😡😤 不久前經好朋友介紹，到此食傳統餐廳食上海菜，本來每星期都會幫襯二次早餐如豆漿粢飯，都算是常客，食物質素不過不失，栥飯好味取決條油炸鬼，有時正常有時就比較硬。 那天的油炸鬼硬到一個極點，條炸鬼丟入碗可以噹噹聲簡直挑戰牙力，所以作出投訴，投訴完一肚氣還更甚，两個伙記一個老闆當我原全透明，隨意答一句天氣下雨就硬咗D。 今時今日咁差嘅服務態度，真係貼錢買難受…….嗶嘩嗶嘩…..恭喜這店成功趕客。

區外人經過呢度一定唔會發現呢間餐廳😅 裡面裝修睇得出都有返咁上下歷史🗿以為係普通茶餐廳 但偏偏呢種上海人煮既道地上海味似乎係佢既賣點🤪 試一試佢既小菜一定唔係精緻🪞但係試一試傳統地道既味道也未嘗不可🤩⭐️粢飯 🍙真的好有傳統口味 必試‼️ 飯粒粒粒分明軟硬適中 🍚包住脆脆既油條 餡料好飽滿😋難怪係招牌🏵⭐️ 鮮肉鍋貼 🥟皮薄唔會好重麵粉味🫓 鮮肉餡尚算Juicy🥩⭐️ 丹山蜇頭 🐙⭐️ 醉雞 🐔⭐️ 滷蛋 🍳用料尚算新鮮🌱蜇頭好彈牙😋 作為前菜算開胃 但係調味比較唔入味😅 差了一點層次⭐️ 炒鱔糊 🐠濃油赤醬惹味得黎又唔太油膩😋 鱔肉好有口感⭐️ 宮保雞丁 🌶惹味得黎唔會過鹹😚 特別鍾意腰果既口感🥜 送飯剛剛好⭐️ 清炒蝦仁 🦐⭐️ 熏魚 🐟⭐️ 毛豆炒百頁 🥬⭐️ 薺菜炒年糕 🥒兩道海鮮調味比較單調🧂 襯托不了蝦肉同魚肉肉的新鮮反而蔬菜的比較清淡 食到毛豆本身淡淡的草味💚⭐️ 酸辣湯 🍜見到湯底同鍋巴超足料❤️ 酸辣平衡不錯⭐️ 醃篤鮮 🍲飲得出湯頭好鮮甜😋 但係唔會太濃 無味精似係住家Version 🏡 火腿既鹹香剛好提起蔬菜同筍既清新⭐️ 高力豆沙 🍘⭐️ 豆沙鍋餅 🥞豆沙幾甜但係熱辣辣唔覺得膩😋 高力豆沙好似D

我真係好鐘意小籠包點解？點解？無小籠包關注組要食唔連鎖味道我只有一兩間剩今日再去土瓜灣今日食咗八隻蒸餃八隻小籠包都未覺油膩但竟然係個鱔糊粗炒有驚喜鱔厚麵彈醬濃Edaciousness 7/10得閒再去食過

聽同事講話呢間老店既粢飯幾好味，諗住試吓。不過好失望，仲食到一肚氣！😡服務態度~勁差！啲姐姐其實ok，但個後生仔，我諗係老闆個仔，好寸，會鬧客。咁既時勢仲咁既服務態度，難怪入面得一兩個客。話就話老店，但一啲人情味都無。就算味道可以（其實都普通），我都唔會Encore，無謂貼錢買難受。

食物水準保持, 但服務態度極惡劣.不但店員 不理不睬, 連清潔姐姐也瞪眼駡人, 說我們阻她執枱. 以往 年老的老闆娘會和客人有說有笑, 近幾年已經沒有了, 往日的親切都沒有了.

幫襯過幾次，早餐晚餐都有，食物不過不失，小籠包皮唔夠薄。本來都無乜好寫，不過今次終於見識到其他食評寫佢哋嘅服務態度，事發時係早餐時間，隔離枱客人叫伙計比杯水佢，伙計望到無回應，第二三次再叫一樣望一望無回應，之後客人忍唔住自己行去拎，男伙計見到就突然好大聲好惡咁講：「水要收錢，你自己拎都一樣要收!」自己十問九唔應，一嚟就鬧人，究竟當入嚟幫襯嘅係客人定仇人？!雖然唔係發生喺我哋身上，但我同老婆都覺得呢間嘢真係無下次。

當天早上吃碗咸醬、餈飯，眼見員工全部外省鄉音，以為我聴不懂，食物還可以接受，只是員工口抹橫飛，今時今日嘅環境，講到態度，不咁恭維，由其老闆更利害，外賣的食品，求其載上，如果消費者吃少量食物，便會用上海話問侯🤬，講到晚飯有很多菜式（貨不對辦）！當香港人不懂吃，自上次給you tube介紹過一次，更變本加厲看不起香港人，今次主要投訴是不要，一朝得旨、語無倫次。😡😡😑