上海老家 (已結業)

今日屋企冇煮飯所以同爸爸去左附近搵野食😌見到上海老家休業後隆重重開番就入左去幫襯😋店鋪位於中匯街街尾係大角咀既隱世上海菜🤫餐廳環境闊落 店員服務態度有禮 價格適中🫡講番我地叫左咩食👇🏻午市客飯:醬爆雞丁 $55好好味 醬香微甜 唔會甜到食唔到👍🏻金牌豬扒 $55炸得香脆 肉質嫩口 果然係金牌🎖️京蔥爆牛肉 $55牛肉肉嫩味濃 蔥味適中🙉蝦仁炒蛋 $98啲蛋勁滑溜 而蝦就大大粒 勁新鮮又彈牙🥚糖醋魚塊 $98又係甜酸系列 甜甜酸酸總會令人開胃啲😛配料有青椒🫑紅椒🌶️菠蘿🍍魚塊皮脆 魚肉嫩滑 🐟

冷盤點了雞絲粉皮和五香燻魚：雞絲粉皮麻醬味道香濃，配上青瓜，味道清新。五香燻魚份量十足，炸得外酥內軟，醬汁甜甜的，很搭。主菜點了香醋排骨和銀芽鱔糊：排骨裹滿香醋醬，酸甜適中，很好吃。鱔糊口感彈牙，完全沒有泥味。醬汁的蒜蓉味香氣撲鼻，配上銀芽，配飯一絕。來吃上海菜，當然必點小籠包：小籠包皮薄、肉餡鮮甜爆汁，蘸少許醋和薑絲，味道更有層次。用錫紙小兜裝住，吃起來很方便，不會因為小籠包皮薄、用筷子比較容易夾穿而浪費了肉汁。甜點選了高力豆沙：外殼脹卜卜、口感鬆軟，充滿蛋白香。紅豆餡料綿密微甜，吃完很滿足。整體來說，每道菜式的調味剛好，是品嚐上海菜的好地方。

而家香港嘅上海菜餐廳越嚟越少，👩🏻要食小籠包，又唔食連鎖店都唔係咁易。🌟醉雞 $75爽彈嘅雞皮加嫩滑嘅雞肉，連雞胸位都好易咬。花雕酒嘅香味滲晒落雞肉，冰冰涼涼夏天食好清新。🌟雞絲粉皮 $60又係一款好啱夏天嘅涼菜～順滑嘅粉皮撈埋花生醬味道好香。雞胸肉會比起醉雞口感結實啲。🌟小籠包 $48/4用錫紙兜裝住唔易痴底，亦都啱晒我哋呢啲唔擅長用筷子嘅人。爆汁又鮮甜，我哋一人兩隻覺得唔夠食。🌟黑醋小排骨 $138酸酸甜甜，濃而不膩，配白飯食一流。用嘅係排骨頭所以多啲軟骨。🌟酸菜桂花魚 $328魚肉嫩滑無骨，凍咗都完全冇腥味。整體口味傾向清爽唔油膩。比較酸同麻，辣度就唔算高。🌟流心高力 $72第一下咬落去諗起雲朵☁️，口感好鬆軟。紅豆餡唔會太甜，多啲餡就更正。

今日約咗朋友去大角咀食上海菜，喺奧海城行過黎都係幾分鐘，都幾近，呢度d上海菜都幾正宗，價錢又唔算貴，都唔錯。醉雞好重酒香味，雞肉好嫩滑，入晒味，唔錯。脆皮素鵝外皮煎到脆卜卜，但唔會太油膩，幾香口，入面仲有大量冬菇涵，幾好味。小籠包粒粒小籠包都有錫紙兜裝住，可以兜住d湯汁之外，仲可以比d唔叻用筷子嘅人食，好貼心，小籠包勁多湯汁，好鮮甜，d肉涵好嫩滑。紅燒肉d汁好濃郁，好惹味，紅燒肉，好淋好入味，一層脂肪一層肉，層次好分明，d肉都好嫩滑，仲有豆腐做配菜，豆腐都好滑，勁正。水煮魚魚片份量都幾多，食落勁嫩滑，個酸菜魚湯好鮮甜，入面仲有大量菇，酸菜，豆芽，薯粉，吸收晒d湯，好好味。高力豆沙即叫即炸，大大粒，食落非常鬆軟，唔太甜

朋友大力推薦我食呢間大角咀隱世上海菜小店！我平時其實好少接觸同食上海菜🤣 見佢咁樣講我就黎試吓！原來佢係休業後隆重重開！不過位置就唔多起眼，大家要比眼力👀 事關佢附近大廈都裝修緊🙈 ① 五香燻魚 · 煮得好香！勁有驚喜！大家一定要點🥹🥹· 雖然賣相欠奉但真心好食·表面脆配甜甜既滷水汁·店家用新鮮嘅鯇魚腩😆② 脆皮炸子雞 （半隻）·外皮脆、肉質滑嫩、擺盤靚！！·食落去唔油膩③上海回鍋肉 ·呢個係我食過最好食既回鍋肉！💜·望落有光澤但食落去唔油膩！·超級香會流口水🤤！勁多肉同豆干！④ 排骨擔擔麵·與別不同的擔擔麵！花生味相對無咁出·（超驚喜！）排骨好軟嫩、炸粉完全唔厚啖啖肉大舊！抵食！😍本身仲想點啲甜品但我地實在太飽🤣🤣🤣我地留翻下一次再食🤣我想食炸饅頭、高力豆沙同豆沙鍋餅🫦！最近餐廳透露有優惠推出！🎉🎉凡係消費滿$100 會送$10 coupon (無上限）！而且當晚follow 店家社交平台 ！①雞絲粉皮②脆皮素鵝③無錫小魚兒會在上面三款小食中選一款送大家食😍😍 正呀！我果晚就送咗雞絲粉皮！花生🥜醬味特濃😍上海老家 (大角咀)📍：大角咀中滙街61號地舖 （奧運站B出口出）

👅五香燻魚（$68）呢度嘅燻魚同出面食到嘅有少少唔同，用嘅魚大大件😃食落外脆內嫩，甜甜地好香口👍🏻不過魚有少少細刺，要小心啲食!。👅太白醉雞（$78）醉雞一上枱已經聞到好濃嘅酒味🤩一碟有雞髀、雞翼、雞胸三個部位，雞髀嫩滑啖啖肉🤓雞胸索曬酒味齒頰留香，雞翼皮爽脆，唔錯唔錯😛。👅小籠包（$48/4粒）呢度嘅小籠包非常貼心，每粒都有個兜仔裝住，唔洗驚用筷子夾穿個皮🤪咬落爆汁幾滿足，但湯汁可以再鮮甜啲，而個皮亦都可以再薄少少😗。👅銀芽鱔糊（$198）鱔糊落油撈勻之後好有食欲，同啲脆卜卜嘅銀芽一齊食都幾夾😝不過都係中意傳統落蔥、薑嘅「響油鱔糊」多啲！。👅香醋排骨（$138）排骨新鮮大件，一碟都份量十足😉個汁醬酸甜味岩岩好，每一件排骨都掛晒汁😋不知不覺食咗好幾嚿！。👅流心高力（$72/4粒）一嚟到大家都以為係高力豆沙，因為個樣係一模一樣，點知食落有驚喜🫢入面唔係豆沙餡，係兩種果醬餡😂exactly係二寶果汁糖流心個隻味同質感，都係豆沙餡先夾😅

今晚同朋友食上海嘢慶祝生日，服務態度唔錯，我哋叫咗醉雞、燻魚、酸菜魚、小籠包、香醋排骨、高力豆沙。醉雞肉質幾嫩滑同埋酒味剛剛好，唔會嗆喉！👍🏻我平時比較少食魚，燻魚係我朋友揀，魚肉炸得幾香口，味道剛剛好唔會過咸，點埋啲汁，甜甜哋幾開胃。香醋排骨酸酸甜甜幾開胃，雖然話就話排骨，但唔會無乜肉，送飯一流。酸菜魚都幾大碟，幾香，魚肉嫩滑，味道唔會好辣，一般人都食到，不過如果再酸dd更好，同埋個底有啲粉仔喺度，我朋友以為係芽菜！😂小籠包用錫紙兜，好似蛋撻仔咁，直接用手攞嚟食都得，唔駛驚揸筷子唔叻會夾穿個小籠包漏汁，皮薄多汁，肉汁幾鮮味！😌高力豆沙比其他地方大個，味道正常同有空氣感，豆沙唔會過甜，不過1人食兩個就好飽。🤣最後食唔晒，我朋友打包，成餐飯我最滿意係佢調味適中，唔似其他上海菜館好重口味同埋好油膩，連我個掩尖frd都滿意。仲有竟然喺餐廳撞到吳唱K，佢見我同frd慶祝生日，主動同我frd講生日快樂，好Nice!😆

大角咀出名多好嘢食，估唔到隱藏咗間上海餐廳，從前菜、湯、海鮮、肉類、蔬豆、炒粉麵飯、甜品，應有盡有，餐廳環境闊落，店員服務態度有禮，食物價格合理，值得到訪。前菜有醉雞，酒味香濃，雞肉嫩滑而且好入味、薰魚炸得啱啱好，外皮酥脆，薄身，唔油膩，魚肉鮮甜，醬汁開胃，不過魚刺唔少，要小心食。小籠包即叫即整，個錫紙兜係照顧揸筷子唔叻嘅朋友仔，方便食用，十分貼心。外皮夠薄，咬落爆汁，熱辣辣好好味呀～ 主食有鱔糊，口感結實，彈牙，沾滿醬汁，個人好喜歡。另外有酸菜魚，可自行選擇辣度，魚肉嫩滑啖啖肉，仲有芽菜、麵等配菜，讚！最後以甜點作結，流心高力係上海菜嘅必點之選，不過呢間入面竟然係軟糖，好特別🤣

其實平時都好少食上海菜，因為上海菜偏甜，我唔係好鍾意，不過今日有friend過嚟玩，想搵上海菜食，呢道肉OK嘅，有啲似廣東嘅白云豬手，但係呢個唔好咁煙靭同埋加工過，有啲似肉凍，骨膠原，點汁更加好味啲，脆皮齋鵝，出邊炸到脆卜卜入邊識到一層層，腐皮包住冬菇，蘿蔔木耳絲都幾爽口，上海炒年糕有少少油膩，同埋啲甜味比較重啲，豆沙鍋餅呢個冇咁甜，OK嘅

真心唔好食，專登喺OpenRice search評分好高，睇嚟嗰啲收晒錢，個小籠包完全係粉，個四川擔擔麵，入邊嗰三舊雲吞完全冇味總括而言，本人極度失望，絕對唔會有下一次

今次係第2次食啦，上個月食過一次，係社交平台見到食辣谷友分享有個魔鬼辣水煮魚，好夠辣，於是就去試咗食。朋友吾算好食得辣（平時朋友譚仔食中辣），所以叫左大辣，但員工好好人知我為左魔鬼辣而來挑戰，所以分開裝左碟魔鬼辣醬比我。首先大辣對我黎講真係吾算辣（本人譚仔食特辣），但朋友都食到咀唇紅哂，普通人我諗叫小辣、中辣就夠啦講返個魔鬼辣醬，真係辣㗎喎，食咗幾啖條利即刻感覺到辣，個人都出哂汗好刺激，不過都仲係接受到嘅辣度，辣係有咸味，唔係得死辣，係好味嘅辣隻辣令水煮魚好入味，好夾，好食魚好滑，暫時係我香港食過最滑既水煮魚，滑過太二。不過配菜就少款左啲，有萵筍、芽菜、木耳、菇、幼薯粉。如果多配菜啲會開心啲🤪同埋隻辣好夾毛血旺，建議加入毛血旺，一直常幫襯😍酸辣湯：酸味較多，辣味較少，似胡椒嗰種辣，建議辣度可以多啲，咁酸辣湯就真係酸酸辣辣好好食啦。不過比起出邊嘅酸辣湯算係好食好多，所以2次去都有叫黎食上海粗炒：味道好食，麵質爽口彈牙，份量好足，正豆沙鍋餅：今次食仲送左份甜品豆沙鍋餅比我地食，份量好大份，我估係正常既size? 好大方多謝晒豆沙暖暖的，配埋表面煎過既皮，脆脆的甜甜的很好食，不過好飽肚🤣但日

喺門口想叫外賣！走個阿姐出嚟係咁問我想食乜！我叫佢俾個餐牌我睇吓有乜嘢食！佢話冇㗎，淨係識問我食乜！我連有乜嘢食都唔知！點樣知食乜呀！態度差到冇人有，我都費事理佢，轉身走人！佢仲加多句都唔知你想食乜！以後都唔會幫襯，咁好服務🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

唔知食只好嘅一日，行下行下路過見到間上海菜館，lunch時間都無乜人，心諗會唔會中伏，膽粗粗就試吓😂坐低先送上兩碗例湯，例湯不過不失，正常發揮。然後我地叫咗兩個午巿客飯配菜飯🍚香醋排骨呢個排骨值得一試，排骨算係炸得香脆，咬落去入面仲有肉汁，唔係乾爭爭個啲，黑醋嘅味酸酸甜甜，超級開胃🤤外婆菜煎蛋食完都唔知咩係外婆菜，類似菜乾咁嘅物體，佢個蛋煎得幾香，食落唔係特別好味又唔係特別差，有屋企煎蛋嘅感覺😙最後想講個菜飯，菜飯太濕同有啲油淋淋嘅感覺，唔係好掂🥲整體而言，正正常常，以客飯嚟講份量十足，味道不過不失。埋單時同收銀吹咗兩句，佢話呢度即叫即做，唔落味精，我覺得可以再試下佢啲炒麵類。

今次攞起碗筷嘅目標，係深入探索一間傳統嘅上海菜館。首先入口嘅酸辣湯，滿滿嘅料同埋啱啱好嘅酸辣比例，攪拌出一股過癮味道，飲一啖滋味即刻喺口腔爆發啊！啲蝦仁撈起嚟，咬落去係脆口嘅，豆腐又滑溜溜嘅，整體食感得嚟又唔會太稠濁，啱晒來熱天炒作降降火。接住有份脆皮素鵝舌頭都要讚「正」！腐皮外層夠韌勁，蔬菜內餡食完後心思思嘅，啱晒追求健康嘅班友。換轉紅油抄手，啱啱好嘅蒜香味拎起個氣氛，抄手皮嘅彈性又唔錯，啲餡料嘅豬肉夠香夠潤，但個人覺得，如果醬汁再濃郁啲就完美啦！當然，唔可以錯過嘅經典四川擔擔麵嚟閉幕。面條掛汁力度好，喺濃濃嘅花生味湯汁中浸泡，每條面條都是香味四溢，咁鮮美嘅滋味，食落只係一個字—正！整體嚟講，食物味道係實在嘅好，質素穩健，再加上滿滿嘅地道氛圍，真係至抵享受！下次有機會，一定拎埋班友再嚟大快朵頤一番！🥟🍜🍲

一班朋友去食飯，行行逛逛就選擇了去小舖，仲要係區內老店，可以齊齊分享。有朋友住在鄰近，想找在旁的地方，方便佢，又可以去小店幫襯，感覺良好。呢間小店朋友常去，今次就帶我們來感受一下。我們選了小籠包，素鵝，酸辣湯，雲吞雞湯，咕嚕肉，雪菜玉絲炒年糕，高力豆沙。服務員幽默有趣，像鄰家姨姨一樣，叫大家唔好浪費，食埋佢，帶走佢。。。好地方，要再嚟#HongKongfoodie food#大角咀#上海菜#雲吞雞湯#貨真價實