上海老家 (已結業)

第一次幫襯，店內環境係舊式裝修格局尚算企理，初時見評語話服務差都有點猶疑，但真係好想食上海菜所以都試下啦～去到雖然未至於立刻有職員上前迎接但尚算有禮，用餐期間職員都有貼心提醒邊d食物要趁熱食，埋單前更主動提議比分隔食物盒打包食物…而家香港少有好味嘅上海菜館，4人用餐點咗片皮鴨（FB like完優惠價＄48），酸辣湯＋黑醋小排骨（份量大）＋雞絲粉皮＋蒜蓉白菜仔（套餐價＄288），另外散叫乾煸四季豆（份量大），上海炒年糕（份量大），燻魚，涼拌萵苣海哲，陳醋木耳，甜品豆沙鍋餅（8件）…全部好好味…無伏👍🏻👍🏻👍🏻會再encore

位置雖然唔係大街岀面，但係都見到好多人過嚟買外賣同堂食。上海炒年糕 $78去到上海舖肥妹仔一定會叫炒年糕食！佢嘅年糕炒得一啲都唔油膩，煙煙韌韌，老抽上色好靚，咸度適中。有肉絲同埋椰菜，上枱嘅時候熱辣辣，好好食。黑醋小排骨 $138呢個值得一讚排骨，排骨炸得好香脆，入邊咬落去肉汁爆出嚟。黑醋嘅味酸酸甜甜，超級開胃，食落去個醬汁好濃厚。四川臘肉炒椰菜花 $138肥妹仔第一次食四川臘肉，原來同廣東臘肉好唔同！四川臘肉係有一浸煙熏味，佢嘅肥肉偏多，但係食落去一啲都唔肥膩，反而好似啲牛筋咁樣煙煙韌韌。椰菜花爽口好食。

最近多左去大角咀，發現原來都幾多野食💡有好多小店選擇📖今日朋友帶左去試一間上海菜點 叫上海老家📍-這家以上海菜為主，都有唔少選擇不過今晚我地唔算餓，所以點了小食為主😁朋友揀左雞絲粉皮🥢呢個份量適中如果花生醬再多少少會更好呢🫶🏻-我揀左紅油抄手🌶份量好多，有8粒而且夠辣，醬汁好多，好惹味，配飯會好夾😁-我再揀左酸辣湯麵🥢一齊食🥟夠酸 少少辣 同埋配料份量幾多 有齊木耳 雲耳等🧡足料夠味😋-最後驚唔別飽 我地點左炸饅頭🥣一定要熱辣辣襯熱食呀🍞我個人最愛多煉奶🤣-幾抵食既上海菜 我地仲見到有好平既片皮鴨🔎不過要留意係有茶位的🫖同埋以大角咀泥講唔算易搵‼️相信真係同熟路既朋友一齊去先易!

大角咀依間上海菜館，星期五6:30唔係好多人，炸饅頭、燻蛋及豆沙窩餅做得幾好食，豆沙不會過甜，窩餅脆口，同炸饅頭一樣金黃色，老家魚頭湯，湯煮到微微奶白色，味道調校得幾好，至於其他鹹點味道也不過不失，不過扁皮鴨份量感覺比較少，服務態度也ok，價錢也ok.#晚餐#dinner#上海菜#鴨#魚#大角咀

65元一個客飯，不包飲品，獅子球圖片有三個，但飯盒只有一個，且 size 小得可憐，飯又少又唔熱。糖醋魚則炸粉勁厚，根本食不到魚味！！！中伏之後永不光顧😭😭😭

今日放工又同男朋友去大角咀搵野食，平時食得多cafe同西餐，有時都想食下啲中菜，今晚晚飯我地就決定食上海野。〈酸辣湯（細）〉男朋友本身唔鐘意食太辣都覺得呢個湯酸辣度適中，幾易入口，酸酸地非常開胃。細size既酸辣湯其實份量一啲都唔少，兩個人share就啱啱好。〈三鮮炒年糕〉炒年糕煙煙韌韌啱晒我，菜都幾新鮮，醬汁味道調得啱啱好，惹味得黎唔會過鹹，而且都炒得幾有獲氣，呢個小菜值得一試。〈脆皮素鵝〉金黃色既外表望落都幾吸引，外面炸得微微脆，咬落去腐皮煙韌有咬口。入面餡料有冬菇絲同甘筍絲等等，都幾足料，點埋喼汁一齊食就perfect。〈小籠包〉黎到上海餐廳又點可以唔叫小籠包！呢到既小籠包皮夠薄身同滑，口感煙韌，唔係好粉果隻。小籠包入面灌滿湯汁，唔會怕一夾起就漏晒出黎，肉餡咬落去肉質彈牙，幾有水準。見到佢地menu到既甜品都幾吸引，本身仲想試埋甜品，但可惜兩個人食唔到太多野，唯有下次再黎試！

最近因為工作的關係，愛玩小生經常需要到大角嘴用晚餐。由於下班時間已經是晚上8點左右，很多餐廳都坐滿了人。最後，遇到了一家沒有太多人的餐廳，所以就決定去試試看！脆皮素鵝：售相十分誘人！金黃色的外皮非常脆口可口，裡面的腐皮質感柔軟但帶有嚼勁，內餡也十分豐富，包括冬菇絲、木耳絲、甘筍絲等等！酸辣湯：湯裡的配料非常豐富，質感滑順，酸酸辣辣的味道更是開胃！有口感彈牙的蝦仁、爽口的木耳，再加上滑嫩的豆腐，非常好吃！擔擔麵：湯底非常濃稠，帶有突出的花生香味和少許的甜味，麵條爽口彈牙，吃到最後一口也不會感到油膩。他們的上海小籠包甜味和鹹味非常平衡。肉馅非常緊實，一咬開麵皮就能看到大塊的肉。吃起來很有彈性，非常值得一試！📍上海老家地址 ： 大角咀中滙街61號地下

由於屋企人話想食上海菜咁啱喺大角咀附近！見到呢間食評咁多讚好諗住試吓點知一坐低落order 已經好受氣主要唔關落單嗰位同事問題後面坐咗條短髪女人喺後面嗌出嚟搭嗲仲要勁冇禮貌，起碼兩次了第一次我問：炒時菜係咩菜？Staff : 白菜仔我：唔好意思，唔食白菜仔，仲有咩楝？Staff : 不如轉椰菜花？我： 好呀！你問下短髪女人：想食咩菜啫？咪就係得白菜仔（大聲嗌出嚟）Staff ： 可以呀！同你𨍭椰菜花我： 好呀！唔該第二次Staff 去咗後台電腦落單短髪女人對住個staff 大聲話：椰菜花梗係要落呢個價錢，你識唔識架？之後個staff 又要過嚟揭本menu 搵價錢我： 佢係你老細？Staff : 你食野啦！我： 咁後面嗰位成日喺後面嗌出嚟不如出嚟直接落單、有咩咁唔滿意？因為真係太嬲，最後起身同屋企人走咗其實咁唔想人入嚟不如直接唔好開門做生意啦

朋友話開年飯想食小籠包，特登揀咗間上海菜，點知食到全部人黑面。首先我下午打去訂檯，問佢八點有無檯想訂位，接線嘅人話“有位，嚟啦！” 然後乜都無問就收咗我線，我仲估佢會唔會用來電顯示呢？但都唔駛咁無禮貌呱。結果我哋八點到餐廳，佢話無任何booking 🙄等咗十五分鐘檯，終於有位，然後第一樣嘢order小籠包，無嘅？問個阿姐，佢話過完年第一日開，師傅未返無小籠包🙄 OK fine, 叫第二啲囉，但話想用嘅朋友就有啲失望。我哋叫咗酸辣湯，雜錦鍋巴，醉雞，油炆荀，蒜泥白肉。其中最尾三樣係涼菜，我suppose應該好快有得食。點知等足30分鐘一個菜都未上。哩個時候已經距離我原本預嘅開飯時間遲咗45分鐘。第一個到嘅係醉雞。哩個通常都唔會難食嘅菜竟然可以做得難食。難食在雞係完全無酒味，佢哋只係將一份白烚咗嘅雞放咗上一兜醉雞汁度。真係·一·啲·味·都·無。第二樣係油炆荀，公道講句，好食嘅。無嘢要彈。第三樣係蒜泥白肉。但係得三粒蒜蓉喺上面，白肉本身無咩味，但overall食落就毫無蒜味。第四樣係酸辣湯。哩個係重災區，我未飲過咁令人覺得靈肉分離嘅湯。佢係一個只有辣味但同時又淡而無味嘅「湯」。哩個時候我哋已

本身諗住提早同屋企人做節食團年飯，已經提早係8/1/2023 send WhatsApp訂枱book 17號食飯，同一日confirm埋booking，直到今日突然打電話嚟話個日包場‼️我都明做我地一張枱仔生意都不及做一次包場，但我想知提早book枱嘅原意係咩⁉️乜原來而家D人係咁做生意㗎❓可能我見識少，我而家先知只要有人包場，就算提早book枱都會隨時俾人強行cancel booking

已經第二次幫襯，依然好滿意，今次有小籠包，皮做得很薄，裡面多汁鮮味。酸辣湯味道不錯，好多料。醉雞份量較少，但肉質好嫩，即使是雞胸也一點不實。三鮮炒雙黃個麵好好食，麵條炒得好脆但完全唔油膩，好少上海館食到這樣的兩面黃，不過啲三鮮就麻麻地，可能叫肉絲炒雙黃更好。整體上食物質素很高，比一些貴價高級上海餐館更好，服務也不錯，可能因人而異，今次遇到的侍應好友善好有禮貌，上次中午來遇到的那位就有點不客氣。以後還會再來，希望一直保持到水準！

上openrice睇，見都幾多好評，2個人中午黎食，點左個四川擔擔麵，小籠包，上海炒年糕，個炒年糕還好，擔擔麵得個咸字😪無麻醬味，小籠包竟然黎到4隻都爆曬底，無汁既⋯，不會再光顧😫

史上食過最不爽的一餐飯😡😡😡book咗呢間餐廳並預訂咗六隻五兩半大閘蟹一入到餐廳侍應好似唔知道有book過都唔緊要入座後見餐廳得兩個侍應明白佢哋好忙但係服務態度真係差到一個點🙄我哋同佢講預訂左六隻蟹個短髮侍應就話吓冇人同我講過喎💩淨係話得返四兩蟹咁都算啦於是電話落單叫咗三隻四兩蟹過咗一陣後見未有所以就問侍應點知個侍應就話吓你冇同我哋講喎但係明明係電話落單仲要口講多一次？諗住算啦咁取消啦點知佢無端端又俾咗三隻蟹我哋😺因為係四兩蟹所以明顯比較細🤒而蟹膏亦唔多四肢更加無肉就好似食咗一陣風咁🌬小菜份量比較少🥘質素一般真係唔係好明點解網上好評咁多😀尤其係侍應態度口氣極差🙂絕對唔會再嚟🤮

好耐無寫食評，食完呢餐實在受氣，忍唔住要評論一下。之前睇社交平台有人話話呢間大閘蟹好食，諗住嚟試下。第一次幫襯佢每位600蚊嘅4-5両重90分鐘大閘蟹放題，落蟹單只可向四眼男侍應落，但原來只可叫2次，第一次規定每人5隻，第2次男侍應過嚟問，但又唔講清楚落埋今次唔可以再落。到我第二碟蟹上枱時我地想再加，點知個四眼男侍應話：無得加！個男侍應好無禮貌，對客好晦氣，又成日喺後面鬧另一侍應阿姐，不斷放負。蟹的質素也有問題，食完呢餐蟹，我同朋友都肚痾。呢間嘢，不會有下次！

十年來見過最差的服務訂位時，經理明顯就係唔想客來，明明訂八點，反復強調十點就收問有冇餐巾紙，話 “不如你去洗手間洗啦” this is very eye opening. 我竟無言以對 Genius!大閘蟹等半個鐘先上，我問咁耐既，回覆我”一定冇半個鐘“ 下一次上既時候話 “費事你又話我” dude what the fxxk is it? Do i owe you money or sth. 仲不停在背後講老闆衰野同有粗口(不過有令人心裡平衡一些，覺得冇咁被針對)平心而論，菜式係好既，但係服務真係頂唔順，有令到人有掀桌子的衝動