上海豆漿大王

營業中

休息中

酸辣雲吞湯麵（$33）咸豆漿（$12）👅突然想食上海野😆😆見唔少人都食呢到既酸辣湯麵，咁我都試下先😎個酸辣湯偏杰身，似碗仔翅個質地😀啲料都同碗仔翅差唔多，有爽口既木耳同蛋花可以增加口感😙只係個味道係酸同微辣😋😋雲吞係菜肉餡幾甜👍🏻👍🏻雲吞索埋啲湯食唔錯喎😆😆😆第一次食呢種湯都幾特別幾開胃咁😌啲上海麵都係我中意既軟硬度👍🏻碗麵真心好大碗😅😅個咸豆漿之前都食過，油炸鬼浸淋左食都ok😀有啲炸魚仔係入面，飲落幾咸香😋但已經飽到上心口😂😂飲唔哂～下次要食呢到既粢飯😙

下午兩點特登由天水圍過來屯門食，因為好耐好耐無食過，有一年多。今次食“痴“飯，酸辣牛肉湯米線，凍豆漿，雪菜肉絲加上海薰魚米線，熱豆漿。兩個人食，盛惠84元。酸辣牛肉湯米線好味及有些辣，熱豆漿要自己加糖，可以自己控制糖份，已經落左兩匙羹糖，仍覺得唔夠甜，可想而知平時飲的豆漿下了多少糖。個雪菜肉絲湯底及味道好清，我喜歡食濃味，所以覺得一般。個上海薰魚好乾，賣相不討好，好像放左好耐咁。每次食完酸辣湯都會肚唔舒服，今次都係。。

呢度其實主要做街坊生意食咗咁多年，你問我嘅話呢最好食就係餈飯其次就係排骨麵， 不過炸到好香口，我成日食完都覺得好熱氣今日叫咗獅子頭菜飯，同埋鍋貼，仲有就係上海雲吞…… 因為阿仔病所以唔敢叫熱氣野獅子頭第一次食有啲中伏嘅感覺 好乾身 唔好食各位小心

為食豬係呢間老式上海麵店嘅常客，今日機緣巧合下一齊黎左呢度食晏今次叫左炸菜雲吞上海排骨麵加肉絲 ($37) 同上海排骨粢飯 ($24)麵嘅湯底偏淡，為食豬多數都會加肉絲調味，另外再加辣豆瓣醬就好濃味呢度啲雲吞係為食豬最愛，雲吞皮夠薄之餘又夠大粒，菜肉餡個調味偏咸，同偏淡嘅湯底好夾上海排骨就好乾身同偏薄，好似得塊皮咁上海排骨用黎做粢飯餡都幾有創意，可惜呢度啲上海排骨太乾身令到粢飯食落好dry呢度啲熱豆漿 ($8) 係用碗上，不過豆味偏淡

豆漿大王由以前19蚊食到而家28蚊碗酸辣雲吞，但依然深受附近街坊，學生歡迎幫襯。我都有段時間冇黎食，因為佢既水準都唔係咁穩定，有時唔好食，亦有時煮到以前中學既味道。今次酸辣雲吞偏酸唔夠辣，食得唔夠過癮。木耳，豬皮，豬紅，豆腐，蛋花份量仲係同舊時一樣多，豬皮最吸收酸辣湯味，咁多種配料中最夾。不過雲吞包得尋散，加上經熱湯過度泡住，雲吞皮同菜肉餡完全分離。雖然雲吞皮薄，但包唔好餡料真係敗筆。白菜肉餡既白菜鮮味十足。豆漿已經加到8蚊杯。

小妮子身為九龍人，難得入到黎屯門搵朋友，點知朋友有野做要晏D先得閒，咁就搵個地方食個tea hea住等啦行經呢間豆漿大王，見到有幾個人大熱天時係條街到等位，又熱又係馬路隔離咁多廢氣，心諗係咪真係咁好食呢，因為佢門面其實真係唔起眼，甚至有點兒up dup，睇下佢個餐牌，價錢非常親民，真係依家少之又少既小店於是我都等埋一份，由於我得一個所以好快就等到，坐左係門口附近，其實唔係幾夠冷氣，而且D位都幾迫，不過坐落都可以既叫左個咸豆漿、粢飯，咸豆漿唔係周圍都有，但呢到既咸豆漿係非試不可，非常足料，而且係好好味，一種好傳統既味道，D咸蝦仔加上油炸鬼配埋濃濃既豆漿，真係好正！！而粢飯亦都係好足料，唔會好硬而且係真係熱既，原來係即叫即整，真心好難得應該係小店既關係，多數都係街坊熟客，舖頭既姐姐都會同客人講笑，而又因為舖頭其實好細，姐姐又大聲，所以大家都會聽到佢講笑，令到成間餐廳既人都一齊開懷大笑，好似一個大家庭一樣呢到雖然店裡店外都比較殘舊，坐位好迫好窄，但係價錢親民，食物水準高而且有一份非常濃厚既人情味，令我覺得好感動，值得再三回味，如果我之後黎屯門一家會再黎呢間小店，希望到時唔會已經變左連鎖店！

作為一個生於九龍，住於九龍嘅九龍人，什少踏足新界，但就因為有個為食女友，又黎咗轉新界一日遊黎到屯門，其實已經同旺角無咩分別，好多大型品牌進駐屯門市廣場，而家又有西鐵直達屯門站，v city又有超市又有各種商舖，又有野食，的確相信屯門人都唔使特登出九龍隔離嘅新墟除左有街市，又有K唱，又有平靚正戲院之外，仲有就係啲舖頭仔食肆，就好似呢間豆漿大王咁，老老豆豆，個門面好似好up dup咁，好似唔多開胃，但係為食女友已經两眼發光咁望住個餐牌，細睇一下個餐牌，又真係平民嘅價錢喎，仲要等位，不過呢度啲街坊真係好合作，一食完就走，唔會阻人做生意，唔似現今啲文明人咁，食飽仲坐喺度打機禁fb...話咁快有位，位一定係窄嘅，不過啲姐姐好客氣，大家街坊都好將就，女友一黎已經話酸辣雲吞麵，份量都幾足，料又多，有豬血，豬皮，木耳，蛋皮，筍，加埋雲吞同麵，麵夠爽口唔"立"，連果隻雲吞一咬落去都成口菜同肉，一啲都唔欺場見好多街坊會獨立叫一件排骨食，我地又試下，原來排骨即係豬扒，不過炸到好鬆軟，加左啲香料，配麵食一流再叫多左客鍋貼，但鍋貼就較為遜色，因為個鍋貼皮面有種因為濕而變稔嘅感覺，雖然無損佢嘅味道，亦都係"涵"料

身為土身土長嘅屯門友，提到屯門有乜老字號食肆，一定非上海豆漿大王莫屬啦！上海豆漿大王喺屯門新墟超過20多年歷史，細細個已經跟媽咪嚟食慣食熟㗎啦！ 排骨粢飯：20多年嚟，味道一直保持住水準，粢飯熱辣辣，油炸鬼脆卜卜，排骨啖啖肉，絕對唔似依家部分連鎖上海食肆咁，炸粉厚過舊肉。如果住九龍港島嘅朋友從未踏足過屯門，或者完全未搭過輕鐵，都唔需要太擔心，西鐵屯門總站V City出口，喺一田超級市場出嚟轉左直行就會見到豆漿大王，真係既方便又快捷！

吃得隨心，也是種福氣吧!昨天飽餐一頓海鮮，滿足了口腹之欲後，這天我倆只想簡簡單單吃一碗小麵當晚餐。 老公一直很愛吃上海麵。這家在新墟的街坊老店雖不起眼，人氣卻十分鼎盛，究其原因當然是因為便宜吧，而且其麵食也有相當質素的。這兒的套餐十分化算。雙拼餸料+麵食才三十多元，已能吃得飽飽的。 上海雲呑拼炸雞翼麵($33)雪菜下得慷慨，上海麵彈牙很有咬口，不會黏糊糊的。上海雲呑饀料不算多，但帶點肉香，菜末清甜，雲呑皮略厚了點，味道中規中矩吧! 一向喜歡這兒的生炸雞翼，這次卻略為乾身了點。上海排骨雲呑酸辣麵($33)酸辣湯不會太稠身，正好配麵，夠酸但不夠辣，像煮開了的豆瓣醬，但味道不差。湯料十分豐足，有菇絲，筍絲，豬紅，豬皮，比味精清湯無疑更有味道。上海排骨雖有兩塊，但薄如紙，有點像台灣那種夾在三文治中的超薄豬排，寧可要一塊厚切也不要薄切呢!豆漿($8)該是自家製的，很有豆香，份量也不少。

都冇乜期望, 但真係頂唔順, 酸辣湯入面豬皮既毛好得人驚, 好多好粗黑色既毛, 立刻倒胃, 勉強食晒其他料, 豬紅都散開,水準一般, 豆漿淡而無味, 冇豆香, 粢飯亦冇香味, 好一般, 入面油炸鬼唔得香脆.冇下次.

上海豆漿大王 一向平民抵食 堂食外賣都好多人等 不過為左食酸辣湯上海麪等耐d都唔怕 酸辣湯上海麪 $26 黎得豆漿大王 緊係要食酸辣湯麪啦 上菜時熱騰騰端上 香辛香氣傳來鼻裡 酸辣湯比以前咁稀d 人地可能會話減料 但自己覺得係少左d生粉/馬蹄粉湯料有豬紅,豬肚,豆腐,木耳,雲耳,筍 爽口腍身都有 十分豐富 湯酸辣味道中辣味較重 個人想酸d可以自行落浙醋 上海麪比平時屋企煮既粗身 彈牙帶微煙韌 酸辣雲吞上海麪 $32酸辣湯麪同上形容一樣,4粒雲吞大大,但酸辣湯湯料可能比雲吞分薄左雲吞餡以白菜豬肉(亦似鯪魚肉)製成, 有明顯鹽味, 肉鹹度及香味都足夠,肉中帶白菜從沉重鹹味中提起鮮菜味, 平衡味覺, 雲吞皮薄嫩滑,而且雲吞皮(即平日餃子皮)夠大片, 自己特別喜愛多多餃子皮有嚼勁 餈飯 $15餈飯大舊,即叫即製熱騰騰,用膠袋載起, 攞起時輕微燙手兩條油炸鬼斬半, 令清甜糯米油香四溢, 初頭咬時仍脆口, 證明即叫即製, 肉鬆榨菜主要鹹但帶鮮甜,肉鬆吸收油炸鬼油分令其不乾涸,時而有爽口榨菜於口中, 間中為軟綿飯粒帶來新奇咀嚼感受,因吃外圍時只有糯米味較清, 加少量豉油既增

朋友話想重遊以前讀書時期既浦點，所以就黎左自修室附近呢間「飯堂」根據證人既口供，呢到平時好多學生哥，隔離又係戲院，係熱點中既熱點😂問佢有咩好食，佢話冇架，不過大件夾抵食⋯最後我擇左上海糖醋排骨菜飯：黎到既時候，我發現我太年輕喇，原來係碟頭飯方式上既🐷🐷份量十足，女孩子應該多數食唔晒，為左唔好浪費，我建議可以叫「少飯」！味道方面，糖醋排骨個味道唔錯，酸酸甜甜好口胃😋而個菜飯呢⋯⋯可能菜唔夠多？定係唔靚？菜飯冇左個種好香好香既味道，反而似係平時食白菜仔剪碎佢係咁二撈埋啲飯咁👉🏼👈🏼不過以呢個價錢，其實已經合格有餘啦！同埋做開學生生意，係咁上下啦😁食既時候見到對面有人食緊粉絲，好似都幾好味咁，如果有機會，下次我會試埋個上海粉絲啦👏🏼

0突然想食菜飯,想起呢到有頭有間上海店,都幾低食,就來試下,有雙拼都係38元,就點燻魚加上海排骨菜飯,飯好似無調味,有菜,但比較清淡,凍食燻魚唔錯,無咩骨,朱扒即炸,分開上,香口,但味道一般,總結低食夾多餸,服務ok啦

擁有時不懂珍惜,失去時才後悔,除了可以套用在身邊人之外,食物也是...話說我以前返學/返工樓下都有一間好吃的上海小店,有一日畢業了,轉工了,發現方圓三條街都沒有類似的店舖,不要說好不好吃,連類似也沒有....灰!這天,去完新墟做完少少野,知道附近有間不錯的上海小店,媽媽說是之前置樂搬過來的,不過這個是未經證實的消息!星期日,店子都幾爆,我是一人前,所以就不用等位,兩人以上都要等的!叫了一個雙併粉絲,售價$33,星期日不包飲品店家都是約10個菜式,單併雙併,再選擇雪菜/炸菜,米線/粉絲/上海麵,看似不多,但已可變化成過百的配搭~上海雲吞+上海排骨+雪菜粉絲 ($33)每碗都有4大隻菜肉雲吞,份量比市面上的幾多,粉絲煮得通透,但就天生質感有點韌不好咬,菜肉雲吞尚算飽滿,餡料滑身,有點家常感覺,不過就未至 Raw 那種了~上海排骨與湯分開上,不會浸到淋晒,都算貼心的安排,炸粉不厚,薄薄一片的排骨炸到口感幾柴皮,有點過乾難啃,可幸是油膩感不重,不過應該會飛出局試其他吧~食上海舖,點都要飲返杯豆漿才是皇道.豆漿($8) 我喜歡這家的豆漿不偏甜,豆味都算濃,平時我會最後外賣走,返到家才飲,不過那天

好耐冇去過屯門晚飯了，突然好懷念中學時常吃的油豆腐拼上海排骨粉絲湯，超正👍👍一坐低 我同友人 諗都唔洗諗就已經知道要叫咩野一輪嘴地叫左好幾樣野食，樓面叔叔仲問「你2個女仔食唔食得晒架」然後我當然亦都諗都唔諗地回答「當然食得晒啦」呢度既樓面 其實咁多年都幾nice 唔錯唔錯我叫左油豆腐 上海排骨 炸饅頭 炸雞翼 豆腐花 豆漿 酸辣湯淨雲吞 超滿足👆足料油豆腐粉絲湯 超夠味，唔怕粉絲入唔到味 因為佢唔會姑韓 永遠放好多好多雪菜/炸菜比你👍👍👍上海排骨 唔知點解 佢可以炸到咁好味 😂😂 甜甜地 點豆瓣醬一流😋其實我一向愛吃炸饅頭 點煉奶 小朋友首選愛吃炸野甜野 就一定要叫😂😂仲有個雞翼 其實我好少晚餐揀呢間野 可能習慣左午餐先可以食呢度😂😂 埋單好抵2個人$1xx咋酸辣湯雲吞水準好似差左 稀左 唔知係夜晚好生意左少料左定係咩呢🙈豆漿 痴飯 係絕配 好耐冇食過 痴飯食味道依舊好味 足料👍