上海鷺鷺酒家 (已結業)

朋友生日去了這裡試下,一來近我(屋企對面),二來看了食評,很不錯的樣子!一行３人,一坐落已經叫了清炒蝦仁($138)來試試,真的不錯,可以放心試.一共叫了９個餸.先講小碟,五香素雞($25),不是平時食的白色條形那種,而是扁平圓身的,用鹵水浸的,有點像柚皮.入口清香.蜜汁鵝肝($38),是燒味店那種,幾得意甜甜的有趣!到主菜水煮牛肉($58),牛肉很滑,在我來說就太辣了,很香口引出牛肉味很夾.糯香牛肉粒($48),加了松子及年糕,而這店用的醬底是較甜而濃味,很岩我胃口.所以追加了蔥燒遼參($258),比想像好,遼參爽口,不會過淋,但再烤多5分鐘會更好味!蟹粉小籠($48/4隻),這個只算一般貨色,不太特別.紅燒蹄膀($138),唔怕食肥的一定要試,很入味而不咸,肥肉晶瑩,吃起來一大啖,如果送啖酒,簡直一流.樟茶鴨($78),如果在紅燒蹄膀前上枱會好些,因為前者比較重味,影響了樟茶鴨的味道.每一碟份料十足,碟頭大,結果再後要打包帶回家.找數$954.仲有$400 現金卷回贈,可以再食一餐!!

由於有coupon既緣故, 唔夠一個月又翻兜陸鷺. 今次叫左:香蜜鵝肝----質地太實, 唔夠嫩, 有d滯.上海栥糰子—唔知有無記錯個名, 係糯米包著豬肉餡, 可以一試.樟茶鴨----酥嫩咸香, 唔韌唔膻, 好味! 伴碟既蝴蝶餅就「行」左d.雜錦砂鍋----第一次食咁「雜錦」既砂鍋, 材料有咸雞、豬皮、豬肚、蝦、獅子頭、倉魚件、津白、白菜、粉絲等等, 雖然都係d唔值錢既野, 但好足料好大煲, 絕不欺場. 四個人淨係食呢個都飽左大半. @@芹菜水餃----細細隻, 皮較厚(上海水餃係咪咁架?), 好香芹菜味.荔芋酥----賣相唔多得, 但芋蓉好香, 少甜唔漏, 唔錯.酒釀丸子----清香, 無乜酸味, 丸子煙韌, 份量夠, 咁既水準賣$15碗我覺得好抵食囉~~豆沙鍋餅---餅皮鬆化, 唔係好脆果隻, 都唔錯.呢度未必每樣野都令人覺得好正, 但感覺製作認真. 四個人食到飽飽, 埋單正價都只不過係四百大元, 以食物質素同環境黎計, 好抵食, 值得翻兜再翻兜.

久仰大名, 想試左好耐, 有人主動提議黎呢間食飯, 我梗係附和啦~~響無訂位既情況之下, 星期日未夠七點都要等位, 好彩好快就可以入座. 叫左三款冷盤, 咁岩都係用酒整既:酒糟鴨舌-- 爽脆有酒香, 鍾意鴨舌既應該要試.醉雞–夠凍, 應該係成盅雪既. 雖然都係用汁浸著, 但比坊間一般貨色酒味濃d. 食左幾件, 雞胸部位明顯最入味. 可惜雞件肉質比較”鞋”.寧波黃泥螺–第一次食, 三款之中最重酒味係呢個. 螺肉爽脆, 但吸盡酒汁, 好正!幾個冷盤份量都唔少, 但我地又點會放過熱食呢?蟹粉小籠包–ok啦.蒸臭豆腐–真係幾臭架, 唔鍾意唔好叫呀~~目魚紅燒肉–舊五花腩既肥肉部分, 炆到好腍, 但唔係腍到一pat pat果隻, 係仲有咬口既. 配合埋入晒味既濃醬汁, 好感動, 肥死都照食!雖然已經好飽, 但循例都要叫個甜品, 見棗泥拉糕個名特別, 就呢個啦. 質地有d似啡色果隻年糕, 但再韌少少, 好漏下呀.雖然人手唔夠, 服務一般, 檯又排得略迫, 但食物有水準, 價錢合理, 所以都應該會再去. 埋單$480, 仲每惠顧$100就送番$50 coupon下次用(呢個優惠唔知仲有無架下, 自己

9月26日(Sunday)和小肥兩個人到此吃晚飯.先說環境,一室大方,不是新派格局,但隔幅掛了些木板大字畫,顯得不落俗套,光線充足,舒服幽雅.當晚我們點了:黃泥螺($48):上海特產,因花雕夠醇,不愛喝酒的我也吃得津津有味.上桌時,以為碟內盡是螺肉,細看才發現是連殼的(這樣才夠新鮮吧!),肉質煙煙韌韌,叫人再三回味.酸辣湯($58):賣相不是坊間的沉甸甸,笋絲清爽,雖是湯羹,卻不糊口,酸辣有緻.海鮮兩面黃($38):如麵條更脆便更好吃,但料足也配搭得宜.樟茶鴨($88):份量頗足,鴨肉質有嚼勁,肉味夠,皮香酥脆,顏色略帶豐潤,茶味薰得很清爽,跟蝴蝶包很好吃,我們兩個,也抵不住把它一掃光...桂花酒釀丸子($18):桂花糖水底做得不太甜,有花及酒甜香,丸子略欠粉,但也有咬口,不俗.整體來說,是一頓不錯的上海菜經驗,比起以往的,又跳了一個層次.但下次一定要試試蟹粉湯丸($20/2隻).

今晚去左食O的間O野，初頭入到去，嚇左一跳因為睇落好高級，話哂間O野O係酒店裡面，第一印象就係，一定唔平。結果打開餐牌，又OK喎，唔會太貴今日叫左三個菜印象最深刻就係目魚紅燒肉真係好正目魚其實係墨魚之後用佢O地O既從上海運落O黎O既醬汁有O的甜中帶香O的紅燒肉好正入口即化因為有醋O既關係唔會覺得好肥大家可以一試

好多時返過九龍時都會係南洋酒店門口坐隧道巴士過海, 終於有次朋友提起話去試下. 佢地比較熟識上海菜, 點左幾個自己好少食的菜:1.寧波黃泥螺, 幾清甜, 雖然起初有D怕, 不過想起自己都有食魚生, 唔怕啦~~~真係幾特別!2.醬野鴨, 好入味~3.醉蟹, 同樣第一次試, 好清甜, 其他朋友話比其酒樓清甜, 無咁落重酒味, 唔會蓋過蟹味.4.紅燒蹄膀, 記憶中好淋, 不過怕肥只食左少少.5.勝瓜炒菌菇, 幾清甜, 不過都係食左少少無咩印象唔太突出.6.孜然雞翅, 最難忘, 成碟7成都係辣椒,雖然雞翼係D辣椒當中, 好在雞翼本身唔辣, 但係D辣椒子好辣.環境好乾淨舒服,服務ok!