下站帖 (已結業)

女朋友之前已經同朋友試過呢間下站帖，今日同佢黎尖咀就帶我黎飲。好野唔怕介紹！只怕冇人識，飲左人氣Top 1 同 Top 2，最近真係怕中伏喇！成個香港都係珍奶，不過呢間真係幾有水準佢地可以控制到少甜，叫左少甜味道我覺得係岩岩好。黑糖掛杯都幾靚仔，珍珠軟身但不失煙韌感，而且珍珠既黑糖味都幾濃郁黑糖同佢個奶溝埋一齊係出奇地香醇，真係幾好飲！日出蜜香紅奶蓋，奶蓋香不比其他大店遜色，奶蓋都幾多，奶蓋濃厚但唔會覺得太膩，奶蓋滑身帶點鹹味後勁，蜜香紅茶唔會好甜，最中意就係一啖奶蓋一啖紅茶☕️溝埋就損失左奶蓋既濃香，分開咁一啖一啖仲好味啊！咁好飲但少人知道，真係一大損失！希望寫下食評比更多人知道好飲既飲品唔止大品牌喇

新年前天氣回暖，超級熱，忍不住要買杯凍飲，在附近就見到next battle下站帖，未飲過就要試下。Top 3 太極厚醇奶 $34，有貓咪杯蓋，可愛到爆燈。旁邊有個影相位，之前睇ig是不同佈景，上次是聖誕節，今次就是農歷新年主題，加分！！好怕黑糖珍奶的死甜，所以點了少糖。表面還加入了香濃的芝麻粉及花生粉，我會先呷一口溫暖的黑糖珍珠，然後再品嚐上面是凍的明治牛奶，一熱一凍，刺激！黑糖珍珠幾煙韌，味道不太甜，芝麻及花生粉相當香口，好似食擂沙湯丸，令到黑糖珍奶更有層次。不搞烏龍奶蓋 $32點了半糖，奶蓋是海鹽芝士，甜中帶鹹幾特別，而茶底也夠香濃。

難得星期日放假就同fd出尖沙咀行街，經過加連威老道有d口渴🍹🍹🍹咁啱見到下站帖，之前聽人介紹已經好想試！睇到menu top 1 同top 3都係依期最hit嘅黑糖系列，我同fd 都忍唔住點咗top 1嘅波霸厚醇奶同top 3嘅太極厚醇奶😆😆😆太極厚醇奶即係個杯面on top 加咗d花生同芝麻粉，對於我依個花生芝麻控簡直太兩全其美嘅事喇！😍😍😍😍收到杯野飲意想不到原來個杯蓋係一個立體🐱樣，好可愛呀！🤗🤗🤗仲可以睇到芝麻同花生粉平均分怖兩邊，D珍珠好香黑糖味，好煙韌，比老虎堂更有咬口！👍👍👍溝埋花生同芝麻粉令到成杯野飲更豐富💓💓另一杯招牌嘅波霸厚醇奶，除咗d飲落去覺得比太極厚醇奶更有奶香味，鍾意奶味嘅一定唔好錯過，果然係top 1之選👍另外值得like嘅地方係依度d黑糖原來係可以自選甜度，比起幸福堂同老虎堂更可彈性選擇因為我地怕甜，店員哥哥好好咁suggest我地揀70%少甜，飲落個甜度真係啱啱好👍🏻另外由於啱啱食完lunch都仲覺得有少少油膩所以我哋再叫咗一杯爆切海檸茶消消滯，杯嘢飲酸酸地，茶味好濃，清哂油膩感!✌🏻仲有當我地想為杯野飲影港女相時，店員哥哥提我地話左邊有個corner係

-之前試過Top1 波霸厚醇奶，今次就試Top2 嘅飲品😀-日出蜜香紅奶蓋😚（$36）奶蓋好濃厚綿滑，份量好多又厚身❤️，而茶底是蜜香紅茶，茶味好香😎，與奶蓋嘅味道好夾，幾鍾意紅茶味👍🏻-霸沏滿爆鮮果☺️（$35）依杯水果茶嘅材料有蘋果🍎，橙🍊，百香果，菠蘿🍍，青檸等等，依杯飲落好Fresh，酸酸甜甜的味道💛，飲完十分解渴☺️-Name🏠: 下站帖 Next BattleLocation📌:尖沙咀加連威老道41A-41B號興明樓地舖（港鐵尖沙咀/尖東站 B1 出口, 步行約5分鐘）價錢💰:霸沏滿爆鮮果（$35）， 日出蜜香紅奶蓋（$36）

黑糖珍珠奶周圍都有，不過好飲既真係冇乜邊間。呢間我偶然路過就試下，我見到佢top3個款太極厚鮮奶都幾特別。不過安全起見，都係決定試返佢最招牌既黑糖珍珠奶😋嗰日咁岩有人一口氣買左十幾杯，所以都等左比較耐。今次就試咗佢哋嘅招牌嘅黑糖珍珠鮮奶👍🏻估唔到都幾有驚喜，黑糖同鮮奶完美咁融合起一齊，既有奶香，又有濃厚黑糖味，兩樣野既份量調配得岩岩好，比起幸福堂真係好飲太多啦！而另一杯鹿兒島抺茶拿鐵都唔會太甜，有抹茶獨有既苦澀，不過相對之下都係黑糖系列比較出色！

最近大熱嘅黑糖珍珠鮮奶，雖然都飲過好多次，不過成日都心思思想飲番杯 今日路過下站帖，有兩樣野吸引咗我去幫襯！第1～見到佢個大電視講明係用真鮮奶做飲品，我又偷睇咗鋪頭入面，的確係真材實料，並唔係坊間用嘅奶精！！第二～喺呢個乍暖還寒嘅冬天，我就被熱飲嘅圖片吸引左，平時飲開都係加冰的，冬天飲真係好凍嫁......老虎堂嗰啲係好出名，但天氣太凍真係唔想飲最後叫咗杯黑糖芝士厚醇奶（熱的），另外受人所託外賣杯爆切海檸茶（朋友話之前飲過，要encore!)嘩～台式飲品真係靚，好有層次！最頂有朱古力餅碎（我估係），之後有奶蓋，鮮奶，黑糖珍珠，杯周圍仲有黑糖掛杯。店員好細心，又教我先飲奶蓋，後再攪勻。因為係熱飲，仲比張紙巾我格一格，唔會燙手。人情味嘅野，就係啲連鎖式經營嘅店所沒有。攪勻後就咁嘅樣。下站帖嘅飲品都幾大杯，好抵飲我相信下次路過我會再買來飲，下次天氣暖番就飲杯凍嘅！下次再來，天氣仲凍就繼續飲熱嘅！見到朋友後，偷飲咗海檸茶，酸酸地幾開胃，無咩化學味，係真材實料嘅水果茶。

今日同朋友去尖沙咀逛街，朋友一直買，而我就覺得悶悶地，所以喺附近買杯野飲飲下。其實黑糖飲品不是新產品，好似幸福堂、老虎堂都係主打黑糖飲品嘅飲品店。老實講我飲親都覺得黑糖珍奶好好飲，不過味道每間差別都唔算大。今次我揀左少甜。感覺上這家的黑糖質地上並不是十分的濃稠，所以整體質地比較輕盈。黑糖的焦香味很突出，與奶味的比例亦算平衡，因此不會覺得甜膩。唯一值得挑剔的是，冰塊有點兒多，相信選擇少冰會更使人滿足！

呢排成日落尖沙咀🤣但廢青淨係識果幾條街🤪見到好多泰國遊客排隊買😆明明我係排第三個，點解我前面果兩張單可以有成廿杯野😭等～見佢店名同啲宣傳野好囂張下🤔咩battle同獎座之類，試完我發現⋯⋯佢又好似串得起喎🤨🤤·🥤黑糖芝士厚醇奶💰HKD36聽到個名都覺得肥🤣唔得🤨飲手搖係唔可以有呢啲雜念架！😌🙏🏻但我未飲已經心心眼😍👩🏻‍🍳店員係我地面前灑啲黑糖上去，再用火槍輕輕燒下，焦香味撲鼻👍🏻·😌芝士奶蓋😌唔算好濃好稠，飲落無咁漏，適合啲想試下芝士奶蓋但又唔中意太重口味既人·🤤黑糖味🤤 黑糖味好強烈👍🏻濃過老虎堂好多🤭但又唔會話甜到好誇張果種👍🏻朋友上次飲老虎堂話黑糖味太淡，啲冰又融得快就仲淡⋯⋯陰公豬🤪·🥰黑糖波霸🥰波霸Size真係無得輸！😏軟硬度適中，微微黑糖甜香咁就收貨架啦我利申：我從不飲細珠架～因係唔過癮🤣

又一間台式飲品店，最多人like既老虎堂幸福堂既開始既黑糖珍珠鮮奶風繼續飲唔停。今次呢間下站帖係香港同台灣人合作開既，都幾期待，而且開店既地點又係尖沙咀咁方便，無理由唔試。不過之前行街經過幾次都想試既時候都見到有人排隊，但又趕時間約左fd都試唔到，今日見到無咩人排，即刻買黎試下。連果天都叫我減肥聽日先諗。笑初頭店員見我望下望下主動出黎介紹，極力推薦我地試而兩杯：黑糖波霸厚醇奶：而家好多鋪頭好多都唔俾少甜少冰，怕甜既人都唔會試， 但今次而間相對之下都唔太甜，再加上面頭黑糖燒過，味道十分出，珍珠入口勁QQ彈牙，重黑糖味，同好有咬口，鮮奶香濃，真係老足本，真係又正又邪惡。日出蜜香紅奶蓋：奶蓋大方濃厚香滑，係極厚一層，夠結身唔會過鹹，芝士味夠香，茶，同芝士味都好夠，唔會搶大家味道，鍾意飲茶香既人之選。總括黎講，料夠足，茶夠香，甜度同如奇他出名既店一樣無得改，但係相比老虎堂佢係屬於減甜版，依，咁又ok喎，仲好無咁多糖，所以岩哂我，唔洗咁有罪惡感。依家攪到我成日心思思經過都想飲，真係對佢又愛又狠。😂😂😂😂

今日出開尖沙咀行街，經過近排好多飲品店開左既加連威老道，見佢裝修幾摩登，又突然好想飲黑糖珍珠飲品，於是就試下呢間飲品店！看見他們有4款比較受歡迎，於是便跟友人點了兩款試下！黑糖波霸厚醇奶($30)，呢度既黑糖沒有幸福堂咁甜，而我就較為喜歡這間的黑糖，起碼我可以成杯飲哂！他們的珍珠煙煙韌韌，唔會好淋，有咬口！等待飲品的時候，見列他們是用明治鮮奶的，所以飲品很滑！整杯感覺唔會好甜好漏！爆切海檸茶($28)，這款檸檬茶飲唔會好酸，淡淡的檸檬味加上茶香，易入口，令人有舒服清新的感覺！總括黎講，飲品的黑糖飲品比起幸福堂好飲好多，唔會甜到飲唔到，而且飲品店還有一個位置俾你影相打卡，有機會要再黎試下其他飲品！

下站帖，行過幾次都唔知呢間個名點解，今日諗住黎試下，終於見到原來下站帖係黎由台灣台中既品牌，諧音“下戰帖”，主打黑糖既飲品。佢既茶葉及原料都係由台灣產地直送，而且係用手製黑糖。自從之前老虎堂被爆「人手製黑糖」係假既我都無再飲，而香港幸福堂又結束營業！想搵杯好飲既黑糖鮮奶都唔係咁易！今次order左呢度top1既下站帖波霸厚醇奶！下站帖波霸厚醇奶 （$30）呢度既黑糖都做得幾好，比起我之前飲過老虎堂既黑糖，呢度又真係比較出色！而且呢度又有教你點樣飲係最好，有張最佳飲用絕招，分別教你兩招！第一招係搖勻後飲，口感甜度會係最好。而第二招就係先飲左一啖黑糖既香氣，再用飲管攪１２下，唔知１２下呢個數字係點黎架呢哈哈！我今次就試左第一招，等我下次試下先第二招先！

今日去左尖沙咀行街，行行下見到有間台式飲品店。最近香港的台式飲品店愈開愈多，間間都各有特色，而且人流又非常多。「下站帖」，相比起幸福堂，我更愛下站帖。鋪頭有個影相位，影相都好影架！飲品選擇好多，我叫左兩杯，一陣行街可以邊行邊飲啊！下午去左鋪頭，人客都唔少，等左10分鐘終於買到我最愛既飲品！我每次都會叫波霸厚醇奶，賣相真係好靚啊！珍珠奶茶，整得好一啲都唔容易！珍珠煙韌充滿口感，粒粒有咬口，而家中間唔會太硬太實，食完唔會好飽肚。甜度岩岩好，唔會太甜太膩。值得一讚奶茶底，奶味香濃夠哂滑溜，飲落又不失茶香，的確驚喜！另一杯叫左青檸茶，比珍珠奶茶輕盈清香，飲完珍珠奶茶之後再飲依杯，更加清膩開胃。

今次已經係第二次黎Next Battle喇，上次飲完覺得幾好味，就拉埋個朋友一齊飲位於加連威老道，附近都有好多唔同嘅珍珠奶茶舖，遲啲先再慢慢試～呢間我鍾意佢嘅位係佢有個位置專for打卡嘅，啱曬我呢啲鍾意相機食先嘅人黑糖波霸厚醇奶（$30）介紹咗我朋友飲呢杯下站帖波霸厚醇奶。可以嗌少冰少糖，所以唔洗太甜。雖然唔知佢個名下站帖係咩意思，但可能關地鐵事～ 杯蓋好得意，用左香港嘅鐵路圖～飲之前記住要搖匀！咁先飲到最好嘅味道～之後仲要攪下佢～ 黑糖珍奶唔算多飲，只係飲過兩三間，最鍾意嗰間之前都寫過openrice食評。另外一間係老虎仔，Next Battle嘅奶厚身啲，亦都濃味啲。個人口味就鍾意Next Battle嘅珍珠多啲。不過都係見仁見智啦！上面嗰杯係Top 1，我就叫咗杯Top 2——奶蓋紅茶。日出蜜香紅奶蓋（$36）一向都鍾意飲奶蓋茶，呢杯都冇令我失望🤓奶蓋厚身，又濃味。茶底係紅茶，有蜜糖味。 飲落有啲似蜂蜜綠茶！我好鍾意😛大家經過都不妨試下～Promotion：

這陣子開了很多黑糖珍珠奶茶的店子、老虎堂/幸福堂等等、近期喜歡上黑糖鮮奶、今日來到人氣小店下站帖又試上最後的黑糖珍奶。冬天系列的新品右面的是人氣No.1 的下站帖波霸厚醇奶 $30奶味濃、果然沒有失望、波霸珍珠較大粒煙煙韌韌好有口感！厚醇奶比起平常喝的珍珠奶茶口感更厚實香滑、奶味突出而且都沒有太甜、老虎堂個人來說比較甜。位高top 3 的黑糖太極厚醇奶$34 以貓耳杯子盛載、黑糖配上厚醇奶散發濃厚香氣、太極原來是花生跟芝蔴、特別得來又幾夾～

由佢開張到而家一直都話去飲但係完全冇咗件事，最近終於的起心肝行咗入去買咗杯黑糖珍珠鮮奶，雖然已經飲過無數咁多間台式飲品嘅黑糖珍珠鮮奶，但係仍然都會對黑糖珍珠鮮奶婆有好高嘅期望。由一開始老虎堂嘅神級黑糖珍珠鮮奶開始，一直都未搵到一杯同佢可以相提並論嘅黑糖珍珠鮮奶，然而呢度俾我 嘅感覺係非常相似，首先珍珠比厚厚嘅黑糖包住，雖然叫咗小甜，佢係加少咗黑糖嘅份量，但係仍然都有好濃厚嘅黑糖味道，加上佢用明治牛奶，濃烈嘅奶味去配黑糖其實真係一絕。朋友都唔執輸叫咗杯泰式奶茶， OK喎！比好多出邊嘅台式飲品店沖泰式奶茶嘅水準高好多，起碼真係有泰式奶茶嗰種獨特嘅香味，唔係溝左好多水嘅感覺。最貼心嘅係佢有個打卡位，啲燈同埋底下嘅毛毛Props最啱打卡！